ياجماعة العفو والعافية وعيدكم سعيد .. وأي زول غلطت في حقو يسامحني عليكم الله ..سمح ؟

Quote: والعفو والعافية ورغم انكي باخلاقك الطيبة التي نعرفها لن تكوني قد غلطي في حق زول

Quote: بس العفو والعافية دي ما من ضمنها ال قروش السالفاهم مني قرووووشييييييييي

العفو والعافية ياود أمي وعيدك بخيت وسعيد يااااارب

Quote: شرف لست ادعية يا نادية لك كل الود وللصغيرة بالمثل

Quote: تانياً أكاد أجزم ما في زول زعلان منك لأنك ساعية بين الناس بالحب والكلمة الطيبة فاهنئي يا بنت عمي بمحبة الناس لك فمحبة الناس من محبة الله تعالى

Quote: اعفي مننا وعافين منك وما اظن جبتي زعل لي زول

Quote: نحن الغلطنا فى حقك يانادية ،، حقو إنت التاسمحينا يا بت الأخو. كل عام وأنت بألف خير يانادية.

Quote: زمان يانادية كنت بقرا ليك انتي كنت بتظهري في جريدة الخرطوم لما كانت في القاهرة وانا كنت بقراك هناك

Quote: ومن لم أخطئ في حقهم من نساء ورجال هذا الحوش الكريم وخارجه

Quote: انا من الفئة اللي في الاقتباس اعلاه لذا لا اسامحك لان السماح في حق من اخطاء فيك وانتي لم تخطيئ في حقي ابدا ابدا ولكن اشكرك علي هذه الروح الطيب والتي نتمني ان تسود واقول عيد سعيد ودوام الصحة والعافية

Quote: إذا كان رب العباد بسامح يبقى نحن لازم نسامح ربنا إديك قدر نيتك الطيبة

Quote: كل عام وانتي واهلك وكل من تحبين وزملائنا الكرام هنا بالف خير والقابلة كل الاماني تكون اتحققت

Quote: حالياً ما عندي معاك مشكلة لكن كدي أحضر القاهرة وما تعزميني الفول البي الجبنة داك ؟؟!!

Quote: لكن أنت يا نادية غلطتي علينا غلطة شديدة.. لأنك أنت من بحري... وحتى العيد الجاب الناس ما جابك لينا في بوست بحري طراوة... تعالي لينا سمح؟

العفو والعافية لله والرسول

Quote: ياجماعة العفو والعافية وعيدكم سعيد .. وأي زول غلطت في حقو يسامحني عليكم الله ..سمح ؟

Quote: والعفو و العافيه يختي لله وللرسول,وربنا يحقق امانيك جميعها انت وصغيرك ايمان ويفتحا بوشك محل ما تقلبي يا ندويه يا بت مختار ويديك قدر نيتك الطيبه المحبه للخير.

Quote: زى ماقال كمال كرار نحن ناس الشعبية برضو زعلانين .. طيب سماح عشان العيد ..

Quote: أي زول غلط في حقي بقصد ولا بدون قصد أنا مسامحاه من قلبي .. وعافية ليهو لله الرسول والله ..!

Quote: كل سنة وانتي بألف خير يا انسانة..

Quote: إلي كل من أخطأت ومن لم أخطئ في حقهم من نساء ورجال هذا الحوش الكريم وخارجه بقصد أو بدون قصد أقول لكم بقلب يشهد عليه خالقه .. العفو والعافية لله والرسول .. وكل عام وأنتم بألف خير وعافية يارب ..

(عدل بواسطة عصمت العالم on 12-10-2008, 01:05 AM)
(عدل بواسطة عصمت العالم on 12-10-2008, 02:47 PM)

Quote: ما ممكن تغلطى على الناس.. لانك من لهيج تلك التربيه .والعمق الفهم.. وانك قد رضعت كل قياسات ذلك السياج القيم والاخلاق.. فى التصرف .والتعامل.والتحكم.والاحترام..والانضباط.. من تلك الاثداء المعلمه.. حاشاك يا بت القبائل.. ناديه العزيزه.. ربنا يحفظك بكل ما فيك..

Quote: النقطة الانا متاكد منها انه الخطأ منك علي واحد ماوارد واصلا الخطا علي الاخرين ما من شيمك عشان كدة نومي وانتي مرتاحة لانه الصفة السمحة دي معاكي ..

Quote: انت ما كلك سماحة بتقولو قولك بى صراحة ايه رسايلك تحكى لينا ماالعيون فيها الصراحة ------------------- فى العيون شفنا الطفولة وضحكة الشوق الخجـــولة وأصـلو حبــك لى صحابك باينة من قـبال تقــولة ------------------- كل عام والدنيا ليك بالجمال تلبس وشاحــا زى شمس فى عز سمانا ليك يهل ميلاد صــباحا لو درت تعرف ريدحبايبك أبقى افرد كم مساحــة ليه لان الناس تريدك وفاتحة ليك قلوبا واحة وكل يوم زايدين محنة و ديمة بيقولو الصراحة

Quote: ضحكتك دى بتخلى زول ممكن يزعل منك؟؟

Quote: حسي عليك الله يا أنتي بتغلطي على زول ولا قايله بكون فوق رقبتك شي من زول ؟؟؟ والله نشيل عنك كل الغلط وندخل بيه جهنم عديل بس ما يجيك شر على قول وليدنا حميد

Quote: إنتي كتبتي البوست دا عمر الجزلي عايز إستضيفك في أسماء في حياتنا و لا شنو ؟؟؟؟؟؟

Quote: من صميم صميم صميم قلبي