|
|
 اسأل مجرب 000ولا تسأل طبيب!!!
|
هذه العبارة تقال للشخص المحتار!!!
او الذي يمتلك اكثر من خيار في موضوع ما!!!
او اول مرة تمر عليه تجربه او موضوع كهذا!!!
فعادتا التجربة اكثرا دليلا وبرهانا000
وهذه دعوة لكل انسان لديه تجربة ثرة
يسردها لكي يستفيد منها الجميع
|
|
 
|
|
|
|
|
|
|
|
Re: اسأل مجرب 000ولا تسأل طبيب!!! (Re: عزالدين آدم علي)
|
طيب ده موقف حقيقي
مر بي قبل كم سنة
ونحن قادمين جدد الي رياض الخير والحلم
بالثراء000السريع والفاحش000والعودة الي ارض الوطن ظافرين غانمين 000
المهم000 علي قول تبارك
كان معنا بالسكن واحد صاحبي من اولاد الشجرة(عبدالمنعم سعيد) ربنا يطراه بالخير
كان يأتيه مقص شديد بالليل000
ونحتار ماذا نفعل من فرض المه000
فنسرع 000شيء حلبة 000وشيء حرجل 000وشيء قرض
بعد فترة يهدأ صاحبنا وينام
غرير العين كأنه لم يكن شيئا00
تاني يوم ونحن مجتمعبن في الغداء
في واحد اسمه صلاح من اولاد الصحافه000الله يديه العافيه
قال لي عبد المنعم
اسمع انت لمن تتعب بالليل ويجيك المقص
ما تشتغل بالشفع ديل (يقصدنا طبعا)000ديل ما عندهم خبره
صحيني انا بعرف الرياض وبعرف اتصرف000اوديك المستشفي 00والاسعاف وكده
تمام شكرناه وما بتقصر والله يديك العافيه 000
تاني يوم بالليل عبد المنعم جاهو المقص
جرينا عملنا عطرون وليمون واديناهم ليه
انا جريت صحيت صلاح(صاحب الخبرة)
صحى مهجوم وتعبان في شنو
قلت ليه عبد المنعم تعبان
وهو كان مرهق جدا
دخل علي عبد المنعم فتح الغرفة
شاف الكباية فيها العطرون والليمون00 فقال
بس احسن حاجة للمقص هي العضرون
وقفل الباب ورجع نام!!!!!!
| |
|
|
|
|
|
|
|
|
|
Re: اسأل مجرب 000ولا تسأل طبيب!!! (Re: طارق عبد اللطيف نقد)
|
Quote: لوا في واحد عنده اسهال شديد (طه القرشي)
يستعمل كوب زبادي صغير + ملعقتين كاستر بودرة
والنتيجه مضمونة |
وقعت ليك في جرح يا صديق الموج
انبسط ما حتشتري البامبرز تاني
معلقتين كستر في زبادي وتدخل الحمام ومعاك مفك نجمة
اها يا طارق اخوي
طبعاً انت اكتر واحد عندك تجربة في الوصول الي عفيف
ومنك نستفيد
| |
|
|
|
|
|
|
|
|
|
Re: اسأل مجرب 000ولا تسأل طبيب!!! (Re: طارق عبد اللطيف نقد)
|
طيب يا شباب دي تجربة ثانيه
مرة كنا في حفلة
وفي واحد متقل شديد في الشراب
وعامل شغب وهرجله شديده
وكاد ان يفسد الحفل000
وكل ما الناس يتكلموا معاهو يروق المنقه شوية
يزيد العيار شويتين000
الا00 ان هناك واحد والظاهر عليه خبرة
قال ليهم000
ادوهو كاس طويل (كباية)
المعلم شربة من هنا 000
وتوسد الدايمة والتحف السماء000
وواصلنا حفلتنا بمزاج!!!
| |
|
|
|
|
|
|
|
|
|
Re: اسأل مجرب 000ولا تسأل طبيب!!! (Re: طارق عبد اللطيف نقد)
|
لعلاج الصلعة
قُم بتربية الحاجبين ثم سرِّح شعر الحاجبين للأعلى ثم للخلف ( و كدة ما يكون عندك جبين ) ..
