|
الهلال به كثير من المشاكل التقنية خوفي علي كاس السودان
|
يقول الخبير الدولي عثمان النعيم الجعلي
بان اكبر افات الهلال هو هيثم مصطفي الذي فرض اسلوب تاخير الهجمة والرجوع بالخلف
مما يتيح الفرصة لمدافعي الخصم بالرجوع للتغطية
وانا زعلان من سيف مساوي لانه سمح لهيثم طمبل باحراز هدفين علي مدار الدورتين
بالاضافة الي جلطات داريو كان وبطء ريتشارد
ومهند الطاهر لا يلعب هلال مريخ جيدا
بالاضافة لغياب كلتشي وضعف مردود احمد عادل وافياني
نغلب كيف يا هلالاب
|
|
|
|
|
|
|
|
Re: الهلال به كثير من المشاكل التقنية خوفي علي كاس السودان (Re: khaleel)
|
سلام يا خلي وكفارة ياخ والايام دول
Quote: يقول الخبير الدولي عثمان النعيم الجعلي |
والله يا خلي لو الما الدنيا حظوظ وقسم (بكسر القاف) ود الجعلي ده مفروض يكون من كبار المنظراتية والفلاسفة الكرويين..بدل جماعتك البي يستضيفم اخونا النقي في عالم رياضته القاطعو من راسو ..او مدعي التحليل بتاعين الاي ار تي .. نرجع لي موضوعنا الاساسي اولا يا خليل لا اظنك تنفي قاعدة لكل جواد كبوة ..او قصة الايام دول ..وسنة الحياة هي التغيير والابدال والاحلال ..لذا ود كرار اخد حقو وزيادة ..لكن برضو وجودو مهم للغاية ..فقليلون هم من يمتلكوا كاريزما القيادة ..المشكلة ما هيثم مصطفى في حد زاته ..فالهلال للان لم يأتي بصانع العاب في قامته واظن دي المعضلة الاساسية ..وقس على ذلك -رتشارد-والمرحوم والي الدين -والريح كاريكا ..والقائمة تطول ..فمتى وجد من هم في قامة من ذكرت ..فسيكون حينها لكل مقام مقال .
| |
|
|
|
|
|
|
Re: الهلال به كثير من المشاكل التقنية خوفي علي كاس السودان (Re: taha)
|
Quote: اولا يا خليل لا اظنك تنفي قاعدة لكل جواد كبوة ..او قصة الايام دول ..وسنة الحياة هي التغيير والابدال والاحلال ..لذا ود كرار اخد حقو وزيادة ..لكن برضو وجودو مهم للغاية ..فقليلون هم من يمتلكوا كاريزما القيادة ..المشكلة ما هيثم مصطفى في حد زاته ..فالهلال للان لم يأتي بصانع العاب في قامته واظن دي المعضلة الاساسية ..وقس على ذلك -رتشارد-والمرحوم والي الدين -والريح كاريكا ..والقائمة تطول ..فمتى وجد من هم في قامة من ذكرت ..فسيكون حينها لكل مقام مقال . |
طه
التحية عبرك لعمر اومو والموضوع الاساسي
يا صديقي نحن في نفكر في كيفية احراز الكونفدرالية
لابد من معالجة تلك الثقوب في الجبنة السويسرية
| |
|
|
|
|
|
|
Re: الهلال به كثير من المشاكل التقنية خوفي علي كاس السودان (Re: khaleel)
|
الحبيب والصديق في حب سيد البلد
تعرف اخي خليل
انو الهلال ما ناقصه شيء غير الجهاز الفني والاداري الذي يعرف كيف يتصرف مع اللعيبه
ولو رجع الاسد فوزي يومين بتعرف كلامي ده صاح ولا غلط
ياخ كيف لعيبه يدخلو معسكر بي تلفونات
في عدم انضباط في الهلال بس
لو انضبطو ليهم اسبوع بترجع تشجعهم تاني وما بتشوف غيرهم اللعيبه ديل
| |
|
|
|
|
|
|
Re: الهلال به كثير من المشاكل التقنية خوفي علي كاس السودان (Re: abas)
|
Quote: انو الهلال ما ناقصه شيء غير الجهاز الفني والاداري الذي يعرف كيف يتصرف مع اللعيبه
ولو رجع الاسد فوزي يومين بتعرف كلامي ده صاح ولا غلط
ياخ كيف لعيبه يدخلو معسكر بي تلفونات
في عدم انضباط في الهلال بس
لو انضبطو ليهم اسبوع بترجع تشجعهم تاني وما بتشوف غيرهم اللعيبه ديل |
هلا عباس
نحن نفكر في احراز كاس الكونفدرالية للعام 2009
وكاس السودان خليهو يولي
لذا لا بد من المشرط علي الجرح والمعالجة السريعة
| |
|
|
|
|
|
|
Re: الهلال به كثير من المشاكل التقنية خوفي علي كاس السودان (Re: khaleel)
|
خليل اخوي
لعيبتنا ما ناقصهم شيء غير الانضباط ومدرب ذكي يعرف يجيب بطولات
وجريء كمان ما زي ريكاردو الله يطراه بالخير
ارثر جورج مدرب قدير ومعروف ومعاه الديبه في الجهاز الفني لانو الديبه زكي جدا
وفوزي الاسد مدير اداري او شؤون لاعبين او الامين البرير ديل اكتر اتنين ممكن يكونو مؤهلين لشغل منصب شؤون اللاعبين
مع اضافه ؤمهاجم من طراز كبير يعرف يجيب القوون ويعرف يغير نتيجة المباراه في اي لحظه
وقلب دفاع قوي وسريع بالاضافه للموجودين ديل
طرف شمال كاتال ما زي كرنقو لعبو بطيء
القوون محروس المعز اروش شويه عاوز ضبط بس
تحياتي
| |
|
|
|
|
|
|
Re: الهلال به كثير من المشاكل التقنية خوفي علي كاس السودان (Re: abas)
|
Quote: مع اضافه ؤمهاجم من طراز كبير يعرف يجيب القوون ويعرف يغير نتيجة المباراه في اي لحظه
وقلب دفاع قوي وسريع بالاضافه للموجودين ديل
طرف شمال كاتال ما زي كرنقو لعبو بطيء
القوون محروس المعز اروش شويه عاوز ضبط بس
|
طيب ياعباس
اهي نفس المشاكل التقنية الانا البتكلم عليها
| |
|
|
|
|
|
|
|