|
|
 يومياتي +نبض الشارع (2)
|
أعزائي عزيزاتي
صباجكم زين مسائكم سعيد (ما ام تي ان)
ازيكم
يا ناس
طبعا المفروض دي الجزء التاني لسلسلة من الحكاوي والقصص تجمع ما بين الهمين العام والخاص
افضفض فيها من عناء الذاكرة
علها تساعدني
في استعادة
ما
اخذه الدهر
او علها تعينني على استعادة المقدرة على الاستماع للحن اوقراءة قصة او قصيدة بكل دواخلي
اها نبدا بي شنو
هل نامو حسناا نبتدئ كم قال الكتيابي
نبتدئ ماذا
الحديث
القراءة
الكتابة
او فلنقل
قبلا
اود ان اعرفكم بذاتي
- انا
- مالنا وبك لما تتعرفيينا بنفسك من انت ومن تكونين ومن قال اننا نابه بك و نود التعرف اليك؟
- انا لمن اراد ان يستمر في القراء
ابنة فلان: اعتز بابي ولكن اود ان يعرفني الاخرون لذاتي
انا ابنة فللانة: لم يعتد الاخرون على نسب الابناء /البنات لامهاتهن
فلنحرج من كل هذا
ولنبدا
انا انسان
يصنف على حسب علم التشريح بانه انثى
ويطلق عليه اخرون صفات عديدية
الام ، الحبيبة الزوجة الصديق الرفيقة الاخت الزميلة الخالة العمة
الدكتورة ال ... وال....
- ولكن انا لا تروقني كل هذه الاشياء او فلنقل لا استطيع ان اكونها كلها
- او ان اكون ذاتي
- ذاتي التي تطمح ان تعيش في زمن المعقول
- معقول ام ليست من يحكم يا معيار وعلى اي اساس
دعنا من هذا
ذاتي التي تبحث عن العدالة المطلقة
ذاتي التي تنخر في عصب التاريخ بحثا عنها
ذاتي التي تتاوه شوقا للقيا
لقيا الذات الالهية
معقول ام ليست
على اي اساس وباي معيار نعيد قراءة واعادة صياغة زمننا اللا معقول ليصير المعقول او العكس من يحكم؟
للحديث بقية
ذاتي
الخرطوم
صيف 2003
|
|
 
|
|
|
|
|
|
|
|
Re: يومياتي +نبض الشارع (2) (Re: Safia Mohamed)
|
استاذ عبد الكريم
سلام
Quote: حاجة فيها نبض شارع دي غاتيو
زي ماقال البغبغاء بنحضرها بنحضرها
وجالسين القرفصاء في انظار ضربة البداية |
لا تجلس القرفصاء بل اتكيء على كرسي وثير
لكي تستمتع بالحديث
لانه قعدة الواطة متعبة وبتخلي الواحد يفتر ويمل سريع سريع ونحن دايرنكم لفترات اطول وعشان كدة حجزنا ليكم في برج الفاتح
صفية
| |
|
|
|
|
|
|
|
|
|
Re: يومياتي +نبض الشارع (2) (Re: Safia Mohamed)
|
اعزائي عزيزاتي
مسائكم زين نهاركم سعيد (مراعين فروق الوقت)
نواصل
والله يا جماعة شارعنا ملان ببنات تمام
قمة في الوعي والروعة
والليلة حنقدم نموذج في شكل قصة
اها قررنا اننا نمشي نتصور صور التخريج انا وصاحباتي
ريتا من اويل وفاطمة الجنينة ووانصاف من كادقلي
بعد ما انتهينا من موضوع الصور الساعة ثمانية مساء كان برنامجنا حيمتد وفجاة ضرب تلفون ريتا
الو.............
