|
Re: مباراة القمة .. ؟؟؟؟؟؟؟؟؟؟؟؟؟؟ (Re: الكباشى البكرى)
|
الزعيم ود البكري Quote: فريق الهلال المحلي لايرتقي لمنافسة الزعيم العالمي |
ولا حتى التواجد معه في مكان واحد ..
Quote: نناشد كروجر بان يلعب مباراة الخميس بالصف الثاني المطعم بالناشئين . |
أو أن يطلب من السلطان عجبنا التمرجح لوحدة دون أن يمرجح معه العواجيز ايام .. وبالعدم : أن يحكمها عبد الباسط الذي حكم مباراة كأس الصفيح ..
| |
|
|
|
|
|
|
Re: مباراة القمة .. ؟؟؟؟؟؟؟؟؟؟؟؟؟؟ (Re: طلحة عبدالله)
|
أية قمة هذه التى وصلها فريق مهلهل ظل وطوال ثمانين عاما ( يبحت ) بحثا عن قريعته الرايحة دون جدوي ..؟ أية قمة لفريق بنت وباضت في دولايبه العنكبوت مستأنسة لخلوها وجدبها من الاوسمة والنياشين ومطمئنة لظلمتها الموحشة التى تكاثفت وتعاظمت دون أن يبددها بريق كؤوس أو وميض ذهب ..؟ أية قمة هذه التى يلصقونها زورا وتعسفا بربيب السفوح ..؟ يتبع ......
| |
|
|
|
|
|
|
Re: مباراة القمة .. ؟؟؟؟؟؟؟؟؟؟؟؟؟؟ (Re: طلحة عبدالله)
|
Quote: سبحان الله .. ما المقومات التى يملكها الفريق المهلهل ليضعه بعض الحالمين في مرتبة واحدة مع الزعيم الصفوي بما يتيح لهم إطلاق لقب القمة علي مواجهاتهما..؟؟ ما وجه الشبه بين نادي في سمو السحاب وآخر دفين التراب ..؟ كيف يجعلون من كوكب عصي تئن المركبات الفضائية للحاق به صنوا لآخر بئيس تعيس ينعق في خرابته البوم وترعي في حواشته المواشي والأغنام ..؟ اليس خطلا متطرفا المقارنة بين شراسة أسد في أوج بأسه وعنفوان قوته وشبابه ووداعة حمل مريض لا حول له ولا قوة ..؟ المكابرة والمحاججة هي التى تجعل البعض يتمسكون بهذا الوصف المختل المعتل ، لانه لا وجود لذرة ندية بين الاحمر الواهج والأزرق الكئيب . يتبع .. |
طلحة الحبيب ،، لك من بين الحنايا أمنيات طيبات في هذه الأيام المباركات داعيا المولى العلي القدير أن يعيدها عليك بالخير والسعادة لك ولأسرتك الصغيرة ولسودانك الكبير بمريخه وهلاله،، = - أشكرك على قولك عني بناحية الجبل أبو دية (هو على فكرة إبن خالي لزم)،، وأكرر قولي بعدم تجني وبعبارة أخرى : المريخاب يتباهون بكاس واحد ذي قيمة تاريخية ويتفاخرون به على الهلال الذي لم يفتح الله له ببطولة خارجية واحدة وبذا يمثل الهلال بالنسبة إليكم مبعث الفخر لأنكم تمجدون بطولة جوية وتتناسون التفوق الداخلي للهلال على مر العقود: وفي كل البطولات،،
- قولك أعلاه يجعل المريخ في السماء والهلال في قاع سحيق، أوكي، من حقك فهذا عشق وحب لا يتحول ، بس لكن : هل يمكن أن تقول كل هذا الغزل لو قارنت الأحمر الوهاج بهلال كاقلي مثلا أو هلال الحصاحيصا؟؟
أخي طلحة : لو الهلال أتى بكأس أفريقيا مرة واحدة فعلى تاريخكم السلام،، وبعدين ياخي تفوق الكاسات لو كان يشفع لشفع لريال مدريد فريق القرن وصاحب أكثر بطولات لنادي في العالم ، هاهو الآن يقبع في تصنيف مذري مع أنه طول عمرو مكسر برشلونة داخليا وخارجيا ولكن الآخير متفوق عليه في الترتيب،،
بالأمس جلس إلى أحد ظرفاء القادمين للحج هذا العام : مريخابي متعصب في معية أخيه المريخابي فسألته : إنت برضو مريخابي ؟؟؟ ضحك : كان مامريخابي الجابني الحج شنو؟ والله انحنا المامريخابي عند شك في اسلاموّ ذاتو!!!
