|
محمد احمد عوض - ملك الغناء الشعبي
|
كانت له مدرسة خاصة للغناء الشعبي تفرد في ذلك ونافس ابناء جيله ووضع لنفسه مكانا خاصا في نفوس الكثيرين شاعر وملحن وفنان سوف نغوص في سيرته توثيقا للاجيال القادمة
|
|
|
|
|
|
|
|
Re: محمد احمد عوض - ملك الغناء الشعبي (Re: issamel-din hamid)
|
متولى يا خالو
والله الليليه لقيتك زى الست الوالده لانها بتعتبر انو محمد احمد عوض مافى فنان غنى قدامو ولا وراهو هو الملك بلا منازع .. وقدر ما حاولت انو اغير ليها الفكره دى او المفهوم دا ماقدرت والى يومنا هذا لم تتغير او تتبدل
الله يديها العافيه وانتا كمان
| |
|
|
|
|
|
|
Re: محمد احمد عوض - ملك الغناء الشعبي (Re: على محمد على بشير)
|
الشكر اجزله للمتداخلين اخي مامون - عصام حامد - علي محمد علي هو فنان بمعني الكلمة اثري فن الغناء الشعبي بالكثير من الاغاني التي ستظل خالدة في ذاكرة الشعب السوداني هو ملك الغناء الشعبي لرفضه فكرة تغيير هذا اللون واحتفاظه بشكله التقليدي السائد انذاك الرق والطبلة والبنقز ومجموعة من الشيالين وكان معترض وبشدة في ادخال الالات الحديثة في هذا الفن
| |
|
|
|
|
|
|
Re: محمد احمد عوض - ملك الغناء الشعبي (Re: عامر تيتاوى)
|
العزيز متولى مالك .. لك التحايا ومداخليك
ف محمد احمد عوض .. تعرفه الحارات مساءاً .. اعنى الثورات شمال ام درمان ..
فإذا اتاحت لك , حاراتها وشوارعها هناك مساءا .. فلا شك انك سامع البُنقُز ,
والشباب فى تناغم ٍ عال ٍ
وهرمنة ٍ
لا أنزل الله بها من سُلطان ..
يغنون فى شفافية ٍ
أقرب للتلاوه ..
لا احد فى الحارات هناك ..
يمر وتلك الشوارع , بين الحارات
ولا تشنف اّذانه أغنيات
الأستاذ .. فكل من مر ,
يتلمس نواحيها .. شنف أسماعه الاستاذ
كما محمود محمد طه ..
وكما فى زمان مضى .. كرومه والشيخ قريب الله
ويا ليل أبقالى شاهد ..
لو كنتم
تزكرون ..
.
و سأعود
.
ً
| |
|
|
|
|
|
|
Re: محمد احمد عوض - ملك الغناء الشعبي (Re: khatab)
|
متولي مالك كان ما كنت شفت البوست ده كنت قايلك ما طيب لا سمح الله اتصلت بيك عدد من المرات ( زى عشرة رسائل كده) انشاء الله تقدر تتصل بى المرة دى مشهد عليك ناس سودانيز كلهم والزوار و خطاب. الله يكفينا شر الهرمنة الما انزل بها من سلطان. منتظر منك رسالة واحدة.(مقتبس من بوست الجابري). الملك
| |
|
|
|
|
|
|
Re: محمد احمد عوض - ملك الغناء الشعبي (Re: نادر الفضلى)
|
ازدان البوست بمرور هؤلاء الصادق الرضي - صديقي تيتا - استاذنا وشاعرنا خطاب - صديقي جانكوف ود الملك - نادر الفضلي وفعلا لمحمد احمد عوض شعبية كبيرة في وسط شباب امدرمان وخاصة احياء وداللدر وابووف وبيت المال والثورات ودنوباوي والقلعة سوف نغوص في نشاءته وسيرته ولد محمد احمد عوض في جزيرة وادي شعير في الجزيرة بحكم عمل والده انذاك وهو اصلا من القطينة وجذوره تعود للشمالية حضر من وادي شعير الي امدرمان وعمره لم يتجاوز العشرة سنوات وسكن في حي وداللدر مابين ودنوباوي والقلعة ودرس حتي الكتاب ومن ثم واصل العمل العام العادي فاشتغل في مصانع الصابون لصاحبها الشفيع النور ثم انتقل بعد ذلك الي الجزارة وبرع فيها وعلي مااعتقد ان هنالك صلة بين هذا العمل والفن سوف نواصل
