|
|
 أشهر زلات لسان سياسيينا السودانيييييييييين (توجد أمثلة)
|
### في مقال سابق لي عن زلات اللسان ودلالاتها السياسية ذكرت انه على على المستوى المحلي لم يسلم سياسيونا من الوقوع في زلات لسان ، واوردت مسال واحد وهو يمكن اعتبار قسم (طلاق) الرئيس البشير الاخير بشان القوات الدولية احدث زلة لسان سياسية سودانية .
نواصل المزيد من الامثلة على زلات لسان سياسيينا السودانيين :
### حيث يمكن اعتبار تصريح الشيخ حسن الترابي وهو في قمة الهيكل التنظيمي للمؤتمر الوطني عن الفساد بأنه فقط نحو 9% في الحكومة ، ثم تراجع عنه مؤخرا بعد إبعاده عن السلطة بأنه 90 %، وبعد إحتدام الجدل حول هذه التصريحات بادر الشيخ الترابي للتبرير بقوله الى ان الصحفيين لم يفهموا حديثه الذي كان يعيد فيه حديثه السابق عن ارتفاع نسبة الفساد بضع في المائة.... الأمر الذي دفع الدكتور غازي صلاح الدين للقول ان البضع من 3 الى 9% وهو ما ادى للتعليق الشهير بان الشيخ نسى «الصفر»
### وكذلك يمكن اعتبار ما قاله عوض الجاز قبل فترة ونشرت في صحف الخرطوم واحدثت رجه كبيرة بـ من يقول اتفاقية ابوجا ناقصة "ود حرام".
### وايضا ما صرح به السياسي اللامع ياسر عرمان بأن الانفصاليون في الجنوب 99% .
### نرجع للرئيس البشير مرة تانية من زلات لسانه اللطيفة ..ما قاله
في تكريم البروفيسور سعاد الفاتح عندما قال  وسعاد نحن بنعرفا وبنعرف نضالا من ما كنا .... (وهنا سكت واستطرد قائلاً ( كبار) وضجت القاعة كلها بالضحك ...
### أيضا ارتكب عبدالواحد محمد النور زلة لسان فاضحة في الـ 12 من يوليو في لقاء علي شاشات التليفزيون الأمريكي عندما قال إن "أوكامبو" - كبير المدعين في المحكمة الدولية - قد بعث برسالة مفادها أن أي شخص يرتكب جرائم وإبادة جماعية سيحاكم. ووقتها لم يكن "أوكامبو" قد كشف بعد عن فحوي اتهامه لمسئولين سودانيين بينهم البشير.
### كذلك رد مستشار رئيس الجمهورية السيد مسار في زلة لسان عندما سُؤل عن (لماذا لا توقفون الحرب وأنت مستشار الرئيس ؟) ، رد في زلة لسان ( إذا وقفت ما الزغاوة إنتصروا ).
### وكذلك الفريق الركن عبد الرحيم محمد حسين عندما كان وزيرا للداخلية وكان في إحدى زياراته للقاهرة من قبل للوقوف على تنفيذ بنود اتفاق الحريات الاربع بين مصر والسودان وكان قد عقد مؤتمرا صحفيا بمقر السفارة السودانية بالقاهرة بحضور البروفسير الراحل احمد عبد الحليم والذي كان السفير السوداني حينذاك. المهم وانه اثناء حديثه انشغل كثيرا بالحديث عن السياسة في السودان والمعروف ان الرجل سريعا جدا في سرد التطورات وعندما جاءت نقطة الحديث عن الحركة الشعبية قال(ان الحركة الشعبية الان وجدت الفرصة من خلال الدعم الخارجي لها في التحرك كثيرا في السودان وخصوصا هذه الفترة حيث بدات تتحدث عن ملفات ماكانت لتستطيع الدخول فيها بسهولة واصبحت تلوح بمطالب كثيرة لانها ترى ان هذا وقتها ... ولكن لن تستطيع ان تفعل شيئا حيث ان الحكومة ممسكة بزمام الامور وعرج الى القول في زلة لسان (هو انحنا لمن كنا صالحين ما عملت معانا حاجة)خلي من هسي.
