|
|
 عفوا بكري ..عفوا شباب...كده غلط
|
من أكثر لأمور إثارة للغيظ و الحنق - وما أكثر هذه الأمور في منبرنا هذا - أن يقوم أحدهم بفتح بوست عن موضوع ما ثم يتداخل الإخوة الأعزاء و فجأة يحلو الموضوع لأحد المتداخلين و يقوم ناطي و فاتح بوست جديد لنفس الموضوع مع تغيير كلمة أو كلمتين من العنوان
طيب ليه ? ماهو في بوست مفتوح وبتكلم عن نفس الموضوع و قد سبقك صاحبه بالكتابة فإن كان الموضوع يهمك فساهم و اكتب ما شاء لك الله أن تكتب إثراءا للموضوع و تجنبا لتشتيت القراء
انظروا إلى كم الموضوعات عن وفاة ماما آفريكا أو الخبر المؤسف باغتصاب الطفل محمد او الدعوات لتشديد العقوبات لحماية الأطفال
ده إذا لم يعتبر سرقة أدبية فهو على الأقل قلة ذوق و ده غلط
مجرد اقتراح لبكري أن يتم سحب أي بوست يفتح لمناقشة موضوع تحت النقاش أصلا ويمكن معرفة تاريخ فتح البوستات كما هو معلوم للجميع.لا أفهم وجود أربعة بوستات تحت بعضها في الصفحة الأولى تتحدث عن نفس الموضوع إلا إذا كان للأمر صبغة شخصية لا علاقة لها بالموضوعية وبرضو كده غلط
|
|
 
|
|
|
|
|
|
|
|
Re: عفوا بكري ..عفوا شباب...كده غلط (Re: أسامة الفضل)
|
اولا بيشوش عليك انت كقارىء ........ لو كنت ماعايز تشارك بالرد.........
....واذا كنت حابى تشارك فى الموضوع اللى هو لشخصين اوتلاته مختلفين تضطر تكتب نفس االرد الكتبته فى المداخلة الاولى فبالتالى
بتجى ماعندها طعم ....للقارىء وللكاتب نفسه ......
__________________________
| |
|
|
|
|
|
|
|
|
|
Re: عفوا بكري ..عفوا شباب...كده غلط (Re: أسامة الفضل)
|
Quote: فإن كان الموضوع يهمك فساهم و اكتب ما شاء لك الله أن تكتب إثراءا للموضوع و تجنبا لتشتيت القراء
انظروا إلى كم الموضوعات عن وفاة ماما آفريكا أو الخبر المؤسف باغتصاب الطفل محمد او الدعوات لتشديد العقوبات لحماية الأطفال
ده إذا لم يعتبر سرقة أدبية فهو على الأقل قلة ذوق |
| Quote: انظروا إلى كم الموضوعات عن وفاة ماما آفريكا أو الخبر المؤسف باغتصاب الطفل محمد او الدعوات لتشديد العقوبات لحماية الأطفال |
| Quote: ده إذا لم يعتبر سرقة أدبية فهو على الأقل قلة ذوق |
الأخ أسامة ... سلامات
هذا هو بالضبط ما أفكر فيه كلما تصفحت واجهة المنبر
سأعمل على إبقاء هذا البوست في الصفحة الأولى، قدر الإمكان
| |
|
|
|
|
|
|
|
|
 Re: عفوا بكري ..عفوا شباب...كده غلط (Re: rani)
|
Quote: الأخ أسامة ... سلامات
هذا هو بالضبط ما أفكر فيه كلما تصفحت واجهة المنبر |
.. سلامات يا اسامة .. شلت ليك كلام البيلي لانو بيعبر عني ..
تعرف لدرجة أنو بعمل شنو..؟
اي موضوع مهما كان مهم .. بيحمل نفس الفكرة ونفس العنوان ونفس التكرار الممل .. قاعد اتجاوزو .. من أمس في موضوعين عملو من فسيخم شربات .. وأنا متأكد إنو لو دخلت اي واحد منهم .. ح يكون نفس التكرار ونفس الكلام الاتكتب .. وبين دا .. ودا .. بتلقى كل زول جاي بي اجندتو .. ويشوف الموضوع بي شوفو هو وحسب مصلحتو الشخصية .. وينظر ويتفلسف وما هماهو لو كان الموضوع بياذي شخص ما معنويا أو بيصب في الاتجاه العكسي للموضوع الاساسي ، والاخطر من كدا والمحزن .. دائما البوستات المنبثقة دي .. بسبب السلوكيات والمط الفيها .. بتخلق اجسام مضادة لنوعيات محددة من المشاركات المفترض تتم في قضايا مشابهة .. والبعض بيحجم حتى عن تسجيل حضور وتوقيع يعزز التضامن والوقوف بقوة أمام بعض الظواهر .. لان الفات حدو بقولو انقلب ضدو ..
