|
|
 Re: عدتــه يـاعيــدى بـدون دمــوع2(النيل الازرق الفترة المفتوحة علبة ماكنتوش احد تحفها ندى القل (Re: najma)
|
http://أهلى الجعليين وشنب الفنان مصطـفى سـيداحمد !!!
اهلنا الجعليين يتطربهم الكلام المقفى الذى يحض على الكرم والنجدة والفروسية وفراسة مظان الخيروالفضائل..
جدى كلما سمع اغنية تمجد فضلا تفرد به رجل من الناس تلاحقت انفاسه وتغيروجهه وهاشت اطرافه..
سمع ذات يوم(مطمورتك تكيل للخالة والعمات) اضطرب وبشر ثم قال لى..آآلخمجاان ياولدى شعرت جلدى كلبت..
اغنيات الحماسة التى تهيج طاقة الكرم الجوانى والفروسية المهتاجه..
حسين شندى رجل كريم وشهم وفارس..
رجل من أندى العالمين بطون راح..
هو فوق هذا رجل مثل النسمة وهبة الهواء..
طريف وذوحكايات عجيبه ونوادر..شديدالحب لاهله عميق البر بهم..
الفنان حسين ياجمال السنوسى ونحن فى سهرات العيد كان ضيفا فى الفترة المفتوحه فى قناة النيل الازرق مع نجوم الكوميديا..كان ابرزهم فى الحكى والطرائف والملح النوادر..
خصوصا ماأتصل بالجعليين وشجاعتهم واكرامهم الضيف والعمدة الحسن ودضبعه..
حكى حول مايطرب الجعليين من اغنيات..ذات يوم غنى المرحوم مصطفى سيداحمد فى ربوع شندى والناس فى دهشة و(البت الحديقه)وهم يشمرون للعرضه والبطان..كانوا فى صمت ذاهلين سوى ان اكرامهم الضيف اقتضى احدهم ان ينهض نحوه ويعرض فوقه ويقول..
- يازول ماعارفين الحديقه دى بس عشان شنبك الماكن ده ابشر بالخير..
عيدسعيد ومبارك لكل اهل السودان..ولصديقى الحبيب الارباب حسين شندى
محبتى
_____
محمد عكاشة
| |
 
|
|
|
|
ALGARADABI
فيس بوك
تويتر
انستقرام
يوتيوب
بنتيريست