|
Re: فى الرد على المدعو بدرالدين الامير ... (Re: ودرملية)
|
من دخل دار ود رملية كان مامونا الحكاية ومافيها: كنا اليوم رهط من الاصدقاء والمعارف والاهل جمعهم ودرملية الذى اجل ضحيته لليوم الثالث لكى يحظى بكل الاحباب والاصفياء ولا يدرى ودرملية الهاش الباش الفرحان بلمة الاهل والاصحاب ان هناك خونة ومندسين وهماـ بالتحديد اللعين كيكى والانصارى المشوطن ابن خالتى محمد عبدالرحمن دبر الانصارى للجريمة وهو صاحب سوابق في هذا الامر ونفذها كيكى . اثناء ترحاب ودرملية بالضيوف وإنتقاله مابين بوخ الشواء وتكرار السلام ومسادير الترحيب . نفذ كيكى الجريمة المخطط لها من قبل الانصارى وتسلل لكمبيوتر ودرملية الموجد فى الصالون وتم احتلال حسابه وتغير الكود وفتح بوست على عجل بالعنوان اعلاه وحين وصولى وجدت ودرملية في حالة تحنن بعد علمه بالجريمة يقدم للناس الشية ويقوليهم هاكم المرارة يقدم العصيدة يقوليهم امسكو الشية دى وحين وصولى نادانى باسم ابنى اهلا لبيد ابوك المتلبنن ده مابجى لضحيتنا قلت لودرملية قول بسم الله لبيد كان هنا قبل سنة . وهنا تبدأ قصة اخرى ولناعودة
| |
|
|
|
|
|
|
Re: فى الرد على المدعو بدرالدين الامير ... (Re: بدر الدين الأمير)
|
هلا يا ودرملية وحباب المدعو بدرالدين الامير.. وشنو يا بدرالدين خلاص يعني عاوز تلبس الموضوع وعي الفكر العربي وتدي الموضوع ثياب نظرية الموامرةيا عقل يا تجريمي يا انت.. احنا كجمهور اسفيري نطالب ود رملية انتو يضرب بيد من حديد ومش انت يا بدرالدين صاحب شعار (مافي مباركة)..خلاس احنا شعار المرحلة مافي مباركة او مبروكوواصل يا ودرملية فنحن دايرين اثارة واكشن تقيل نووو مباركة...داون داون نظرية الموامرة كيكي البرئي يا بيه
| |
|
|
|
|
|
|
Re: فى الرد على المدعو بدرالدين الامير ... (Re: بدر الدين الأمير)
|
تعرف يا بدر القصة دي لو بقت جريمة فاكيد لكل جريمة هنالك ثغرة... 1-المتهم الاول اللهو انا نكرت....او بالواضح كده وقفت بعيدا وانا بري براءة الذئب هزبر الذي اكل سيدنا يوسف 2-محمد عبدالرحمن المتهم التاني غايب في الروكايب 3-ود رملية ذاااتو غايب وكون يكتب سلامات وعوافي في النهاية دي ما بينة يمكن للقضاة الاسفيرين الاعتماد عليها واحتمال يكون نيو لوك جديد بع حضور ابنه الجميل محمد
دفاعك تعبان يا بدر الدين اخير منو دفاع المريخ شوف ليك محامي اسفيري ششششاطر يلف حبل المشنقة حول المتهمين
انا غايتو بعيد من الموضوع ده وقاعد اتفرج بس في انتظار النقاط الحتمشي للحروف
| |
|
|
|
|
|
|
Re: فى الرد على المدعو بدرالدين الامير ... (Re: عبدالكريم الامين احمد)
|
Quote: (عدل بواسطة عبدالكريم الامين احمد on 10-12-2008, 05:42 م)
|
حسع ده تعديل زول مسكييييييييييييييييييين دى على أنا يا كيكي ياخ
-------- قبل يومين اتونست مع زول من اصحابى من زمن حفروا البحر ولخبت بين ايميلك وايميلو لانو اسمو زيك وشبكتو ليك ونسه مافهم فيها اللى تكتح