تشكر يا اسامة وياريت الناس تكون واعية شوية الواحد ما بيفرق معاهو كتير ممكن يقيف ويمسح الصفحة الأولى والتانية على السريع .. ما لقى حاجة .. يعمل بحث بي اي عبارة عن الموضوع في المنبر العام يا في قوقل .. على الاقل يتِاكد هل الموضوع دا نزل في البورد ..؟ وفي ياتو صفحة ..؟ وهل وجب تكرارو واللا كدا كفاية ..
حالة حمادة تستوجب اكثر من مليون بوست على الصفحة الأولى .. لو كانت قوية وبتأدي إلى حلول ناجعة .. أما لو كانت عبارة عن تكرار ممل ومزعج ونفس الكلام الاتكتب .. والله مكع احترامي لي كل الناس الكتبت في الموضوع دا .. حقو بكري يعالج المسالة دي بصورة سريعة ..
| |
|
|
|
|
|
|
|
|
|
Re: عفوا بكري ..عفوا شباب...كده غلط (Re: tmbis)
|
اسمحو لي بمشاركة هابطه شويه
اتنين مساطيل قاعدين يلفو سوا ..
واحد فيهم قال لصاحبو امي اتوفت
صاحبو ما رد عليو
بعد كم نفس من السجاره تاني كرر ليو امي اتوفت
صاحبو قال ليو : تاني ؟
ده بالضبط البيجي في بالي لما اشوف البوستات المكرره
كم مره السيد احمد الميرغني مات في صفحة المنبر الاولى ؟ كلو عاجل وفاة السيد احمد الميرغني لامن ما عرفنا نعزي في ياتو صيوان
كم مره اوباما فاز لامن تتخيل انو لو ادوهو اربعه سنين على كل بوست هنا حيحكم لامن امريكا دي تتفرتق تاني
كم مره المغتصب حكموهو بشهر سجن هنا ؟ اظنو الزول ده خلاص اخد مؤبد
و كلو برضو عاجل و هام و حصري
لا اقلل من مجهود شخص لكن حبذا لو ارفقوا بنا حتى نستفيد جميعا ..
و اضعف الايمان ان من يفتح بوست ( لانو نفسو عاصراهو شديد) يخت لينا سبب انو اتجاهل البوستات التانيه ليه
| |
|
|
|
|
|
|
|
|
|
Re: عفوا بكري ..عفوا شباب...كده غلط (Re: أسامة الفضل)
|
Quote: اتنين مساطيل قاعدين يلفو سوا ..
واحد فيهم قال لصاحبو امي اتوفت
صاحبو ما رد عليو
بعد كم نفس من السجاره تاني كرر ليو امي اتوفت
صاحبو قال ليو : تاني ؟ |
 شديدة .
....
يا أسامة ..
مين يقرا و مين يسمع ..
أضان تملا و أضان تجدع .
| |
|
|
|
|
|
|
|
|
|
Re: عفوا بكري ..عفوا شباب...كده غلط (Re: Emad Abdulla)
|
الاخ اسامة تحياتي...
| Quote: مجرد اقتراح لبكري أن يتم سحب أي بوست يفتح لمناقشة موضوع تحت النقاش أصلا ويمكن معرفة تاريخ فتح البوستات كما هو معلوم للجميع.لا أفهم وجود أربعة بوستات تحت بعضها في الصفحة الأولى تتحدث عن نفس الموضوع إلا إذا كان للأمر صبغة شخصية لا علاقة لها بالموضوعية وبرضو كده غلط |
نؤيد ونتفق معاك في نفس النقطة
في وكت كان البورد ممكن يكون فعٌال فيه اكتر من كدة بتلقي الاغراق حاصل حاصل
يعني لو ما فاضي ما بتقدر تعرف جزء كبير من الحاصل
اي زول بفتح بوست لاوباما وفي حين انو الموضوع لو اتلم في بوست او اتنين كان ممكن القارئ يستفيد اكتر..يعني الزول بعض مرات بخلي المهم ويقرا البوست الضعيف
كذلك علي سبيل المثال الهلال والمريخ
قضايا الدولة من دورافور والحريات وغيرها
السدود
الحالات الانسانية(لها العذر ولكن بوست واحد يجمع الجهود المشتتة)
الواجبات الاجتماعية
الاخبار الساخنة
يعني لو في قانوني صاغ بند بمعني انو البوست المكرر بنفس المضمون سيحذف وتم عرضه للعضوية سأوقع وابصم عليه بالعشرة..وايضا واجب العضوية تنبيه صاحب البوست الجديد بأن هنالك من سبقه في هذا الموضوع وارجاعه للبوست الاصلي.
