|
|
 يا بكري ... رجع لينا اليوم الحار ...
|
منبرنا الخاص ...
منبر اليوم الحار ،،،
اختفى يا بكري ...
ياخي كان تخلينا كافين خيرنا شرنا ..
وقاعدين هنا نفقع مرارة الناس في المنبر العام ..
المنبر المنفصل جاب لينا الهواء ...
وعيون الناس الحاقدة ...
أأي انت يا .... 
|
|
 
|
|
|
|
|
|
|
|
Re: يا بكري ... رجع لينا اليوم الحار ... (Re: الشامي الحبر عبدالوهاب)
|
Quote: ياخي كان تخلينا كافين خيرنا شرنا ..
وقاعدين هنا نفقع مرارة الناس في المنبر العام .. |
ابراهيم وكيكى كل سنه وانتو طيبين...
انا اكتر زول فقدت البوست لمن بقى منبر منفصل..
لأنى كسول فى البحث بسبب زحمة العمل.. كان زمان الواحد بلقى البوست
بتاع اليوم الحار فى وشو ويقوم داخل يقرا ومرات يتداخل معاكم
لكن مما فصلتوه الا الواحد يجيهو تلفون يا اخى الليله تكريم مرتضى
يا اخى الليله تكريم طلال ..عمر الحبر وهلمجرا..
اهى مما اختفت التلفونات والتكريمات تانى انا شخصيا ما شفت (اليوم الحار)
نطالب بشده برجوع اليوم الحار للمنبر العام على الاقل (البوست) مع احتفاظكم
بالمنبر لطرح قضاياكم الاخرى التى تهمكم كمهندسين..
اليوم الحار بوست حيوى ويعتبر بكل المقاييس نوارة المنبر ،، تجد فيه الادب
والفكاهه والدعابه والمواضيع الجاده (بانوراما) من كل نبع قطره..
لذا كان يمثل اكثر (البوستات) قراءه وتداخلا..
نأمل عوده سريعه لبوست اليوم الحار للمنبر العام...
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
Quote: نطالب بشده برجوع اليوم الحار للمنبر العام على الاقل (البوست) مع احتفاظكم
بالمنبر لطرح قضاياكم الاخرى التى تهمكم كمهندسين..
اليوم الحار بوست حيوى ويعتبر بكل المقاييس نوارة المنبر ،، تجد فيه الادب
والفكاهه والدعابه والمواضيع الجاده (بانوراما) من كل نبع قطره..
لذا كان يمثل اكثر (البوستات) قراءه وتداخلا..
نأمل عوده سريعه لبوست اليوم الحار للمنبر العام... |
نرجوا ونتمنى و نأمل ذلك و بشـــــدة
منيرة حمد النيل
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
الأخ أدم موسى،
إبراهيم دة بكون الزعل مانعه الكتابة،
كفارة يا إبراهيم،
و إنشالله يجمع لينا الفقد الكبير دة على خير،،،
Quote: اليوم الحار بوست حيوى ويعتبر بكل المقاييس نوارة المنبر ،، تجد فيه الادب
والفكاهه والدعابه والمواضيع الجاده (بانوراما) من كل نبع قطره..
لذا كان يمثل اكثر (البوستات) قراءه وتداخلا..
نأمل عوده سريعه لبوست اليوم الحار للمنبر العام... |
نشكرك من صميم قلبنا يا ادم موسى،
و نرجو منك مواصلة القراءة و المشاركة،
بس يرجعوا لينا،،،
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: Hala Hassan)
|
Quote: منبرنا شكلو أتلحس يا رجالة،،،،
والله عين حارة خلاص،،
|
هالة ...
سلام ..
عاوزين توضيح من بكري عن وضع منبرنا ...
عشان نفهم حاجة ...
Quote: غرفة عمليات سريعة يا جماعة،
لتقييم و تدارك الموقف |
ولو كان فعلا اتلحس ...
تبقى مصيبة ..
وإحباط شدييييييييييد ..