عندها فاجاه السفير الراحل احمد عبد الحليم بالقيام والجلوس على كرسيه وبعبارة(احم) الهادئة جدا.
|
|
 
|
|
|
|
|
|
|
 Re: أشهر زلات لسان سياسيينا السودانيييييييييين (توجد أمثلة) (Re: mayada kamal)
|
ميادة صباح الخير ....
رمضان كريم ...
أعتقد أكبر زلة لسان للبشير عندما قال لجنودة ( لا أريد أسيراً أو جريحاً) عقب غزوة الدباب خليل إبراهيم الفاشلة ..
كذلك عندما قال أن عدد القتلي في دارفور ( لا يتجاوز) عشرة آلاف و ليس ثلاثمائة ألف و كأن العشرة ألف قتيل لا يجوز الإهتمام بهم بهذا الشكل ...
ده البتذكروا ... الباقي كتير ..
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: mayada kamal)
|
الأخت الكريمة / د. ميادة
من آخر الزلات التي تم رصدها و وردت بصحيفة الحياة ..
تلقفت صحيفة الأندبندنت البريطانية زلات لفظية للمرشح ماكين، المنافس لأوباما. وقالت عنه إنه كرر عبارة "الحدود العراقية - الباكستانية ..!". ومشكلة المرشحين الأمريكيين في العهد الحالي أنهم مجرد حكام ولايات في ماضيهم. أي تنقصهم المعلومات الجغرافية في العالم. ويجدون صعوبة في التفرقة بين نيجيريا والنيجر، ومالي وملاوي.
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: mayada kamal)
|
ميادة حبابك
اللواء الركن الحسيني والي كردفان الأسبق
أصدر قرار بحظر مصطلح (دا الشغل)
حيث كان طلاب الشمالية يهتفون ( آي دا البلح)
عند قيام الدورة المدرسية بالأبيض عام 93
وطلاب كردفان يهتفون ( آي دا النبق )
وفي إحدى زيارات الحسين لمدرسة الأبيض الثانويةالصناعية
رفع الطلاب المساطر حرف تي والشواكيش والمسطرين كشعار عملي
فهتف الوالي ( آي دا الشغل ) فصاح الجميع مهللين ومكبرين
رمضان كريم
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: فيصل محمد رشوان)
|
الاخ فيصل
سلامات
Quote: الرشيد بدوي بعيد كان بذيع في مباراة قال : كورة ارضية عالية
امس في مباراة السودان وتشادالتي اقيمت بالقاهرة المذيع محمد يوسف قال : اغرب حاجة الجالية المصرية تشجع المنتخب التشادي |
الرشيد بدوي عبيد ويوسف محمد يوسف
بيعلقوا على المباراة بكل احساسهم الحقيقي عشان كدا توقع منهم مثل تعليق الاخير
يوم لمن حنيت عليه وجيت نزلت على ما اذكر بوست هنا في البورد بسال فيه عليه
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: EMU إيمو)
|
سلامات اخي محمد
حبابك الف
Quote: اللواء الركن الحسيني والي كردفان الأسبق
أصدر قرار بحظر مصطلح (دا الشغل)
حيث كان طلاب الشمالية يهتفون ( آي دا البلح)
عند قيام الدورة المدرسية بالأبيض عام 93
وطلاب كردفان يهتفون ( آي دا النبق )
وفي إحدى زيارات الحسين لمدرسة الأبيض الثانويةالصناعية
رفع الطلاب المساطر حرف تي والشواكيش والمسطرين كشعار عملي
فهتف الوالي ( آي دا الشغل ) فصاح الجميع مهللين ومكبرين |
دي قوية شديد
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: mayada kamal)
|
الأخت/ ميادة سلامات
Quote:
مركزين على الراجل مالكم يا جماعة
هههههههههه
|
لكأنك تطلبين التركيز على الإنقاذ.
