يا بني السودان كل ما تمر به بلادكم هو إبتلاءت وتأمر ...

Quote: الغريبة أنو الصهاينة والأمريكان المفترى عليهم هم القاعدين يقدموا المساعدات الانسانية للنازحين فى معسكرات الذل التى فرضها النظام البائس على شعبه , وهم الذين يمارسون الضغوط على الحكومة لتعود لرشدها وتوقف عمليات الابادة فى حق مواطنيها , انت عارف يا أخ عبدالناصر حكومتنا دى ما عايزة أى تدخل من أى جهة يحول دون تنفيذ سياساتها الغريبة الرامية لا بادة مواطنيها , يعنى دايرين يا خدوا راحتهم على الآخر فى الولوغ فى دماء الأبرياء , سمعنا ب زول مجنون وفى الغنا سمعنا ب زول شقى ومجنون , لكن حكومة مجنونة يطرشنا , والمحير أنهم حتى الآن يعتقدون أنهم على صواب , وأبواغهم على صفحات هذا المنبر لا تكف عن الزعيق محاولة تحميل المظلوم وزر ما يحدث فى هذا البلد المنكوب . وكت الواحد فينا يفتح خشمو يقول ليهو الصهاينة والأمريكان عندهم أجندة خفية و طمعانين فى ثرواتنا , طيب الحكومة دى أجندتها الما خفية هى الموت الأحمر و بتاكل فى أموالنا ليها عشرين سنة , على الأقل الصهاينة حياكلو ثرواتنا وما حيكتلونا, طيب الصهاينة أرحم شوية لأنهم على الأقل حيخلونا على قيد الحياة ولا شنو الفهم ؟؟ طيب النجرب الصهاينة ديل شوية طالما الخيار بقى محصور فى حكومة الكداينة والصهاينة.

Quote: شماعات الانظمة الفاشلة وبعد ثبوت فشل نظرية الاسلام السياسي على يد كيزان الجبهة الذين ما تركوا بدعة الا وجربوها فينا وعلى ايدي ناس طالبان الاخر ما وصلوا ليه جلد ناس الكورة وناس محاكم الصومال الذين اعظم انجازاتهم رجم قاصر عمرها 13 سنة بالحجارة ومجرمي حماس في غزة المعيشين الناس في الضنك والظلام والجوع والخوف، وحكمة الله نفس الحجة البلاء والتامر وكانه والعياذ بالله ربنا ما عنده ناس يبتليهم غير الناس الذين يحكمهم الطاهرون والمتامرين ما عندهم شغلة غير الناس الذين يحكمهم وكلاء رب العالمين في الارض.