كتب الكاتب الفاتح جبرا المتوفرة بمعرض الدوحة
|
|
 عيب يا آل المهدي
|
من وحى الأخبار
محمد حامد جمعه
عيب يا آل المهدي
فجع حزب الأمة القومي والبلاد قبله وفى وقت حرج ودقيق – ولا راد لقضاء الله المسلم به – برحيل الدكتور عبدالنبى على احمد الأمين العام للحزب واحد ركائزه المهمة وقياداته النشطة والمؤثرة ذات الخبرة في العمل السياسي والذي اتسم في تعاطيه للعمل السياسي بوسطية مريحة وطريقة أداء تجبر حتى خصومه على احترامه وتقبل موقفه دونما إفراط في حساسيات الاتجاهات .
وقع نبأ رحيل عبدالنبى على احمد وقعا أليما على السودانيين ، نحن كما قلت مرارا شعب وفى ، يقدر الرجال ويحفظ المقامات وكان يمكن لحزننا النبيل على الرجل ان يكون مهرا للتماسك والتآزر حين المحن ، لو لا اننى تابعت أقاويل سمعتها في المجالس ثم استطالت فغذت مواقع الانترنت عن خلافات جراء تشدد بعض آل المهدي حول دفن الفقيد بقبة الإمام المهدي !
الحدث تكرر منذ سنوات من قبل نشبت مشادة بين بعض رموز الأسرة الكريمة والمشيعين لبعض رموز حزب الأمة ( الراحل الجكومى ) والذين قضوا أيضا في حادث سير مروري مما يعنى ان الأمر يستحق وقفة من أمام الأنصار السيد الصادق المهدي وكل هذا الكيان .
دفن الأمين العام لحزب الأمة والرجل وان لم يكن من نسل المهدي فهو من الأنصار الخلص بالقبة لم يكن مسالة تستحق من اى شخص بالأسرة (المهدية ) التذمر ، وإعمال الحكمة في مثل هذه المواقف مهم وتدبرها واجب ، فعبد النبي خدم هذا الحزب بأنضر سنوات عمره وحتى لحظة مماته وخرج من هذه الدنيا بأوجاع والآم نالها جراء التزامه بصف حزب الأمة القومي ورسالة الأنصار فلا اقل من باب التكريم والوفاء ان يرقد جسده في مقبرة بالقبة أو جوارها وهو امر لن يغنى فى النهاية عن ان الحسيب هو الله وحده الذي يسترد امانته ويكرم الصادقين من خلقه دونما نظر الى لقب ومقام وعرق ودم ولون .
ان يفقد عزيز عزيزا وفى لحظات المصاب الأليم هذا تكون للكلمة ناهيك عن الفعل وقع ما قد يزلزل ليس كيان أهل الفقيد أنما حتى الحضور والمشاركين في العزاء وأصدقكم القول بان ما شجر من جدل بشان دفن أو لا دفن الأمين العام لحزب الأمة بالقبة خلاف غير كريم وعكس صورة قبيحة أخشى ان تهز قناعات الملايين ممن لا يزالون يفدون هذا الكيان بفلذات أكبادهم والذين ان مات منهم احد منع حتى من مجرد الحصول على بضعة أمتار للحده وقبره في جوار الأمام !
وعلى اية حال فقد كان مثوى الفقيد الاخير لأخير بمقابر السيد عبدالرحمن بود نوباوي وكما قال السيد الصادق المهدى فقد دفن في قلوب الناس قبل أن يدفن في قبره وهى عبارة بليغة اوجزت كل المسالة
واللهم لا عيش الا عيش الاخرة
|
|
 
|
|
|
|
|
|
|
 Re: عيب يا آل المهدي (Re: محمد حامد جمعه)
|
العزيز محمد حامد
والله ياخ دى خطوة حكيمة اذا كان ناس حزب الامة
حزب قومى فعلا ... سياسى فلا علاقة للحزب بمقبرة يدعى اهلها
انها خاصة باسرة المهدى ... فالسيد عبد النبى امين عام الحزب
واستاذ الهندسة المدنية كما تم نعيه اليوم بالصحف ,, لا علاقة له باسرة
المهدى واذا هم ارتضو لانفسهم الارتباط بالاسرة تبعا للارتباط بالحزب
فقد وضعوا نفسهم فى مكان بيجوو بعدين يابوهو
ليس كل حزب امة هو من بيت المهدى
وليس كل من هو من بيت المهدى بالضرورة حزب امة احمد المهدى نموذجا
فك الارتباط بين ال البيت وبين الحزب يبدا من هنا
دفن السيد عبد النبى بمقابر اسرة المهدى لا معنى له ...