سألتو من مرتو على اساس انو انت اتخلع ومانقشت الاّ لمن قال لىّ انتى نسيتى انى انفصلت بعد سنة من الزواج
اها شفت ليك براءة ولا دروشة دى؟
| |
|
|
|
|
|
|
Re: فى الرد على المدعو بدرالدين الامير ... (Re: Ishraga Mustafa)
|
Quote: قبل يومين اتونست مع زول من اصحابى من زمن حفروا البحر ولخبت بين ايميلك وايميلو لانو اسمو زيك وشبكتو ليك ونسه مافهم فيها اللى تكتح |
انتو ياجماعة مالكم اليومين دي كده في شربوت تقيل في المنافي دي ولاشنو..؟؟؟ بدرالدين يختو ليه نقاط في حروف ويقول كيكي
وانتي تخشي لفت في زول من زمن حفروا البحر وتقولي كيكي ايش دعوي يا جماعة...؟؟؟ صدقيني يا اشراقة تهمة بدر دي شمار في مرقة وانا طالع منها طالع منه.. طالع وانا طالع كده بطالب ود رملية انو فورا يخت النقاط في الحروف ويريجنا ياخي
| |
|
|
|
|
|
|
Re: فى الرد على المدعو بدرالدين الامير ... (Re: ودرملية)
|
Quote: لهذا القدر انت متضامنة مع الحرامية ياخى حرام عليك ودرملية مسكين ويتيم |
متضامنة عديل كده يا ود الأمير بالتاء المربوطة "مش عشان بعيب التاء المربوطة" معقولة؟!
اخوك/ شول اشوانق دينق _______________________ الشربوت سرح بيكم ولَ شنو يا ناس الدوحة
| |
|
|
|
|
|
|
Re: فى الرد على المدعو بدرالدين الامير ... (Re: شول اشوانق دينق)
|
بيان هام من فراش الحقول الى نحل الغابة عليكم بمغادرة المنحل فبل ان مولع النيران الوغد المأفون كيكي والموشيطن محمد عبد الرحمن انها الخيانة يا ايها النحل البري الراجل امنكم على نفسه ونزل اجيب التلج تقومو بسرعة النحل المعهودة تزنو لي بعض وتفتحوا بوستكم المأفون وتردوا ويا دار ما دخلك شر تشربوا الشربوت براكم وتاكلوا الخروف براكم ولا تحمدوا ولا تشكروا وكمان جابت ليها تدبسوا الراجل في مشاكل .. لانامت اعين الجبناء خيانة اول حاجة اكلتوا الخروف دون ان تدونا علم انكم مفيلين من الصباح نجي انا وضحية المسكين ناس شاي مغرب ونلقى نفسنا الضخايا لكن الليلة ما بتنوموا لاننا عرفنا الحقيقة من خشوم سيدها اليتيم المسكين ود رملية وانا لكم بالمرصاد كلو ولا بيدرو يا نحل يا كوفنجية
| |
|
|
|
|
|
|
Re: فى الرد على المدعو بدرالدين الامير ... (Re: محمد سنى دفع الله)
|
Quote: نجي انا وضحية المسكين ناس شاي مغرب ونلقى نفسنا الضخايا |
استاذنا/ السنى
بعد التحرى والتاكد من تلك العمليه الخبيثه والتى خطط لها بعنايه وتم تنفيذها بعد اكل لحم خروف ودرمليه وشرب الشربوت تم تنفيذ هذا المخطط والسب هو خلق فتنه بين الفنان ودرمليه والسيد وجيه وجهاء بورداب الدوحه بدرالدين الامير ويعود السبب الرئيسى الى ان المأفون كيكى يمر بازمه ماليه وزنقه رهيبه فلجأ الى ودرمليه فاعتذر الاخير بادبه المعهود متعللا بظروف السمايه وخروف الضحيه وكده فلجأ كيكى الى بدرالدين الامير فاعتذر الاخير متعللا بان كيكى زول فارغه ومقدوده وايدو مقدوده فلجا كيكى الى الانصارى المسكين ودبرا هذه الفتنه حتى ينالا ما خططا له.
