|
دعواتكم لزميلنا المفكر د.الباقر العفيف بالشفاء العاجل
|
|
 Re: انصاف مدني يغتيك الله (اعملي فينا خير) تسلمي (Re: عبد اللطيف عبد الحفيظ حمد)
|
Quote: لك التحية أستاذ موصلي
من المعلوم أن إيقاع الدلوكة حسب فهمي المتواضع 3 مقامات
مثلاً عند قيقم يبدأ بالتقيل، ثم الوسط وأخيراًً يختم بالخفيف
مثلاً: "أنصار الإمام"، وبعدين ينزل لي "فرسان الكمين الفي القتال باينين.. سودانية أسود"
ده قبال قيقم مايبقى إنقاذي!!!!!!
كان فارس الدلوكة في ما قبل الإنقاذ!!!!
والله أنا غلطان!!!!
نسيت التحية لعافية حسن..... لها صوت جميل ورشيق ..... ربما تستطيع إعادة مجد الفلاتية!!! |
تسلم ياعبد اللطيف
طبعا عندنا في علوم الموسيقي كلمة (مقام) يعني بها الصوت وليس الايقاع
ولكنها قد تكون مقبولة في المسمى (الشعبي) باعتبار مرتبة مرحلة او نوع
اكون صريح معك حتى الان لم اسمع قيقم نسبة لغيابي في فترة ظهوره وليس تقليلا من الشآن
ياريت لو عندك ليهو فيديو في اليو تيوب او حتى تسجيل نسمعوا
لكن حسب ومعرفتي فان الملوك الحقيقيين لذلك الايقاع هم الثلاثة الراحلين الذين ذكرتهم
تحياتي
| |
 
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Elmosley)
|
المطلوب من انصاف مدني المحترمه جدا المقدره
تجيب الدلوكه والدنقر والشتم وكل الناس المعاها في الصفقه وغيروا
وتسجل لينا لوبس من هذا الايقاع
المطلوب من عمر القصاص ان يشرف على التسجيل في السودان
والمطلوب من عافيه آن تبحث عن (الاستاذه) انصاف وتتفق معها على التسجيل
وكان ابت
طبعا جبل اولياء حيث تقيم عافيه مملوءة بمن يجري مثل هذا النوع من الايقاع في دمهم
وكان كلهم ابو سوف اعود الى بربر واسجله من اهل زوجتي في القدواب /ونقزوا.. غصبا عن صديقي مجذوب اونسه
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Elmosley)
|
| Quote: واسجله من اهل زوجتي في القدواب /ونقزوا.. غصبا عن صديقي مجذوب اونسه |
(نسيبنا) كيفنك..؟
أوعي تقول دي سلبطه
حرررم جيتنا عديييل
وكان غلبت حيله في الدلوكه
أنا بسجله ليك برااااي
إنت نسيت نحن ناس دلوكة؟؟
لكن بيني وبينك خلف الله حمد ملك الملوك في هذا الشأن
وحررم دلوكتو بتدق في قلب الواحد أكتر من نحاسنا في تلك الأصقاع
المهم مجذوب أونسه كان معنا في هذا العيد
و تحدثنا في الكثير بخصوص الموسيقي والغناء.
ويغريك تحياته الأنيقة.
كل الود
------------------------
بيني وبينك خلوني اتسلبطكم في أغنيه لعافيه الغنايه دي
إنت والقصاص وعافيه دا مولد ما بتفوت بي أخوي وأخوك.
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: فاروق أبوحوه)
|
Quote:
(نسيبنا) كيفنك..؟
أوعي تقول دي سلبطه
حرررم جيتنا عديييل
وكان غلبت حيله في الدلوكه
أنا بسجله ليك برااااي
إنت نسيت نحن ناس دلوكة؟؟
لكن بيني وبينك خلف الله حمد ملك الملوك في هذا الشأن
وحررم دلوكتو بتدق في قلب الواحد أكتر من نحاسنا في تلك الأصقاع
المهم مجذوب أونسه كان معنا في هذا العيد
و تحدثنا في الكثير بخصوص الموسيقي والغناء.
ويغريك تحياته الأنيقة.