| |
|
|
|
|
|
|
Re: محمد احمد عوض - ملك الغناء الشعبي (Re: Sabah Hussein)
|
صباح حسين مشكورة علي المشاركة وبرضو زينا بتعشقي ملك الغناء الشعبي محمد احمد عوض نشاء وترعرع الفنان محمد احمد عوض في حي العرب ومن حسن طالعه انه وكما هو معلوم البيئةالفنية الخصبة في ذلك الوقت وحي العرب كان يضم عمالقة الغناء الفنان الذري ابراهيم عوض - حسن جمعة - الجابري - التاج مصطفي والشعراء سيف الدين الدسوقي - عبدالرحمن الريح - عمر احمد وتفرد الفنان محمد احمد عوض في هذه البيئة وظهرت عبقريته وتجلت ووضع بصمته في فن الغناء الشعبي تبني نفسه بنفسه وكان والده عازفا للربابة وقد كان يستمع لنغمات وعزف والده الذي كان يهوي الفن والغناء اول من انتبه لموهبته وتفرده الشاعر الكبير المرحوم عبدالرحمن الريح والذي كان يلتقي الفنانين في بيته
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
هذا الرجل لي معه تجربة مختلفة لعلاقة الدم ..... هو وشقيقه العم حسن عوض -رحمهما الله- كانا يحبان الناس لدرجة انك ان اردت الاستئذان منهما للذهاب تتردد وكأنك تقترف ذنباً .... كانت تربطه بأبي علاقة روحية غريبه أكثر من علاقة الدم ..... مرهف ورقيق.... وأخو أخوان.... ذكر لي أحد اخوالي انه لم يحدث ان دعته رابطة النيل الابيض بجامعة الخرطوم وتأخر ولم يكن يتقاضي منهم شيئاً ..... كان إن ذهب لحفل واحس ان اهل العرس رقيقي الحال يصر علي الا يتقاضي أجرا بل ويضع في "الخته" ... أعال أسرا كثيرة في السر وكما قال لي العم البروفسور عبد الوهاب الشعراني: "محمد احمد يا ولدي كان في فتره بشتغل تلاته حفلات يكون شغال صبحية وحفلة بالعصر وحفله بالمسا وكلنا بنتساءل محمد احمد قروشو دي بوديها وين؟؟!! وما عرفنا الا بعد مات بعد ما جن نسوان كتار وبكنوا وبدو بعض الناس يتهامسوا دي منو ودي منو... وكل واحده حكت انو بعول اسرته وبجيها بعد المغرب او الصباح بدري بديهم مصاريفهم ويمشي.... اشياء كثيرة بعضها اعلمها وبعضها لا اعلمها... سأهتم بأن احصل علي مقال من بروفسور الشعراني فقد كان هو وابي والعم الاستاذ محمد احمد وكأنهم من بطن واحده بالضافة الي انه يحفظ قدر الرجال ويحفظ تاريخ العوائل والاسر زكأنه حدث بالامس... متعه الله بالصحة والعافية ورحم الله العم محمد احمد رحمة واسعه
| |
|
|
|
|
|
|
Re: محمد احمد عوض - ملك الغناء الشعبي (Re: مدثر محمد عمر)
|
لك كل الشكر اخي مدثر محمد عمر
Quote: سأهتم بأن احصل علي مقال من بروفسور الشعراني فقد كان هو وابي والعم الاستاذ محمد احمد وكأنهم من بطن واحده بالضافة الي انه يحفظ قدر الرجال ويحفظ تاريخ العوائل والاسر زكأنه حدث بالامس |
اتمني ان تتمكن من اخذ بعض الاشياء من الاستاذ الشعراني لاضافتها في هذا التوثيق واحسب ان الراحل محمد احمد عوض يستحق ان تعرفه الاجيال القادمة في احدي المرات اتاه ابنه عثمان عازف الدنب في الفرقة وقال له ياابوي ظهر واحد بيقلدك في كل شئ واسمو مصطفي بخيت وتحدثت معه عنه فقال لي تعرف ياولدي اذا قلدك واحد فدا بيطول عمرك فقلت ليهو كيف الكلام دا ياابوي فقال عليه الرحمة بكل حكمة عندما يغني المقلد الناس بتقول دا الغناء بتاع محمد احمد عوض لك الرحمة بقدر ما قدمت للفن الشعبي ولمكتبة الاغنيات التي ستظل تذكرك وتحفظ جميع اغانيك عن ظهر قلب