قف ندين بشده هذه الاساليب الملتويه ونحن فى فرقة شتات ندين هذا السلوك ونرجوا من كيكى الى المثول العاجل امام المحكمه التى سوف تشكل لاحقا والا صدر امر اعنقال بحق المدعو كيكى وفركشنا ليك اجازتك ونخليها تروح شمار فى مرقه
| |
|
|
|
|
|
|
Re: فى الرد على المدعو بدرالدين الامير ... (Re: بدر الدين الأمير)
|
Quote: قف ندين بشده هذه الاساليب الملتويه ونحن فى فرقة شتات ندين هذا السلوك ونرجوا من كيكى الى المثول العاجل امام المحكمه التى سوف تشكل لاحقا والا صدر امر اعنقال بحق المدعو كيكى وفركشنا ليك اجازتك ونخليها تروح شمار فى مرقه |
وصل الملك ضحية ولانامت اعين الخونة
| |
|
|
|
|
|
|
Re: فى الرد على المدعو بدرالدين الامير ... (Re: ALMURADABI)
|
Quote: بيني وبينكم كيكي ومحمد عبد الرحمن بعملوها |
كمبورة ياود دارجعل العزيز ومعزز الجابك الاسفير يجيب خالد عامر بس بدون مؤتمر وطنى (وش راكز للبطان) ومحمد عبدالرحمن ودخالتى من يوم فارق درب ودرملية وبقى زول كيكى نحنا اتعوضنا فيه الله وربك استر مايقوم كيكى يعلموا نطيط الحيط ده كان ماعلموا حجات تانية
| |
|
|
|
|
|
|
Re: فى الرد على المدعو بدرالدين الامير ... (Re: بدر الدين الأمير)
|
Quote: ود رملية يا اخوي ناس كيكي ومحمد عبدالرحمن ديل تاني الا تعزمهم في مطعم
ودالامير كل سنة وانت طيب |
ALMURADABI
كل الاعوام وانت بخيرين وزيادة لكن صاحبك ودرملية من يوم ماشرف محمد ابنه اي حاجة تقولها ليهو يقوليك كلامك صاح بس الموضوع .. ده بخليهو لمحمد ولدى لمن يكبر.. وعيزومة المطعم القلتها لودرملية حا يقوليك خليهم لمحمد لمن يكبر بنجمهم
| |
|
|
|
|
|
|
Re: فى الرد على المدعو بدرالدين الامير ... (Re: عبدالكريم الامين احمد)
|
Quote: يا جماعة استهدوا بالله انا ما هكرت باصوريد ود رملية ولاينبغي لي ذلك.. وبدر الدين عارف الزول العمل العملة دي لكن عاوز تلبسني تهمة ولايدي لا كراعي.. والزول العمل العملية دي زول سوابق.. مع بهاء بكري مرتين ومعاي انا مرة في بوست اعتذار لملاسي... ... |
ياحليك ياود خالتى معلمك كيكى تخلى عنك بل ومتنكر من اى علاقة له معاك ورمى الجريمة عليك ...أها خم وصر وبي وشك براى كيكى
| |
|
|
|
|
|
|
Re: فى الرد على المدعو بدرالدين الامير ... (Re: Ishraga Mustafa)
|
اهلنا ..سلامات وعوافى
وكتر خيركم كتير كتير على حسن الظن هانذا وقد تمكنت اخيرا من السيطرة على الحساب خاصتى ، وقد فعلها كيكى الحاقد على نجاحاتى الاسفيرية ،والذى اراد ان يعكر صفو الوداد بينى وبين ودالامير ، دعوه فأنها ضريبة النجاج والشهرة ادفعها صاغرا اما العزيز الحبيب محمد عبدالرحمن فحاشاه ان يفعل مثل ذلك ، فقد اراد كيكى ان يشوه صفحته الناصعة البياض بهذه الفعلة الغير اخلاقية .