أنا أعتبر أكبر زلّة ما إلتزم به ( صلاح دولار) فى بداية الإنقاذ فيما معناه:
لو ما الإنقاذ دى قامت كان الدولار بِقى بـ( عشرين جنيه ) ، وطبعاً الدولار بفضلها وصل ( ألفين جنيه)( مائة ضعف ) والظاهر عشان كلام صلاح
دولار تمّ تغيير العملة وسحب صفرين ورغم ذلك سعر الدولار ( 10 أضعاف ) ما حدده.
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: أبوبكر أبوالقاسم)
|
صباح الخير اخي ابوبكر
لكأنك تطلبين التركيز على الإنقاذ
ياخي دي مزحة ومداعبة
ما تاخدوا فيها حاجة
وبعدين فيها شنو لو قاعدة اطالب بي التركيز على الانقاذ
إن الانقاذ الوطني اكتر فترة حصلت فيها مواجهة وصدام مع المجتمع الدولي
واكتر مرحلة مليئة بالاحداث والمواقف السياسية الكبيرة
وكلها مناسبات لتصيد زلات لسان سياسيينا السودانيين خصوصا ما يصدر منها في اوقات الضغوط او الازمات اوالمواقف العفوية ووووو... الخ
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: mayada kamal)
|
Quote: ### وكذلك الفريق الركن عبد الرحيم محمد حسين عندما كان وزيرا للداخلية وكان في إحدى زياراته للقاهرة من قبل للوقوف على تنفيذ بنود اتفاق الحريات الاربع بين مصر والسودان وكان قد عقد مؤتمرا صحفيا بمقر السفارة السودانية بالقاهرة بحضور البروفسير الراحل احمد عبد الحليم والذي كان السفير السوداني حينذاك. المهم وانه اثناء حديثه انشغل كثيرا بالحديث عن السياسة في السودان والمعروف ان الرجل سريعا جدا في سرد التطورات وعندما جاءت نقطة الحديث عن الحركة الشعبية قال(ان الحركة الشعبية الان وجدت الفرصة من خلال الدعم الخارجي لها في التحرك كثيرا في السودان وخصوصا هذه الفترة حيث بدات تتحدث عن ملفات ماكانت لتستطيع الدخول فيها بسهولة واصبحت تلوح بمطالب كثيرة لانها ترى ان هذا وقتها ... ولكن لن تستطيع ان تفعل شيئا حيث ان الحكومة ممسكة بزمام الامور وعرج الى القول في زلة لسان (هو انحنا لمن كنا صالحين ما عملت معانا حاجة)خلي من هسي.
عندها فاجاه السفير الراحل احمد عبد الحليم بالقيام والجلوس على كرسيه وبعبارة(احم) الهادئة جدا. |
مياده كل سنه وانت طيبه ورمضان كريم
بتاعات عبد الرحيم ديل ايرادهم حيث انهم زلات لسان
فيها اجحاف ديل حقو يوردوهم عوارات ساكت.
فى لقاءه مع مراسل قناة الجزيرة يوم اشتعال محطة
برى الحراريه وكان وقتها وزيرا للداخليه وفى سؤال
عن سبب الحريق قال سيادته:
اصلو العامل كان شغال فى الهنايه قام البتاع
ضرب فى البتاعة قام الهناى بوظ الشغلانه..
وعندما ضرب مصنع الشفاء قال سعادته
شوهدت طيارتين بمحازاة النيل فى بربر وقد استند
فى تصريحه على كلام الحارس فى المصنع المجاور حيث افاد
العامل ان طيارة كشفت النور والتانيه ضربت
والعامل مسكين لايعرف ان الصاروخ ياتى مشتعلا قبل ان يصيب
الهدف.
ماقلت ليكم عوارة ما زلة لسان..
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: صديق الموج)
|
العزيز صديق الموج
كيفك يا عمنا
Quote: مياده كل سنه وانت طيبه ورمضان كريم
بتاعات عبد الرحيم ديل ايرادهم حيث انهم زلات لسان
فيها اجحاف ديل حقو يوردوهم عوارات ساكت.