انتو صعبين شديد والله ، ويبقى الهلال عقدتكم الوحيدة لذا التفوق عليه والتفاخر بملاعب (أقل خرابا) ومقصورة وأشياء أخرى ينصب في باب (التفاخر) والإغاظة لتحقيق بعض الإنتصارات الوهمية خارج الملعب الأخضر،،
لك ودي ، وخفف مريخ شوية ، ترى الحياة أزرق!!
| |
|
|
|
|
|
|
Re: مباراة القمة .. ؟؟؟؟؟؟؟؟؟؟؟؟؟؟ (Re: طلحة عبدالله)
|
يا حلو خليك معاى هلاريخى هى وينا القمة البتقولو عليها والله شد اعصاب ساكت الدافورى ده00 الكورة متعة و لو كنت مغلوب لكن تكون مغلوب على امرك احسن تكون مقلوب على ظهرك وما هاميك أحسن ليك شنو؟؟ 00
هلالاب و مريخاب أجيبونـــــــــى
| |
|
|
|
|
|
|
Re: مباراة القمة .. ؟؟؟؟؟؟؟؟؟؟؟؟؟؟ (Re: yasir tamtam)
|
الفنان تمتامQuote: هى وينا القمة البتقولو عليها |
غايتو أنا طولت من البلد لكن بوصف ليك بالقديم : تمش تركب مواصلات السوق الشعبي إم درمان او سوق ليبيا( دا لو ما عندك عربية ) .. الكبري تخليهو وراك السلاح الطبي تخليهو راك قصر الصداقة وجنبو المجلس الوطني تخليهم الإتنين وراك الفتيحاب تخليها وراك أول لفة يمين وانت جائي من المعالم الفوق دي تلقي بانت تخليها وراك المهندسين وراك تدخل شمال واوع بالقزاز تعاين (يمين) لانو الخرابة في الطرف المقابل وح تشوف مناظر مؤذية .. اها : تلقي ليك مبني كدا من كم طابق طاهر لانو اجمل مباني السودان معلقة فيهو نجمة تضوي القلوب ومكتوب عليهو بالأحمر الوهاج : القلعة الحمراء دي القمة ...
| |
|
|
|
|
|
|
Re: مباراة القمة .. ؟؟؟؟؟؟؟؟؟؟؟؟؟؟ (Re: طلحة عبدالله)
|
بطولة كأس السودان بدت في موسم 50/51 المريخ فاز بالبطولة 22 مرة "ربنا يزيد ويبارك" مقابل 15 مرة للهلال أول بطولة كانت بين المريخ وإستاك (التحرير) يعني الجماعة حتى الوصافة يا كافي البلا بدوها متأخرين حتى لو فاز الهلال لا قدر الله الفرق حايتقلص إلى 6 بطولات إذاً هي مبارة بين زعيم تاريخي ووصيف تاريخي .. فعلاً هي مبارة بين القمة والسفح ..
| |
|
|
|
|
|
|
Re: مباراة القمة .. ؟؟؟؟؟؟؟؟؟؟؟؟؟؟ (Re: طلحة عبدالله)
|
Quote: أية قمة لفريق بنت وباضت في دولايبه العنكبوت مستأنسة لخلوها وجدبها من الاوسمة والنياشين ومطمئنة لظلمتها الموحشة التى تكاثفت وتعاظمت دون أن يبددها بريق كؤوس أو وميض ذهب ..؟ |
طلحة يا صحبى
و من اين لهم بذلك ؟؟؟ ما هى المؤهلات التى بها يأتون بـ " كؤيس" ناهيك عن كأس ؟؟؟ و يكفى ان اعظم انجاز لهم فى بطولة سيكافا " الاقليمية" هى الثالث ( يعنى حتى وصيف ما قدروا عليه) قيل قديمآ : و من يتهيب صعود الجبال *** يعش ايد الدهر بين الحفر و طبعآ المقولة صحيحة على "الهليل" فهو خالى الوفاض من الانجازات .. و فى نفس الوقت يقبع فى استاده " زريبة العيش و الحفر" و برضو " مائة عام من العزلة " !!!!!