واذا كان لدفنة فى القبة مدلول واحد فالمدلول سلبى ...
| |
|
|
|
|
|
|
|
|
|
Re: عيب يا آل المهدي (Re: دينا خالد)
|
دينا
سلامات
الفكرة العامة متفق معاك فيها ، انا اتحدث عن مواقف لا تبدو لى منطقية من ال المهدى ، انا اتحدث عن دلالة رمزية لا علاقة لها بفائدة ترجى للميت ،
| |
|
|
|
|
|
|
|
|
|
Re: عيب يا آل المهدي (Re: محمد حامد جمعه)
|
الدلالة الرمزية هى شنو ؟؟
بيرفعوا من شانو ؟؟ بيوضحو انو منهم وفيهم ؟؟؟
بيكونو ما بفرزو ؟؟؟
لكن مش مفروض انو هو اصصصصصصصصلا ما عندو علاقة بال المهدى ؟؟
مش المفروض انو علاقتو بحزب الامة وببرنامجو السياسى ؟؟ مش القبة دى
مقبرة لاسرة تدعى ال المهدى ؟ والسيد عبد النبى لا علاقة له بهذه
الاسرة وممكن هو ذاااااااتو يدفن جنب امو وابوهو ؟
| |
|
|
|
|
|
|
|
|
 Re: عيب يا آل المهدي (Re: دينا خالد)
|
Quote:
العزيز محمد حامد
والله ياخ دى خطوة حكيمة اذا كان ناس حزب الامة
حزب قومى فعلا ... سياسى فلا علاقة للحزب بمقبرة يدعى اهلها
انها خاصة باسرة المهدى ... فالسيد عبد النبى امين عام الحزب
واستاذ الهندسة المدنية كما تم نعيه اليوم بالصحف ,, لا علاقة له باسرة
المهدى واذا هم ارتضو لانفسهم الارتباط بالاسرة تبعا للارتباط بالحزب
فقد وضعوا نفسهم فى مكان بيجوو بعدين يابوهو
ليس كل حزب امة هو من بيت المهدى
وليس كل من هو من بيت المهدى بالضرورة حزب امة احمد المهدى نموذجا
فك الارتباط بين ال البيت وبين الحزب يبدا من هنا
دفن السيد عبد النبى بمقابر اسرة المهدى لا معنى له ...
واذا كان لدفنة فى القبة مدلول واحد فالمدلول سلبى ... |
بتجيني ساعات كتيرة يادينا بشك في امكانية حكمي على الامور وفهمي للاشياء
لكن بكلامك دا ريحتيني عديل
| |
|
|
|
|
|
|
|
|
|
Re: عيب يا آل المهدي (Re: Rawia)
|
راوية ؟
الم يعد صديقى ياسر لصوابه بعد ؟
ــــــــــــــــ
محمد حامد ياخ لسه منتظرة تشرح لينا الدلالة الررمزية
تعال ياخ .... هو فتح البوست ذيى خروجو ؟
| |
|
|
|
|
|
|
|
|
|
Re: عيب يا آل المهدي (Re: دينا خالد)
|
ياولد أبوك
شنو الغلط وياتو العيب؟
الظاهر إنت شالك التيار !!!!!!!!!!!!
ونسأل الله تعالى الرحمة والمغفرة ل د. عبدالنبي وجميع موتانا وموتى المسلمين.
| |
|
|
|
|
|
|
|
|
|
Re: عيب يا آل المهدي (Re: محمد حامد جمعه)
|
| Quote: مقبرة لاسرة تدعى ال المهدى ؟ |
البي يوقع الكلام دا لي بقال منو يا دينا؟؟
ليتهم يفهمون معنى هذا الكلام ويكفوا عن مهاجمة الناس بلا سبب!!!
صادق الدعوات للمرحوم الدكتور عبد النبي ونسأل الله يسكنه عالي الجنان
| |
|
|
|
|
|
|
|
|
|
Re: عيب يا آل المهدي (Re: محمد حامد جمعه)
|
لماذا ربط القرابة للمهدي بالدم؟
من قال أن المهدي وقبته و(اي حاجة بتخصوا زاتو) ملك لأسرة ما حتى لو كانو أحفادو،
وان كان ذلك لماذا التغاضي عن القربى العقدية والفكرية والتنظيمية والتاريخية لأمين عام حزب الامة ؟؟!
| |
|
|
|
|
|
|
|
|
|
Re: عيب يا آل المهدي (Re: Mohammed Elhaj)
|
يااااا محمد الحاج
انت بتقول الكلام دا وكانك مقتنع انو دفنو فى هذا
المكان شرف ليه !!
| Quote: وان كان ذلك لماذا التغاضي عن القربى العقدية والفكرية والتنظيمية والتاريخية لأمين عام حزب الامة ؟؟! |
وانا بقول ليك مافى شرف بجى لى زول من اهل زول تانى
اى زول لازم يكون مقتنع فى ى روحو دى انو اهله هم مصدر شرفه.
