|
بركات (الشيخ اوباما)تهل على ناس واشنطون فهل يعرف السودانين كيف يتسفيدون منها؟
|
تقول نشرات الاخبار ان الايجارات ارتفعت جدا بواشنطون و الفنادق واي ركن بواشطون في يناير لحضور حفل تنصيب اوباما. اها ده خير كبير لناس واشنطون. اها انا لو في محل ناس كستاوي وسوداني واشنطون اول شيئ افكر كيف يمكن ان استغل هذا الحدث ماليا.
طبعا السودانين آخر من يعرف للاموال و(انا منهم) لكن بالله فكروا يا شباب.....ان شاء الله جالية واشنطون نفسها اكيد عندها مشاكل ماليه اي زول منكم اطبعوا تي شيرات اعملوا لكم عربات للهوت دوق عجلة لبيع الهوت شوكلات لانه حتكون الدنيا برد....تشتروا لكم قفازات لبيعها لما الناس يدينها تكنكش من البرد تعملوا لك حلة لقيمات كبيره تقول لهم دي (التمبس )ولا (الدوناتس) الكان بياكلها والد اوباما في كينيا.
تسوى لكم عصيدة تصوتها وتقولوا لهم دي الاكله السحريه البتخلي الواحد يحمل بعيال اذكياء زي اوباما
وما تنسوا اوباما شلكاوي يعني ولدنا.
المهم تتصرفوا
العرفته قالوا النيجيرين استوردوا (قوروا العالم كله) وعايزين يبيعوه في اليوم داك باعتباه (قوروا ) كيني...
و الكينين..... ما خلوا حاجه ....لحد تراب بلدهم صروا في اكياس وحيبيعوا باعتباره من التراب الذي سار عليه اوباما الاب
والاحباش حيعوسوا انجيرة الدنيا كلها ويقولوا دي الانجيره البحبها اوباما و....و..الخ اها انتو اقعدوا اتفرجوا يا حبايبي وشيل لافتات وبس استفيديوا يا عالم. اتلحلحوا شويه.
يا جماعه لحد كيزان تكساس (السودانين)المستهبلين الصوتوا لمكين قالوا جاين عاملين فيها اولا عمة اوباما
انا لو محل الجمعيات السودانيه كلها نبدأ في عمل تنسيقي لاجل انعاش ماليتنا اطلبوا تيشيرتات عليها صورة اوباما واعلموا تذكرات واي من الحاجات البتباع وممكن تجب دخل,اصلا يومها انا متأكده كلكم مشحوطين هنا في البرد داك فاخير تفيدوا جمعياتكم,والله تقعدوا تتفرجوا و تنذهلوا من الحتشوفوه يومها من فلاحة العرب و الافارقه وغيرهم.
طبعا الغنى الشخصي ده آخر من يعرفه السودانين لكن كدي فكروا في دعم منظماتكم ماليا او بالعدم ترتيب انفسكم بالبس ازياء موحده لكي يظهر عددكم متحد وكبير(كجاليه) واطبعوا لكم تشيرات موحده,بس اوعكم من الاحمر الاحمر هنا يا جماعه لولايات مكين مش اقصد المريخاب ,اوباما كل الوانه باالازرق.والله يعينا على احمر ميشيل يومها
|
|
|
|
|
|
|
|
Re: بركات (الشيخ اوباما)تهل على ناس واشنطون فهل يعرف السودانين كيف يتسفيدون منها؟ (Re: عزيز عيسى)
|
يا ناذر سمعته تحت تحت قالوا جلابة واشنطون التقطوا الفكرة وخلاص شحنات التلبدي و العرديب وغيره اتشتحنت في بالطيارت كمان ديل بيهظروا. ومعاهم محمد نور(التشادي) طبعا ده شاطر في التجارة شطارة عجيبه اصلا ود جلابة تشاد اقصد تجارها,اها محمد نور قال لك طلب بهارت الاقاشي الما خمج وحيدور شيات باشراف صباح حسين وهبة الماحي وسامي عتباني قالوا طلب فسيخ من الدويم وجبنه بيضاء وارد الدويم.
يا بريمه اتلحلح وحياتك لا فضل كول ولا مريس كله الجلابه كملوا استيراده لواشنطون الحق شوف لك حبه مدسوسه في تكل كده يرسلوها لك.
تخريمه: جلابه هنا بمعنى التجار الحقيقين بكل عرقياتهم وليس و جلابة السياسه.
| |
|
|
|
|
|
|
Re: بركات (الشيخ اوباما)تهل على ناس واشنطون فهل يعرف السودانين كيف يتسفيدون منها؟ (Re: Tragie Mustafa)
|
تراجي ..
Quote: يا ناذر سمعته تحت تحت قالوا جلابة واشنطون التقطوا الفكرة وخلاص شحنات التلبدي و العرديب وغيره اتشتحنت في بالطيارت كمان ديل بيهظروا.
|
في شحنة ما تنسيها معاك لانو في واشنطون دي سي وواشنطن دبليو إكس مافي ..!
صاحبك بتاع الدراي كلين الشغال في ناسا داك ..
أكيد في زحمة الفول والتسالي والعونكوليب بتاعت جلابة واشنطون ما حا يقدر يجيب معاهو ماكينات البخار ديك ..
فرايك شنو أشحن ليهو من هنا طشتين نيكل وكيس صابون فونا قمر 14 ولفة حبل تيل ؟
عليك الله إتخيلي معاي المنظر دا
أنعل ابو الخيال الواسع زااتو
| |
|
|
|
|
|
|
|