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
كان رياضي مطبوع لعب لفريق ابوروف وكان يغني في حفلات النادي والحفلات الخاصة غني الكثير من الاغاني الوطنية والحماسية وعلي مااظن كتب هذه القصيدة القلم طاوعني تاني ورحت ارجع للكتابة
اصلي مشتاق لي عيونك بلدي ياوطن الصلابة
انت ولدك كان بعانخي العلم الناس الحرابة
انت تاريخنا المدون بدري من زمن الصحابة
اسالو الخرطوم بتحكي لما غردون احتمابه
لما مهدي الله جاءهو خلفو ناس شايلين حرابه
كانو لابسين المرقع وبالحراب سوها غابة
شدة الموت مابريدو التقول بينم قرابة
لمو في الحملة الاباها وسففو هكس الترابة
كل فارس في سبيلك كان بيقول للموت حبابه
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
كان الراحل محمد احمد عوض يصر علي شكل معين للفن الشعبي وهو استخدام الالات الشعبية الرق والطبلة والبنقز والة الدنبة والتي كان يعزف عليها المرحوم الطيب قسم الله صاحب الصوت الرخيم والمميز بين الشيالين كان لايجامل في فنه حتي من اقرب الاقربين واقتنع بعد جهد جهيد ان يدخل الة الدنب او الكونغا والتي كان يعزف عليها ابنه عثمان محمد احمد عوض وذلك بعد ان تدخل بعض الاهل واسطة
| |
|
|
|
|
|
|
Re: محمد احمد عوض - ملك الغناء الشعبي (Re: khaleel)
|
تعرف ياخلي الفردة ماعارف كان عندي احساس كبير بانك سوف تشارك في هذا الخيط عن الراحل الخال محمد احمد عوض لانه يستحق فعلا الوقوف والانحناء امامه كان متاثرا بالفنان الراحل عبدالرحيم الامين وكان يضع الالحان بنفسه وله نفس خاص للالحان كان رافضا للالات الوترية وله تجربة محمود ابوالعلا الذي لحن له عشان القاك ولاقيتك اريتو لقاءنا يوم مادام ولكن اوقف هذه التجربة بعد فترة لعدم اقتناعه بذلك
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
إبن بلد.. جدع .. أخو أخوان .. كريم .. أصيل شهم .. زول سوق .. واقع من السما سبعة مرات شفت .. فنان .. إنسان .. ملك الطرب .. بشوش هين تستخفه بسمة الطفل .. قوى يصارع الأجيال ذكاء .. عنفوان .. شموخ .. كبرياء يجبرك ألا تفصل بين الفنان والإنسان فيه
صفات إتصف بها إبنى حى العرب بأم درمان محمد أحمد عوض .. وإبراهيم عوض
لذلك أحببناهما أحياء وكان رحيلهما عنا أمرا عظيما وحزنا كبيرا .. رحمهماالله
| |
|
|
|
|
|
|
Re: محمد احمد عوض - ملك الغناء الشعبي (Re: دبس)
|
ونحن كذلك نضم صوتنا معك اخي نادر بحضور الاستاذة نهي محسن ابوراس للمساعدة في التوثيق للراحل محمد احمد عوض هاشم دبذ الارباب منتظرين تشريفك لبوست قريبك الخال محمد احمد عوض منذ فترة وها قد فعلت اذن نحن موعودون بمعلومات قيمة كل من يود المشاركة من غير الاعضاء ارسال مشاركته علي الايميل [email protected]
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
تعامل الراحل محمد احمد عوض مع فطاحلة الشعر انذاك وعلي سبيل المثال المرحوم الشاعر عبدالرحمن الريح - سيف الدين الدسوقي -المرحوم حسن الزبير - الكابلي في قصيدته نادية -المرحوم سيد عبدالعزيز -المرحوم ودالرضي -المرحوم محمد علي الامي -المرحوم الفاضل سعيد في اغنية ابوي يايابا ماتقول ليهو لا لديه الكثير من الاغاني لحنت ولم تسجل منها والله ياشابة - وشفتو مرة - وشابة وشاب