فى لقاءه مع مراسل قناة الجزيرة يوم اشتعال محطة
برى الحراريه وكان وقتها وزيرا للداخليه وفى سؤال
عن سبب الحريق قال سيادته:
اصلو العامل كان شغال فى الهنايه قام البتاع
ضرب فى البتاعة قام الهناى بوظ الشغلانه..
وعندما ضرب مصنع الشفاء قال سعادته
شوهدت طيارتين بمحازاة النيل فى بربر وقد استند
فى تصريحه على كلام الحارس فى المصنع المجاور حيث افاد
العامل ان طيارة كشفت النور والتانيه ضربت
والعامل مسكين لايعرف ان الصاروخ ياتى مشتعلا قبل ان يصيب
الهدف.
ماقلت ليكم عوارة ما زلة لسان.. |
مبااااااالغة
انا كنت عارفة انك عند الكثير الكثير من الامثلة
يلا تابع معانا
ومنتظرين المزييييد
تخريمة:
شفت بورداب الخرطوم
همشوني كيف
ما جابوا خبري في فطورهم دا
وانا حردت وما مشيت
واعلنت الانسلاخ لجناحكم انت وطارق جبريل
وتاني ما دايرة معاهم اي لمة
مع تقديري للاخ احمد موسى اللي كلف نفسه واتصل علي يطيب خااااطري وكدا
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: mayada kamal)
|
ذلّة اللسان الأشهر لعبد الرحيم محمد حسين
وزير الداخلية وقتها ... جادت بها عبقريته فى التلفزيون
وعلى الهواء ومحطة كهرباء برى تحترق ... توصيف الوزير للحادثة
أنّ (الهناى طار فى البتاع وبوّظ الشغلانة) ... ويا له من وصف بليغ
لمحطة برى فى حال (إحتراق) .... شفتى كيف؟؟؟؟؟
لك الود ... ورمضان كريم
عبد الرحمن قوى
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: Giwey)
|
Quote: ذلّة اللسان الأشهر لعبد الرحيم محمد حسين
وزير الداخلية وقتها ... جادت بها عبقريته فى التلفزيون
وعلى الهواء ومحطة كهرباء برى تحترق ... توصيف الوزير للحادثة
أنّ (الهناى طار فى البتاع وبوّظ الشغلانة) ... ويا له من وصف بليغ
لمحطة برى فى حال (إحتراق) .... شفتى كيف؟؟؟؟؟ |
يبدو انو قريبي الرطاني دا حيحصل نميري في كثرة زلات اللسان وكدامرحبتين اخي عبد الرحمن
رمضان كريم وتصوم وتفطر على خير
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: mayada kamal)
|
طيب ما دام الشيلة عليكم
نحكي
انا عاجبني الدكتور معتصم
لما كان وزير تربية وتأليم
وفي عز زنقة المدرسين وعدم وجود الرواتب والالام التي كان يعاني منها المعلمون، في لقاء تلفزيوني مع المعلمين لوح المعلمين بالاضراب
فما كان من السيد الوزير الهمام الا ان قال
نحن المعلمين دي نجيبهم من اضانهم ونشغلهم سخرة
وجاييك
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: د.محمد حسن)
|
Quote: طيب ما دام الشيلة عليكم
نحكي
|
Quote: انا عاجبني الدكتور معتصم
لما كان وزير تربية وتأليم
وفي عز زنقة المدرسين وعدم وجود الرواتب والالام التي كان يعاني منها المعلمون، في لقاء تلفزيوني مع المعلمين لوح المعلمين بالاضراب
فما كان من السيد الوزير الهمام الا ان قال
نحن المعلمين دي نجيبهم من اضانهم ونشغلهم سخرة |
يا دكتور عاجبك في شنو بعد زلتة الوعرة دي
حباااااابك وانا منتظراك بي كومر المرة دي عشااااااان قلت معجب بي معتصم
ههههههه
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: mayada kamal)
|
د.المعتصم ده تحفة، انا بحبه لانه كوز نمطي ، بتكلم ساااااي لانه متمسك بمقولة الكيزان الشهيرة الزارعنا غير الله يجي يقلعنا
كان غلط والا فجخ الطين بيدوهو منصيب
يلا احكي ليك
مرة في لقاء تلفزيوني معاه ، اظنو كان سهرة في بداية استخراج البترول ، وعامل زي بحفز في الشباب فقال:
( نحن ما عيازين الشباب يتكدسوا لينا في الخرطوم ، عايزينهم يمشوا الاقاليم ، كل خريج وخريجة يتزوجو نديهم قطعة ارض زراعية في الاقاليم يمشوا هناك يلقوا الخير راقد ، يلقوا الزرع قايم والبترول قايم و...)