كل الود
------------------------
بيني وبينك خلوني اتسلبطكم في أغنيه لعافيه الغنايه دي
إنت والقصاص وعافيه دا مولد ما بتفوت بي أخوي وأخوك. |
والله زمان حبوبة سكينة بت الربيع محمد خليفه واسمها (الصفيه) كنت لمن ازورها في القدواب
تغني لي الغنا السوتو اكاد اجن ايامها كنت بدرس في القاهرة نويت العودة عازما تسجيل اغنياتها فاذا بي اسمع برحيلها
واندم الي يوم الدين بعدم توثيقي لها (اوعه تآخرو توثيق اي حاجه زي دي تاني)
سلام لحبيبنا مجذوب
وبالله ساعدوني في التسجيل
اما بخصوص النصوص هو نحن لاقينك وين ياخ
نحن بصدد شركة تجمع كل الجادين من المبدعين
ابوبكر وعمر جعفر وياسمين ونهي وعافيه وغيرهم من الجادين/ات
كل الود
نفسي ازور القدواب ونقزو وبربر بس خايف من البرنسات هههههه
اها انت كان اصيل بتعرف قصدي
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Elmosley)
|
Quote: فالتوافق بين صوتها وايقاع الدلوكه والشتم والدنقر والصفقة عجيب عجيب لم ار مثله الا عند هذا الثلاثي القديم
ود السافل/خلف الله حمد / سيد الجعلي الله يرحمهم جميعا |
الأستاذ الموصلي.. حيّاك الله وأبقاك. المرة الفاتت قلت ليك: نحن ما بنفهم كتير في الموسيقى والفن لكن بنساعدكم بالصفقة. واليوم بعد كتابة بوستك عن الفنانة إنصاف مدني أتقدّم بطلبي هذا راجياً إعتباري فناناً تحت التمرين Trainee Fannan هههههه وذلك لأن رأيي في الفنانة إنصاف تطابق مع رأي سيادتكم الخبير، فعندما سمعتها في اليوتيوب براي قلت البنية دي غنّاية خلاص لو كانت راجل كان بقت زي خلف الله حمد. ودا معناه يعني عندي أذن موسيقية وبفهم شوية في الموسيقى والفن ولاّ يا ربي تكون حالة خاصة جات بالغلط؟ تحياتي.
كبـــّـاشي الصـــّافي
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: cantona_1)
|
عزيزنا المبدع الموصلي
عيد سعيد ياخ
وكل سنة وبلدنا بي خير وصحة وعافية حسن
في زيارتي هذا العيد في السودان
تشرفت بزيارة القصاص في الاستوديو
وجلست معه وحدثني عن ما تبذله معه من جهد في رفعة شأن موسيقانا الجميلة
فرحت كثيرا
لانك حسب علمي انك تعتقد ان لهذا الشاب الجميل الكثير من المهام التي يجب ان يقوم بها
دفعا للامام
وربنا يحفظك لينا يا موصلي ويرجعك للوطن سالما غانماً
تسلل :
عندي حاجة صغيرونة عند القصاص يا ريت تخليهو يرسلها ليك واسمعها ووريني رايك
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: جمال السنوسي)
|
Quote: انصاف مدني يغتيك الله (اعملي فينا خير) تسلمي
انا وصديقي الفنان الموزع اسامه علي ومعنا الموزع عمر القصاص شغالين تحضير لشغل ابنتنا عافيه حسن الفنانه الراقيه وايقاع (الدلوكه/ العرضه / السيره)\
واقف لينا في حلقنا (انا واسامه) وكل مانسجله ما قادرين نقتنع ودوما اسامه يقول لي ياخي تسجيلكم بتاع وامطرت لؤلؤآ بتاع الكابلي فيهو صوت الة الدلوكة
جميل ورائع وقعدت افتش واسمع في اليو تيوب سمعت انصاف مدني فاذا بي ارفع عصاتي وانقز.
فالتوافق بين صوتها وايقاع الدلوكه والشتم والدنقر والصفقة عجيب عجيب لم ار مثله الا عند هذا الثلاثي القديم
ود السافل/خلف الله حمد / سيد الجعلي الله يرحمهم جميعا
خلف الله حمد يتميز بهذا الايقاع سريعا جدا بينما ود السافل وسيد يتميزان به بطيئا لكن النساء كبيرات السن يرقصن فيه ببراعة غيرمآلوفة وغير معروفة الان في اعراسنا وافراحنا.