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
الأستاذ متولي و المتداخلين لكم الشكر على احياء ذكرى الفنان الكبير محمد احمد عوض رحمه الله. اود ان انوه بان قصيدة القلم طاوعني تاني أدناه: قام بتأليفها الأستاذ عمر محمد الشيخ الطاهر من ناحية الدامر وقد كتب للراحل عدد من القصائد منها: قول لي يا غيم المحبة هل في يوم حسيت بغربة؟ وهل دموعلك زيي سالت فوق خدودك حبة حبة؟ و القصيدة كما اوردها الأخ متولي وبها بعض التعديلات الطفيفة لا اذكرها الآن. و بهذه المناسبة دعواتكم للأستاذ الخال عمر الشيخ الذي يرقد طريح الفراش الآن بمستشفى الجامعة بجدة. القلم طاوعني تاني ورحت ارجع للكتابة
اصلي مشتاق لي عيونك بلدي ياوطن الصلابة
انت ولدك كان بعانخي العلم الناس الحرابة
انت تاريخنا المدون بدري من زمن الصحابة
اسالو الخرطوم بتحكي لما غردون احتمابه
لما مهدي الله جاءهو خلفو ناس شايلين حرابه
كانو لابسين المرقع وبالحراب سوها غابة
شدة الموت مابريدو التقول بينم قرابة
لمو في الحملة الاباها وسففو هكس الترابة
كل فارس في سبيلك كان بيقول للموت حبابه
وتحياتي و مودتي لكم ود الشيخ
| |
|
|
|
|
|
|
Re: محمد احمد عوض - ملك الغناء الشعبي (Re: MOHAMMED ELSHEIKH)
|
ودالشيخ تحياتي وهذا هو الهدف من التوثيق للراحل محمد احمد عوض وانا كنت اظن انو كتب هذه القصيدة
Quote: و بهذه المناسبة دعواتكم للأستاذ الخال عمر الشيخ الذي يرقد طريح الفراش الآن بمستشفى الجامعة بجدة. |
تمنياتنا بعاجل الشفاء للشاعر عمر الشيخ ومنتظرين معاك ذكر كل القصائد التي كتبها
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
"غيم المحبة"
قولي يا غيم المحبة.. هل في يوم حسيت بغربة..
هل دموعك زيّ سالن فوق خدودك حبة حبة...
غايتو بوصيك يوم رحيلك يعني قبل الريح تشيلك ..
أغشى في دربك أهلنا والنخيل والنيل قبلنا..
والسواقّى..الديمة تغزل فوق جروف النيل فرحنا...
قولّوا درب الليل وهود.. يزرع الخير فوق أرضنا..
أحكي ليهم عن حناني.. شايلوا في قلبي المعنّى..
أصلي حبيتك عشقتك.. يا بلدنا في غناوينا ونشيدنا...
في رسايلنا وبريدنا.. في البنية العايشة ريدنا..
يا بنينة ويا حريرة.. يا رسم حنة وجديرة..
يا مقاطع من مهيرة.. يا رهد يا عاج مزنّد..
فوق ايدين سمحة وصغـــــــــــــــــــــــــــيرة...
لو علي أرفع عظمتك فوق جدار الكون نشيدا..
قبلي تاجوج والمحلق فوق ترابك عاشو ريدة..
والخليــــــــــــــــــل في هواك غنى خلّى للناس قط قصيدة
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
"ياريت يا حبيبي"
***** ياريت يا حبيبي ياريت تبقى لي.. وتكون من نصيبي وأنسى المر بي...
***** حبيت مرة جاير اتنكر علي .. وصادفت المحبة ياريت كان مال إليّ..
رضيت أبقى ليهو ما دام راضي بي.. لكن ضنّوا بيهو وأبوا يدوهوا لي...
***** بكيت مرة تاني من دهري وزماني.. وبقيت في حياتي ما عارف مكاني..
لو أعشق غلطّ كان حبّاني جاني.. تتوالى الليالي وتشرب من حناني...