نعم للكتابة المنوعة
لا للاغراق
خالص شكري ومودتي.
| |
|
|
|
|
|
|
|
|
|
Re: عفوا بكري ..عفوا شباب...كده غلط (Re: ismeil abbas)
|
الاخ أسامة
في ناس عندها هواية فتح البوستات لكن ينقصها الفكرة أو الموضوع. أها يقوم يشوف ليهو موضوع بوست مفتوح يقوم يفتح بوست بعنوان قد يختلف قليلا لكن لنفس الموضوع. ومرات كمان من قوة عينو يكون لاطش الكلام من قوقل. يعني الموضوع وطريقة كتابة الموضوع الاتنين منشولات. وخاصة الواهمين نفسهم بأنهم كتاب ومبدعين وكدأ.
أسي أنا يدي بتاكل فيني عايز أفتح لي بوست بنفس فكرتك دي وأسميهو
عفواً بكوري .. عفوا الأخوة البورداب.. دا ما صاح
أها أسوي شنو
| |
|
|
|
|
|
|
|
|
|
Re: عفوا بكري ..عفوا شباب...كده غلط (Re: أسامة الفضل)
|
Quote: اتنين مساطيل قاعدين يلفو سوا ..
واحد فيهم قال لصاحبو امي اتوفت
صاحبو ما رد عليو
بعد كم نفس من السجاره تاني كرر ليو امي اتوفت
صاحبو قال ليو : تاني ؟ |
اتنين مساطيل قاعدين يلفو سوا ..
واحد فيهم قال لصاحبو : محمد صاحبنا جابو ليهو ولد انا ماشي ليهو . . .
صاحبو ما مشى معاه
جاء فردتهم الرابع و بعد نفس نفسين كدا قال ليو : محمد صاحبنا جابو ليهو ولد انا ماشي ليهو . . .
صاحبو قال ليو : تاني ؟ هو معرس ارنب ؟
اها كدا دا اغراق و تكرار ؟
يا ريت قبل ( التضامن و الشجب ) تدرسوا الظاهرة كويس . . . و بالمناسبة التضامن و الشجب دي ذاتها من الظواهر العاوزة دراسة
بعدين مقترح الحل ما واضح . . . منو الح يتابع و يشيل المقص و يلاحق ما تشابه من البقر ؟ بكري براه ؟
خلونا نقدم مقترح على ضوء نماذج عملية مجربة لكنها محتاجة طاقم عمل ما زول فرد ( بكري ما الرجل الاخضر ) و حسب علمي انو كادح زينا ياكل الطعام و يمشي في الاسواق و متحمل عبء اعالة اسرة .
- جانب قانوني ( لائحي ) انه يُنص على منع تكرار المواضيع و احتفاظ هئية التحرير بحق الحذف او الدمج بما تراه مناسب .
- دا بقودنا للجانب التاني انو التنفيذ ح تتولاه هئية تحرير ( تيم ) . . . كيفيتا . . . و جودها عدمو . . . دا ما شغلي انا اقترحت و انتو تموا الباقي
مع امناياتي بالتوفيق في اجتثاث كل الظواهر السالبة في البورد
| |
|
|
|
|
|
|
|
|
|
Re: عفوا بكري ..عفوا شباب...كده غلط (Re: قيقراوي)
|
الإخوة مدثر
قيقراوي
كل الود
إيه رأيك يا قيقراوي نقترح على بكري أي زول يعمل العملة دي يعاقب بنسخ كل البوستات في الصفحة الأولى بداية من الأعلى كلما نزل بوست يبدأ تاني من الأول نظام غتاتة و كده
| |
|
|
|
|
|
|
|
|
|
Re: عفوا بكري ..عفوا شباب...كده غلط (Re: أسامة الفضل)
|
| Quote: إيه رأيك يا قيقراوي نقترح على بكري أي زول يعمل العملة دي يعاقب بنسخ كل البوستات في الصفحة الأولى بداية من الأعلى كلما نزل بوست يبدأ تاني من الأول نظام غتاتة و كده |
كامل تضامني مع ( الغرار )* الغتيت دا
ما عارف . . . لكني متضامن مع المكررين و الناسخين غض النظر عن اهدافهم و دوافعهم . . . مهما كانت فطيرة و ما مقنعة لي . . . فالشللية حاكمة في البورد . . . و الاستعلاء على ودنه بكل المسببات ( ابداع ) او ( تهميش ابداعي ) و شفنا المزايا بتتحول لامتيازات . . . و هاك يا استقطاب . . . فاختر مكانك و احترق . . .
