|
|
 نداء عاجل لمن له علاقة بسودانير او الخطوط السعودية حجز وتذاكر
|
ارجو ممن له علاقة بسودانير او الخطوط السعودية ان يعطيني فكرة عن اسعار التذاكر وامكانية الحجز لعدد تذكرة شبابية لزوجة، طفلين و6 و 4 سنوات ورضيع، مع امكانية تاكيد حجز في الفترة من 17 نوفمبر الى 25 نوفمبر اتجاه واحد الخرطوم جدة وهل يمكن شراء التذاكر هنا من السعودية وكيفية ارسالها الى السودان هل يشترط اصلها ام عن طريق الفاكس وهل يتم دفع فرق سعر هناك؟
منتظر ردودكم ياشباب لو برسائل خاصة او في سهلة بكري دي قبل بكري ما يصحي من النوم ويقول دا اعلان تجاري ويلحقه لى الخور وام صلال.
|
|
 
|
|
|
|
|
|
|
 Re: نداء عاجل لمن له علاقة بسودانير او الخطوط السعودية حجز وتذاكر (Re: محمد عمر الفكي)
|
صاحبي ود الفكي...
سلامات يا اخوي وحمداً لله على سلامة نهاية إجراءات المدام... وربنا يوصلها والأولاد ليكم بالسلامة...
وبما أني أنا في الطريق... ممكن توريني الإجراءات إلى حين الآن إحتجت للتذكرة... لينا فالك
اصبر شوية كدي زهير حيدر صديق يجي يديك النجيييييييضي...
لك قواسيب مودتي... ولا تنساني من صالح دعواتك وأنت في البلد الطيبة ديك...
أبو الحُسين...
| |
|
|
|
|
|
|
|
|
 Re: نداء عاجل لمن له علاقة بسودانير او الخطوط السعودية حجز وتذاكر (Re: أبو الحسين)
|
عمران، اسماعيل، ابو الحسين
مشكورين وماقصرتوا وانشاء الله ربنا يقدرنا على جزاكم.
اكتر حاجة مزعلاني فيكم انكم هلالاب ،غايتوا الزول لو ما مجبور ما كان دا حصل، لكن برضه كتر خيركم.
غايتوا من هسي لو فزنا يوم 17 اوعى القي تلفوناتكم مقفلةولو انهزمنا لاقدر الله ودا مستبعد جدا، انا في الحج وفي ايام العبادة دي مافاضي لكورة، اوعى زول يقول لى الحج بينتهي قبل يوم 17 كمان دايرين تغالطوا ناس مكة!!!!!
ابو الحسين
الله يسهل لك اديني بريدك الالكتروني خلينا نديك التفاصيل واوريك الدرب من بدايته لنهايته.
اسمع
انت اولادك ديل ما تجيبهم بسفينة نوح ولا لسه ما فتحت خط بورتسودان جدة؟!!!!
| |
|
|
|
|
|
|
|
|
|
Re: نداء عاجل لمن له علاقة بسودانير او الخطوط السعودية حجز وتذاكر (Re: محمد عمر الفكي)
|
الأخ/محمد عمر الفكى
سعدت بمهاتفتك..بارك الله فى الدخرى عمران....نسأل الله ان يجعل ذلك فى الميزان..
Quote: عمران، اسماعيل، ابو الحسين
مشكورين وماقصرتوا وانشاء الله ربنا يقدرنا على جزاكم.
اكتر حاجة مزعلاني فيكم انكم هلالاب ،غايتوا الزول لو ما مجبور ما كان دا حصل، لكن برضه كتر خيركم |
خيرآ من مريخاببى ماراجنو.شوف هسى واحد منهم ساى جاك وللا هببك..راجين الخير من الله..بس ما تنسانا من صالح الدعاء عليك الله كل ما تمشى الحرم..بصالح الدعوات..وأوعاك تدعو بهزيمة الهلال
نسأل الله أن يوصل اولادك بالسلامة..ويسعدكم يارب...........