وما أظن الشغل بيكون بنفس الروح ..
(وش محبط ...) 
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
ابراهيم...انا زمان ما قلت ليكم عندي رأي مشاتر..ما اخدتو بكلامي
انتو ما عارفين ان (الهكر يأكل من البوستات القاصية؟؟)
أها خمو وصروا...نحنا بنتلاقا في (جاد)..انت تمش وين؟؟
كدي كلكم ايد في ايد وندور في بوستيك دة لحدي ما الكربة تنفك!!
ولا رايكم شنو؟؟؟
هندســـة فوق
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
Quote: تعرف يا ابراهيم..
انا لمن كنت متغرب في الأمارات كنت باسمع اغنية
خواطر فيل وأقول ليهم انا عندي احساس انو انا الفيل!!
بس ما يكون ده احساسك؟؟ |
علاء الدين ،،
كان عندك إحساس إنك إنت الفيل ...المحبوس ..
طيب هسع ،،
ورينا إحساسك وانت فيل .. ما محبوس ..
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: khaleel)
|
فووووووق لعناية الباشمهندس بكري
وعارفينك مشغول اليومين ديل يا باش
بس للتذكرة وبعد ما تفضى نحن في الانتظار
وهو قاعد في أرشيف الربع الثالث فلو سمحت
اديهو لزة خليهو يجينا هنا عشان نشتغل عليهو
وطبعا حتى الفور ويل درايف ما حينفع لكن إنشاء الله حنتمو
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
أبراهومة ازيك
لبكم وحشة جد.
والله الواحد كان حاسي بغرب.
شي غريب أن تنتمي لموقع الكتروني وشحصيات تبعد عنك الاف الأميال
بالصدفة قرأت في الأيام الماضية كتاب عن علم الأجتماع الالكتروني.. كتاب خطير يحلل مااستجد من التحليل النفسي والإجتماعي للأثر الذي أحدثته المواقع الألكترونية مثل الفيسبوك و موقعنا الحبيب.
..
مشتاقين وهناك الكثير بس خلونا نشيل مفسنا
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: صلاح ليون)
|
الليون ،،
| Quote: بس عايز دعوة كده ما خبيثة |
يا سيدي ربنا يسهل طريقك ..
ويكتب ليك بنت الحلال ،،
الهدية ورضية .. ومريخابية ..
وأهم شئ ...
تكون ديمقراطية ...
مش ذي حكومة ناس علاء الدين ..
الخلتو يصرح في المنابر ..
إنه الهكر هم عبارة عن تجمع زوجات زعلانين من سودانيز أون لاين ...
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
وده كلام علاء الدين في أحد البوستات :
Quote: سلامات..بكري وحمدلله علي سلامة الرجوع..
غيرت كلمة السر واشتغلت..
أنا أشك انو الهكرز الضربونا هم منظمة ارهابية
مكونة من (نسوان) مدمني سودانيز اون لاين
الخزي والعار للهكرز...
عاشت سودانيز اون لاين زوجة ثانية..للجميع.. |
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
وده كلام علاء الدين في أحد البوستات :
Quote: سلامات..بكري وحمدلله علي سلامة الرجوع..
غيرت كلمة السر واشتغلت..
أنا أشك انو الهكرز الضربونا هم منظمة ارهابية
مكونة من (نسوان) مدمني سودانيز اون لاين
الخزي والعار للهكرز...
عاشت سودانيز اون لاين زوجة ثانية..للجميع.. |
علاء الدين ،،
غايتو كلامك ده لو وصل لوزارة الداخلية ...
تاني (جاد) ده إلا تقضيه فطور .. وغداء ...