بنجي بعدين نشرح ليكم تعقيدات هذا الايقاع هسع استمتعوا بس
ويازملائنا الموسيقيون خشوا معانا وما تقعدو تتزاوغو زي ما عملتو في موضوع المؤتمر الا قله منكم
مؤتمر لتطوير الفن الموسيقي السوداني بمساعدة الناشئة من الفنانين/ الفنانات
كل الود |
استاذنا العزيز يوسف الموصلى احتراماتى
شفت يا رقيق كلامك الكبيته فوق ده انا ما بخبر فيه التكتح
لكن عندى يقين راسخ ان كله صحيح....
طيب قول لى وكتين يخرب الجابك هنا شنو؟؟
والله سالتونى؟؟
انا جابتنى الدلوكه وتانيا جابتنى صاحبة اجمل
صوت نسائى استمع له بعد التومه بت على من سيال الفكى
سعد اوسيال ام برعه(على فكرة ام برعه بت الفحل هى صاحبة اغنية الشيخ سيرو)
وعليك الله يااستاذ يوسف انت قريب من كابلى كان ما طلبت منه ان يصلح بعقد
الدم بالعصا البقولها دى، فهو قامة بلا شك ..
ام برعة قالت:
بعقد الدم كان عصا..
اى انه يحجا المرقوب او يصلح بين الناس الذين بينهم ثار فهو
يحقن دماؤهم ويحل مشكلتهم اى انه كيس فطن وصاحب مشورة...
نرجع لدلوكتنا...شفت يا استاذى الدلوكه دى كان
دقت عند اهلنا هناك ضواحى شندى من اعمال نهر النيل
لرايت عجبا ولعل تعبير ((تخلى شعرة جلدك ت ك ل ب))
التى يقول بها عامةالسودانيين هى اصدق تعبير وتوصيف
لحالة سامع دقات الدلوكه..فبمجرد سماعهم لنقرات
ال ك ل ب ة,,هكذا يسمونها ويقولون لضاربتها هبدى
ال ك ل ب ة..اى اوسعيها ضربا بلا هوادة ،فياتى
نسابتك الما خمج يا يوسف وكلهم اسد كداد وتور عنزة
ودود اربعين وتماسيح ليات ودراجين عاطلات ومقانع كاشفات
سروال وعراقى وسديرى وطاقيه حمراء وتوب ،سكين فى الضراع مرفوق
معها حجاب صفيح ومنقاش هييييييييييييييع..
ويركزوا لصوت عنجاوى يطيع جمال..
وعريس البخت يدور فوقهم ويهوى بسياط تنزل على ظهورهم كالبروق
مبتدئتا من الترقوة نزولا حتى الضلع القصار
وتعال اشوف اهلنا هل فيهم ينط او يقمز؟؟ حتى تكاد
لا تميز بين المضروب وبين الذى ينتظر دوره وما بدلو تبديلا..
والدموم تتخابت ،شراين ترعف،واورده تكاد تتلقف السوط..
واوعك من حجاز، وحدا العريس تقف جعلية مشلخة سمحه وهى
تصيح (اكرب ايدك ياجنا بى التقطع ايدك) ملهبة حماس الجنا
لمزيد من الضرب المبرح ولمزيد من الدموم..
ويقف على مقربة من الدارة رجل بدا يزحف نحو الشيخوخه حثيثا
عمرة دون الستين قليلا ويصر على ان يركز ويصيح الناس يازول
عاين ضهرك ده هسه ده ضهر زول يضربوه ..فتنظر الى ظهر الرجل
لترى تكسر السيطان فى السيطان مثل مجرى العربات فى تلك النواحى
اوكانه ظهر ضفدع قد نقش الجفاف عليه طويلا..
ويصيح الرجل غير ابه لما يقال((ياناس ما بتبرى كان مالقتلها دم فطير))
مقنعا ايامهم انه لامحال ان ياخد سوط سوطين وكان له
مااراد،فلا يخرج الرجل الا تحت قسم شيخ هرم (حرم كفاه..)
