كان بتغنـــي ورافعــــــة الهامــــه ناصبـــة شمــوخ (لومبــــــا) اماما حلمـــو تكون افريقيـــــــا الحـــــره وارض (الكونغو) تعيش في سلامه
(مريــــــــــــــــم ) غنت لي (مانـديلا) شان الرايــــــــة تكون مرفـــوعـــه و (نلســـــــون) في نضالو تجــــــلا اصبـــح للثايريـــــــــن موسوعــــــه ولمـــــــــا خلاص القيــــــــــد اتحلا اضحى غنـــــاها تخلطـــــو دموعــا لسة في ناس بتعيش في مذله ؟؟ ولسة في ناس بتنوم موجوعـه ؟؟؟
دكتـور (جــــــــون) كــــان من اندادا شافت فيــــــــه حضـــــور القــــاده قالـت ليه :- توحـــــــــــد بلــــــدك وبالحـــــــــرية تزيـــــــدو سيــــــاده لاهامش مظلــــــــــوم من مركـــــز لا مقهـــــــــور ما عنـــــــــــدو اراده لا مـــــــــــــرفود لانو معـــــــــــارض ولا تــــــــوظيف ما شرطو شهــــاده
ويوم (ماكـــــيبا) رات في مـــــــناما كـــل افريقيــــــــــا تشيـــلا حمامه شعــــــــــــب امريكـــــا يصفق ليها وخيـــــــل الراي مفكوكـــــــة لجاما ويظهر شــــــاب من وســط الزحمه عالي الهمــــــــة ... وفارع القامــه جـــــــــــاها يهرول وفاتـــــــح صدرو ولما يقرب يصـــــــــــــــــرخ ... ماما وكان (نايريري) مراقـــب المشهــــد رافـــــــــــــع شارة النصر علامـــــه قال لي (مريــــــــم ).... دا عرفتيه !!! فيـــــه شعـــــوب القـــــارة عشاما دا ابن نضـــــــــــال اجيــــال ممتده من (لنكولن) ومارتن لوثر ولي (اوباما)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة