|
تبقى أديب أساسى ويكتب فيك ملاسى
|
من أهزوجة أم لطفلها آنهدهدة..
تكبر ياعشايا وتكتب كم روايه وترسم ب عنايه وتصبح رقم قاسى وتتشالق مره مره وفى حوش بكرى تدخل وتبقى عضو اساسى وتوصل أعلى قمه ويكتب فيك ملاسى
|
|
|
|
|
|
|
|
Re: تبقى أديب أساسى ويكتب فيك ملاسى (Re: محمد البشرى الخضر)
|
التحية للأديب عثمان محمد صالح كأول واحد تتحقق فيه الأهزوجة..
فعندما صار رطبا واستوى رأسه نقده ملاسى ليصبح خارج عدد السبيطة آن حصادها.. وقد أصبح بعيدا عن سوق التمر حتى لايلوكه الجوعى ولايشربه أصحاب المزاج..
وانتقل ملاسى ينتقى بلحةأخرى..
| |
|
|
|
|
|
|
Re: تبقى أديب أساسى ويكتب فيك ملاسى (Re: فيصل محمد خليل)
|
Quote: يكفي جرائدنا ان تصدر في ورقتين
من نصف دفتر اليماني الصغير داك |
فيصل طبعا لو حصلت اي ازمة في الورقة ساعتها فان ورق البرنسيس حيقضي القرض..... جرائد علي ورق برنسيس ولاعزاء للاستخدامات الاخري للورق...
شماسي صابون فنيكي من اجل الغسيل الكيكي
| |
|
|
|
|
|
|
Re: تبقى أديب أساسى ويكتب فيك ملاسى (Re: ابراهيم محمد الحسن)
|
Quote: فيصل طبعا لو حصلت اي ازمة في الورقة ساعتها فان ورق البرنسيس حيقضي القرض..... جرائد علي ورق برنسيس ولاعزاء للاستخدامات الاخري للورق... |
تخيل يا كيكي و انت راجل محترم قاعد خالف كراع في كراع
و بتتصفح الجريدة في حجم ورقتبن من دفتر اليماني تبقى مصيبة
و اكشاك الجرائد طبلية
| |
|
|
|
|
|
|
Re: تبقى أديب أساسى ويكتب فيك ملاسى (Re: Safia Mohamed)
|
للجميع تحياتى
أخدو راحتكم عالآخر
واعتبرو نفسكم معزومين فى انداية (حاجة العندو) والراية نزلها كيكى وحلف حرام محدش يدفع حق عبار..
وبهذه المناسبة نذكر من القنديلا النقدا الطير الدكتور عبد الله بولا.. رغم أن عبد الله بولا تصدى لودقاسم ولولا بولا لكان الإحيمر مازال مصلوبا فى إنداية (حاجة العندو) كأخلص فتوة أنادى فى زمانه.
بالمناسبة هل هناك علاقة بين حوش بكرى وانداية العندو?
| |
|
|
|
|
|
|
Re: تبقى أديب أساسى ويكتب فيك ملاسى (Re: Balla Musa)
|
لنصنف من ناشهم سهم ملاسى إسفيريا كالآتى:
1/ مضاريب قورباتشوف .. 2/ رعايا لإمام المنتخب الشالع نورو.. 3/ وآخرون.
أما مضاريب قورباتشوف ورعايا الإمام فقد إستفرد بهم ملاسى بعد أن ضبطهم مع الذكور الذين تابعوا الإنقاذ عندماهزت ذيلها وغازلتهم حتى مارس رؤوسهم معها الحب ولم يدروا أن الإنقاذ تقبض عندما تبلغ قمة الشهوة ولاتفك ولكنها تفرج عن الألسنة لتصرخ فى الأسافير من الألم..