***** في جنح الليالي وسابح بي خيالي.. لاقيتك منور ومتفتح حيالي..
بسماتك تضوي وجبينك يلالي.. شخيصتك عظيمة وانطبعت في بالي
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
الاخ متولى
محمد احمد عوض هو " نخيل" الغناء الشعبى السودانى بكل صنوفه و الشامخ دومآ.
لا يكتب عن محمد احمد عوض الا مرهف معبق بعشق الفن الراقى و يبدو انك ذاك المرهف لك الشكر على اقتحام عالم هذا الانسان الفنان لكم احببت غناء الراحل محمد احمد عوض و ما زلت اطرب لكل اغنية من اغنياته له تفرد لا يدانيه فيه احد ... و مع احترامى لاحد الشباب الذين يحاولون تقليد صوته و طريقته فى الغناء فا نه مسخ مشوه و لن يرتقى الى واحد فى المائة من الملكه الفائقه للمرحوم محمد احمد عوض فى التطريب الحقيقى. كل اغنياته تحف تتفرد احداها عن الاخرى .. و تزاحم بعضها بعضآ كانت لى امنية منذ الصغر : ان يغنى لى هذا الفنان الاصيل فى يوم زواجى ( بالتحديد فى الحنه ) .. و لكن فارق دنيانا قبل ذلك بكثير ... فله الرحمة
لى رجاء عبر هذا البوست للاخ الفنان الشاب ( لا اعرف اسمه حقيقة ) والذى يحاول تقليد محمد احمد عوض مع فرقته الغنائية ان يحترم قدرات ذلك العملاق و ان لايحاول الاقتراب من فن الرجل الراقى لانه دونه بمئات السنين الضوئية .. و لا يكفى اطلاقآ وضع الرق على الصدر ليقنعنا انه يقلد محمد احمد عوض و الذى كان يفعل ذلك بتلقائية و بانغماس كامل فى الطرب
تسلم عزيزنا متولى و واصل المسيرة
| |
|
|
|
|
|
|
Re: محمد احمد عوض - ملك الغناء الشعبي (Re: KOSTA)
|
اخي كوستا تحياتي وعبرك الي زميلي اسامة اخيك مشكور علي المداخلة وانا كذلك لي عشق خاص للخال محمد احمد عوض لتميزه وطريقته في الغناء وتطريبه العالي جدا وادائه الممتع له العديد من المقلدين ابرزهم مصطفي بخيت وودامبلينا يحاولون ولكن يظل الخال متفردا في كل شئ
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
"ليك مدة ما بنت"
ليك مدة ما بنت وأنا في اشتياق لي شوفتك يا حبيبي وين انت... لي مدة من رؤياك يا ليتني كنت شفتك ولو في النوم يا اللي العهود خنت بدر الكمال دونك دُرت وتكمّلت مع اعتدال قامتك زي الفرع ملت... ضاوي الجبين بضياك للبدر فاخرت غابت كوكب الليل حين انت نورت... برضك مُسامَح إن أنصفت أو ملت.. برضك حبيب مهما في حبيبك أهملت... حبيبي إيه يحصل لو مرة سلّمت.. أو في حديث أشواقي معاك تكلمت... لاموني فيك الناس وأنا عمري ما لُمت.. أو يوم لأحد الناس منك تظلمت...
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
"جنة أمدرمان"
بقيت في الدنيا متغرب.. بعيد عن جنة أمدرمان..
وبين قلبي المغرد ليك.. وبينك غابة من حرمان...
وحاتك ما غشاني الربيع.. ولا شاهدتوا في بستان..
أنحنا ربيعنا يا حنين.. وتد ليك نادى في أمدرمان...
أشيل للطايرة يوم ما تقوم.. رســــــــالة بلا عنوان..
حروف مكتوبة دم ودموع.. مشاعر كانن حايرات...
أقول يا ناس كملت حنين.. بعدت سنين سمعت فراق..
ولما الطايرة تبدى تقوم.. تلوِّح يدي للسـواق...
أعيش أسبوع أخمن كيف.. تكتب الرد ترسلوا لي..
أخاف من دمعة تتهيج.. ويسم بالليل ويبكي علي...
