|
|
 استراتيجية الغلاط .. فى تشتيت الحاجات ..
|
قبل فترة من الزمان استضافت قناة الجزيرة الدكتور كمال عبيد لسؤالة عن مظاهرات ما كانت تجري فى الخرطوم فى ذات اللحظة
..لكن الدكتور المسئول دعك يديه اثنيناتم فى الواطة وهو ينفى بأصرار حير المذيعة والمشاهدين نهائيا أن يكون هناك أي شئ حاصل فى الخرطوم ...
وكلة فى التمام والسليم .. وانا هسع جاى من جنب السوق وما شفت مظاهرايه واحدة ..
يازول ..
والله ..
طيب مع السلامة ..سيداتى سادتى ..
زى ما شايفين مافى حاجة حاصله فى السودان ومتأسفين ..
وأمس كان ربيع عبد العاطى يعيد مسرحية الغلاط المغلظ والذى يوشك ان يؤدى الى الطلاقات والحرامات لولا المكان ..
المهم لم تستطيع المذيعة الشاطرة ومن خلفها محجوب عروة فى الخروج بأي افادة حول (الرقابة الصحفية) ...
فقد علق الدكتور فى العبارة ( ابدا دا ما حصل ) وكررها بلا استثناء فى الأجابة على أي سؤال كان
ابدا ما حصل انو فى رقيب من الأساس ..بس جهاز الأمن يحمى البلد من الخونة والعملاء حسب مسئولياتو ..
ابدا ما سمعت زول منعوه من الكتابة ..دا ماحصل ..الرقيب ما بجى بالليل .الرقيب بجى الساعة تلاتة بعد ما يتصل برئيس التحرير..
انا ما متذكر ولا عارف آي خبر اتمنع ..دا ما حصل ..الرقيب ما بمزاجو المسئولين بجتمعوا ويقرروا الخبر فى
صالح البلد ولا لا ..ابدا دا ما حصل ..ما أى مظاهرات .ديل جماعة متفلتين لا يتعدوا اصابع اليد الواحدة لم
يلتزموا بالقانون والأجراءات وما طلبوا أذن من الحكومة ..ابدا دا ما حصل انو جريدة ما صدرت عشان شلعوها
..ابدا دا ما حصل كل الجرائد بما فيها جرائد اولادنا تخضع للمراجعة ..ابدا دا ما حصل ما خبر اتمنع من جريدة
وسمح بيهو فى جريدة تانية ..ووووو
ترقبوا أعادة البرنامج واستمتعوا بالغلاط الجميل ..
|
|
 
|
|
|
|
ismeil abbas
فيس بوك
تويتر
انستقرام
يوتيوب
بنتيريست