ما هو زي ما قالوا البورد دا سوق خضار ( ملجة - سوق مركزي ) و كلو ملحّق السوق
دي ليبرالية الكتابة و خلوا الانتخاب - بالمناسبة هو استنتاج اعتقد بصحتة كقاعدة عامة - يحكم البقاء فيذهب الزبد جفاءاً و يبقى ما ينفع الناس
انا غايتو خير شر ما ناوي افتح او افترع او انجر بوست قريب و لا حتى اغزل خيط يقوم يتشربك قبل ما انسجو . لي مدة عايش مال يتامى ساي . و الحمد لله اموري ماشة، يوماتي متضامن و شاجب . . . المافي شنو هو ؟
----------------
* مقصودة بالغين . . . انا ما ( صحفي ) * ذي صاحبك . . . و الحمد لله الذي لا يحمد على مكروهٍ سواه
----------------
هامش الهامش
* من تصحيف * و لحن و الذي منو
----------------
هامش الهامش دي كدا ما بقت مركز زي نفي النفي ؟
المهم المقصود من وراء الصحافة ولي كدا . . . سوق مركزي و انت طالع شرق بحر ابيض لحدي القيقر
| |
|
|
|
|
|
|
|
|
|
Re: عفوا بكري ..عفوا شباب...كده غلط (Re: قيقراوي)
|
قيقراوي
شوف يا حبيب عاوز اقول ليك حاجة مهمة جدا ; غتاتة قوم عند قوم فوائد بمعنى بما أن هذا المنبر به عدد من راسبي الإملاء لم اره منذ الصف الثالث إبتدائي فربما كان هذا القرار الغتيت في مصلحتهم أهو يعدلوا حالهم شوية
| |
|
|
|
|
|
|
|
|
|
Re: عفوا بكري ..عفوا شباب...كده غلط (Re: أسامة الفضل)
|
..
.
اسامة يا عزيز
وجهة نظر من المفترض ان تجد الانتباه
والوقوق فيها وعدم تكرار البوستات والموضوعات ..
والله مره جيت كتبت بوست .. بعد مدة اكتشفت من عينتو فى 4
ما ركزت فى التاريخ وما عارف من الاجدر .. مشيت لميت ليك كل اللينكات
وقلت ياخوانا تابعوا فى اللكينات دى..
وحقيقة مسالة الانتباه لمن صدر او كتب من موضوع اصبحت من الصعوبة بمكان
يعنى مع العددية والصفحات قد لاينتبه الفرد..
البفقع هو ان تكون تعلم وتدعى انك لا تعلم ان هذاالموضوع سبق طرقه ..
Quote: انا غايتو خير شر ما ناوي افتح او افترع او انجر بوست قريب و لا حتى
اغزل خيط يقوم يتشربك قبل ما انسجو . لي مدة عايش مال يتامى ساي .
و الحمد لله اموري ماشة، يوماتي متضامن و شاجب . . . المافي شنو هو ؟ |
والله صدقت يا قيقير ..داالحل كل متوفر تجى بس تشوت لي
سطريات .. وعدد من القراءات ووتوكل
____________
دا برضو نوع من التكرار وايضا الاقتباس مش اعادة
| |
|
|
|
|
|
|
|
|
|
Re: عفوا بكري ..عفوا شباب...كده غلط (Re: أسامة الفضل)
|
Quote: 02:02 م
هل صحيح ان الصحفيين (المعتقلين) ركبوا سيارة الشرطة بطوعهم ؟؟
09:00
اعتقال اكثر من 100 صحفي/ة من امام المجلس الوطني الآن
03:25 م
اطلاق صراح الصحفيين
01:57 م
توثيق بالصور لاحداث 17 نوفمبر 2008م (إعتقال الصحفيون بمباني البرلمان السوداني)
-----------------------------------------------------------------------------
03:36 م
لخبر مؤكد بروفيسور المعز عمر بخيت في منتدى الحروف الثلاثاء 18/11
01:19 م
الدكتور معز عمر بخيت في ممنتدى حروف |
NO COMMENT
| |
|
|
|
|
|
|
| |
أسامة الفضل
ناهد بشير الطيب
Yassir Tayfour
سارة علي
osman righeem
محجوب البيلي
mayada kamal
rani
فيصل محمد خليل
tmbis
حمور زيادة
أبوبكر أبوالقاسم
عز الدين بيلو
Abuzar Omer
Emad Abdulla
GamarBoBa
ismeil abbas
Salahaldeen Nadir
الشامي الحبر عبدالوهاب
mohmed khalail
مدثر محمد عمر
قيقراوي
عصام ابوعكر
عبدالله كع
يوسف الولى
فيس بوك
تويتر
انستقرام
يوتيوب
بنتيريست