كتب الكاتب الفاتح جبرا المتوفرة بمعرض الدوحة
|
ولد .. ودرملية !!!
|
غايتو محقتنا محقة !
لابنعرف البموت لابنعرف البحيا !!!
العزيز عبدالرحيم ودرملية :
أها كلنا رُزِقنا بى ولد ! مش إنت براك !
ده ولدنا كلنا ياالحبيب !
مبروك ( أبو محمد ) ،
مبروك أخو الأخوان .
|
|
|
|
|
|
|
|
Re: ولد .. ودرملية !!! (Re: Muna Khugali)
|
Quote: الله علي الاخبار الحلوه..
ألف مبروك المولود يا عبده وحمدلله علي سلامة المدام.. |
أهى منى ذاتا جات تبارك ،
أبشر بالفرح
ياعبدالرحيم،
أهلك وأخوانك معاك
| |
|
|
|
|
|
|
Re: ولد .. ودرملية !!! (Re: ابوعسل السيد احمد)
|
الحبيب ود رمليه
مبروووووك يا جميل مقدم ولى العهد ربنا يجعله بارا بوالديه مطيعا لهما ده أجمل خبر الواحد يسمعه فى الفترة الأخيره وحمدالله على سلامة المدام يا أبو محمد
العزيز مامون
تسلم على الخبر الجميل و ربنا يجعل الأخبار السمحه دايما فى طريقك
مع عظيم التقدير والإمتنان.
| |
|
|
|
|
|
|
Re: ولد .. ودرملية !!! (Re: عبدالكريم الامين احمد)
|
له اجمل الأسماء محمد ليكن محمودا مثل اهله بارا بوالديه مثل ابيه محبا للكون مثل اجداده عالما مثل اهل رفاعة فنجريا وسيما وقيافة زينا .. طالما لم نصلكم ولدك اودينا ليكم يا ود رملية الحنين محبة اكيدة والف مبروك والف حمد الله على سلامة والدته وجميل التهاني
| |
|
|
|
|
|
|
Re: ولد .. ودرملية !!! (Re: nadus2000)
|
قال ليك الولد مع مدت راسو كدا اشتغل ليك فى الجماعة سلامات عوافى ..الف مبروك (الرعواتى ) الصغير .. وتأخرت عن المجىء بسبب نادوس (الفوق دا) ..وعدنى نمشى سوا لاخلانى مشيت ولاجانى عشان نمشى ..
مامون اخبارك وامورك ياخ ..يازول انت فى البلد دى ؟
| |
|
|
|
|
|
|
Re: ولد .. ودرملية !!! (Re: محمد عبدالرحمن)
|
سلامات وعوافي والله يا محمد عبدالرحمن "فقعتني من الضحك".. قلت لي خما ليك الجماعة سلاااامات وعوافي .. مشكور يا محمد وانشاء الله نفرح بيك انت في القريب العاجل.. تقبل محبتي ..
| |
|
|
|
|
|
|
Re: ولد .. ودرملية !!! (Re: محمد عبد الماجد الصايم)
|
الف مبروك الوليد ياعبد الرحيم ويربى فى عزك واهلوالكرام ربنا يجعل محمد الصادق من الصالحين البارين باوطانهم واهليهم فرحنا شديد خبرك الجميل يابو محمد وانا اعرف حبك الشديد للاطفال وحمدا لله على سلامة الوالدة تحياتى اخى مامون ولك الشكر والمودة
| |
|
|
|
|
|
|
Re: ولد .. ودرملية !!! (Re: عامر تيتاوى)
|
سلامات وعوافي الحبيب تيتا .. مشكور شديد يا عامر وربنا يجعل ايامك كلها افراح .. ساتلو قصتة محبتي للاطفال بعد ان انتهي من التهاني .. فالامر عندي عظيم .. جعل الله الاطفال في كل بيت ما مشى في الارض كائن ..
