|
بورداب واشنطن.....؟؟
|
سؤال غريب مطروح لكل الناس الناس الساكنين هنا في واشنطن وفرجينيا وميرلاند اتلمينا واتشاورنا مانفع عملنا افطارات رمضانيه برضو مانفع اقترحنا برنامج للعيد ماقدرنا ننفذوا ولا حانقدر المشكله وين؟؟ صحي المشكله شنو؟ واحدين تقول ليهم تعالوا يقولو ليك انتو منو ؟ وتنظيمكم دا تابع لي ياتو حزب؟ واحد يقول ليك الناس ديل مابتلموا واحد تاني يقول ليك دي فكرة انتهازيه عايزن تعملوا منها قروش ولا شنو؟ المشكلة انو كلو زول خايف خايف من شنو الله اعلم؟!! ناس لاعندها قدرة علي التواصل ولا قدرة علي الاجتماعيات واحده تقول ليك انا مابحب السودانيين ولا بختلط بيهم لانو ................ولا شنو؟ اما الباقين المابقدروا يجيبوا الحجار ولا بيعرفو يجدعوا ديلك خليهم ساكت موضوع يحير والله البورداب كلهم في جميع انحاء العالم متماسكين حد التماسك البخليهم يتواصلوا علي الاقل في مناسباتهم وحفلاتهم والامهم نحن مالنا؟؟ كلو زول عندو راي في التاني كلو زول خايف من التاني لغة غريبه ظهرت في البورداب منها التهميش وناس الهامش الجلابه البوردابي كلام غريب ياجماعه من الليله اعلن انفاصلي التام من بورداب واشنطن وانضم لبورداب الدوحه او اي بورداب تانيين عندهم القدرة علي استيعاب فكرة العمل الجماعي. ناس غريبي الاطوار ماتفهم ناس مشاكسين من اجل المشاكسه ماتفهم ناس سياسيين ماتفهم (هو العمل السياسي ده كان بقي هنا في الكيبورد ده يادنيا عليك السلام) كلنا هنا في بلد العم سام كما سموها كلنا جينا من اجل واحد الفكرة شنو؟ البتلاقي كلو يقول ليك عملتوا شنو؟ هو نحن منو زاتو؟؟؟ وليه الناس منتظرة الباقين يبدو عشان يجوا يشمتوا ويضحكوا فيهم اذا فشلوا؟ناس تحب ليك الفشل بي طريقه مريضه. ناس غايتو تكويناته غريبه.... وصحي والله... بورداب شنو ؟وقيامه شنو؟ اعملوها جمعيه ثقافيه وبلا كلام فارغ بلا بورداب معاكم غايتو احباط شديد.... وانا والله العظيم البقول لي بورداب دي تاني الا ...... الناس في شنو والبورداب في شنو؟ تكلم الناس في التلفون الخاص يقول ليك بجي ومايجي ولا يحزنون نكلف واحد يجيب شنو...... لا يجيب شنو ولا يجي وغايتو ناس واشنطن ديل .... عليش
|
|
|
|
|
|