والمكان الذى دفن فيه اهل الاستاذ المرحوم عبد النبى لايقل شرفا عن
اى بقعة دفن فيها اى شخص من ال المهدى ... وكل زول بشرفوهو اهلو فلستوب .
| |
|
|
|
|
|
|
|
|
|
Re: عيب يا آل المهدي (Re: محمد حامد جمعه)
|
يا دينا خالد
سوري أنا ماشفت ردك الا هسة
طيب واضح جداً انو لو في أي انصاري عرضو عليهو انو يتدفن في قبة (مهديهو) حيفرح جداً ويقول ايوة عايز اتدفن فيها، بما أنو د. عبد النبي دا انصاري ووصل لي مرحلة أمين عام حزب الأمة اللي ما بيتفرز بي سهولة زاتو من كيان الأنصار فبالتأكيد حسب القرينة أعلاه حيحب يتدفن فيها من خلال العلاقة الروحية بين الأنصار والمهدي وآثار المهدي والقبة طبعاً كاحدى هذه الآثار، يبقى من هنا انطلقت أنا، اذا بنتكلم عن شرف ولا ما شرف بالكلام أعلاه أكيد كل الأنصار بيشوفوا مسألة الدفن في القبة دي تشريف، 1- لأنو الصادق المهدي امام الانصار ورئيس حزب الامة قرن المسألة دي بالعطاء الطويل لعبد النبي للحزب والطائفة 2- احمد المهدي رفض مسألة الدفن كونو شرف ما مفروض يتمنح غير لآل المهدي شرف بالدم كدا 3-عائلة عبد النبي لما رفض احمد المهدي فكرة الدفن في القبة كان واضح انو المسألة دي ادتهم احساس ما جميل والتفسير هنا ما جميل،
الحاجة دي عموماً كدا مفروض تخلي الناس البيفكروا ولسة عقولهم قادرة تمارس شئ من النقد على الحاصل دا مفروض يبدو يشوفوا حكاية انو آل البيت (ال بيت المهدي ما الفرقة ديك) ما بيدوهم فرقة كبيرة في الحزب دا، نائب رئيس بتطشش العيون بس رئيس سوري، أمين عام بس لما تموت بعد كم وتلتين سنة تتدفن في الهجرة ما في القبة وهكذا يعني
تحياتي
| |
|
|
|
|
|
|
|
|
|
Re: عيب يا آل المهدي (Re: Mohammed Elhaj)
|
القبة وآلـ المهدي وما أدراك ما الأنصار !!!
هذا ما نجنيه من هؤلاء - أبناء الأبطال أنصار المهدية التى شرفت السودان بالإستقلال الحقيقي الممهور بالدم !
وصل حالهم اليوم بأين يدفن هذا؟ ويجب نقل رفات هذا وووووو... !!
كأنما سلط الله عليهم شيطان يواري أمجاد جدودهم بسلف في سفاسف الأمور غارقين !!
يوم يتجلى السيد/ الصادق ينبري علينا أحمد المهدي بتجليات تجلجل وتهز امجاد جدوده !!
ويوم يتجلى السيد/ أحمد المهدي يبدع السيد الصادق في المحن وتجاهل دوره الريادي في مشاكل غرب السودان أينما كانت !!
وقبل فترة ليست ببعيده يُبدع الختمية في جنازة السيد / أحمد الميرغني بإحـتفالات وكرنفالات !!
هذا هو حال السودان القادم بعد الإنفصال أسرتين تهتم بأمواتهما أكثر من أحـياء الوطن الأليم !!
ونلف في نفس الفلك الكنا لافين فيهو قبل 44 عام وقبل عشرين عام ووووو!!
أهتموا بمشاكل الوطن العظيمة والتفتوا الى ما يحاك بالوطن من تشرزم وفكاك وأنفصال !
إهتموا بمشاكل المواطنين أينما كان موقعهم على الوطن او خارجه !!
الى الأمام يا ناس - الى الأمام .....
هشام
| |
|
|
|
|
|
|
| |
محمد حامد جمعه
دينا خالد
Deng
ابراهيم بقال سراج
Rawia
حماد الطاهر عبدالله
أبو الحسين
Mohammed Elhaj
jini
Hisham Ibrahim
فيس بوك
تويتر
انستقرام
يوتيوب
بنتيريست