| |
|
|
|
|
|
|
Re: ولد .. ودرملية !!! (Re: Ishraga Haimoura)
|
Quote: له اجمل الأسماء محمد ليكن محمودا مثل اهله بارا بوالديه مثل ابيه محبا للكون مثل اجداده عالما مثل اهل رفاعة فنجريا وسيما وقيافة زينا .. طالما لم نصلكم ولدك اودينا ليكم يا ود رملية الحنين محبة اكيدة والف مبروك والف حمد الله على سلامة والدته وجميل التهاني |
أها شوف الناس دي ياعبدالرحيم ،، كيف كلها بتوقع على الحب الكبير وبتبصم بالعشرة على مودة أكيدة وصادقة ! الناس دى كلها فرحانة ليك يا عبدالرحيم،، وفرحانة بيك ! وبى ولدك المن قلبك السمح ! أهاكمل فرحة الناس دى بى عودتك السمحة وسن قلمك السمح ! أها الناس دى كلها الليلة ضيوف عندك يا عبدالرحيم ،، وإنت حاشاك ترد ضيفك ياعبدالرحيم ،، ومعاك ما بنضام ! وماعايزين منك غير نضمك السمح ياعبدالرحيم ! وزى ماقال النصيح : كان ضيفنا مانحجا وندافع عنو ، نرمى حروفنا،، ليه تانى القلم ساعنو ؟! أكتب لينا ياعبدالرحيم عن محمد وعن عيون محمد ، وضحكة محمد. عشان خاطر الناس ديل ياعبدالرحيم :
حسام الصحافة منى خوجلى أبوعسل السيد محمدخليل سانى طارق محمد عثمان عبدالجليل نادوس عبدالكريم الأمين محمد سنى دفع الله محمد عبدالرحمن أسامة الكرور محمد عبدالماجد الصايم عامر تيتاوي إشراقة حيمورة
سلام آلخو .
| |
|
|
|
|
|
|
Re: ولد .. ودرملية !!! (Re: noon)
|
سلامات وعوافي العزيزة نون .. ممتن لك سيدتي فانتي لا تبخلين بالاماني.. سباقة دائما ... مشكورة كتير وياربي كل ايامك تكون سعيدة .. يحقق امانيك ويبلغك مرادك .. تقبلي محبتي ..
| |
|
|
|
|
|
|
Re: ولد .. ودرملية !!! (Re: Ishraga Haimoura)
|
سلامات وعوافي العزيزة اشراقة .. دائما سباقة كعادتك.. اسأل الله ان تتساقط عليك الافراح علي مزاجك .. واساله ان يحقق لك كل امنياتك .. وانتي وانعام وريل وطلال ومنعم والملك وبقية العقد خيركم مغتيني.. اسال الله ان يمدني بالقدر علي رد الجميل .. تقبلي محبتي ..
| |
|
|
|
|
|
|
Re: ولد .. ودرملية !!! (Re: خضر حسين خليل)
|
سلامات وعوافي يااااااااااااااااه خضر حسين .. والله العظيم مشتاق ليك شوق شديد ياخي .. الف حمدا لله علي سلامتك .. وقد رجع للمنبر بريقه.. وعقبالك نفرح بيك انت وبي صاحبك "الانصاري" محمد عبد الرحمن .. غايتو محمد دا بيعملا ما مضمون اصلو زول "كوتموتو" ما بديك سر.. لكن لو فاتكم تكونو انت ودكين في زقاق ضيق شديد .. تقبل محبتي ..
| |
|
|
|
|
|
|
Re: ولد .. ودرملية !!! (Re: ودرملية)
|
Quote: سلامات وعوافي الحبيب مامون .. ممتن يا صديقي واسال الله ان يجعل ايامك كلها افراح .. تقبل محبتي الشديدة .. |
الفرح بى عودتك ياالحبيب ،، عودة الروح ،، والنفس العاطر الماهل السمح الحبيب
عودة القلم المشع فكر ونور وجمال
ونقاء وصفاء
محتاجين ليك شديد ياودرملية ،، فالأرواح جنود مجندة .. يشد بعضها بعضاً !
وأنت ، يتداعى لك سائر الجسد ،، بالسهر والحمى !
أستحلفك بالذى هو أكرم ،، و( الذى علم بالقلم ) ،، أن تكتب !
أكتب لينا ياأبو محمد ،، عن محمد منذ أن كان نطفة ! منذ أن كان جنين فى بطن أمو ! عن سهركم وتعبكم.. عن إنتظاركم
ولحظات الفرح العظيم .