أبو عبد اللطيف ... مشتاقون
في ناس سألوا مجرب ... و بعدين رجعوا للطبيب :
سعودي ذهب للسودان بعد أن سمع من مجربين سودانيين بأن ( حلل التمساح ) ذّكّر التمساح ينفع في علاج الضعف الجنسي ( طبعا دة قبل إكتشاف الفياغرا )
ذهب هناك و أرشده أولاد الحلال إلى حواتي على جهة جبل أولياء
الحواتي كبس الراجل حلل تمساح لغاية ما ريحتو بقت ترمي الطير
رجع السعودية و هو منتفخ القولون و عندو تلبك في المصران
أدخلوه للمستشفى رأسا من المطار
مازحه أحد السودانيين قائلاً : ذكر التمساح دة عاوز ليهو مصران ضكران زيو .. يا زول حصل أكلت أم فتفت ولا كول ؟
بجيك صاد بتجارب ناجعة
| |
|
|
|
|
|
|
|
|
|
Re: اسأل مجرب 000ولا تسأل طبيب!!! (Re: ابو جهينة)
|
حلل التمساح
دي يا ريس ذكرتني
واحد صحبي عندهم مطعم في النسيم
وخاتين في كاونتر المحاسبة
نبق000و ترمس 000 وقضيم
وبشتروا السعوديين اكثر من السودانيين
فسألته بتطفل ليه السعوديين بشتروا الحاجات دي
فال لي بنقول ليهم دي اثارها الجنسية خطيرة جدا
| |
|
|
|
|
|
|
|
|
|
Re: اسأل مجرب 000ولا تسأل طبيب!!! (Re: طارق عبد اللطيف نقد)
|
عندنا واحد صاحبنا في الحله(الكلاكلة)
قال عايز يتعلم يعزف عود000
فمشى لي فنان جارنا في الحلة
وقال ليهو علمني عزف العود
وصاحبنا الفنان كان مستهبل ودمه خفيف
وبتاع مقالب000
فقال ليهو
اول حاجه تشتري عود جديد
فأشترى العود مع الاوتار وجابو
فقال ليهو
عشان تصبح عازف ماهر وتتعلم بي سرعة
بل الاوتار واشرب مويتهم 000 والباقي علي!!!!
طبعا لي الليلة000ما اتعلم حاجة00000
تحياتي
| |
|
|
|
|
|
|
|
|
|
Re: اسأل مجرب 000ولا تسأل طبيب!!! (Re: طارق عبد اللطيف نقد)
|
طيب لو عندك او لشخص عزيز عليك (حبن) او (خراج)
يعمل شنو000
انا في الاجازة السابقة في السودان
ظهر لبنتي الصغيرة (خراج) وكان عمرها سبعه شهور تقريبا
ذهبنا للمركز الصحي 000وقابلنا مساعد طبي 00او ممرض قديم ما متأكد000
بعد ما عمل النظافة والغيار000
قال احسن تعملوا ليها حلبة!!!
انا قلت في نفسي الراجل ده متخلف 000ولا 00شنو000
معقوله في مستشفى ولا مركز صحي ينصحك مختص بعلاج شعبي 000
فذهب لعيادة طبيب صديقي 000 بعد الفحص قال بتحتاج لي جراحة
وعندما رجعنا للبيت 00قالت الوالده جراحة شنو البت صغير اعملوا ليها حلبة بس 000
نوكلنا علي الله وعملنا الحلبة وبعد يومين كانت النتيجه مذهلة
وتم الشفاء بحمد الله
تحياتي
| |
|
|
|
|
|
|
| |
طارق عبد اللطيف نقد
محمد عثمان محمد طه
ادريس خليفة علم الهدي
عزالدين آدم علي
ابو جهينة
ممدوح عثمان
حمد فتح الرحمن
فيس بوك
تويتر
انستقرام
يوتيوب
بنتيريست