وأبكي معاك بالأوهام.. وكم ضاريت دموع عيني..
وأضحك فجأة لما أشوف.. خطابك جاي فرحان بي...
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
وبناء علي طلب دكتور نزار كروم نكتب اغنية الراحل الممثل الاستاذ الفاضل سعيد ابوي يايابا ماتقول ليهو لا
أبوي يا يابا ما تقول ليهو لا...
وافق عليهو أنا راضية بيهو.. عليك الله ما تقول ليهو لا...
من زمان بحبو وهو لي حبيب.. ما خان عهودو وجا قالّي خطيب...
قابلو بي حنية وبي صدر رحب.. قولّوا انشالله خير يبقى في النصيب...
عليك الله ما تقول ليهو لا...
يابا أرع بتك وأفرح بي جديدها.. وريدن يابا سامي والدموع شهيدة...
ما تحرم قلوب قصتهم قصيدة.. وقصة حبهم ياخي في الغرام فريدة...
عليك الله ما تقول ليهو لا...
يابا ما تشك فوقو وتدور الشورة.. بتك يابا بيهو سعادتها وسرورها...
ما تحرم فؤادها وما تجرح شعورها.. والخطاب لو بالغوا زادوا في مهورها..
عليك الله ما تقول ليهو لا...
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
"حسدوني في حبك"
حسدوني في حبك عزالي من بدري.. لاموني غير خبرة وجهلوني هل تدري...
حسدوني في حبك وجهلو جليل قدري.. لكني ما بهتم ما دام رحب صدري...
يا جالب الأفراح.. زيد الوشوني جراح.. إن قالوا اسمك مين قول ليهم البدري...
بُعدك نحل جسمي و قربك جبر كسري.. وشوفت ترد الروح وليمك يفك أسري...
يا من لقاه رباح.. أنا دمي ليك مباح.. بس قولي امتى تبين يا الحاذق العصري...
مهما يطول بعدك ومهما يحل زجري.. شوفتك ترد الروح وليمك يفك أسري...
يا زهرة التفاح.. زاكي وعبيرك فاح.. زي نفحة الياسمين في طلعة الفجري...
أملي وحياة روحي في خدك الزهري.. وبيك السعادة تتم وبيك يبتسم دهري...
يا من لقاه رباح.. ظاهر بغير ايضاح.. صحي انت نور العين ما أحلى فيك سهري...
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
حبيبنا متولي مالك ركز معانا عليك الله وحاول ما تغلط يا مان نحن الخال ده بنقوم فيه حرب
____________ مشكور جدا على التوثيق للقامة محمد احمد عوض
استأذنك حا احاول اشيل معاك الشيلة واغاطك في بعض المفردات والكلمات في الاغنيات ونتناقش عشان التوثيق يكون مفيد
_____________ وعلى قول حجة امنه ورح __________
Quote: انا فاكرك معاي حبيبي فاكرك معاي تسعد بسعادتي و تشقى عشان شقاي انا فاكرك معاي و انت مع المظاهر ما راعيت وفاي و ظلمك لي ظاهر كنت في يوم لقاي فرحتك التظاهر و اليوم التصنع فنان فيه ماهر
ديمة عشان رضاك انا باذل جهودي ما راعيت ضناي و بلواي و سهودي سهرت الليالي سليتني سلبت عودي باب غفراني فاتح ليك ان عدت عود
اسمع كل واشي قوله عليك اثر عاد و في ثوب صديقك اتوارى و تدثر بعد ما كنت لينا احساسك تبعثر نحن يانا نحن نخلص ليك و اكتر
انا فاكرك معاي حبيبي فاكرك معاي تسعد بسعادتي و تشقى عشان شقاي |
ما تحته خط مختلف معاك فيه اولا كنت في يوم لقاي فرحتك التظاهر
اعتقد الصيحيح هو كنت في يوم لقاي فرحة تكاد تظاهر
ثانيا
اسمع كل واشي قوله عليك اثر عاد و في ثوب صديقك
الصحيح تسمع كل واشي قوله عليك اثر عدو في ثوب صديقك اتوارى وتدثر
ثالثا: نسيت كوبلي كامل يقول فيه
عود لعش هنانا عشنا اولى بيك كل الفي رحابو ابدا حاني ليك كل الناس بتغلط ما بحمل عليك عود خليني اواصل اسفاري في عينيك
| |
|
|
|
|
|
|
Re: محمد احمد عوض - ملك الغناء الشعبي (Re: وليد محمد المبارك)
|
في ياريت يا حبيبي
Quote: حبيت مرة جاير اتنكر علي .. وصادفت المحبة ياريت كان مال إليّ..
