|
Re: شكرا يا فرجوني , شكرا اولاد البنا (Re: Balla Musa)
|
Quote: شكرا يا فرجوني ياخي وربنا يذيدكـ عُلا و عِرفة و فن شكرا يا عاصم و شكرا اللمين |
ده الغنا الصاح غنا القيم والرجوله
والكريم الذي غنى له الفرجوني هو عيسى رحمه الله صاحب المفروشات والموبيليات المشهور ابناؤه منهم احمدوعيسى وختام ونخبه رائعه من الابناء والاحفاد ويسكنون بحري الشعبيه
| |
|
|
|
|
|
|
Re: شكرا يا فرجوني , شكرا اولاد البنا (Re: Balla Musa)
|
بلة ياسيدي الله يجبر بي خاطركـ ياخي و فاقدكـ والله ماعارف انا الغبت كتير ولا انت المختفي
العمل يستحق فعلا الاحتفاء , تنفيذ جيد وسيناريو تصوير جميل واداء ممتاز للثلاثي الفنان ( صورة و صوت) اتحفوني فعلا بي اول يوم عيد جميل مع تجربة جميلة زي دي
شكرا ليكـ يا بلة ياخي
| |
|
|
|
|
|
|
Re: شكرا يا فرجوني , شكرا اولاد البنا (Re: الكباشى البكرى)
|
شكرا يا كباشي فعلا العمل جميل جدا بس ما عندي حولو داتا كاملة
بتمني انو يحضرنا الاخ عاصم البنا بصفتو عضو هنا و يجي و يكلمنا عن العمل - هل العمل تراث قديم او من اعمال الفرجوني - اجواء تسجيل العمل موسيقيا - تصوير العمل و تنفيذو
مودتي ليكـ و لي عاصم مقدما
| |
|
|
|
|
|
|
Re: شكرا يا فرجوني , شكرا اولاد البنا (Re: خدر)
|
فى أرض البطانةالخيركتير عارفنو ذادوه الكبار بيه الصغار اتهنو مين ما بعرف البنا وشرب من دنو الجود والكرم بحلف يمين راضعنو والفرجونى ذاد ساقينا أروع فنو فى شعرو الحنين واحساسو نابع منو دا الخلانى عاشق وغيرى ذاد فى جنو لأحمد واللمين زيدوناتانى وحنو لى حاتم وعاصم ومبارك الراجنو من تمتام سلام، للبنا متقالدنو
الأخ خدر لك الود ومحبتى لأستاذى الفرجونى
| |
|
|
|
|
|
|
Re: شكرا يا فرجوني , شكرا اولاد البنا (Re: yasir tamtam)
|
عيدك سعيد و مبارك..
قبل أيام ترك الفرجوني أرض البطانة و أمدرمان ..
وعاد ألى أرض النافاهو و الأباتشي في أريزونا وطنه الثاني..
عاد بعد غياب عنا لثلاث سنوات .. فمرحبا به من بادية البطانة ألى
وادي طائر الفينيق ..
| |
|
|
|
|
|
|
Re: شكرا يا فرجوني , شكرا اولاد البنا (Re: yasir tamtam)
|
ياسر تمتام خدر في عينكـ .. اسمي الفي اخر المداخلة الاولي دي فطيتو كيف الكُبر دخل و عيونكـ طششن كيفك يا ياسر و كل سنة وانت طيب ياخي كدي احكي لينا عن الفرجوني و عن المناحة دي ولا افزع لينا عاصم يجي يونسنا
خليك عافية و سلامي يصل لي ناجي جنا عمنا تاج السر
| |
|
|
|
|
|
|
Re: شكرا يا فرجوني , شكرا اولاد البنا (Re: Osman Musa)
|
تسلم ياخدر وشكرا على العيدية الرائعة
وكل سنة وانت والاسرة بخير وعافية.