و كااااااااااااااااااااااااااااااك
تخريمة: جماعة "الهتش" الالكترونى الشايفن ديل .... بكرة بعد انتهاء المباراة الا تشرك ليهم بقون العريس طمبل
| |
|
|
|
|
|
|
Re: مباراة القمة .. ؟؟؟؟؟؟؟؟؟؟؟؟؟؟ (Re: طلحة عبدالله)
|
غايتو يا طارق الكوتش لفتت نظري ( الحتة دي ) :Quote: راجيــــــــــــن بس خليكم شنو >>>> نعم حفايه يا ناس الحنبكايه
|
ياخي انت بديع بالجد انت المفروض ما تقعد معانا هنا .. طوالي تمش تقابل الناس اللي جاية من برة دي وتقول ليهم علي زي الكلام الفوق دا ... دا شعر دا يا طارق الكوتش ..؟؟
| |
|
|
|
|
|
|
Re: مباراة القمة .. ؟؟؟؟؟؟؟؟؟؟؟؟؟؟ (Re: طلحة عبدالله)
|
طلحة سلامات
قلت كدة اخير
تتفش قبل المباراة في حوش بكري دة قبل المباراة
لانك عارف روحك تاني مابتجي بي جاي بعد حفياني اطبق ليك الحنة
اها انبشرك حفياني مالاعب لكن البحلك من (سوري مريخ) شنو
واييييييييييييييييييييييييي التحكيم واييييييييييييييييييييييييي الدعيع وايييييييييييييييييييييييييي الطريفي وايييييييييييييييييييييييييي رجل الراية وايييييييييييييييييييييييييييي مشاطيب الهلال بطلوا الويوية
| |
|
|
|
|
|
|
Re: مباراة القمة .. ؟؟؟؟؟؟؟؟؟؟؟؟؟؟ (Re: طلحة عبدالله)
|
الزعيم عبد الرازق سعيدQuote: بطولة كأس السودان بدت في موسم 50/51 المريخ فاز بالبطولة 22 مرة "ربنا يزيد ويبارك" مقابل 15 مرة للهلال أول بطولة كانت بين المريخ وإستاك (التحرير) يعني الجماعة حتى الوصافة يا كافي البلا بدوها متأخرين حتى لو فاز الهلال لا قدر الله الفرق حايتقلص إلى 6 بطولات إذاً هي مبارة بين زعيم تاريخي ووصيف تاريخي .. فعلاً هي مبارة بين القمة والسفح ..
|
للمطالعة حتى يتفقهون .
| |
|
|
|
|
|
|
Re: مباراة القمة .. ؟؟؟؟؟؟؟؟؟؟؟؟؟؟ (Re: طلحة عبدالله)
|
الزعيم كوستا Quote: جماعة "الهتش" الالكترونى الشايفن ديل .... بكرة بعد انتهاء المباراة الا تشرك ليهم بقون العريس طمبل |
ياخوي رماي طمبل دا ما قاعد يجلي أصلو .. علي الأقل مشربك ليهو واحد واللا إتنين في الشبكة .. دا إذا ما بطح ونطح وشتح وسفح وجرح ... خليك قريب بس يا صفوي .
| |
|
|
|
|
|
|
Re: سيد البلد .. ؟؟؟؟؟؟؟؟؟؟؟؟؟؟ (Re: طلحة عبدالله)
|
كوستا
Quote: جماعة "الهتش" الالكترونى الشايفن ديل .... بكرة بعد انتهاء المباراة الا تشرك ليهم بقون العريس طمبل |
طلحه
Quote: ياخوي رماي طمبل دا ما قاعد يجلي أصلو .. علي الأقل مشربك ليهو واحد واللا إتنين في الشبكة .. دا إذا ما بطح ونطح وشتح وسفح وجرح ... |
شعب جمهورية الهلال يغنى و يردد فى منتصف مساء اليوم بتوقيت السودان :--
| |
|
|
|
|
|
|
Re: مباراة القمة .. ؟؟؟؟؟؟؟؟؟؟؟؟؟؟ (Re: طلحة عبدالله)
|
س2 أما زال هناك من يتوهم بوجود أدني مقارنة بين زعيم البلد المريخي والفريق المهلهل ..؟؟ أما زال الذين يصفون مباراة بطل المحمولات جوا ومتقوقع المحلية الأبدي بمباراة القمة متمسكون بهذا الوصف الخيالي ..؟
| |
|
|
|
|
|
|
|