|
كتب الكاتب الفاتح جبرا المتوفرة بمعرض الدوحة
|
|
 Re: لفـت نظـر لحسـين ملاسـي . . . (Re: عبدالوهاب علي الحاج)
|
ضحكت فينا الناس عشان كدا انا تاني ما بخليك براك وهسه حأعمل ليك تمارين ادربك على الاسماء الخمسة واعرابها . اول حاجة بعمل امتحان تحديد قدرات وبشوفك واقف وين عند ست فلة ولا اتقدمت شوية وبعد كدا كل يوم شوية شوية لحدي ما تطلع من النفق الضيق دا . عشان ناس محسن وود جبرالله يسكتوا للابد.
1/ اعرب ما تحته خط
أ - قال تعالى : (فَلا تَحْسَبَنَّ اللَّهَ مُخْلِفَ وَعْدِهِ رُسُلَهُ إِنَّ اللَّهَ عَزِيزٌ ذُو انْتِقَامٍ)
ب - قال تعالى : (لِيُنْفِقْ ذُو سَعَةٍ مِنْ سَعَتِهِ وَمَنْ قُدِرَ عَلَيْهِ رِزْقُهُ فَلْيُنْفِقْ مِمَّا آتَاهُ اللَّهُ لا يُكَلِّفُ اللَّهُ نَفْساً إِلاَّ مَا آتَاهَا سَيَجْعَلُ اللَّهُ بَعْدَ عُسْرٍ يُسْراً)
ج - قال تعالى : (فَبَدَأَ بِأَوْعِيَتِهِمْ قَبْلَ وِعَاءِ أَخِيهِ ثُمَّ اسْتَخْرَجَهَا مِنْ وِعَاءِ أَخِيهِ كَذَلِكَ كِدْنَا لِيُوسُفَ مَا كَانَ لِيَأْخُذَ أَخَاهُ فِي دِينِ الْمَلِكِ إِلَّا أَنْ يَشَاءَ اللَّهُ نَرْفَعُ دَرَجَاتٍ مَنْ نَشَاءُ وَفَوْقَ كُلِّ ذِي عِلْمٍ عَلِيمٌ)
اعرب ديل وبعد كدا نشوف درجاتك
| |
 
|
|
|
|
|
|
|
|
Re: لفـت نظـر لحسـين ملاسـي . . . (Re: عبدالكريم الامين احمد)
|
كيكي ياصديق
Quote: حرم بوست لو في عنوانو زين او ذال ما بقرب جنبو
وما بكتبهاعمرو عامر في الاسافير السودانية والعربية دي
ما بهوب ناحية (ذو وذا ديل).... |
والله نحن غرضنا الاصلاح
ومحسن صحبك دا عصر على الزول دا شديد
ونحن اولاد بحري ديل ما بنرضى فيهم والله مهما يكون
وهو في النهاية محسوب علي . اسوي شنو يعني
________________________
الزمن ياعمك وين انت ؟
| |
|
|
|
|
|
|
|
|
|
Re: لفـت نظـر لحسـين ملاسـي . . . (Re: عبدالوهاب علي الحاج)
|
عبدالوهاب وكيكي .. مالكم علينا،
هسي تكتّروا العصر يقوم يفتح لينا بوست في كمال الجزولي ..
أو يتهّمنا بالقراية بالكرعين بعد الإضنين
______
واحد عامل زيك كده، ومخاوي سيبويه، جا صاحب أخوه يسأل منو، وخايف من حكاية الأسماء الخمسة دي. فقال ليهو (أخوك .. أخاك .. أخيك .. موجود؟) ...... الراجل قال ليهو: (لا ... لو ... لي غير موجود)
| |
|
|
|
|
|
|
|
|
|
Re: لفـت نظـر لحسـين ملاسـي . . . (Re: محمد أبوالعزائم أبوالريش)
|
| Quote: وخريطة الكنز كيف؟ ياخ إنت قديم خلاص |
الاخ ود ابو العزائم
من ناحية قديم في دى إنت الصادق ,, بس ياخوى خريطة الكنز دى من زمنامما يُنبئ بأنك دفعه - أنه زمن التعليم الحكومي الجميل زمن كان من يدرس في المدارس الخاصه (المُعانه) يُنظر إليه بأنه أقل مستوى من طالب المدارس الحكوميه- وجاءت الإنقاذ وإعُلن الإفلاس فصار من يدرسون في المدارس الحكوميه هُم الاقل مستوى من جميع النواحي وصارت هذه المدارس لذوى الدخل المهدود وبالرغم من ذلك يدفعون جبايات لتعليم أبنائهم وبناتهم,, وصارت المدارس الخاصه والمسمي (مُعانه) في زماننا هي الاصل والاساس لمن إستطاع إليها سبيلا ,, وماأكثر أثرياء الحرب في بلادى في زمن الإنقاذ..