يوسف العزيز رعاك الله ورعى انصاف خميس او انصاف مدنى
فهذا صوت كما قال الامام مالك فى صوت مخارق لوغنى به حول الكعبه لجاز..
وحفظك جراب لموسيقى السودان ودمتم،،،
تخريمه:استاذى الجليل يوسف اكرر اسفى ان نحيت بالبوست جانبا
ولكن اعجابى بهذا الصوت المتفرد وافتتانى بايقاع الدلوكة’
يشدانى من الناصيه والتلابيب وقد اوردانى هذا المورد فلك العتبى ودمتم،،،
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: صديق الموج)
|
Quote: انا جابتنى الدلوكه وتانيا جابتنى صاحبة اجمل
صوت نسائى استمع له بعد وانا اضيف الاستاذه ساميه محمد احمد(باروكة) |
بما اني لست متخصصا وليس لي باعا في مجال الموسيقى والغناء وعلم الاصوات الا اني هاويا للفنون بشكل عام,, استوقفني صوت واداء انصاف مدني ورقصت وعرضت في حينها,, وحين زرت السودان مؤخرا اغتنيت كل تسجيلاتها,, شكرا استاذنا الموصلي فهذه شهاده في حق انصاف
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: ابو مهند)
|
| Quote: بما اني لست متخصصا وليس لي باعا في مجال الموسيقى والغناء وعلم الاصوات الا اني هاويا للفنون بشكل عام,, استوقفني صوت واداء انصاف مدني ورقصت وعرضت في حينها,, وحين زرت السودان مؤخرا اغتنيت كل تسجيلاتها,, شكرا استاذنا الموصلي فهذه شهاده في حق انصاف |
معك حق يا ابا مهند فها أنذا ادخل معكم في كوكبة المحبين لانصاف
واتصلت بابنتي عافيه حسن لتبلغها اعجابي واسجل منها بضعة ايقاعات
فوجدت عافيه نفسها معجبة بانصاف ووعدتني خيرا
الفن الصادق يدخل الى القلب بلا مقدمات ولا يحتاج الى وساطة
كل الود
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: صديق الموج)
|
Quote: شفت يا رقيق كلامك الكبيته فوق ده انا ما بخبر فيه التكتح
لكن عندى يقين راسخ ان كله صحيح....
طيب قول لى وكتين يخرب الجابك هنا شنو؟؟
والله سالتونى؟؟
انا جابتنى الدلوكه وتانيا جابتنى صاحبة اجمل
صوت نسائى استمع له بعد التومه بت على من سيال الفكى
سعد اوسيال ام برعه(على فكرة ام برعه بت الفحل هى صاحبة اغنية الشيخ سيرو)
وعليك الله يااستاذ يوسف انت قريب من كابلى كان ما طلبت منه ان يصلح بعقد
الدم بالعصا البقولها دى، فهو قامة بلا شك . |
اها بدينا نقز قز في كلامك الحلو
فشر والله انت فاهم وياما قرينا ليك اشياء واشياء
والكابلي بنكلمو لانه استاذ بحق وليس عنده في النقد غضاضة
اذكر في القاهرة وفي عمارة الجيزة
ان قال له الاستاذ الكتيابي الاتي:-
لماذا يا استاذ كابلي تنطق كلمة (متيله)في اغنية وصف الخنتيلة
هكذا بمد اللسان (مثيله) وطبعا ده النطق الفصيح لها
واردف الكتيابي قائلا ان التاء في متيله ضرورة وهي من اللزوميات
لزوم ما لا يلزم
ونحن في الدارجة نقول متل وليس مثل
وصف الخنتيله جمال تاجوج المافي متيله
رويحتي كتيله الخ الخ
قبلها الكابلي الزول الكبير بكل فهم المثقف المتعلم العارف
فهو ايضا سيقبل هذه ايضا
وبجيك اقز قز معاك
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: جمال السنوسي)
|
Quote: عزيزنا المبدع الموصلي
عيد سعيد ياخ