الفرجونى فنان رائع وانسان عالى الاخلاق، ولا انسى أنه تكبد مشاق السفر من امدرمان الى مدنى لاحياء
حفلة زواجى رغم أن الشخص المسئول باحضارهم الى مدنى لم يقم بمسئوليته تلك، وكانت ليلة من احلى
الليالى عطرها الفرجونى واللمين بغنائهم البديع، لهما التحية والتقدير
الكلام دة كان زمااااان 1981 ، انتوا كنتوا شفع ياخدر
تحياتى
| |
|
|
|
|
|
|
Re: شكرا يا فرجوني , شكرا اولاد البنا (Re: مهيرة)
|
و التحايا ليك يا عثمان و كل سنة انت و وليداتكـ و حبانكـ بخير شفت الشغل ده جميل كيف
مهيرة
اسه في زول سألكـ من تاريخ عرسكـ احيييييي منكـ ( معاها عضة اصبع) تعرفي يا مهيرة اخر وكت شفت فيهو الفرجوني كان في المانيا في 98 او 99 علي ما اذكر شرفني بي زيارة لحفل شاركت فيهو بمدينة دورتموند ما تتخيلي سعادتي كانت كيف .. فعلا زي ما قلتي الفرجوني فنان و انسان
كل سنة وانت و اسرتكـ بخير يا مهيرة
| |
|
|
|
|
|
|
Re: شكرا يا فرجوني , شكرا اولاد البنا (Re: خدر)
|
تحية لجميع المتداخلين فى هذا البوست الشجى الندى ,
فمجرد ذكر اسم البنا ياتى بالطرب وجميل الحروف -ونسائم المسرة ,
والفرجونى الشاعر , الفنان , الأنسان الشفيف , الفكه , والودود ,
الأمين وعاصم فهما فنانان بمعنى الكلمة , وكأن الله بحكمته قد جعل من اسرة البنا انواعا من الأصوات الشجية التى تتشابه وتختلف , ففيهم البلبل , الكروان , الكواكب الساحرة ,النجوم اللامعة , والقمر الساطع .
أما زهرة بيت البنا واميرة اصوات الحرائر ( نادية ) والتى جمعت بين الكروان والبلبل , والقلب الكبير , وبساطة الصوفى , وحكمة العارف , فقد امتعتنا وعطرت سماوات المدن هنا , فخففت علينا قسوة الغربة والبعد عن الوطن .
وانا نفتقدك يا نادية , ومبروك عقد القران , وبالسعادة والفرح .وستظل مكانتك فى القلوب , وعمودك فى الصحيفة , وتغريدك فى ليالينا , شاغرات الى حين عودتك !
وألف مبروك , ونتمنى لك اقامة هانئة فى رحاب الأهل والزوج والأحباب والوطن .
وتحية وتقدير لكم ال البنا , منبع الفن والطرب .
ست البنات .
| |
|
|
|
|
|
|
Re: شكرا يا فرجوني , شكرا اولاد البنا (Re: طارق جبريل)
|
تحية وتقدير للجميع....
تسلموا كلكم...
وكلوا سنة وانتوا طيبين...
وسوداناطيب...وأصيل دوما..بيكم..
SorryI don't have Arabic in the computer so it's so hard to type
I appreciate,,,and alFargouni and all elbannas',we allapprciate every single word
He's from you and for you>>
It's so crucial in this trasformation period in Sudan history to preserve our heritage and the ethnical cultures of our diverse communities>>
It preserve our being as sudanese and our existance...This applies to all forms of cultures..I and could bring us together,,,if only we could realize this..
I don't want to turn this into a lecture
...
everyone..I love you all...
Stay well and be with God peace..
______________________________
ود العم أشرف أزيك يا غالي وسلامك وصل..
كل سنةوانت والاسرة الكريمة بخير.
لك خالص الاشواق...
I will keep up with you..I got the e-mail,,,Thanks.
(عدل بواسطة Omayma Alfargony on 12-13-2008, 04:59 PM)
| |
|
|
|
|
|
|
|