|
كتب الكاتب الفاتح جبرا المتوفرة بمعرض الدوحة
|
|
 Re: هذا الوقت من العام (Re: fadlabi)
|
هكذا يا جميلنا ..
في هذا الوكت من كل عام ..
سأحبك أكثر ..
ثم أيمم وجهي شمالا و أبخ ما عندي لهواء الكريسماس الفرِح ..
فيجيك معبا بينا .
يا أبو مدينة ..
يا جميلنا ..
كل المنى ليك .
أعيادك مباركة و سعيدة .
| |
 
|
|
|
|
|
|
|
|
Re: هذا الوقت من العام (Re: Emad Abdulla)
|
عمدة العمدة
أقسم أنه أحيانا كثيرة و في أوقات مختلفات و كأني كمن قال مدد.. فمدوه, يلمس روحي هواء طيب .. أظنه دائما جنوبيا
فيغسلها ..فأقوى و يشتد جلدي.. و أستغفر الله العظيم و أواصل.
ما تنقطعوا.. بالله بخونا بخ الجن يا صاحب
| |
|
|
|
|
|
|
|
|
|
Re: هذا الوقت من العام (Re: عمرو كمال ابراهيم)
|
عموري المحامي الكلس
يا زول دي ما العولمة.. البنطون براه؟؟ نحنا ناويين نعمل ويبسايت لكل حي من أحياء الفاضلاب المختلفة.. ممكن الواحد يشتري فيه أونلاين.. يعني كان داير ليك حمارة من البدواب و إنت ساكن كوع الجنة.. ما تكلف نفسك المشوار بس كليك تشتريها و معاها برسيم تلاتة يوم.. هيع!!
| |
|
|
|
|
|
|
|
|
|
Re: هذا الوقت من العام (Re: fadlabi)
|
| Quote: يا زول دي ما العولمة.. البنطون براه؟؟ نحنا ناويين نعمل ويبسايت لكل حي من أحياء الفاضلاب المختلفة.. ممكن الواحد يشتري فيه أونلاين.. يعني كان داير ليك حمارة من البدواب و إنت ساكن كوع الجنة.. ما تكلف نفسك المشوار بس كليك تشتريها و معاها برسيم تلاتة يوم.. هيع!! |
أجل أجل هي العولمة يا با مدينة..
عندنا صاحبنا جنو وجن البرد، لو داير يشتري ليهو قهوة، والمقهى ما عندو drive-through، بخلي القهوة ذاتها، فصاحبنا مغرم جداً بالدرايف ثرو، فقال: لما يرجع البلد حيعمل ليهم درايِف ثرو للحمير، وكمان يركب للسروج coffee holder بجانب الخُرُجْ..
___
كل سنة والجميع بخير والمسحيين بصفة خاصة..
| |
|
|
|
|
|
|
|
|
|
Re: هذا الوقت من العام (Re: Yassir Tayfour)
|
ياسر صاحبنا الكندي
يا زول صاحبك ده أكيد في زول سبقه من أخوانا البرقو.. يا ياسر الناس ديل بكشبوا العجلات دي كشب عجيب.. يا مان مرايات و راديو و القهوة لو كانوا من ناسها كان العجلة بكون فيها كوفي ماشين مش هولدر بس..
كل سنة و أنت طيب
| |
|
|
|
|
|
|
|
|
|
Re: هذا الوقت من العام (Re: fadlabi)
|
بعدين يا ياسر
الدرايف ثرو ده أنا شفته في السودان يعلم الله قبل ما أشوف بلاد بره
في نمرة 2 كان في ناس ببيعوا اللي بالك في قزاز كريستال
يا مان درايف ثرو زي الدرايف ثرو ذاتو
| |
|
|
|
|
|
|
|
|
|
Re: هذا الوقت من العام (Re: الملك)
|
الملك الملك 
يازول أركب تعال بس.. مدينة ذاتها مشتهية شوفة أعمامها..