| |
|
|
|
|
|
|
Re: تبقى أديب أساسى ويكتب فيك ملاسى (Re: معاذ حسن)
|
يادكتور ياسمح يازين انت وين كل المدة دى ياخى والله كلامك طلع صاح وأنا بالمناسبة كنت على وشك ان اكتب بوست باسمك أثبت فيه انو كلامك لى طلع صح مئة من مئة وان شاء الله حا أنزل البوست واوريك كلامك طلع صح فى شنو عمت صباحا
| |
|
|
|
|
|
|
Re: تبقى أديب أساسى ويكتب فيك ملاسى (Re: Balla Musa)
|
وتكبر يا عشايا وتاخد مني لمحة وتكتب في الرياضة بدون تنظير كـ طلحة
وتكبر يا عشايا ويقولوا عليكَ مبدِع ولي ناس القطيع كلامك حار وموجِع
وتكبر يا عشايا و اباهي بيك صحابي و تكتب بي صراحة و يطلعوك جلابي
وتكبر يا عشايا تصبح لي مناضل وتعرف للمسنجر ولي ناس المشاكل
يا دكتور كلٌ يهدهد على ليلاه حكاويك دي ما بتلقي ليها لينكات
| |
|
|
|
|
|
|
Re: تبقى أديب أساسى ويكتب فيك ملاسى (Re: أسامة الفضل)
|
Quote: عمك على تاج الدين سلام إنت كده حاتجيب لى الهوا مرتين مرة يقولوا صاحبك والتانية يقولوا جلابي على العموم أقول و أمري لله أنا شكري عيشابي و حاشاني ماني جلابي |
حرم ما خيبت حدسى فيك....لانى التقطها على بعد الاف الاميال(واسلم راسك انت للمحالة خريف اب قدح مطرف مابضاريه صريف ركازة البميل ان حبشى ولا شريف كنتيك العرب من هنا لعن حلوق الريف) على
| |
|
|
|
|
|
|
Re: تبقى أديب أساسى ويكتب فيك ملاسى (Re: أسامة الفضل)
|
قريبي ود الفضل
طبعا انت شاعر خطير ولاغرابه فبادية البطانه هي ارض الشعراء
Quote: والتانية يقولوا جلابي على العموم أقول و أمري لله أنا شكري عيشابي و حاشاني ماني جلابي |
مالك ياقريبي تستخدم عبارة " جلابه' بشكل لايستخدمه اهلنا في رفاعة ابوسن, وشرق البطانه. تعايش اهل رفاعه وبادية شرق البطانه الاصليين من شكريه, بطاحين, ورفاعيين مع المنحدرين من جذور شماليه نيليه مئات السنين. ونسبه كبيره من السكان من جذور مختلطه, ونعرف هناك باحيائنا السكنيه, وحلالنا وليست بقبائلنا. واهم رمزين لرفاعه والبطانه, وللتعايش السلمي بين اهلنا في رفاعه والبطانه هما العملاقان جدك شيخ ابوسن, وجدي شيخ بابكر بدري. وكان اهلك ناس ود ابونوره جلابه بمقياسك تبقي انت برضه جلابي. سلامي لبله موسي صاحب الخيط مع ودي وتقديري
| |
|
|
|
|
|
|
Re: تبقى أديب أساسى ويكتب فيك ملاسى (Re: أسامة الفضل)
|
.. .
Quote: بكرة تكبر يا عشاي و يبقى ليك في الإبداع نصيب وترسل ليهم كم إيميل توريهم قلة أدب الأديب |
Quote: بكرة تكبر يا عشاي و تبقى محدود الثقافة و إياك تبقى عاطل عيبا لي... مالا الصحافة |
__________
يا ود الفضل مواهب مدفونة انت بيقيت ناقد أدبي من ورانا
| |
|
|
|
|
|
|
Re: تبقى أديب أساسى ويكتب فيك ملاسى (Re: حمد عبد الغفار عمر)
|
تكبر يا عشاي و ما تباري لي ناس ملاسي ديل ناس شمارات بالجوال و العجلة سداري غير فلان عمل و فلانة سوت ما عندهم حاجة تاني شن لما منصور خالد و ود الجزولي بالرجرجة ياخي محسن و المرضي بالعلم والضرب ضفاري مولانا بولا و بتنا نجات و الما عجبو يشرب من البحر طوالي
| |
|
|
|
|
|
|
Re: تبقى أديب أساسى ويكتب فيك ملاسى (Re: Kostawi)
|
بلة موسى سلام شكرا على البوست الجميل
تكبر يا عشاى ويكتب فيك ناذر وكان حظك عاثر ترد عليك تراجى وتقول ليك كلامك فطير فاتر وتكبر ياعشاى وتبقى زى azz gafar الصورة فى ضنب الصورة ويغور السد الجائر منصورى من اعز ديارى انا ومنصور موقد نارى انا او زى بقال.. تبارى ناذر وتكبر يا عشاى وتبقى زى هناى دمك فاير .......... انت مين عشان تكتب فى روزمين بطل حركات الشرنقة ما تشرنق لينا العصفورة الامورة خليها تكون طايرة فراشة بين الزهور حائرة دندرة .. مندرة يا ابو ساندرا
دندرة مندرة .. لغة هندية لا معنى لها
| |
|
|
|
|
|
|
Re: تبقى أديب أساسى ويكتب فيك ملاسى (Re: حنين للبلد)
|
ومحبى ملاسى كالنمل الذى يحب العسل.. فما إن يروا بلاص العسل حتى يقفزوا بداخله فيأكلون ويشبعون وعند التخمة يجدون أن الدخول فى البلاص هين ولكن التأمل فى الخروج.. وتموت جحافل النمل على سطح العسل..