مودتى...إسماعيل محمد احمد عباس.....
| |
|
|
|
|
|
|
|
|
|
Re: نداء عاجل لمن له علاقة بسودانير او الخطوط السعودية حجز وتذاكر (Re: ismeil abbas)
|
ود الصايم،
الاولاد قلت لهم امسكوا في الشهادة، وانا بدفر لكم هنا بالدعوات لانه سودانير دي الزول ما بيركبها الا لمن تضيق عليه الواسعة، السعودية درب مافي ليها تب في الايام دي.
اما كون سودانير بيض فما فيها شك، لكن المريخ ماوريتني بيض بط ولا شئ تاني؟
الاخ اسماعيل
ماحننساك من الدعاء، وبدينا ليكم من صلاة ظهر اليوم، بس يا ريت نشوفك في مكة
| |
|
|
|
|
|
|
|
|
|
Re: نداء عاجل لمن له علاقة بسودانير او الخطوط السعودية حجز وتذاكر (Re: محمد عمر الفكي)
|
Quote: ابو الحسين
الله يسهل لك اديني بريدك الالكتروني خلينا نديك التفاصيل واوريك الدرب من بدايته لنهايته.
اسمع
انت اولادك ديل ما تجيبهم بسفينة نوح ولا لسه ما فتحت خط بورتسودان جدة؟!!!! |
صديقي الجميل ود الفكي...
سلامات وتحايا نواضر... دا إيميلي... [email protected]
وعن سفينة نوح يا صديقي الجميل كلامك وصلني بي غادي في الحضرة الميرغنية أشكرك عليه...
أها تلقاني أحاحي وأرجى في إيميلك...
ولك قواسيب مودتي...
أبو الحُسين...
| |
|
|
|
|
|
|
|
|
|
Re: نداء عاجل لمن له علاقة بسودانير او الخطوط السعودية حجز وتذاكر (Re: ismeil abbas)
|
اول حاجة مبروك تغيير صورة البروفايل، غايتو دي لو صورتك زمان في بوست بهناك بتاع زواج كدا انفتح امس ولحدي هسي زاروه اكتر من 1450 شخص اذا ما اكتر فانشاء الله يا سمعة يكون ظني مافي محلهوانه تغيير الصورة يكون لدواعي امنية وليس لدواعي متطلبات ذلك البوست.
الكبكبة حاصلة واللخمة في وربنا يعين بس.
والله لي الشرف اكون مريخابي بطل الكاسات المجوقلة (المجوقلة دي يعني المحمولة جوا،يعني تمشي تلعب في منافسة خارجية وتنافس فرق ليها قيمة وشنة ورنة وتغلبها وتجي راجع في الطيارة وانت شايل الكاس معاك يعني مثلا تجيبه من نيجيريا من الامارات وان صعب عليك البرة دا ممكن من جوبا برضه/ بس اهم حاجة انه الكاس يجي في طيارةوالا تقل مسافة الرحلة عن 1800 كيلومتر،انا بشرح لمنو انت راجل بروفيشنال في الحاجات دي) طبعا انا ما عندي مثقال ذرة من شك في مستواك التعليمي والمهني والاكاديمي لكن بشرح لك لانه انتوا حاجة زي قبل كدا ما شفتوها ولا حتشوفوهااللهم الا تجيبوا لكم كاس من استاد الموردة في هليكوبتر؟ اخخخخ نسيت اكلمك الهليكوبتر ما معانالانه فيه مراوح زي مروحة العجب وبتلف في محلها زي طمبل ومرات بتقع براها زي مرق ومامضمونة زي داريوكشافات.
بعدين اكتر حاجة عاجبانا انه القون جابه طمبل، وساعده في الاخراج مرق والمعز.
نحن الايام دي متنفسين اخير تختونا.
| |
|
|
|
|
|
|
| |
محمد عمر الفكي
عمران حسن صالح
ismeil abbas
أبو الحسين
محمد عبد الماجد الصايم
م. سيد احمد قدورة
على محمد على بشير
فيس بوك
تويتر
انستقرام
يوتيوب
بنتيريست