وكل سنة وبلدنا بي خير وصحة وعافية حسن
في زيارتي هذا العيد في السودان
تشرفت بزيارة القصاص في الاستوديو
وجلست معه وحدثني عن ما تبذله معه من جهد في رفعة شأن موسيقانا الجميلة
فرحت كثيرا
لانك حسب علمي انك تعتقد ان لهذا الشاب الجميل الكثير من المهام التي يجب ان يقوم بها
دفعا للامام
وربنا يحفظك لينا يا موصلي ويرجعك للوطن سالما غانماً
تسلل :
عندي حاجة صغيرونة عند القصاص يا ريت تخليهو يرسلها ليك واسمعها ووريني رايك ÑÇíß |
الشاعر الرقيق جمالوالصديق جمال السنوسي
ولدنا القصاص ده الله يديهو العافيه هو واسامهواحمد الشفيع
ديل معولين عليهم كتير
شوقتني لعملك
حاطلب من عمر ارساله
صدقني انا قد نذرت نفسي لهذا الشباب المبدع
وليت السودان يساعدهم
شكرا لامنياتك الطيبة وجمعا يارب
شاكر وممنون ياصديقي
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: cantona_1)
|
Quote:
الأستاذ الموصلي.. حيّاك الله وأبقاك. المرة الفاتت قلت ليك: نحن ما بنفهم كتير في الموسيقى والفن لكن بنساعدكم بالصفقة. واليوم بعد كتابة بوستك عن الفنانة إنصاف مدني أتقدّم بطلبي هذا راجياً إعتباري فناناً تحت التمرين Trainee Fannan هههههه وذلك لأن رأيي في الفنانة إنصاف تطابق مع رأي سيادتكم الخبير، فعندما سمعتها في اليوتيوب براي قلت البنية دي غنّاية خلاص لو كانت راجل كان بقت زي خلف الله حمد. ودا معناه يعني عندي أذن موسيقية وبفهم شوية في الموسيقى والفن ولاّ يا ربي تكون حالة خاصة جات بالغلط؟ تحياتي.
كبـــّـاشي الصـــّافي
|
مرحبا بك في عالمنا مابين الواقع والخيال
وبالمناسبة في كثير من كتاباتك اخص (الشعبية منها)
اتعلم الكثير من المقولات والالفاظ
ودوما مشرف
كل الود
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Elmosley)
|
أستاذ الموصلى
سلامات
وكل عام وأنت بخير يا عزيز
طبعن يا موصلى الفنان ود السافل ده عندنا هناك
زى ري شارلس فى أمريكا .
زول كان يغنى الدلوكة بفهم . كان بيعلم جماعتو كيف يكون
هبك الدلاليك . وكيف نقر الشتم . ود السافل
أول فنان دلوكة كان بيعمل بروفات مع الشيالين .
.. بعدين يا أستاذ فى رمضان ده سمعت انصاف مدنى . حولا
يا أخى صوت وسيم وقوى
صوت انصاف ده صوت مليان طرب يا أستاذ ولا نحنا مليانين شوق للبلد
والدلاليك ؟
يا أخى والله عجبنى لا حدد ما كنت عايز أدقش الشباك .
تحياتى
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Osman Musa)
|
حبيبنا
الزولة دي مبالغة
و أحب أضيف ليك معلومة حتة
الغناء السوداني فقد إسم كبير جداً بفعلِ الظروف الحياتية والإقتصادية
والسياسية المعروفة لدينا
زهرمان
المقيمة حالياً في الأمارات
زهرمان دي عندها صوت مبالغ فيه يأاستاذ يوسف
وقد لا يتكرر الصوت دة قريب
أنا شخصياً من مدمني زهرة ( إسم الدلع)
وبتحسّر كتيراً علي غيابها الطال و بناشد الأخوة في الامارات يدونا خبرا
أول ما ظهرت بت خميس في الساحة
و أنا شاحِد ربي ما يقوم زول مُو ود حلال يوقفا ورا أورغن
عشان الناقصة ما تتِم
لكن معقولة يا موصلي ؟
يادوبك عرفت خامة الصوت دة !