ويمكن عشاء كمان ....
| |
|
|
|
|
|
|
|
|
 Re: يا بكري ... رجع لينا اليوم الحار ... (Re: ابراهيم محمد الحسن)
|
ليون
Quote: ياكوتش خليهم الاتنين طالعين نازلين
عشان نلفت عناية الباشمهندس بكري
|
اوكى وياريت الناس تواصل الكتابه خصوصا الناس القادره تدخل بسهوله ( خليل + كيكى + ابراهيم+ بمبو ) عشان استمرار
كل البرامج و التواصل ومعرفة الاخبار اول باول ... رغم ظروف بعضهم فى بعض مشاغل الحياة لكننا نتمنى و نرجو
| |
|
|
|
|
|
|
|
|
 Re: يا بكري ... رجع لينا اليوم الحار ... (Re: ابراهيم محمد الحسن)
|
ماذا قدم اليوم الحار فى دوراته السابقه ... دعوه للجميع عشان نتذكر و نقيم
1- تعارف و تواصل و حياة اجتماعيه مخلوطه بالحب و العشره
2- عناوين
3- اخبار
4- ذكريات
5- برامج خيريه ( دعم الكليه + الصندوق الخيرى )
6- تكريم وعرفان ( برنامج تحية مهندس )
نبدأ نقيم > عشان الجاى يكون احلى .... رايكم شنو ؟
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: طارق الكوتش)
|
والله يا كوشت ،،،
فعلا اليوم الحار رجع لينا ناس وذكريات أبت الظروف إلا أن تكون سبب في الإنتقطاع عنهم ..
طبعا ما حا أقول سبب في نسيانهم ،،
لأنهم من الصعب نسيانهم ..
الناس بقت متابعة أخبار بعض ..
وعرفوا عناوين وأماكن إستقرار بعض ...
انتظمت لقاءات .. وفي مختلف الأماكن ..
وكله بفضل اليوم الحار ..
أما لفتة (تحية مهندس) .. فدي براها كوم ..
ويكفى ما تركته الفكرة والتنفيذ في نفوس المحتفى بهم .. والمشاركين ..
وكنا نتمنى ونخطط للعمل على إستمراريتها ..
عموما ،،،
نتواصل ،،
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
| Quote: طبعا ما حا أقول سبب في نسيانهم ،، |
الحقيقة يا إبراهيم نسيناهم
ياخي الزول لما تكون ليك خمستاشر سنة ما شفتو
شكلو زاتو يبتدي يختفي من ذاكرتك ، يقول ليك
ياخي الاسمو فلان داك ، تقعد تتذكر فلان فلان
يقول ليك ياخي الكان بيمشي مع فلانة وتقعد انت
تقول فلانة فلانة ، وإلا يديك تاني أمارة أمارتين
حتى يادوب يا اتذكرتو يا ما اتذكرتو ....
ولكن اليوم الحار بكل ما فيه من صور وذكريات
ومواقع في الكلية عمل رفرش كامل للذاكرة وهسه
أصبحنا متواصلين مش بس مع الدفعة بل مع كل
الدفعات
ونحنا في انتظار عودة يومنا الحار
يا ابراهيم ما شفته الكوتش بي اختفاء اليوم
الحار وعدم الموضوع سجل زيارة لي ناس اسكول
وقعد يتفشى فيهم وسائلهم ليك عن التاج الراكوبة
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: صلاح ليون)
|
Quote: يا ابراهيم ما شفته الكوتش بي اختفاء اليوم
الحار وعدم الموضوع سجل زيارة لي ناس اسكول
وقعد يتفشى فيهم وسائلهم ليك عن التاج الراكوبة |
أيوة شفتو ..
ياخي بالغت يا كوشت ،،،
انت شفت القصيدة بتاعت الحبر (نحن القدام قاعدين كنب) .. القاشرة بيها بت سكول؟
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: صلاح ليون)
|
Quote: عليك الله !!
ياخي اصلو ما معقول
كدي قول لي قاشر بيها
وين الزول ده |
يا مان هو ما كان قاشر بيها ولا حاجة ..
بالعكس ..
هو قال انه دي ما صورة البروفايل بتاعو ..
وقال هي لزميل في المنبر ...
نزلت عنده .. كيف ما عارف ...
عموما ،،
أمس كانت في لخبطة ذي دي حاصلة ..
