|
|
 عيد سعيد.. وكل عام والجميع بخير!
|
الزملاء والزميلات.. الأخوان والأخوات
رفقاء الدرب الكرام
في كل مشارف الأرض
لكم مني أجمل التهاني والأمنيات الطيبة بحلول عيد الفطر المبارك
أعاده الله عليكم وعلى الوطن الغالي باليمن والخير والبركات
وكل عام وأنتم بخير!
محمد يسين الخليفة - بوسطن
|
|
 
|
|
|
|
|
|
|
|
Re: عيد سعيد.. وكل عام والجميع بخير! (Re: عصام ابوعكر)
|
عيد سعيد فنانا الصديق أبوعكر
وشكرا علي كرتك الفني اللطيف.. والراقي والبنهديهو لأهنا في الموردة والعباسية...
يأخي ليهم كلهم في أمدر وفور برنقة وأوييل
إنشاء الله يكون شغل إيدك ونتاج إحساسك المرهف
وتقبل الله منا ومنكم
| |
|
|
|
|
|
|
|
|
|
Re: عيد سعيد.. وكل عام والجميع بخير! (Re: ابوعسل السيد احمد)
|
عيدنا والله عسل يا أخوي أبوعسل
وكل عام وأنت بخير... والسنة الجاية عريس وشهر عسلك في ربوع سوني ومرتجلو وقلول
وأنا بعد شفتا جبل مرة... قلتا ليهم ما بعرسلي إلا واحدة حربية
بتقبل شهر عسلها في جبل مرة!
وتراني مازلتا راجيها...
وإنشاء الله ربك رب الخير يعدل أحوال الجبل - القطعة من الجنة - ويأمن أهلو الكرام
وتقبل الله منا ومنكم
---------------
نيوهيفين.. يا رجال!!!
أنا اليوم المساء بمر بيها في طريقي لنيويورك
| |
|
|
|
|
|
|
|
|
|
Re: عيد سعيد.. وكل عام والجميع بخير! (Re: Magdi Ahmed Elsheikh)
|
الدكتور الراقي مجدي الشيخ
إنشاء الله ينعاد عليك بالخير والبركات
وشكرا علي الحلاوة و((الكعك)) العندي معاهو مشكلة السنة دي!
تعرف يا دكتور... مشيت نيويورك يوم الوقفة (الإثنين)
وقلتا أمشي محل أخونا نوري في بروكلين أشتري الفول والعيش وبقية العدة
لقيت عندهم كعك عاملاهو أختنا سودانية ليهم علشان يبيعوه ليها
وكانت آخر علبة عندهم...
بس كانت فيها حشرة السكر (حية) جوة العلبة
كلمت البياع وقلتا ليهو:
طالما دي آخر علبة.. أديني ليها... بس بالله طلع منها الحشرة الطايرة جواها
صاحبنا طلع الحشرة... والدكان كله بيضحك عليا
ومستغربين من الزول العاوز يشتري الكعك بحشرته
وهم ما عارفين العشق القديم البيني وبين الكعك...
المهم جلستا مع أخوانا بره الدكان ننتظر ثبوت الرؤية
وده بعد تركتا الكيس بتاع الأغراض مع البياع
وعندما ثبت العيد - حسب المزاج - أخزت الكيس وركبت القطار للمنزل
وفية إكتشفت إختفاء الكعك... والذي لا أدري مصيره حتى الآن!
وكان عيدا بلا كعك... إلى أن تكرمت علينا بصورته
العيدنا بها... مشكورا
| |
|
|
|
|
|
|
| |
Mohamed Yassin Khalifa
فيصل محمد خليل
عصام ابوعكر
khaleel
ابوعسل السيد احمد
ياسر عدوي
Magdi Ahmed Elsheikh
هاشم أحمد خلف الله
فيس بوك
تويتر
انستقرام
يوتيوب
بنتيريست