|
تحيات وأشواق لأهـــــل الحوش ...........
|
للكل دون فرز التحية .. وللكل دون فرز أجمل التهاني بعيد الفطر المباركـ ... لأهل الهلال والمريخ ... عمر الفاروغ وطلحةعبدالله .. وهلمجرا .. ســـــلام ... لأهل الشعر والإبداع .. وناس (الشكل) .. وناس التعليقات الساخرة .. واللازعة .. سلام .. للشفيف وهو يقضي شهر العسل في عسل مستمر إن شاء الله .. لتمبس وهو يعاني (الأمرين).. إن شاء الله الفسيخ المرسلاهو أمكـ معاي (يضوي ليكـ) برضو سلام .. للعصابة الكبيرة بكل أعضائها ... يهمني رجلنا في تلكـ العصابة ود الصايم .. سلام.. وقالو لي نزلت الكرش .. للناس الكتابين ( عمدة - أبو جهينة - دكين .. الخ ) سلام .. وصراحة خايف أعمل (كوم الناس الكتابين ) يجوني ناس تمبس وود البشرى يطلعوها (على فشوش) .. للجندريات عموم ألف تحية ... والتعازي لمن فقد عزيزاً .. وألف سلامة لكل من عاد إلينا سالماً من إجازته .. وعلى رأسهم إسماعيل عباس وشتات ( الـ ..... ) .. ما كلف نفسو يشوفنا وين !!!! وألف حمداً لله على سلامة الكل وعلى رأٍسهم أختنا العزيزة حليمة ... ... طبعاً حاولت (أذاكر) شوية ولقيت نفسي محتاج لنفس الشهر الأخذت فيهو إجازة من ناس حميضة ..ولقيت الحكاية جايطة في إتجاهات كتيرة ... وسلام لمن تذكرني محتجاً على عدم مواصلة (الونسة) مع الناس حيث كنت ذاكراً بأنني في بلد وسائل إتصاله صارت الأكثر تطوراً ونسي أن أحضان الأهل وونسة شاي المغرب ومشاوير (الفاتحات ) .. ومبروكـ الطهور... وإنتظار مواعيد الزيارة بمستشفات البلد لن تعطيكـ زمناً ولو لتغيير (باس وويردكـ ) حسب طلب الريس ... المهم وإلى أن نعرف إتجاهات الراي وبوستات الشمار وين ؟.. وبوستات الونسة وين ؟ قلنا نسلم ونقول الله يديكم العافية ووالله مشتاقين .
|
|
|
|
|
|
|
|
Re: تحيات وأشواق لأهـــــل الحوش ........... (Re: ابو جهينة)
|
Quote: لتمبس وهو يعاني (الأمرين).. إن شاء الله الفسيخ المرسلاهو أمكـ معاي (يضوي ليكـ) برضو سلام .. |
.. يضوي ليك ..؟ يضوي ليك كيفن عاد .. وإنت قاسم نصو ..؟ يعني كان ما لحقتك عااادي جدا كان ممكن تنكرو مش كدا..؟ تاني كان مشيت بيت ناس الواحد .. وادوك فسيخ ليهو .. يمضوك على اقرار وعقد بي شروط جزائية .. اقر انا المغترب بالسعودية / الرياض .. عمران حسن صالح بأن اسلم برطمان الفسيخ كاملا غير نقصان .. وبذلك اخلي مسؤوليتي عن اي ضرر ناتج للمواطن الصالح تمبس جراء ما يحدث له من نقص في الفيتامينات والمواد الحديدية .. والكالسيوم وفقر الدم .. وعدم التركيز والدوخه .. على ان يكون التوقيع ثلاثي .. الموقعون .. عمران حسن صالح .. الخاين الأول .. أم محمد نيران صديقة .. محمد عمران هلالابي زعــلان ..
ملحوظة: هههه .. جردل الفسيخ الشلتو الباص وورد بتاعتو معاي .. هههههه تعال قابلني لو عرفتو تسووهو دي فورمولا معقدة جدا .. تهها هاااي
بالمناسبة .. الكلام عن أنك جبت لي فسيخ دا كلام سـر ..
| |
|
|
|
|
|
|
Re: تحيات وأشواق لأهـــــل الحوش ........... (Re: tmbis)
|
Quote: يضوي ليك كيفن عاد .. وإنت قاسم نصو ..؟ يعني كان ما لحقتك عااادي جدا كان ممكن تنكرو مش كدا..؟ تاني كان مشيت بيت ناس الواحد .. وادوك فسيخ ليهو .. يمضوك على اقرار وعقد بي شروط جزائية .. |
إنت يا عباس ناسي سعر البنزين في السودان ؟ ولا ناسي درجة الحرارة المشينا جبنا فيها الفسيخ ده ؟ ولا يمكن ناسي خسائر الحفر والمجهود
Quote: تعال قابلني لو عرفتو تسووهو دي فورمولا معقدة جدا |
يا وهم ده جاهز بس كبينا ليهو موية حارة ....
Quote: بالمناسبة .. الكلام عن أنك جبت لي فسيخ دا كلام سـر |
شفت الحقد ده كيييييييييييف ؟؟ خلاص ما تكلم شتات وداش ...
| |
|
|
|
|
|
|
Re: تحيات وأشواق لأهـــــل الحوش ........... (Re: عمران حسن صالح)
|
ابو حمودي
سلامات واشواق
ليك وحشة يا سيد..انشالله رحلتا من تلك القفار وقربتا من العالمين ...
لاقيت السيد (درير) وقال لي انو صحبك
ياخي ماعندك صاحب لكن..