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Safia Mohamed)
|
دعونا نحتفي بصفية (الصفيه) ثم نعود للتواصل
مع صديق الموج وحبيب نور في مساهماتهم مرة ثانية
Quote: ستاذ الموصلي سلام
وكل الضيوف خاصة الناس الزيي بتاعين السمع ساي
كل سنة وانتو طيبين
انا زي وزي الكاشفين اخواني( كانتونا وود الموج)
ما لياش في الطيب نصيب اقصد الفن واصوله اللهم الا نسمع يعجبنا
الا بس الزولة دي لما سمعتها في النيل الازرق في سهرة عيد الفطر السنة الفاتت ديك ما السنة دي
صوتها عجبني شدييد وكانت الافضل على الاطلاق من بين من كن معها
مبالغة يعني
اها بقيت متابعاها وراصدة حاجاتها
وبما انه ثاقفتي الفنية متواضعة جدا
قامو لما جابوها في تلفزيون السودان في رمضان
كلو كلو ما عجبتني هو تراهنه القصو انه صوتها دي مع ايقاع الدلوكة ماشي ما مع الاوركسترا
لانه ناس تلفزيون السودان في برنامج بنات حواء في رمضان قدموها مع اوركسترا ما كانت قادرة تبدع زي لما بالدلوكة
تحياتي لها
ونتمنى ليها التوفيق
ممكن اساهم واجيب ليك رقمها لو لحدي حسع ما اتحصلت عليه
سلام
صفي |
لم اسمع تسجيلها بالاوركسترا لكن متآكد بان هذا الصوت الشعبي
مجاله هذه الايقاعات الشعبية الجميله
ولكن يمكن تهيئة جو موسيقي لها يختلف عن موسيقانا المعتادة
كل الود يا صفية وسعيد بمرورك
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Elmosley)
|
أستاذنا الموصلي :
معليش حا اجي اكتب كلام ربما يكون ما عندو علاقة بي موضوع البوست وممكن كمان يكون فيهو شوية تباهي وإعتزاز بالنفس وفي نفس الوقت فيهو شهادة مختومة ومصدقة ومصرح بها منك ..
بوستك ده أكد لي (وكببر لي راسي) بي إنو انا زيي زيكم مع إني ما متعلم ولا قاري موسيقى ولاا متخصص وما اكتشفتموه انتم الان انا كتبتو هنا وقبل اربعة او خمس سنوات او اكتر ..
راجع شكلتي معاكم زماااان ايام شروق ويومها قلت ليك يا موصلي إنتو لو عاوزين تطوروا الموسيقى وتقدموا فنانات للبلد فتشو عن زولة إسمها عافية حسن (أعتبر نفسي أول من كتب عن عافية حسن في الاسفير )..
أما بخصوص الدلوكة فبرضو راجع بعض من مداخلاتي وتعليقاتي اللي بتجي عرضاص عن إنصاف مدني واللي كنت بقول فيها إنو إنصاف مدني تستخدم الدلوكة وإيقاعاتها بطريقة ساحرة والمدهش يا موصلي مش الايقاع بس لا حتى طريقة العزف واليد قريبة من الدلوكة ودون عناء وتعم ومع ذلك يطلع صوت الايقاع كما ينبقي..
يلا يا موصلي انا قلت ليك الكلام ده؟
عشان في زول قال دارس موسيقى وعندو ماستر وعندو شنو وشنو وقال ضييع وقتوا معانا وفينا وانا بقول ليكم لما نحن المساكين ديل نقول كلام ما ترموهو وااطــة بيلف ويلف وبيجي يتعمل بس مشكلتنا نحن ما بنعرف نوثق ولا بنجي نتسلبط فيكم ..
بوستك ده يا موصلي ولأول مرة خلاني أقرر إنو تاني اصصصلو ما اقول انا زول ساي ولاا اقول انا مستمع عادي لالالالالا انا من اليوم متخصص وعارف في الموسيقى احسن من ناس كتار دارسة ومتخصصة ..