شكرا يااهلنا وقد تصديتم لخطرفات كيكى الحاقد واسفى وعذرى لودالامير وابن خالته محمد عبدالرحمن
صدر تحت توقيعى فى رابع ايام عيد الاضحى المبارك
ابومحمد الشهير بودرملية
| |
|
|
|
|
|
|
Re: فى الرد على المدعو بدرالدين الامير ... (Re: ودرملية)
|
Quote: شكرا يااهلنا وقد تصديتم لخطرفات كيكى الحاقد واسفى وعذرى لودالامير وابن خالته محمد عبدالرحمن
صدر تحت توقيعى فى رابع ايام عيد الاضحى المبارك
ابومحمد الشهير بودرملية |
يا خ اقول ليكم قولة ادوني انا ذاااتي قروشي مع قروش جني وعليكم يسهل وعلينا يمهل والموامرة دي كوفي عنان ما يحلها وانتو يا اولاد اربجي مجارمة بالحيل...
وتنويه يا شباب اي مداخلة باسم ود رملية في البوست ده هي ليس لودرملية مالم ياتي اشعار اخر
| |
|
|
|
|
|
|
Re: فى الرد على المدعو بدرالدين الامير ... (Re: ودرملية)
|
Quote: ابومحمد الشهير بودرملية |
البضمنّا شنو انك ود رملية
ادينا اشارة
يابدرالدين ياخ ماتخرب خوتنا ساى كل شىء بدربو
كيكى لعين صاح بس لعنة تمام اريتها لعنتك بعد الحال
على الاقل يفرفر ديك القلب تاااااااااانى بعد عاديا الضبح بتاعتك ... موهيييك؟
| |
|
|
|
|
|
|
Re: فى الرد على المدعو بدرالدين الامير ... (Re: Ishraga Mustafa)
|
Quote: اهلنا ..سلامات وعوافى
وكتر خيركم كتير كتير على حسن الظن هانذا وقد تمكنت اخيرا من السيطرة على الحساب خاصتى ، وقد فعلها كيكى الحاقد على نجاحاتى الاسفيرية ،والذى اراد ان يعكر صفو الوداد بينى وبين ودالامير ، دعوه فأنها ضريبة النجاج والشهرة ادفعها صاغرا اما العزيز الحبيب محمد عبدالرحمن فحاشاه ان يفعل مثل ذلك ، فقد اراد كيكى ان يشوه صفحته الناصعة البياض بهذه الفعلة الغير اخلاقية .
شكرا يااهلنا وقد تصديتم لخطرفات كيكى الحاقد واسفى وعذرى لودالامير وابن خالته محمد عبدالرحمن
صدر تحت توقيعى فى رابع ايام عيد الاضحى المبارك
ابومحمد الشهير بودرملية |
كيكى اسمح لى بان اسجل اعجابى بمراوغتك ودهاك روحت للاخوان هنا الدرب في الموية وبلغة الكماسرة تلخبط عليهم الدفع من المادفع
| |
|
|
|
|
|
|
Re: فى الرد على المدعو بدرالدين الامير ... (Re: ودرملية)
|
كل عام وانتم بخير
اتانى الخبر وانا اتنقل بين الاهل مباركا للعيد بان بدرالدين الامير يتعرض لهجوم اسفيرى ، حملت كنانتى واتيت مهرولا وعندما وجدت ان البوست باسم الفنان ودرملية ايقنت ان فى الامر شيء ما ..وانتظرت حتى بانت الحقيقة ..وتأكد شكى فقد كنت اعتقد ان وراء الامر كيكى اللعين ..الان حصحص الحق ..
ستظل ابداعات ودرملية وبدرالدين الامير عصية المنال على امثال كيكى العاطل عن الموهبة والابداع وسيظل يرميهم بحجارته التى ستزيدهما القا على الق ...
شكرا لودرملية على حسن كلماته وليمت كيكى بحقده الدفين
المداخلة اعلاه تم سحبها وهى بسم ودرملية
تنهدات: جات تكحلها عمتها..............
| |
|
|
|
|
|
|
|