|
|
 ثقافة ((القرطسة)) أو ((الإستغفال)) أو ((التدقيس))
|
التدقيس
منها الفعل::دقَس
اسم الفاعل::مُدقِّس وهو الفاعل التدقيس
المفعول له::مُدقَّس
الموصوف:: داقِس
التدقيس كلمة من قاع المدينة تقابل في اللغة العربية الإستغفال
الإستغفال لغةً هو معروف وهو تغييب الحقيقة
أما القرطسة::فهي ايضا كلمة تعني التدقيس في مراحل متقدمة او يمكننا القول بأن القرطسة هي الـ Last Version للتدقيس او هى النسخة المُحسنة جينياً للتدقيس
القرطسة مرتبطة ارتباط مباشر بعدم المصداقية والشفافية او قٌل هى الضد تماما.
سنعود
|
|
 
|
|
|
|
|
|
|
 Re: ثقافة ((القرطسة)) أو ((الإستغفال)) أو ((التدقيس)) (Re: Shamael Elnoor)
|
القرطسة
ثقافة لها ابعاد اجتماعية واخلاقية ودينية
القرطسة انواع ودرجات
قرطسة على مستوى عالي مثال لذلك ((قرطسة الحكومات للشعوب))
قرطسة على مستوى قيادي مثال لذلك ((قرطسة الوزير او المدير لموظفيه))
قرطسة على مستوى عادي مثال لذلك ((مايحدث فى المجتمع على مستوى الاسر او الجيران او الاصحاب او الزملاء))
نواصل
| |
|
|
|
|
|
|
|
|
|
Re: ثقافة ((القرطسة)) أو ((الإستغفال)) أو ((التدقيس)) (Re: Shamael Elnoor)
|
| Quote: قرطسة على مستوى عالي مثال لذلك ((قرطسة الحكومات للشعوب)) |
وهذا النوع الى حد ما مطلوب بحساب النواحى الامنية والدفاعية والإعلامية وغيرها من النواحى شديدة الحساسية،،لكن طبعا الإعلام بيلعب دور كبير في كشف القرطسة
طبعا في قرطسة بتلحق ضرر بالغ سواء كان هذا الضرر حسي او معنوي فهو غير مقبول ،تُمارس القرطسة في وسط يخلو من الذمة والأخلاق الى حد كبير وترتبط القرطسة كما اسلفنا ارتباط مباشر بعدم المصداقية والشفافية وكذلك لها ارتباط بالخوف
س نعود
| |
|
|
|
|
|
|
|
|
|
Re: ثقافة ((القرطسة)) أو ((الإستغفال)) أو ((التدقيس)) (Re: Shamael Elnoor)
|
انواع القرطسة
قرطسة السوق::اللى هى الغش في البيع باسعار عالية لا ناسب المبيوع أو بيع سلع مضروبة وطبعا يتم ذلك بطريقة اما مقصودة او غير مقصودة فى حالة انها غير مقصودة معناها التاجر البائع ذااااااااااااو مقرطس من تاجر اكبر منو
قرطسة العواطف والمشاعر:: ودى بقى خاصة بقصص الحب والغراميات ، والامثلة في ذلك كُثر وما اظنها خافية عليكم ونذكر على سبيل المثال لا الحصر
واحد مقرطس واحدة وعامل فيها شاغل منصب ومرتاح وفى النهاية يطلع محتال وماشغال اساسا
واحدة مقرطسة واحد وعاملة فيها انها مافى زول فى حياتها وما ح تعرس زول الا هو وتعمل فيها مقرضها عليهو وفجأة تضرب ليهو تعزمو على العرس بتاعها
الخ
| |
|
|
|
|
|
|
|
|
|
Re: ثقافة ((القرطسة)) أو ((الإستغفال)) أو ((التدقيس)) (Re: Shamael Elnoor)
|
شمائل ....
واحد محتال مرة ( دقس) ليهو واحد صائغ بطريقة ظريفة ...
مشي أجر ليهو عربية آخر موديل و ساق معاهو واحده آخر قيافة و مكياج تقيل و مشي لبتاع الفرن قال ليهو عندنا مناسبة و عايزين لينا ستمائة رغيفة قال ليهو خلاص المساء بتكون جاهزة ...
بعد داك مشي للصائغ على أساس أنو رجل أعمال و معاهو زوجتو و أختارو كمية من الدهب قيمتهم ستمائة ألف ( الكلام ده قديم و الستمائة ألف كانت قروش كتيرة) ...
قام قال للصائغ ما معاي كاش إما أكتب ليك شيك أو رسل معاي واحد من الأولاد نمشي الفرن بتاعي و أديهو القروش كاش طبعاً عارفو حيرفض الشيك ... قام الصائغ رسل معاهو واحد من الأولاد بتاعنو ..
المحتال ساق الولد و داهو الفرن و قال لبتاع الفرن : الستمائة أديهم الزول ده ( ستمائة بدون تمييز) .. قال ليهو كويس الولد نزل مع بتاع الفرن و الزول دور عربيتو و مشي ...
بعد شوية الولد جابو ليهو الرغيف قالو ليهو دي الستمائة قال ليهو ستمائة شنو ؟؟ أنا عايز ستمائة ألف ؟؟
لا الصائغ لم في قروشو و لا بتاع الفرن ...
| |
|
|
|
|
|
|
| |
دينا خالد
محمد عبد الماجد الصايم
العوض المسلمي
عبدالعزيز الفاضلابى
خالد عبد الله محمود
صلاح الأحمر
فيس بوك
تويتر
انستقرام
يوتيوب
بنتيريست