|
قائمه أسماء من موبايل بنت ســودانية وشاب سوداني
|
o قائمه أسماء من موبايل بنت ســودانية :
عمو عثمان عمتو التومه الحنانه ستنا جاره خالتو فاطمة الحنانه اللي حننت بنت خاله بت أهل جاره عمتي...آمنة ننه بتاعت الكوفير هيثم بتاع البوتيك احمد بياع الكريمات خطيب أختي رشــا عماد القابلتو صد فة في المواصلات خطيبي المغترب في بلاد الواق .......الواق واحد مشكساه من الشات عمر بتاع ا لركشة ترحيل الجامعة محي الدين الببدل العدة
o موبايل شاب سوداني : ادم بتاع التمباك عثمان بتاع البوش زعمطة الحلاق علي امجاد الجلوك الجكس بتاع الردمية الجكس بتاع الجامعة ود المغترب النقاطة سعدية بتاعت العرقي سسويه بتاعة تحويل الرصيد
|
|
|
|
|
|
|
|
Re: قائمه أسماء من موبايل بنت ســودانية وشاب سوداني (Re: baha eassa)
|
معاذ السر ...
كيفنك
Quote: خطيبي المغترب في بلاد الواق .......الواق واحد مشكساه من الشات عمر بتاع ا لركشة
محي الدين الببدل العدة
ود المغترب النقاطة
|
مبالغة ‘‘‘
تعرف يامعاذ قمة المتعة لو سمحت لك الظروف واخذت ليك
موبايل واحد من الشباب وعرفت مابداخلة بتموت من الضحك ‘‘‘
بس المشكلة فى طريقة المخاطبة اثناء المحادثة فيها اشكالية كبيرة‘‘‘
يعنى وانت بتستمع لواحد بتكون عارف الثانى بقول فى شنو والموضوع زاتو
ماتعرفها طيبة ولا شنوا ‘‘‘
والكذب اثناء المحادثة .... مبالغة
والمس كوووووووول ‘‘‘ احسن واحرف ناس بتعملوا ‘‘‘
| |
|
|
|
|
|
|
Re: قائمه أسماء من موبايل بنت ســودانية وشاب سوداني (Re: moaz elsir)
|
منتهى الرمحي ، عفواً الروعه يا أخي لي مده ما ضحكت جنس الضحك ده. طبعاً الموبايل ده فيهو كمية بتاعت مفاجأت وأجد أن القائمتين هما قوائم من الواقع يعني لو فتشت زي ستة وثلاثين موبايل حا تلقي على الأقل قائمة واحده من القوائم دي مع إختلاف الأسماء بالنسبة للعم والعمة والحنانه. == مشكلتي إني شخص أشتر عديل كده أشوت بلنتي يطلع رمية تماس ، أها يقوم أخوي يجينا زيارة ومعاهو زوجته ويقعدوا ليهم كم يوم كده وزوجته من النينجا ، يعني تراني ولا أراها ، وفي راوية أخرى أسهل ليها تشوف كتاحه في سوق التشاشه ما تشوفني أنا face to face والحال كذلك عندها موبايل الخالق الناطق من موبايل أخوي (زوجها) يقوم يوم الموبايل يضرب ويتبرع أخوك بالرد نسبة لأن الناس كانت في زحمة الفطور وما بعد الفطور من شاي وهلم ، أعاين في الشاشه ألقى ليك العبارة التالية: ش صفيه قلت بس ديل ناس شركة صفية دايرين أخوي أكيد في موضوع business فخليني أتقمص دور الـ operator وأرد يمكن ينالنا من الطيب صالح أونصيب لا فرق ، أها لمن رديت سمعت صوت نسائي ، قلت برضو يمكن تكون سكرتيرة الشركة ، أها السيدة على الطرف الثاني قالت لي فلانه في قلت ليها فلانه منو ، قالت لي ده مش موبايل فلانه، قلت ليها آي ليه ، أها في النهاية قالت لي قول ليها فلانه إتصلت. وبعد فترة عرفت أن مصطلح ش ده يعني شيخه وليس شركة وشلاقتي هي التي جعلتني أرد ، الأمر الذي أصبحت معه لا أرد على تلفوني الموبايل حتى. == الفوكس جاي سكران لط ، أحد أولاد لحلة حاول يلعب معاهو قال ليهو أقيف يا زول أنا أ. س. ، فرد عليه الفوكس أنا ف. س. فسأله شنو يعني ف. س. قال ليهو وشنو يعني أ. س. فرد صاحبنا إستحبارات عسكرية فرد الفوكس ، ف.س تعني فوكس سكران.
| |
|
|
|
|
|
|
Re: قائمه أسماء من موبايل بنت ســودانية وشاب سوداني (Re: yasir tamtam)
|
الفنان المبدع ياسر تمتام تحياتي واحترامي ،،، زمناالكنا شباب!!! ما كان فى موبايلات بمناسبة الموبايلات دي عمنا حسن جارناربنا يديه الصحة والعافية عنده تاكسي اول ما طلعت الموبايلات ركب معاه واحد فجاة اشوف الزول طلع شئ من جيبة وقعد يتكلم عمنا حسن كان عاوز ينزله مفتكرو بتكلم مع نفسه! مع خالص ودي
معاذ
| |
|
|
|
|
|
|
|