حمزة سليمان ... تاني صوتك فارق..

Quote: المشكلة الأساسية في صوت قناة زول.

Quote: نأتيً للفنان حمزة سليمان فأنا لم اقتنع يوماً بأنه يملك صوتاً مطرباً ، حمزة سليمان ملحن موهوب ورجل مهذب يحسن اختيار كلمات أغانيه وملحن رائع ينقص كثيراً من قدر الحانه محاولاته تطويعها لتلائم صوته الضعيف وهو ما نحمد لقناة زول الضعيفة الصوت كشفه ، بالأضافه إلى جرأته للغناء بدون فرقة موسيقية كاملة كان يمكن أن تخفي الكثير من عيوب صوته . كمستمع أنصح الفنان حمزة سليمان أن يكتفي بالتأليف الموسيقي والتلحين وإن كان ولا بد من الغناء ، فقد يكون ذلك خياراً مقبولاً لو غنى ضمن فرقة.

Quote: فعلا فارق ولو صوت قناة زول ردئ (زي فنانينا القاطعاها من راسا) بيصلك الغنا السمح ولو في قمقم

Quote: تعرف انا لو قرأت قرأن كريم انت ح تقول كلام دة وانا ما ح ابرر ليك لكن اقول ليك كن جميلا ترى الوجود جميلا

Quote: لو كان أداء حمزة الغنائي زي ما بتقولوا عثمان النو ما كان خلاهو يغني في عقد الجلاد.

Quote: عاد انا دي اخير الننقدر علي خشمي ده

Quote: يبدو أن رأي معظم حضور تلك الأمسية كان من رأيكم با الزوول؛ فما أن يبدأ حمزة بالغناء إلا و تبدأ الونسات و المسالمات و المقالدة!![/B]

Quote: النقد غير مرفوض ولكن ، ما هي المعايير التي إستندت عليها لإطلاق هذا الحكم في صوت حمزة بإنو فارق؟

Quote: توقعت أن يزجر محجوب شريف المتقالدين أثناء فقرات حمزة الغنائية؛ و هو الذي بدا مهموماً بمشاعر الآخرين؛ إلا أنه و بدلاً عن ذلك كان محوراً للتقالد.

والله يا حسين الواحد بقى ما عارف .. لكن جاني إحساس إني زي بقيت زنديق أو مارق حتة واحدة .. بس عشان قلت رأي واضح

في صوت حمزة سليمان المغني...ولكن جدلية أن "يكون المرء جميلاً" دي غايتو أظنها قسمة ونصيب برضو..

بالله اتفرجتوا على سهرة النيل الأزرق الكان فيها سيف الجامعة؟؟ لا حول ولا قوة إلا بالله.. طرب أصيل.. وصوت مليان بالأصالة والجمال..

الغريبة قاري تربية عادي جداً..وإنت ماشي بعيد مالك؟؟ أنا بالمناسبة من أهل كروان الحقيبة بادي محمد الطيب عليه الرحمة..

أي زول في الحلة عندنا ممكن يغني حفلة الفاصل الواحد 15 أغنية..

والله أنا يبقوني عميد كلية الموسيقى والدراما إلا أعمل منهج تكون فيه مواد إجبارية "حقيبة: كرومة .. سرور..عبد الله الماحي.. زنقار.. حتى بادي" و"مديح: حياتي .. أبو شريعة.. حاج الماحي..ود سعد.. حتى الشيخ البرعي" و "الكاشف وحسن عطية وعبد الحميد يوسف والتاج مصطفى.. حتى مصطفى سيد أحمد"..وأعمل مواد إجبارية برضو "تراث منطقة النيل الأزرق" وتراث "منطقة جنوب كردفان"...إلخ.. عشان البيعرف يستمر والما بيعرف يتخارج بدري بدري يشوف ليهو اتصالات ولا هايس ولا أمجاد يترزق الله غادي غادي..


قال معايير قال..