ألف حمد على السلامة ،، عبدالرحيم أخوي .
| |
|
|
|
|
|
|
Re: ولد .. ودرملية !!! (Re: مامون أحمد إبراهيم)
|
سلامات وعوافي الحبيب مامون .. اغرقتني ياصديقي بهذا الفيض الدفاق .. غطاني "ثوب الدعوات والتهاني" ودثرني من "صقيع الغربة" .. ساكتب يا مامون .. عن حبي للاطفال "سبحان الله" مذ ان كان عمري لينا وانا اعشقهم .. اذا رايتهم زال كدري وهمي .. زال المي وغمي .. ساحكي .. ياحبيب وتقبل محبتي ..
| |
|
|
|
|
|
|
Re: ولد .. ودرملية !!! (Re: مامون أحمد إبراهيم)
|
ومن الدوحه لرفاعه ملياااااار مبروك بالرملى الصغير ( محمد عبدالرحيم ) , وانشاء الله يكون من أبناء الوطن الصالحين ,, وحمدلله على سلامة والدته ,,
مامون ابراهيم وينك يارجل ؟ طولت الغيبه ,, تحياتى رزم رزم ,,
| |
|
|
|
|
|
|
Re: ولد .. ودرملية !!! (Re: كمال سالم)
|
Quote: مامون ابراهيم وينك يارجل ؟ طولت الغيبه ,, تحياتى رزم رزم ,, |
أوه ه ه ه الزعيم كمال سالم ،،
تسلم أبوي ،،
أهو غرقان مع البنيات والجامعات شغال طالع نازل ياكمال !
لكن هانت أبوي .
| |
|
|
|
|
|
|
Re: ولد .. ودرملية !!! (Re: ودرملية)
|
Quote: ساكتب يا مامون .. عن حبي للاطفال "سبحان الله" مذ ان كان عمري لينا وانا اعشقهم .. اذا رايتهم زال كدري وهمي .. زال المي وغمي .. ساحكي .. ياحبيب وتقبل محبتي .. |
أحكى ياالحبيب ،،
فالطفولة مردنا الأول والأخير !
سلامات وعوافى
| |
|
|
|
|
|
|
Re: ولد .. ودرملية !!! (Re: مامون أحمد إبراهيم)
|
يا سلاام.... ألف مبروك يا ودرملية.. ربنا يهنيك بيه وتشوف جديده.. وتكبره.. ان شاء الله المدام صحتها كويسه.. بالله بلغها تبريكاتنا..
ولتهنأ الجدّة رملية في عليائها بحفيدها...
بنت الحسين
| |
|
|
|
|
|
|
Re: ولد .. ودرملية !!! (Re: مريم بنت الحسين)
|
سلامات وعوافي الاخت العزيزة مريم .. مشكورة كتير يامريم وعقبال نفرح بي ولي عهدكم يارب .. المدام بخير يامريم وصحتها جيدة بفضل الله .. اتمنى ان تكونوا جميعا بالف خير .. تحياتي للوالد والوالدة الحبيبين .. تقبلي معزتي ..
| |
|
|
|
|
|
|
Re: ولد .. ودرملية !!! (Re: مامون أحمد إبراهيم)
|
عبد الرحيم
يا أخى الف الف مبروك وحمد لله على سلامة أم محمد ويربى فى عز أهلو وناسو وعزك يا أخى العزيز
ليتنا لم نتغرب لنعيش الفرح سويا
ربنا أحفظكم والفريق زاد واحد مبروك رفاعة
فتك بعافية
| |
|
|
|
|
|
|
Re: ولد .. ودرملية !!! (Re: حسن الجيلى سعيد)
|
سلامات وعوافي الاخ الحبيب حسن .. كيف اخبارك يا صديقي القديم .. مشكور يا حسن ونفرح بي عيالك وعيال عيالك .. اتمنى ان يكون كل الاهل بخير .. رفاعة زادت واحد فعلا وانشاء الله "الشعلة" زادت لاعب .. باذن الله .. تقبل محبتي ..
| |
|
|
|
|
|
|
Re: ولد .. ودرملية !!! (Re: مامون أحمد إبراهيم)
|
يعنى ابوحميد ده اسمو ود ( ود رمليه )
سؤال عرضى
اتورث الباسوورد فى سودانييزاونلاين ؟...
مامون يا جميل احلى منك ود ود رمليه ..