يا سلام على الصورة ياخي .. تعرف يا ملك بنطون الفاضلاب ده كان بوابة الجنة عديل كده.. في المرات الكنا نزور فيها الفاضلاب . بالذات و نحنا صغار.. لا حولاااااااا يا زول جنس شغب.. و الله بلا حد ولا حدود.. اللهم إلا إنه على جهة أم تمر كان في بيت واحد من أعمامنا مرعب شوية و الجوطة الكان بتجوطها حبوبتي مدينة و قت تعرفنا مشينا البحر..شكرا على الذكريات الجميلات يا ملك
لكن البيت المشتاق ليه أنا في شمبات
| |
|
|
|
|
|
|
|
|
 Re: هذا الوقت من العام (Re: fadlabi)
|
محمد كل سنة وانت طيب
بتعجبني شديد الاهزوجات بتاعة الكرسيماس وبتدخلني في جو جميل يعلم بيهو ربنا بس
واكتر حاجات بتعجبني
يوبيتر وتش اوت ...سانتا كلوز ايز كمينق تو تاون
وفاليز نافيداد
سايلانت نايت
| |
|
|
|
|
|
|
|
|
|
Re: هذا الوقت من العام (Re: fadlabi)
|
Quote: أقسم أنه أحيانا كثيرة و في أوقات مختلفات و كأني كمن قال مدد.. فمدوه, يلمس روحي هواء طيب .. أظنه دائما جنوبيا
فيغسلها ..فأقوى و يشتد جلدي.. و أستغفر الله العظيم و أواصل. |
والله ياكا الفاضلابي (الختري) زولنا زاته
للاماكن ذاكره كما الزمان
لذلك نزكرك بشده
في مثل هذا (المكان)
من العام
اشواق من اخر زقاقاق في الروح يا ابو مدينه
العاجبنا زينه
| |
|
|
|
|
|
|
|
|
|
Re: هذا الوقت من العام (Re: naeem ali)
|
| Quote: والله ياكا الفاضلابي (الختري) زولنا زاته |
اللهم يا مثبت القلوب.. ثبت قلب صاحبي على حبي
النعيم الكلس راجل المايقوما الليه القومة
يمين إنت ولي
الله يقدرك و يزيدك..
| |
|
|
|
|
|
|
|
|
|
Re: هذا الوقت من العام (Re: fadlabi)
|
أضرب لي معاك واخد بالك يافاضلابي
أضرب لي معاك (بالثلج)
وهنئهم كما ينبغي
هنا مافي اي كريسماس
ياخ مولد الله والرسول دة
زاتو مافي
ــــــــــــــــــ
حليل حلاوة المولد في السجانة ياخ
| |
|
|
|
|
|
|
|
|
|
Re: هذا الوقت من العام (Re: خضر حسين خليل)
|
خضر صاحبي كيف أحوالك يافردة
كلو تمام؟
Quote: ياخ مولد الله والرسول دة
زاتو مافي |
زمان يا خضر كان في بيت في شارع أزهري في بحري كان دايما فيه أنوار و زينة أيام الكريسماس
لسة في البيت ده يا خضر ولا أسياده سافره برضو؟
المولد بقى مافي يا خضر؟؟ كيف يعني؟
كان عندي عم إسمه عبدالله بقولوا ليه الملك.. كان بيجينا قبل المولد بيوم و معاه حلاوة لي و لي أخواتي و أخوي
كان أكبر علامات المولد بالنسبة لي
برضو بتذكر أول موضوع إنشاء كتبناه في رابعة إبتدائي كان عن المولد
يا سلام ياخ كانت أيام جميلة يا خضر و الله
| |
|
|
|
|
|
|
|
|
|
Re: هذا الوقت من العام (Re: fadlabi)
|
Quote: كامل تضامنا و الله
دي مسألة محتاجة تضامن من كل الشباب |
الله يقطع طاريك يا فاضلابي
وحاتك اخوك لامين دموعو شووو جرن
من الضحك .
ـــــــــــ
أسمعني شوفو لينا عمرة شيك سياحي
اي حاجة
| |
|
|
|
|
|
|
|
|
|
Re: هذا الوقت من العام (Re: خضر حسين خليل)
|
يا خضر ده كلام ده
زول عاقل زيك البوديه السعودية شنو؟
و الله المعايش صحي جبارة
أركب تعال ساي يا زول
قدم للجامعة الجامعات دي بتقبل الناس كلهم
و تعال حصل باقي عمرك ما تضيعوا في البلد العجيب ده يا زول
كان أبو ليك بنشوف ليك سكة تانية
| |
|
|
|
|
|
|
|
|
|
Re: هذا الوقت من العام (Re: fadlabi)
|
فاضلابي
ياصاحبي والله المعايش معفنة عديل موش جبارة
المهم بوستك دة شكلو ماشي يبقي من كريسماس
لي برنامج هجرة
هسي داير اقول ليك انا فوضت امري لله وليك
اي جامعة كلية مدرسة دايرين ليها غفير
اي حاجة قول لي عوك في الايميل دة
[email protected]
والسلام عليكم شديد وكريسماس سعيد ليك ولي مدينة
ولعموم أهلنا في الانسانية في بلاد برة .