- سوري يا جماعة ما حا اقدر اواصل معاكم السهرة عندي ظرف طائ
- مالك يا زولة البرنامج دي ما مخططين ليه من بدري
- والله بت خالتي قبضوها ناس النظام العام
- وبنفس واحد ليه مالا سوت شنو
- لابسة بنطلون
- معقولة بس
- اها وانت عايزة تعملي شنو
- ما نحن ما عارفنها وين اتقسمنا كل زول قريب لحتة حيمشي يفتش وبما اننا في نمرة اتنين انا حا امشي قسم الديم والصحافة
- خلاص معاك
اها لمن وصلنا قسم الديم
- ممنوع ما توقفي العربية هنا
- ليه ما اوقفها بيت ابوك
- ممنوع وبس من غير ليه
- اها زحينا العربية
وترجلنا اربعتنا ووجدنا مجموعة من قريبات ريتا وشيل وخت ودق
- يا زول نحن دايرين نقابل الضابط المسئول
- لا ما تدخلي
ليه ما ادخل؟ دة بيت ابوك المفروض دي مكان عام او زي ما بقولو الشرطة في خدمة الشعب مش ، انا عندي مشكلة ودايرة اقابل الزول المسئول
- ياخي قلنا ممنوع
- وتبرعت احدانا ، ياخي يا ريتا انتي بدل التلتلة دي كلها ما تضربي تلفون لابوك وتنتهي القصة
- لا لا لا انا ضد المبدا بتاع اتصلو لفلان عشان يتصل لعلان ، دي قضية كبيرة ولازم تتحل حل جذري ، ولازم نحن نعرف انه في CPA و Peaceو Constitution و Human rights , ولا مافي لازم نعرف نحن كغير مسلمين من حقنا ممارسة حياتنا وعاداتنا وتقلدينا من غير وصاية اسلامية ولا ولا ، عموما نحن لازم نحددها مع ناس الحكومة ديل هم مالهم ومالي ، والحتة التانية انا بالنسبة الموضوع ما موضوع بت خالتي او غيرها يعني ما حالة فردية نحن دايرين تكون قضية عامة لانه اي واحدة تانية ضعيفة او غير واعية بحقوقها اللي كفلها ليها الدستور ممكن تكون ضحية لانتهاكات زي دي فلازم نسن قاعدة Rule of the law بغض النظر عن من ماذا وكيف.
- والله اعجبت بيها شدييد ولو شفتوها وهي منفعلة كيف يااه لما الانسان يكون عنده مبادئ دي حاجة عظيمة مش لك التحية صديقتي وانت تعلميننا كل يوم بان محاربة الفساد تبدا مننا نحن وفعلا اذا حرص اي انسان على ان ينال حقه بالقانون لاستطعنا التحجيم من او التقليل من الفساد مرة اخرة تحية ولكم انا فخورة بك صديقتي ريتا.
المهم نقاش كتير ومشادات وكلام في كلام
- سوري يا ريتا نحن بعد دة لازم نمشي لانه الواطة اتاخرت الساعة مشت لحداشر حنتصل ليك نطمن على اخبارها شنو
- اOk bye thanks
- وبعد ساعتين في اتصال عاتفي اها الخبر شنو ياختي
تمام طلعوها لكن بعد تلتلة ا
بعد ناقشنا الضابط قال القانون بقول كدة ، ولما قلنا ليه الدستور قال وقال قال لي لكن نيفاشا بتقول ان تسري القوانين القديمة لحين تغيير القوانين ولسع القوانين ما اتغيرت عشن كدة القوانين ما زالت سارية.
- وتواصل هي انا غايتو دايرة ارفع قضية دستورية بين التعارض بين الدستور والقوانين السارية رايكم شنو
- اييك انت عارفة رسوم المحكمة الدستورية كم
- خلاص طيب نكسر القانون عمليا
- كيف
نعمل مسيرة مجموعة من البنات ويقدمو مذكرة احتجاج على قانون النظام العام والبنات لازم يكونوا كلهن لابسات بناطلين
- يعني هي ممكن لكن انا بفتكر انه القصة اعمق واشمل من مجرد زي ، الزي هو الشرارة اللي اظهرت ما هو خافي من حقوق مهضمومة و......................اييك قصة طويييلة لكن الامل بكرة يكون احلى مش
تحية وسلام
ضفية
| |
|
|
|
|
|
|
| |
Safia Mohamed
طارق جبريل
Ishraga Mustafa
العوض المسلمي
عبدالكريم الامين احمد
فيس بوك
تويتر
انستقرام
يوتيوب
بنتيريست