انشاء الله شايل الاسم .. ويا اخوى ود رمليه .. يتربي فى عزك ومبروووووو ك
| |
|
|
|
|
|
|
Re: ولد .. ودرملية !!! (Re: محمد حيدر المشرف)
|
Quote: يعنى ابوحميد ده اسمو ود ( ود رمليه )
سؤال عرضى
اتورث الباسوورد فى سودانييزاونلاين ؟...
مامون يا جميل احلى منك ود ود رمليه .. |
والأحلى حضورك المشرف ياودالمشرف ،،
وعقبالك يامحمد يامبدع .
سلام ليك ولى كل الأهل .
سعيدين بوجودك يا مشرف .
| |
|
|
|
|
|
|
Re: ولد .. ودرملية !!! (Re: مامون أحمد إبراهيم)
|
مامون سلامات آ زول يا جميل..
تعرف بت الشيخ دى الواحد من الناس بحسها قريبه كيف .. زي بت الحله لمن تكون بت خالتك وابوها صاحب ابوك وكان بلعبوا زمان فى تيم اسمو الفجر .. او الطليعه وغالبا فى حى البوسته امدرمان وبالتأكيد بتقرأ فى الاحفاد ..
اميره .. انا ..
.. خلينى اول اتأكد انو عمر بوب ما اونلاين .. وسلوي
| |
|
|
|
|
|
|
Re: ولد .. ودرملية !!! (Re: محمد حيدر المشرف)
|
Quote: سلامات آ زول يا جميل..
تعرف بت الشيخ دى الواحد من الناس بحسها قريبه كيف .. زي بت الحله لمن تكون بت خالتك وابوها صاحب ابوك وكان بلعبوا زمان فى تيم اسمو الفجر .. او الطليعه وغالبا فى حى البوسته امدرمان وبالتأكيد بتقرأ فى الاحفاد ..
اميره .. انا .. |
حيدر الأجمل ،ولو ماكده أنا بهظر معاها !
أميرة حبي أنا !
هى وينا هى ؟!
| |
|
|
|
|
|
|
Re: ولد .. ودرملية !!! (Re: مامون أحمد إبراهيم)
|
تحايا وسلام لجميع من بالبوست ، والله زكرتوني بلمتكم الحلوه دي ( بيت سمايه) في رفاعه ، خالص التهاني للأخ الصديق العزيز ود رملية بالمولود وحمداً لله علي سلامة والدته وتهاني لجميع الأهل برفاعه والدوحه
| |
|
|
|
|
|
|
Re: ولد .. ودرملية !!! (Re: محمد عبدالرحمن)
|
Quote: مها عبدالله ومن رفاعه ودرست جامعة الخرطوم غايتو لو درست ادارية تكون دى مها رفاعه ست الاسم ...غير كدا برضها ست الاسم وحبابها |
أهلاً وسهلاً بك الأخ والزميل العزيز محمد عبدالرحمن هي أنا بشحمها ولحمها ، سعيدة غاية السعادة بتواجدك وماشاء الله الذاكرة قوية ( يا حليل إدارية وأيام إدارية ) أتمني أن تكون بخير والأسرة الكريمة.
| |
|
|
|
|
|
|
Re: ولد .. ودرملية !!! (Re: مها عبد الله)
|
سلامات وعوافي الاخت والصديقة العزيزة مها .. ممنون ليك يا مها ..ويارب تتحقق احلامك كلها .. ووالله كان نفسي تكون المسالة كلها في رفاعة ولمة الناس الحلوة والونسة .. الحمد لله علي كل حال .. تقبلي اشواقي ومحبتي ..
| |
|
|
|
|
|
|
Re: ولد .. ودرملية !!! (Re: كمبورة)
|
يا سلام من الخبر الجميل
شكراً مأمون
ود ود رملية
مبروك يا كلس
رفعت راسنا
بس أظهر وبان عليك الأمان
تحياتنا للولد وأمه مع جميل التبريكات
وفي النهاية لو ولد واحد بدسك كده المشكلة حا تكون في السنة الجاية
عادل
| |
|
|
|
|
|
|
Re: ولد .. ودرملية !!! (Re: عادل التجانى)
|
شوف الناس الجوك محتفلين بمحمد ياود رملية ،،
منى خوجلي (تانى) أميرة الشيخ ودالمشرف صبرى الشريف نورالهادي مهاعبدالله الزعيم عمر سعد كمبورة عادل التجانى
فرحانة بيك كل النجوم ،، لانام بريقا ولا انطفا !