يا دوك
نحن طير ؟!!
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: د.محمد حسن)
|
Quote: د.المعتصم ده تحفة، انا بحبه لانه كوز نمطي ، بتكلم ساااااي لانه متمسك بمقولة الكيزان الشهيرة الزارعنا غير الله يجي يقلعنا
كان غلط والا فجخ الطين بيدوهو منصيب
يلا احكي ليك
مرة في لقاء تلفزيوني معاه ، اظنو كان سهرة في بداية استخراج البترول ، وعامل زي بحفز في الشباب فقال:
( نحن ما عيازين الشباب يتكدسوا لينا في الخرطوم ، عايزينهم يمشوا الاقاليم ، كل خريج وخريجة يتزوجو نديهم قطعة ارض زراعية في الاقاليم يمشوا هناك يلقوا الخير راقد ، يلقوا الزرع قايم والبترول قايم و...)
يا دوك
نحن طير ؟!! |
صباح الخير يا دكتور
ياخي انت موسوعة عدييييييييييييل
بس صاحبك وحبيبك الوزير دا مالو بتكلم زي عمر البشير وكدا
ننتظر المزيييييييييييييييييييييد
مودتي
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: ود العجمى)
|
العزيز ود العجمي
صباح الخير
رمضان كريم وتصوم وتفطر على خير
| Quote: نحنا أملنا فى الله كبير لكن أملنا فى أولادنا أكبر |
كان ما قلت في الاول ابراهيم نايل ايدام كان الليلة صيامي عليك
لانو واحد زميلنا قرى زلة اللسان دي وقال اكيد دا حلفاوي
قلت ليه بركة القالوا ابراهيم نايل ايدام
ولو ما كدا كااااااان مناقرة ومكاواة لحدي الدوام ما يخلص
مودتي
اضافة جميلة
ننتظر المزيد
ميادة
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: mayada kamal)
|
بدل ما ترفعي البوست بالنقط
ارفعه ليك انا
يلا نديك حاجة من صاحبك البروف ابراهيم احمد عمر
المعروف عن االبروف انه راجل ضيق الصدر ، كانما يصعد في السماء
في لقاء تلفزيوني ايام كان ليه شنة ورتة وكان وزير تعليم عالي قبل التهميش الحالي ، مع طلاب المختبرات العلمية
قتام احد الطلاب قالليه جامعة امدرمان الاهلية ما قررت التعريب ( والبروف عضو في لجنة تعريب المقررات*) طوالي رد عليه قال ليه خلاص حنجففها
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: Ahmed musa)
|
ميادة وينك من يوم السمك
زلة اللسان تكون فى كلمة او عبارة خاطئة
التصريح الطويل وما مناسب بيكون سوء تقدير او قلة خبرة او افتقار للدبلوماسية
يعنى كلام عبد الرحيم حسين يناسبو وصف العوارة
وتعليق الجاز بتاع ود حرام يوصف بالسفاهة
وكلام مسار بتاع الزغاوة يوصف بالغباء والعنصرية
وبتاع الجالية المصرية دا الجهل ذاتو
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: mohmmed said ahmed)
|
العزيز/ محمد سيد
صباح الخير
رمضان كريم عليك وتصوم وتفطر على خير
| Quote: ميادة وينك من يوم السمك |
كان يوم جميل بوجودنا معكم
وانت اول الحاضرين هناك
Quote: زلة اللسان تكون فى كلمة او عبارة خاطئة
