|
|
|
 Re: لمسة وفاء للراحل المقيم مصطفى سيد أحمد (Re: سامى عتبانى)
|
( 1)
النّاس قبيل السّمعتك واتكيّفت
راجين صباح قهوة غناك
رابطه الرؤوس اتقريفت
ليه يا وتر ..........
ارض الفنون ماصيّفت
بعد الّدّرت وصعيد غنا ك
كزّت عروقه اتليّفت
دقشه اليباب....... ..
ريق القصايد فّيّفت
نزّت سراب ................
شمّت لحونه اتعيّفت
--________________--
( 2)
بلبل وجيع
غرد صدح
في ليل هجيع
ورحل بعيد
خلف الغياب
شايل حزن
بلدا فجيع
الحسرة يا فصل الربيع
عمرك قصير
زي النسيم
مريت سريع
مرت معاك
كل الاماني
المستطابة وممكنة
مات في الزمن
نبض الحروف
الزاهية في صدر المني
بعدك رحل
طير البلوم
هجر الغصون
عاف الغنا
جفّ ونشف
نخل الفريق
شايل الحزن
ساقو انحني
الاخ سامي عتباني
لك التحايا والود والوفاء علي فتح
هذا البوست وهذه الذكريات العطرة عن الفنان
الانسان مصطفي سيد احمدالذي رحل عن هذه الفانية
بعد ان خلد فنه واسمه.
| |
 
|
|
|
|
|
|
|
|
Re: لمسة وفاء للراحل المقيم مصطفى سيد أحمد (Re: سامى عتبانى)
|
تبقى سيرتك هى الكلام
وتبقى صورتك هى الرؤى الحلوة
البعيشهـا
فـى صحوتى ..
أو حتـى فـى عــز الـمـنــــام
ويبقى إسمك هو الغنــا
هـــو البخفف لـــــــى
عــذابــــات الضنــــى
الشفتو منك
يا منى الروح يا انا
وبصعب ياجميل
وبعدت عنك
ولمه طال بى النوى
بقى لى اسيبك مستحيل
| |
|
|
|
|
|
|
|
|
 Re: لمسة وفاء للراحل المقيم مصطفى سيد أحمد (Re: سامى عتبانى)
|
يا سلام يا سامي ...
وبالامس كانت لمسة وفاء للراحل الفنان مصطفى سيد احمد
بالخرطوم النادي العائلي ..
شارك فيها ..
الشاعر القدال ..
الشاعر الكتيابي
الشاعر صلاح حاج سعيد
الشاعر مدني النخلي
وفي الغناء :
الفنان : عمر خليل
الفنان : ابي بكر سيد احمد
الفنان :علاء الدين سنهوري
ورغم (الكورة) الا ان اهل الوفاء ضج بهم المكان فكانوا في قمة الوفاء ..
| |
|
|
|
|
|
|
|
|
|
Re: لمسة وفاء للراحل المقيم مصطفى سيد أحمد (Re: انعام حيمورة)
|
Quote: وبالامس كانت لمسة وفاء للراحل الفنان مصطفى سيد احمد
بالخرطوم النادي العائلي .. |
الاخت انعام
لك التحيات ممزوجه بالاشواق
حقا الرائع المقيم معنا مصطفي سيد احمد
علم علي راسة نار له الرحمة والمغفرة
الكلام يكثر بحق فنانا المرهف المساحة لا تكفي لسرد
واكتفي بالقول
تبقي سيرك هي الكلام
| |
|
|
|
|
|
|
|
|
|
Re: لمسة وفاء للراحل المقيم مصطفى سيد أحمد (Re: سامى عتبانى)
|
حبيبة قلبى يا سودانية
يا أسمى معانى فى زول بيعانى
ياود ضكران .. ويابتْ دغرية
وأنا إنْ سامعانى بطـّلت
أغانى غُـبش .. فقرية
وروح غانيانى
هويتك منك يادافعانى براحة إيديا
ويا جابدانى ... قربت عليا
وما بتحيـّر بين الفوق ..
وبين الناس التحتانية
إلاّ مغـيـّر .. ولاّ عبوس ..
ولاّ كفيف الإنسانية
ومنـِّك وين يا كاشفة عينيا
بنور الإلفة .. ضِيا الحنية
وحِلم العالم .. ناس تتسالم
والبنى آدم صافى النية
والأطفال الناشفة ضلوعا
يطمِّن روعا..وتبقى تغنى
غناوى البكرة .. الكم مسموعة
حسيس طنبارة .. مع نـُقارة
صفِقتاً حارة .. ودارة تغنى
فيا حلتنا عليكى تـُرابك ..
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا ..
وتمحى ظلام الحاصل .. عنـّى
| |
|
|
|
|
|
|
| |
سامى عتبانى
awad hassan
انعام حيمورة
فيس بوك
تويتر
انستقرام
يوتيوب
بنتيريست