دمتا رايق والتهنئة مردودة ومدورة دايما باحسن منها لكل الاعياد والمناسبات والعرفة البينا وسلامي لي الاولاد ..
| |
|
|
|
|
|
|
Re: تحيات وأشواق لأهـــــل الحوش ........... (Re: DKEEN)
|
دكيييييييييييييييين السمح ..... كيفنكـ وانشاء الله الديار رحبت بيكـ وما (لفظتكـ ) ونصيحتي كان في طريقة تعال راجع (القفلة) هنا كويسة بتوفر شوية .. الشافكـ تاني مشيت إجازة بعد 10 سنوات ما كذب ...
Quote: ليك وحشة يا سيد..انشالله رحلتا من تلك القفار وقربتا من العالمين ... |
دخلنا المدينة من أوسع أبوابها
| |
|
|
|
|
|
|
Re: تحيات وأشواق لأهـــــل الحوش ........... (Re: عمران حسن صالح)
|
ألجميل/عمران\
بالرغم من الشتات الحاصل فى السودان وضيق ألأجازة للمغترين الذين يتوافدون للبلد ليتواصوا مع ألأهل وتراب الوطن..بذلنا قصارى الجهد لنلتقى وللقاكم طعم خاص يالبورداب أينما كمنتم لكن الفى صلاح شتات إتعرفت.
Quote: وألف سلامة لكل من عاد إلينا سالماً من إجازته .. وعلى رأسهم إسماعيل عباس وشتات ( الـ ..... ) .. ما كلف نفسو يشوفنا وين !!!! وألف حمداً لله على سلامة الكل وعلى رأٍسهم أختنا العزيزة حليمة ...
|
وألف حمدآ لله على سلامتك إنت وألأولاد..وألف حمدآ لله على سلامة أختنا حليمة...
خالص التحايا.........إسماعيل محمد احمد عباس....
| |
|
|
|
|
|
|
Re: تحيات وأشواق لأهـــــل الحوش ........... (Re: عمران حسن صالح)
|
عودا حميدا مستطاب المتجلى عمران حسن صالح (عودة ديجانقو) الف مبروك زواج شقيقتكم لكم ولها وللاسرة الامانى الخيرات اتسقط اخبارك بما يجود على صديق واحيانا اجدها عند الوغد لك كل الشوق والمودة واوعك تكون الحاجة رسلت لى معاك حاجة وعملتها زى فسيخ تمبس وحاجات تانية حاميانى رد التلفون سمح.
| |
|
|
|
|
|
|
Re: تحيات وأشواق لأهـــــل الحوش ........... (Re: عمران حسن صالح)
|
لاقي خبرك ...
وطعم فسيخكم المالي البلد ..
ما تقول لي مشغول وما أدراك ما شنو ..!
تكتر تقلل والله هسـه أنزل ليك صورة حمـــودى بالنجمه ..
دحضاً لمقولة صاحبك القال حمودى هلالابي زعلان ...
وزى ما قال حمودي ( يا بابا ما قلنا ليكم المريخ دا كبير )
ياااخ ... عوداً حميدا
وبس ..
| |
|
|
|
|
|
|
Re: تحيات وأشواق لأهـــــل الحوش ........... (Re: Muna Khugali)
|
مراحب أستاذة منى خوجلي ...
Quote: رجعت طبعا من الاجازه مليان طاقه وحب وبقيت زي الزول الجديد في الدنيا.. |
والله طاقة تكفي دوام سنتين تاني من غير ملل ..ذكرتني أيام الإغتراب الأولى ..
Quote: وطبعا جيبك برضه جديد لنج |
يلا ألحقيني بالإسترليني ( وانعام حيمورة ) الحبوبة جداً حا تضمني ...
| |
|
|
|
|
|
|
Re: تحيات وأشواق لأهـــــل الحوش ........... (Re: عمران حسن صالح)
|
Quote: للعصابة الكبيرة بكل أعضائها ... يهمني رجلنا في تلكـ العصابة ود الصايم .. سلام.. وقالو لي نزلت الكرش |
أووووووو
عمران يا عمكـ حمدلله على السلامة ياخ! بركة الشفنا كيبوردكـ
كرشة شنو ياخ! يمين الحاصل اليومين ديل في الأسافير يعمل ليكـ سردبة كمان مش كرشة بس دا طبعا غير الخطرات (ما بتاعت دندونتو)
| |
|
|
|
|
|
|
Re: تحيات وأشواق لأهـــــل الحوش ........... (Re: عمران حسن صالح)
|
حمدالله على السلامة يا عمران، و بركة الولجت (حلوة ولجت دى) ديارك سالما،،،
Quote: وسلام لي ناس اليوم الحار رغم (هريتونــــــــــــا) وطبعاً شايف البوست (إتلحس) من العناوين الرئيسية كمان .. ما تاخدوا في (خاطركم) نحن طبعاً نيران صديقة والله يا كيكي |
هنا دايرين كفارة عديل ، و إلا تجى تزورنا فى صيواننا ،
و خلى بالك المتهمين بالعين الإسفيرية قيد التقصى،،،،
| |
|
|
|
|
|
|
Re: تحيات وأشواق لأهـــــل الحوش ........... (Re: Maawya Hussein)
|
معاوية حسين .. كيفنكـ .. يا مفيد
Quote: شايف الناس كلها بتقول ليك حمد لله علي السلامه ..كنت في السودان ولا تورا بورا |
التور الينطحكـ ده بسموهو برموشن أو بروياغندا بتاعة الناس الفيرست كلاس والمتعلمة والمستنيرة يا كيشة .. انت خليكـ في قوقلكـ ومضادات الفيروسات شكراً لطلتكـ الجميلة يا جميل ....
| |
|
|
|
|
|
|
|