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: عمر الفاروق)
|
ومنو القال ليك انت زول ساي
الزول الساي هو (هناي) بكسر الهاء
يعلم الله بريد كلامك حتى لمن يكون عكس كلامي
لاني دوما متحري فيك الصدق
نختلف أم نتفق اصلو دي ما المشكلة
طالما أن النفوس طيبه
أها كدي النديك الشهادة دي قبل ان ارد عليك بالقطاعي انت وصديق الموج
ودي طبعا حرفنة سواقة بوستات وكده هههه
=====================
انا يوسف عثمان محمد بلال النور الشهير ب (يوسف الموصلي)
أشهد بان المحاور عمر الفاروق من أكثر الذين فجروا المعلومات
الموسيقية في ذاكرتي سواء أن كانت تلك المعلومات أكادمية أو تاريخية
في هذا الفضاء الاسفيري
وهذا اقرار مني لمن يهمه الامر
=========================================
يوسف عثمان محمد بلال النور (الموصلي)
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: معتصم الطاهر)
|
صديقي موصلي
انصاف مدني استمعت اليها كثيرا وسجلت لها العديد من الاعمال وهي بحق متميزه وفاتت الكبار والقدرا
كما يقولون
اما بخصوص عافيه حسن فاوصيك بها خيرا فهي فلتة هذا الزمان وربما توقفت لظروف لا نعلمها لكن ربنا يجازي الكان السبب
اتمني عودتها سريعا وعلي يديك لانها بحق كنز واجمل صوت نسائي استمع اليه في السنين الماضية
لا ادري لماذا لكن اداءها يذكرني دائما بطريقة هاديه طلسم ولا انا غلطان
______________
بخصوص قيقم لا اري فيه اي ميزه للاستماع اليه
خلف الله حمد كما ذكرت هو ملك الايقاع رجل متمكن رحمه الله
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: طارق ميرغني)
|
Quote: انصاف مدني استمعت اليها كثيرا وسجلت لها العديد من الاعمال وهي بحق متميزه وفاتت الكبار والقدرا
كما يقولون
اما بخصوص عافيه حسن فاوصيك بها خيرا فهي فلتة هذا الزمان وربما توقفت لظروف لا نعلمها لكن ربنا يجازي الكان السبب
اتمني عودتها سريعا وعلي يديك لانها بحق كنز واجمل صوت نسائي استمع اليه في السنين الماضية
لا ادري لماذا لكن اداءها يذكرني دائما بطريقة هاديه طلسم ولا انا غلطان] |
زميلنا الحبيب طارق
توصيتك نشيلها في العيون
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: معتصم الطاهر)
|
Quote: د السافل/خلف الله حمد / سيد الجعلي الله يرحمهم جميعا
خلف الله حمد يتميز بهذا الايقاع سريعا جدا بينما ود السافل وسيد يتميزان به بطيئا لكن النساء كبيرات السن يرقصن فيه ببراعة غيرمآلوفة وغير معروفة الان في اعراسنا وافراحنا.
بنجي بعدين نشرح ليكم تعقيدات هذا الايقاع هسع استمتعوا بس
ويازملائنا الموسيقيون خشوا معانا وما تقعدو تتزاوغو زي ما عملتو في موضوع المؤتمر الا قله منكم
مؤتمر لتطوير الفن الموسيقي السوداني بمساعدة الناشئة من الفنانين/ الفنانات
كل الود |
ات عارف يا موصلى انا كنت متابع برنامج بنات حواء فى الهارمونى ومعاهو برنامج اغانى واغانى
ولكن كنت معجب جدا بى صوت انصاف كصوت متجانس مع الدلوكه وغير الدلوكه وطوالى لفت انتباهى
موضوع غناها بى الدلوكه نعم فيه تفرد بى امتياز يعنى هى عارفه اختارت الشى لى شنو حتى نكون نحن
من المعجبين و غيرنا بهذا العنا بتاع الدلوكه الذى ابدعت فيه ورجعتنا سنين عددا
| |
|
|
|
|
|
|
|
|
 Re: انصاف مدني يغتيك الله (اعملي فينا خير) تسلمي (Re: Elmosley)
|
الحبيب يوسف أفندي
طبعاً أنا بعتبر نفسي إنسان سِمّيع وبقدر بميّز الغُنا السمح
و كمان المسألة بتخضع لأشياء أخري من ضمنها إختلاف الأذواق
بتلقي واحد يقول ليك أفضل فنانين في السودان أبو الأمين ووردي
وعركي و كابلي ومصطفي ( من غير ترتيب)
ولكن بسمع عركي وما بشتري كاسيت لي وردي
يعني هو في النهاية معترف بإمكانيات وردي لكن ما بلقي نفسو معاه
نفس الشئ أنا أول ما بديت أتعرف علي صوت زهرمان و أنا في مرحلة مبكرة
من العمر لكن دة ما منع إني أقول إنو الصوت دة (بِيُور) حرير
وبعديها ما سمعت لي صوت نقِي بغض النظر (السمع) عن إختلاف الطبقات
زي صوت المرحوم محمد أحمد عوض الكان برتّل الأغاني ترتيلاً
وفي نفس الوقت كان زهرمان بتقعّد الغُنا وتاني بتقوّم نفسو
وتخليك إنت في حالة لهاث روحي لحدي القفلة ( رب) تقفل الغنية
وتخليك تنجم شوية !