أكتر من شخص نزلت ليهم صور بروفايل غير بتاعتهم ..
وبكري وضح سبب الخلط .. لسبب إرجاع الصور للمنبر ..
والظاهر حصل تداخل في ال addresses
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
إبراهيم،
Quote: هالة ،،
كدي ورينا الحاصل شنو بالضبط ؟
عشان في ناس من السودان داخلين ..
هل مقفولين ناس كنار بسبب اتهام انه الهكر كان مستعمل كنار ؟ |
ما سمعت الهكر قال ما دخلت من كنار!!!
عموما، بنناشد بكرى يراجع الـPort Settings
أو يكلم الأعضاء الما قادرين يدخلوا يعملوا شنو....
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
سلامات..
انا شخصيا ما عارف المشكلة شنو..
مرة بلقي الموقع مقفول..ومرات مفتوح..
وحاليا عادي جدا..
ما مشاكل غير الأنشغالة..
سلام هالة وعودا حميدا..
ابراهيم كان حا يشتكي في محكمة (الهكر الدولية)
لو بكري طول ما رجع ليهو الموقع..
الكوتش..سلامات.. والأمن مستتب..
الليون..ألحق صورتك..الناس قاشرة بيها..والمشكلة انهم ماعارفنها حقت منو!!
يلا غنو معانا:
(يجوا عايدين..ان شاء الله عايدين..الطلبة المهندسين.....)
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
السلام عليكم يا علاء الدين
والف حمد لله بالسلامة
وإنشاء الله الهكر ما اصابك في مكروه لديكم
Quote: الليون..ألحق صورتك..الناس قاشرة بيها..
والمشكلة انهم ماعارفنها حقت منو!! |
أنا ماقلت ليك يا إبراهيم الوجاهة متاعب
لكن خليها ليهم انا لي قدام بغيرها بواحدة
أوجه من كدا ..
كدي عليك الله ياعلاء لو شفتها أديني رابط البوست
خلينا نمشي ندخل عليهم وندين ونشجب ونطالب
بإعادة الصورة الرهينة لديهم لانو ببساطة ممكن
الزول اول ما يلقى دي ماصورة بروفايلو من يغيرها
وبكل سهولة ويسر (تاني اقول ليك الظاهر عاجباهم)
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
علاء الدين،
هلا والله و غلا،،
وين يا راجل؟؟
نشكرك على الترحيب الحار،
و عقبال اليوم الحار يرجع كمان،،
الحقيقى لسه فرحتنا ما كملت،،،
أنا شخصيا مجهزة لى حردة كبيرة، غذا أتأكد إنو لا قدر الله ما منو رجوع،،،
الله يكضب الشينة،،،
______________________________
ليون،
أنا من الاول دايرة أقول ليك،
بالله دى صورتك إنت؟؟؟
والله حايمة حوامة،،
أسكت ساكت،،،،،،،،،،
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: Hala Hassan)
|
علاء الدين طبعا لو استشارو الموناليزا ذاتا
أكيد ما حيكون عندها مانع لكن تعرف أنا خايف
على الزوار
يا هالة:
Quote: ليون،
أنا من الاول دايرة أقول ليك،
بالله دى صورتك إنت؟؟؟
والله حايمة حوامة،،
أسكت ساكت،،،،،،،،،، |
تصدقي قدر ما فتشت عليها أصلو ما لاقيها
وروني هي حايمة في ياتو بوست لانكم خوفتونا
يقوم زول يرتكب بيها كلام أو شجب أو إدانة
موضة البوستات الحايمة اليومين دي ويجيب
لينا بيها الكلام !!! ؟؟؟
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: ابراهيم محمد الحسن)
|
يا ليون،
الحصل فعلا كان من أثار الزلزال الكان،
لا،و الزول ذااتو كان بسأل،
أنا لقيت صورة أحد الأعضاء المحترمين فى بروفايلى،
بس ما عارفها حقت منو،،،
لكن الظاهر زى ما قلت،
أتبسط بالقشرة شوية حتى غيرها،،،
إبراهيم،
منتظرتك طلتك فى الضحية بإذن الله،،،،
(السنة دى حج مافى؟؟؟)
| |
|
|
|
|
|
|
|
|
 Re: يا بكري ... رجع لينا اليوم الحار ... (Re: ابراهيم محمد الحسن)
|
قبل كل شى الف شكر لافطار جاد و لكابتن المجموعه طارق بمبو
وده ياعلاء من احلى البرامج خلال زيارتى للسودان رغم!!!!!!
