كتب الكاتب الفاتح جبرا المتوفرة بمعرض الدوحة
|
Re: حفل عيد الأضحى المبارك بمدينة هاملتون الكندية يحييه الفنان زهير الأغبش (Re: bashir kurdufan)
|
ياريسنا ..
كل سنة والناس هناك جُملة بخير وعافية وراحة بال وصحة بدن ..
سلامي ليهم مايفضل أحد .. بداية من أهل بيتك مروراً بـ(الأبرات) ونهاياً بـ (الداونات) .. واياك ونسيان الأصحاب .. حتى الصغير فيهم وقول ليهم شُقنا ليهم بحر دميرتو تعافر التيار ..
وحفل موفق وممتع ببركة الله والثقة الوضعتوها على العتبات .. وسلام خاص جداً لرفقائي ورفيقاتي في اللجنة التنفيذية القِدام منهم والجُدد..
وسلام ليك ..
ـــــ بتكون مفتقدني الايام دي عارفك
| |
|
|
|
|
|
|
Re: حفل عيد الأضحى المبارك بمدينة هاملتون الكندية يحييه الفنان زهير الأغبش (Re: bashir kurdufan)
|
التحية للأخوين بشير كردفانى , ومحمد الجزولى ,
دى طبعا جات على وزن الأخوين الرحبانى !!
ودعوتكما مقدرة , وبتكون مقبولة لو معاها تذاكر الحفلة على الأقل , ان شاء الله نبيعها فى سوق كندا ! , وكندا بعيدة والمسافة سنة !
وشنو يا محمد الجزولى مالبورن مالها بقت ليك بعيدة كدا !!! وبقيت تشوفها رهاب و طشاش !!! مع اننا والله ما كسرنا وراك القلل ولا حاجة !
وتحياتى للأخت اقبال وحسن وامنة وجميع الأهل .
ست البنات .
| |
|
|
|
|
|
|
Re: حفل عيد الأضحى المبارك بمدينة هاملتون الكندية يحييه الفنان زهير الأغبش (Re: HAYDER GASIM)
|
Quote: وشنو يا محمد الجزولى مالبورن مالها بقت ليك بعيدة كدا !!! وبقيت تشوفها رهاب و طشاش !!! مع اننا والله ما كسرنا وراك القلل ولا حاجة !
وتحياتى للأخت اقبال وحسن وامنة وجميع الأهل . |
ستهُم يا سِتهُم .. كل سنة وانتِ طيبة
والله مابعيدة ولا يحزنون بس رفعان القدم وانت عارفة الأيام دي ( موسم).. لكن بعد ده ممكن تتوقعيني في اي لحظة اتقاطع في (فوتوسكرى) .. وعندي ليك مفاجاءة كمان ـ توقعي اتصال مفاجئ مني لسرد المفاجاءة ..
والتحايا بصمتا في صُرة وصلت ..
تحياتي للمعاك .. وعيد سعيد
| |
|
|
|
|
|
|
Re: حفل عيد الأضحى المبارك بمدينة هاملتون الكندية يحييه الفنان زهير الأغبش (Re: HAYDER GASIM)
|
Quote: محمد الجزولي ... كيفنك يا أبوي, إتذكرت آخر الحفلات التي حضرتها في هاميلتون, وكنت أنت من المشرفين عليها ... تظل ذكرى طيبة وأمسية مليحة ... وهنيالك أيها الرجل المتواضع الخدوم.
كل سنة وأسرتك بخير |
حيدر قاسم .. تسلم يابا على السؤال .. وكيفينك انت .. علَك رايق .. وكل سنة وكل يوم وكل ساعة وكل دقيقة انت والأسرة طيبيين ولامين وتامين .. و(العوجات) لا تغشى بابكم ولا تعرف دربكم بــِ وين زااااتو ..
وذلك اليوم سيظل محفور في الذاكرة طالت ماعاشت ، ففيه بعد ان كُنت اقرأك حروف ، ضميتك روح .. وواصلت اقراء في الحروف ..
فدُم بالف خير ياجميل .. وشكرا كتير على نظرتكم فينا ونتمني .. نتمنى ان لا يخيب ظنكم ابدا .. حتى تحفظ القلادة سِرها ..
وعيد سعيد لكل من تحب ..
| |
|
|
|
|
|
|
Re: حفل عيد الأضحى المبارك بمدينة هاملتون الكندية يحييه الفنان زهير الأغبش (Re: ست البنات)
|
Quote: وبعدين شنو يعنى بس شرفان للعشاء انت ما ترد على الناس وبعدين العشاء , والعشاء زاتو حق الفنانيين !
|
ست النونات اقصد (ست البنات) .. اعوامك مطر خير، وصحة، وراحة بال تغرقي فيه قق قق قق قق وسيلو يكسح مايفضل زول حولك .. وأذا شاء له ان يتوقف .. ينزل مطر اخر .. مطر سعادة وفرح وهدوء سريرة .. وايضاً تغرقي فيه قق قق قق قق لامن تصلي القاع .. (ويحلك الحلة بلة)
شوفتي كيف ..
و(النونات) دي سرها باتع .. لكن الأبتع منها ..........
عشاء ناس هاميلتون
سبتك في امان الله وحفظه
| |
|
|
|
|
|
|
|