| |
|
|
|
|
|
|
|
|
|
Re: هذا الوقت من العام (Re: fadlabi)
|
فاضلابي
ياصاحبي والله المعايش معفنة عديل موش جبارة
المهم بوستك دة شكلو ماشي يبقي من كريسماس
لي برنامج هجرة
هسي داير اقول ليك انا فوضت امري لله وليك
اي جامعة كلية مدرسة دايرين ليها غفير
اي حاجة قول لي عوك في الايميل دة
[email protected]
والسلام عليكم شديد وكريسماس سعيد ليك ولي مدينة
ولعموم أهلنا في الانسانية في بلاد برة .
| |
|
|
|
|
|
|
|
|
|
Re: هذا الوقت من العام (Re: محمد عبد الماجد الصايم)
|
حمودي أمحمد.. يا زول إنت بديتها بدري خلاص
شهادة عربية كمان؟؟ يا مان أيوب يتعلم منك و الله
إبن آدم عجيب و قدرته ما ليها حد 
الله يقدركم يا شباب و بالجد كامل تضامنا معاكم في المعتقل..
العزابة كتروا من العطرون
و المعرسين إهتموا بصحتكم النفسية يعني ما تفرغوا القهر كله في شركاء حياتكم..
| |
|
|
|
|
|
|
|
|
|
Re: هذا الوقت من العام (Re: fadlabi)
|
| Quote: لكن البيت المشتاق ليه أنا في شمبات |
بتذكر مرة "أيام ما كان ضياء,,,عزابى شوية
إتصور الباب ,,,وجنبو الجهنمية
,,,
,,,
لكن بختها ليك
| |
|
|
|
|
|
|
|
|
|
Re: هذا الوقت من العام (Re: fadlabi)
|
نحن غايتو في السودان في هذا لوقت من العام زي في هذا الوقت من العام كل سنة !!!!!!!!!!!!
أو أقول ليك , المرة دي زي ما قال عاطف خيري :
" كورت الأرضُ فَمها
لقبلةٍ – لا ندري – أم للبصاقْ "
- غايتو : merry christmas يا صديق .
| |
|
|
|
|
|
|
|
|
|
Re: هذا الوقت من العام (Re: الوليد محمد الامين)
|
عارف يا وليد أوربا دي فيها الوقت عنده شكل جدجد
أنا شفت الفصول البنقراها في كتب المطالعة دي أول مرة هنا
السنة الزول بشوفها بدون ما يعاين في نتيجة الحيطة
كل سنة و أنت طيب
و عام جديد مليان نجاحات يا وليد
| |
|
|
|
|
|
|
|
|
|
Re: هذا الوقت من العام (Re: naeem ali)
|
فاضلابي
عيدك مبارك
اليوم في نفس الوقت ده
السنة الفاتت سعيد انت
واليوم اسعد وبكرة في نفس الوقت الجاي
تكون اسعد واجمل
ومدينة دنياك الحلوة في النعيم والنجاح
ويا نعيم رسل لي اخونا فاضلابي
الرابط عشان نشوف طلتو معانا
خليكم في العافية
ايامكم اعياد
| |
|
|
|
|
|
|
|
|
|
Re: هذا الوقت من العام (Re: محمد سنى دفع الله)
|
فاضلابي ازيك تاني ...
ياخي الوقت و الفصول بس؟
يا زول اوروبا دي اي حاجة فيها جد جد ..
الناس ذاتم جد جد , عليك الله هسه لاقوك هناك ناس كضابين زي ناسنا ديل ؟
الناس جد جد والعربات جد جد والواصلات جد جد ,
ياخي الطماطم ذاتا جد جد
| |
|
|
|
|
|
|
| |
fadlabi
Emad Abdulla
الملك
عمرو كمال ابراهيم
Yassir Tayfour
Rawia
naeem ali
خضر حسين خليل
محمد عبد الماجد الصايم
محمد سنى دفع الله
عبدالعزيز الفاضلابى
فيس بوك
تويتر
انستقرام
يوتيوب
بنتيريست