من خلال تلك اللمه طلعت بانطباع حلو وشكل اجتماعى رائع رغم اغلب الناس كانوا اول مره يتقابلوا
كل الشكر لطارق بمبو و حمد و الحبر و علاء و هشام مجذوب و صلاح مختار و هاله على هذه اللفته البارعه
وايضا لبقية اعضاء العرفوا متاخر او الظرفهم ماسمحت لهم التحيه لهم جميعا ابوسمره وخاتم وتهانى وبقية العقد الفريد
واتمنى ان تتواصل هذه العلاقه ما بقينا فى هذه الفانيه و لكم كل الحب و التقدير وربنا يخليكم لبعض ويرجع ليكم حبيبكم الغائب
تخريمه :
ياابراهيم فى الضحيه حتكون اللمه تاريخيه وعلى انغام جيتار بمبو و موسيقى حمد و غناء الحبر وتصوير وديدى على ضفاف النيل
تخريمه تانيه :
بمناسبة وديدى بعد شويه حنشوف وديدى بعد التهكير
بس انتو خليكم قراب
وراجعيــــــــــــــــــــــــــن لحين عودة العملاق وهو باختصار شديد :------------
اليوم الحار المابندار يوم الهندسه و المعمار
| |
|
|
|
|
|
|
|
|
 Re: يا بكري ... رجع لينا اليوم الحار ... (Re: ابراهيم محمد الحسن)
|
طارق بمبو و علاء بندق و ابراهيم و هاله و الليون و بقية الاعضاء المهمومين بعودة اليوم الحار ابقوا عشره على البوستين
لحدى مايرجع لينا اليوم الحار
: يابكرى ابوبكر اشتغل لينا شويه عشان تقدر ترجع لينا اليوم الحار بسرعه ان امكن
: ياخليل تعال ورينا اخبارك هنا شويه وانت هل مازلت معانا فى الضحيه !
: يلا نغني مع بندق يجوا عايدين اولادنا المهندسين
: خرمانيييييييييييييييييييييين لباقى الناس ( اعضاء و زوار ) ... وشكرا سهام الكارورى على المواصله ونتمنى المزيد
: اخبار دعم الكليه شنو يا ابراهيم
| |
|
|
|
|
|
|
|
|
|
Re: يا بكري ... رجع لينا اليوم الحار ... (Re: طارق الكوتش)
|
يا كوتش يا رائع ...
يا تحفة ..
ياخي كان تسألنا لو عرفنا حمد خوجلي ذاتو بالأول
انت بتطلع الحاجات دي من وين ، والكويز بتاعك
صعب جدا جدا لانو حمد خوجلي ده كان لما يقول كلام
تاني صعب زول يرددو وراه ، غايتو ده الزمن داك
يعني قبل خمستاشر سنة وكده ، هسه مامعروف
يمكن كلامو يكون أصبح من كده ولي فوق !!!!!!!!
تحياتي للباشمهندس الكبير والكبير حمد خوجلي
| |
|
|
|
|
|
|
| |
ابراهيم محمد الحسن
حسين محي الدين
عبدالكريم الامين احمد
الشامي الحبر عبدالوهاب
Adam Mousa
علاء الدين محمد بابكر
khaleel
صلاح ليون
طارق أحمد خالد
Magdi Ahmed Elsheikh
بكرى ابوبكر
احمد التجانى احمد
فيس بوك
تويتر
انستقرام
يوتيوب
بنتيريست