رضيت أبقى ليهو ما دام راضي بي.. لكن ضنّوا بيهو وأبوا يدوهوا لي... |
الولد الجايبين ليه كم فديو كلب هو امجد ود بته المرحوم
الايام دي في بداية مسيرته وشاقي درب منفصل عن جده لكن خامة صوتو ممتازه
في واحدة من الورشات البنعملها لي امجد في بيت خاله (خدر نقد ) ود اخت الخال محمد احمد عوض اتغالطنا في الكوبلي الفوق ده
وصلنا لانه الصحيح هو: حبيت مره جائر واتنكر عليّ وصادفت المحبة وانسان مال اليّ رضيت ابقى ليه ما دام راضي بيّ لكن ضنو بيه ابو يديوه ليّ
الكوبلي غريب شوية والبيت الاول فيه منفصل عن الثلاثة بيوت التانية.. لانه في اوله بتكلم عن انسان جار عليه بعد داك بستدرك ويقول انه انسان مال اليه اعتقد انو الشاعر بتكلم عن شخصيتين في البيت الاول بتكلم عن قصة حب فاشلة والسبب في فشلها الطرف الاخر ( المحبوب ) لم يتجاوب مع الشاعر ثم في الثلاث بيوت التي تليه يتحدث عن شخصية مختلفة وقصة جديدة فاشلة لكن فشلها ليس بسبب المحبوب بل بسبب اسرته والدليل البيت الثالث الذي يقول فيه رضيت ابقى ليه ما دام راضي بي
كل الود ونواصل
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
حبيبنا انت ياخ ومشكور كتير على الجهد
ونشيل معاك الشيلة
Quote: لو فؤادك خبي حبك من عيونك بحتي بيه لو دفنتي الشوق في قلبك بسمتك دلت عليه انتي حبك لي ظاهر مهما ناتي داريتيه شايفوا مكتوب في جبينك كل حواسك شاهده بيه إلا إيه مانع لسانك قولت احبك فيها ايه اصلوا قايله الحب حرام مالو لو جاهرتي بيه مدام هواك شريف وطاهر وفي العفاف مثالو نادر في الفؤاد ام بالمشاعر تخبي حبك لي ليه كلمه واحده من عيونك راجي ليها بالسنين هي املي البين ضلوعي وهي زاد قلبي الحنين بوحي بيها يا حياتي امنياتي ليك تبين بكره تبقي لي شريكه وابقي وافي وامين جوه قلبي يكون مكانك وافني عمري اسير غرامك كل غالي يهون عشانك كل يوم يزداد حنين |
مهما انت داريتيه الصحيح مهما انت تداري فيه
في الفواد ام بالمشاعر تخبي حبك لي ليه الصحيح في الفواد انبل مشاعر تخبي حبك لي ليه
وارح يا حلو
| |
|
|
|
|
|
|
Re: محمد احمد عوض - ملك الغناء الشعبي (Re: وليد محمد المبارك)
|
رجعنالكم عشان القاك
قطعتا رمال بلا آخر عبرتا بحار ورغم ضراوة التيار بقيت اعصار وعشتا معاك يوم باكر عن الحاضر لأن الماضى سافر فى ركاب الليل وخلف جرح ماببرا ولاجبر خاطر ..
عشان القاك ولاقيتك اريتو لقانا يوم ماكان تعبتا من السفر فى الموج داير اوصل الشطآن طلبتك قلتا خلصنى ومد ايدك وجود بحنان لقيتك انتا فوق الموج اشد غرق من الغرقان عجيبه حظونا فى الدنيا غريبه الدنيا فى الإحسان ضحك فى ناحيه يملى الكون وناس فى ناحيه بس احزان لكن للأسف ياسنين كملتى ونحن برضو كمان
آيه تعمل حروف الشعر إذا جفت ينابيعو وصار الحب مجرد كلمه من كلمات وسوح وردوا فى البستان ومر عليهو لمحه وفات وهل نفطم قلوبنا على تعابيروا ونقنع إنو مافى صلات ..
