العيد مبارك و المراد ينتم ونقابل الجايي فرحانين نفارق الهم .. حبيبي

.



العيد مبارك و المراد ينتم
ونقابل الجايي فرحانين نفارق الهم
حبيبي

في بعدك بقاسي المرة بتألم
و إتصبر و أقول المولي لي قسم
أأخر في شبابي الفات و إتقدم
إلي بس ما عارفو من عمري المفضل كم
حبيبي

بتعزب عشان عينيك ما بندم
و غيرك ما إشتكيت لي زول ولا إنظلمت
في حوارن بشوف سعدي و شقاي نتلم
و ريدن يجري في أعماقي مجري الدم
حبيبي

أساسق فوق دريب وصلك ولا بنجم
من شوقي العليك لي يأسي ما إستسلمت
كل ما آمالي فيك قدامي تتهدم
أرجع بي دموعي و بكرة فيك عشم
حبيبي

أجيك مشتاق و أقول بالبيا يتكلم
و أنسي أنا من أشوف عينيك تتبسم
أخشي أنا في عتابي معاك أتلوم
إنتي زعلك ما بدورو و ما بدورلك هم
حبيبي

من ريدك كتير بي ريدك أتوهم
و أشوفك زي عيوني من عيوني أصم
منو الفي خاطري صورتو وفي لساني نغم
غيرك إنتي يالغيرك حياتي عدم
حبيبي

مرة أبقيلي بينك وبين قليبي حكم
كنت بشوفك عاقلة لو حكمك عليهو ظلم
قلبي ما الخلقوهو لي طول البنات من جم
لو بدل هواك أريتو ما يسلم
حبيبي

عاد نلاقي الجايي
فرحانين نفارق الهم
حبيبي



.