| |
|
|
|
|
|
|
Re: ولد .. ودرملية !!! (Re: عادل التجانى)
|
سلامات وعوافي استاذي الفنان المهذب والجميل عادل .. ممنون ياعادل ليك ..وعقبال نفرح بي عيالك يا رب .. المسالة اصبحت شاقة من نظام عملي بس قول ربك يهون علينا.. تقبل محبتي ..
| |
|
|
|
|
|
|
Re: ولد .. ودرملية !!! (Re: عمر سعد)
|
سلامات وعوافي د.عمر .. مشكور يا حبيبنا وانشاء الله في افراحك يارب .. بعدين السماية دي مشينا نعملا قالوا الخروف "مافيهو كوارع" .. اصلك انت وبدر وابشيبة بتاعين كوارع ساااااااااااي.. اها دحين خروف بدون كوارع بينفع .. هاهاها.. تقبل محبتي ..
| |
|
|
|
|
|
|
Re: ولد .. ودرملية !!! (Re: ودرملية)
|
عبد الرحيم....محمد ود عبد الرحيم....مبروك...اسعدنى كثيراً سماع خبر....تمتد له الاكف حمداً و سلاماً بخير ربك عليك....و على اسرتك الطيبة......و ربنا يجعله...من ابناء هذأ البلد الامين الخيرين ...آمين
اليوم فقط..اكتشفت أنى فعلاً قاعد بعيد......
لك تحياتى و تبريكات فاطمة و الاولاد...و لابد لنا لقاء قريب........
صديق - القاعد بعيد
| |
|
|
|
|
|
|
Re: ولد .. ودرملية !!! (Re: Siddig A. Omer)
|
سلامات وعوافي ابو يسين .. مشتاقين يا حبيب .. وعقبال نفرح بي ياسين واخواتو يارب .. والله ياصديق ما مسالة انك بعيد لكن انا المتلوم فيك .. تقبل اعتزاري وتقبل محبتي..
| |
|
|
|
|
|
|
Re: ولد .. ودرملية !!! (Re: Safa Fagiri)
|
سلامات وعوافي صفاء "هديل الحمامات" .. ممتن لظهورك .. تهانيك وتبريكاتك .. ومشتاقين.. اتمنى ان تكوني في غاية السعادة .. وكل ايامك يارب فرح وحبور .. تقبلي محبتي ..
| |
|
|
|
|
|
|
Re: ولد .. ودرملية !!! (Re: مامون أحمد إبراهيم)
|
صديقنا الغالي ورفيقنا المحبوب ,,, ود رملية ,,, تحية الشوق والمحبة ,,, ألف حمد , وشكر , على سلامة المدام والمولود إن شاء الله مبارك .. وأن يجعله الله قرة عين لأمه وأبيه بارا بهما علما في مدينته مدينة العلم والنور, وسراج مضي لعتمة العقول أين ما وجدت , ومتعكم الله بالصحة والعافية دوما ,,, والتحية والشكر لك أنت أيها الرجل الجميل مامون أحمد إبراهيم ولكل أهل الدوحة الأوفياء .. أبوبكر
| |
|
|
|
|
|
|
Re: ولد .. ودرملية !!! (Re: مهيرة)
|
سلامات وعوافي د.مهيرة .. ممنون ليك يامهيرة يابت بلدي .. واسال الله "ان تلبسي ثوبا قشيبامن نسج افراحك".. تقبلي محبتي واحترامي ..
| |
|
|
|
|
|
|
Re: ولد .. ودرملية !!! (Re: أبوبكر حسن خليفة حسن)
|
سلامات وعوافي العــــــــــــالم.. ابوبكر .. ياصديقي واخي الحبيب .. مازلت اشمشم اثرك في الاسافير شوقا لك ولرؤيتك .. تمنيت ان التقيك في رحلتي الاخيرة .. فجاءت الاقدر عكس تيار امنياتي .. مشتاقين شديد ياصديقي ..مشتاقين شديد.. واسال الله ان يديم عليك نعمة المعرفة حتى تصل لمرتبة المتحققين في ذاته العليا تحققا كاملا .. ونسأله ان يزيدك ورعا والقا وايمانا اينما نزلت او حللت .. وعقبالك يارب كريم .. وتقبل محبتي الشديدة ..
| |
|
|
|
|
|
|
|