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
غني الكثير من اغاني الحقيبة واجاد في ادائها ووضع فيها نفسه الخاص وعلي سبيل المثال نغيم فاهك يا أم زين دواي... شفاي البجبر قواي... يا أم حبا ردف تواي... كمل صبري وزود هواي.. رقي رقي جودي بدواي.. ظمأي بعدك وقربك رواي... أقيم ليلي وأحسب سهاي... يغيب عقلي وأفقد نهاي... وفي جسمي ظاهر وهاي... أسعفيني دنا انتهاي...
***** ذكرت البين ليه ياغراب... صياحك يافراق يا خراب... ديار أم زين كانت قراب... غبن بانن تحت السراب...
***** البدر محيك وشعرك كليل... يميل خصرك منه العليل... تقل ردفك لأعضاك قليل... قتيل حبك ودمعي الدليل...
***** رق جسمي وصابه انتحال... على حبك حمل الرحال... ومن بعدك أنا حالي حال... يالقمرة وصالك محال...
***** أنا أسير الحب من جداد... أنا الحافظ حق الوداد... أنا الهائم والناس شداد ... أنا اللابس توب الحداد...
***** أنا الكاتم السر ما حكى... أنا الحاضن البلا ما أشتكى... أنا الحجة بحل مشبكا ... أنا المساح دمع البكا...
| |
|
|
|
|
|
|
Re: محمد احمد عوض - ملك الغناء الشعبي (Re: دبس)
|
Quote: لو فؤادك خبي حبك من عيونك بحتي بيه لو دفنتي الشوق في قلبك بسمتك دلت عليه انتي حبك لي ظاهر مهما ناتي داريتيه شايفوا مكتوب في جبينك كل حواسك شاهده بيه إلا إيه مانع لسانك قولت احبك فيها ايه اصلوا قايله الحب حرام مالو لو جاهرتي بيه مدام هواك شريف وطاهر وفي العفاف مثالو نادر في الفؤاد ام بالمشاعر تخبي حبك لي ليه كلمه واحده من عيونك راجي ليها بالسنين هي املي البين ضلوعي وهي زاد قلبي الحنين بوحي بيها يا حياتي امنياتي ليك تبين بكره تبقي لي شريكه وابقي وافي وامين جوه قلبي يكون مكانك وافني عمري اسير غرامك كل غالي يهون عشانك كل يوم يزداد حنين
|
تسلم ياراقي علي هذا المجهود الكبير فعلا لك التحية
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
بوست رايع جدا أستاذنا محمداحمد هو أحد اكبر الاهرامات فى فن الغناء الشعبى الجميل ، وجاء عن لسان محمد بشير عتيق و الاستاذ حسن الزبير رحمهم الله ، كريم و أصيل نابعة الطيبة منه كنهر النيل و ود بلد بمعنى الكلمة ، عطاى لدرجة لا تتصور00
شكرا أخى ،أثلجت قلوبنا بتذكرك لهذا الانسان الزى سوف يتذكره كل جيل اّّّت
تقديرى لمجهودك محبتى00
| |
|
|
|
|
|
|
Re: محمد احمد عوض - ملك الغناء الشعبي (Re: Mutwali Malik)
|
سالم الناس
سالم الناس إلا لي ما مدّ إيدو ماهو
عارف ماهو حاس كيفن بريدو...
كنت بفتكر الظروف لو يوم تجيبو
يطرا زولا شوقو ياريت كان يصيبو..
كنت عشمان قلبي ما يزود لهيبو
إلا يظهر ناوي جمر الصبر يزيدو
ما ده حالو ما ده طبعو الكنت عارفو
الغرام خلى القلب يهواه ويوالفو..
الغرام حكم منو البقدر يخالفو
والقلب إخلاصو باين ما بفيدو...
يا حليلك يا الغناوي العنو كانت
يا حليلك يا الأماني العندو بانت..
ما بقول دي القسمة أو أيامي خانت
بس بقول انشالله يعرف كيف بريدو...
| |
|
|
|
|
|
|
|