فمن يريد لحس العسل من الخصوم: إما أن يكون من هواة وجبة النمل بالعسل.. أو أن يتسلل داخل البلاص عبر فجوة يحفرها من تحت..
| |
|
|
|
|
|
|
Re: تبقى أديب أساسى ويكتب فيك ملاسى (Re: Balla Musa)
|
تكبر يا عشايا وتبقي لي عصايا تشبع جوعي وتروي ظمايا وتسند ضهري وقفايا وتبقي عينين للعمايا وسترة للماشين عرايا
تكبر تبقي لي مرايا وتبني لي سرايا تناسب الاكابر وتعرس هنايا
تكبر تبقي زول خطير وللبورداب خير سفير تغالط ناس ود البشري جرجير اللامين في الناس زرزير في كل بوست عندهم رأي فطير
| |
|
|
|
|
|
|
Re: تبقى أديب أساسى ويكتب فيك ملاسى (Re: Balla Musa)
|
وتكبر ياعشايا
ومن يومك رضيع
اشحد مولاي وربي
تبقى لي مذيع
مذيع فاهم وراقي
متواضع وديع
واتوسط ليك عند محمد
يضمك للقطيع
قطيع خوة ومحبة
ترابط سد منيع
قطيع محترم وراقي
مبشر بي كل بديع
قطيع اخوان رجال
ولسمح القول مشيع
قطيع كل في مجاله
بارز...ناجح ..
وياود البشرى....تعال سريع
لانه الباقي غلبني...
| |
|
|
|
|
|
|
Re: تبقى أديب أساسى ويكتب فيك ملاسى (Re: عبد العظيم احمد)
|
اختي حنين
Quote: اشحد مولاي وربي
تبقى لي مذيع
مذيع فاهم وراقي
متواضع وديع
واتوسط ليك عند محمد
يضمك للقطيع
قطيع خوة ومحبة
ترابط سد منيع
قطيع محترم وراقي
مبشر بي كل بديع
قطيع اخوان رجال
ولسمح القول مشيع |
كنت اعتقد إنك من أم در لكن يبدو انك من اعمق اعماق البطانه مثل قريبي ود الفضل. بكل المقاييس شعرك جميل. مع ودي وتقديري
| |
|
|
|
|
|
|
Re: تبقى أديب أساسى ويكتب فيك ملاسى (Re: Balla Musa)
|
وتكبر يا عشايا...
تحمي لينا حوش ابوبكر..
من شلة(فلان) وبتاع الهكر..
وتبقي لي زي ود الصائم وكيكي وود البشري الخضر..
شيالين التقيلة.. يحمو الانتاية من هجمات....الضكر...
ايووووووووووووووووووووووووي ايووووي ايووي
اصلو البوست دة ناقص زغرودة
و....
دلوكة..
| |
|
|
|
|
|
|
Re: تبقى أديب أساسى ويكتب فيك ملاسى (Re: Balla Musa)
|
(1) تكبر انت يابا و تزيد الخيابه
تتغمز تلمز تتناجس كتابه
تتمسخر تهامز تتمايص كآبه
تتلامض في الضعيف وللقوى فنقيس جعابا
تلولو في العديل وللاعوج دايما صحابه
تنقز تنطط كلما بان سرابا
تتخفف تنفجط شكار للخرابا
كاره للجمال نباش حال الغلابه
تابع للبذلك ماجور للكلابا
طبعك جوه دمك وين منو انسحابا
فرحان بي رمادك بكره تسف ترابا
| |
|
|
|
|
|
|
|