| |
|
|
|
|
|
|
|
|
|
Re: لفـت نظـر لحسـين ملاسـي . . . (Re: عبدالوهاب علي الحاج)
|
الأخ عبدالكريم ..
(المُعانة) دي طبعاً في الوسطى "الثانوي العام" والثانوي العالي، وهي مدارس بين التعليم الحكومي والتعليم الأهلي، أي أنها أفضل من التعليم الأهلي وأقل من الحكومي من حيث التقييم.
أما الأولية أو الإبتدائية حيث كانت المدونة الطبيعية وحساب التلميذ، فلم يكن هناك تعليم سوى الحكومي ........ والاّ مش؟
_______
يخيل لي خرّمنا من موضوع البوست
| |
|
|
|
|
|
|
|
|
|
Re: لفـت نظـر لحسـين ملاسـي . . . (Re: Mohamed E. Seliaman)
|
شنو ياوهبة
مع أستاذك الخصوصى بى جاى يجضم فيك بالنصب والجر..
ونحنا بى هناك فى حصة الدين يجضم فينا بفك التسجيلات..
إنت يازول لو عايز عربى قدر البكفى المنبر دا عليك بمحسن..
لكن لو عايز تبقى:
هوايتك القراءة..
ومهتم بالأدب الجاهلى المعاصر(الحديث سابقا) عليك بأستاذE
MESsiah ليك اللحم ولينا العضم فى التلاميذ دول..
| |
|
|
|
|
|
|
|
|
|
Re: لفـت نظـر لحسـين ملاسـي . . . (Re: عبدالوهاب علي الحاج)
|
| Quote: الجاهلى المعاصر(الحديث سابقا) |
تعرف يابلبل
حكاية الجاهلى المعاصر دي بتذكرني
بالبكاسي الجديدة الرابطين ليها
صندوق بتاع موديل 78 ياخي زولك دا حيرني عديل امبارح بيرقّد لي بيقول اهتم بالهمزات وكدا قلت ياود خلاص البساط بقى احمدي والعالم الجليل دا رضى عنك ، دخلت ليهو في بوست عصام جبرالله قلت ليهو يا MES ياخ صورة بروفايلك دي كبيرة ، صغرتها ليهو وقلت ليهو استعمل دي من باب التناصح وكدا تتخيل قال لي شنو قال لي انا ما بحترمك شتمني بالانجليزي يابلة عليك الله الزول دا تاني بنضمن .
انا غايتو عمري ما اتعرضت لاهانة قدر دي جابت ليها شتيمة بالانجليزي كمان قبل كدا برضو طرد ودالصايم بالانجليزي يعني يابلة تاني الواحد يجي خاشي المنبر دا الايعمل حسابو يجي شايل ليهو دكشنري ولا يركب ايزي لنقو .
وبعدين يابلة الزول دا شنو حكايتو بالصباح عربي وبالليل انجليزي دي ناس علم النفس ما قالوا فيها حاجة انتو دكاترة وبتعرفو الحاجات دي مستر ميس ودكتور هايد او العكس ولا الحكاية شنو ولا الحاصل ايه والجراداية في سروال ولا في الراس ولا في الكراس ولاشنو جننتونا ذاتو ياخ
| |
|
|
|
|
|
|
| |
عبدالوهاب علي الحاج
العوض المسلمي
بشير أحمد
عبدالكريم الامين احمد
نزار الحميدي
محمد أبوالعزائم أبوالريش
عبدالكريم أحمد الامين
Mohamed E. Seliaman
Balla Musa
فيس بوك
تويتر
انستقرام
يوتيوب
بنتيريست