التصريح الطويل وما مناسب بيكون سوء تقدير او قلة خبرة او افتقار للدبلوماسية
يعنى كلام عبد الرحيم حسين يناسبو وصف العوارة
وتعليق الجاز بتاع ود حرام يوصف بالسفاهة
وكلام مسار بتاع الزغاوة يوصف بالغباء والعنصرية
وبتاع الجالية المصرية دا الجهل ذاتو |
شكرا افادات جميلة
بس كمان منتظرين امثلة لزلات لسان
يلا ادينا زلة زلتين
تحياتي ومودتي
اختك ميادة
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: Ahmed musa)
|
العزيز/ استاذ أحمدموسى
صباحك زين (ما زين بتاعة رصيد صاحبك بالمليارات لانو كدا اكيييييييد ما زين)
كيفك ابوي
| Quote: شكراً ميادة كمال ... لكني ما إتصليت لأطيب خاطرك أنا إتصلت لأهمية وجودك بيننا وما تضفينه على المكان من روح ... |
دا من اصلك ومعدنك الطيب بس
حقيقى اناالسعدت بتواجدي معاكم في رحلة الجبل(انت والعم محمد سيد والعزيزة انعام حيمورة وبقال وممدوح ابارو وبكري الخير والسمؤال وتبلديناوبقية العقد الفريد ).......
تسلم يا جميل......
ومودتي وتقديري
اختك ميادة
| |
|
|
|
|
|
|
|
|
 Re: أشهر زلات لسان سياسيينا السودانيييييييييين (توجد أمثلة) (Re: عبدالمنعم الرزوقي)
|
Quote: نميري و زلالته المعروفة..
على سبيل المثال عندما قال في عيد العلم (أشكر المعلم علي حسن سلوكة) !! |
Quote: ما ذكرته لم يكن في عيد المعلم بل كان في ازمة المحروقات وندرة
المواصلات فكان المواطنين يتطوعون للذهاب للعمل مشيا علي الاقدام
فقال الرئيس نميري ( نشكر المواطن على حسن سلوكة) |
الأخ عبدالمنعم الرزوقي..
تحياتي..
طال الزمن..لا أذكر بالتحديد إذا كان الامر كما ذكرت..
المهم الموضوع في جوهره صحيح !!
شكرا لإهتمامك..
| |
|
|
|
|
|
|
|
|
|
Re: أشهر زلات لسان سياسيينا السودانيييييييييين (توجد أمثلة) (Re: ضحيه ابراهيم)
|
الاخ ضحية
صباحاتك زينة بتوقيتنا المحلي وكدا| Quote: وهذه هى زلة لسان منك وجل من لا يهفو |
هي من السرعة في الضغط على حروف الكيبورد ...
اول فلتسميها نهم للكتابة (بالغت مووش)
ومرمى مثل هذه الاخطاء لا تفوت على اشخاص مثل حضرتكم
شكرا على الملاحظة (الزلة التي اوقعتني فيها)
واعتذر منك عن التاخر في الرد
لكن كنت فاكرة انو البوست مشى الخور
بعد رجة الهكر وكدا
سعيدة بمرورك من هنا
وحبابك دائما
| |
|
|
|
|
|
|
| |
mayada kamal
خالد عبد الله محمود
Adel Sameer Tawfiq
د.أحمد الحسين
khalid fahmi
ابوالقاسم ابراهيم الحاج
EMU إيمو
أبوبكر أبوالقاسم
د.محمد حسن
صديق الموج
ابراهيم عدلان
عبدالمجيد صالح
Giwey
ود العجمى
Ahmed musa
mohmmed said ahmed
عبدالمنعم الرزوقي
ضحيه ابراهيم
نيازي عبدالله مرحوم احمد
isam elzein
سناء عبد السيد
فيس بوك
تويتر
انستقرام
يوتيوب
بنتيريست