بعد فترة سمعت إنو هاجرت للأمارات و من ديك أنقطع خبرها إلا من ريل بلير
أو يوتيوب مؤخراً
فلما سمعت إنصاف خميس بعد فترة سنتين وقالوا لي دي فنانة من مدني
قلت ليهم دي فنانة ( مُستزهِرة) يعني عاملة فيها زهرمان
ومرات لمن تعجبني شديد بقول زهرمان دي ( أستنصفقت) دون أن تدري
أنا عارف إني ح أكون جُطت ليكم الدنيا
فسامحني يا (يوستفندي) ودي النسخة المصرية لليوسف أفندي
إذا حاولت أن أتموسق ولكن فيما يبدو جبت ليكم (دُوما) يكركب
علي وزن (ضقلا يكركب)
إظنو ( التِّك) هو المسئول عن ملف الكركبة في غابة الإيقاعات !
شكرن كتيرن!
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: حبيب نورة)
|
Quote: فعلا والله معاك حق
طابغ صوتها شعبي عاصمي |
يازول؟
والله يا موصلى شايف طريقة مختلفة فى تناول التصنيف وكدا ...
إنشالله يكون فى Framework كامل لطريقة جديدة لى تصنيف الغنا السودانى ...
عشان راسنا يبرد من الفوضى دى شوية ... ويعلم كل قومٍ مشربهم ...
... المهم ....
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: تبارك شيخ الدين جبريل)
|
Quote:
Quote: فعلا والله معاك حق
طابغ صوتها شعبي عاصمي
يازول؟
والله يا موصلى شايف طريقة مختلفة فى تناول التصنيف وكدا ...
إنشالله يكون فى Framework كامل لطريقة جديدة لى تصنيف الغنا السودانى ...
عشان راسنا يبرد من الفوضى دى شوية ... ويعلم كل قومٍ مشربهم ...
|
مرحب ياتبارك انا كلامي عن زهر مان ما انصاف
ان شاء الله انتبهت للحته دي
طبعا التسمية بتاعتي ما عندها اي frame work
القصة كلها استانادا على ما نطلق نحن عليه غناء شعبي في السودان
اصلا هي تسمية خاطئة ياتبارك
لكن خلاص بقت خطآ شائع وماشين عليه
مش لي هسع الموسيقيين السودانيين
لي هسع بطلقوا علي مقام الاغنية قائلين (سلم الاغنية)
وشتان مابين السلم والمقام
شكرا على المرور وتعال تاني بالله نواصل
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Elmosley)
|
Quote: يعني مهما كانت درجة اطلاعك عالية واذنك موسيقية برضو خلى العيش لخبازنه ولا مو هيك
اقول قولي هذا ولا اشكك في مقدراتك حول اذنك الموسيقية او احساساك العالي بالصوت الطروب حسب ما اوردت |
هيييك ونص وخمسة يا صفصف ..
أبداً ما عندي شك في القصة دي والله وكلامك القلتيهو كللو صاح ..
لكن تعرفي مرات كده مش بتلقي مقاول اشطر من المهندس ؟
ده طبعا ما قصدت بيهو إني اشطر من ناس الموسيقى انا قصدت في مداخلتي إنو نبض الشارع ده الناس ما تجهلوا ..مرات العلمية الكتيرة بتفقد الحاجة رونقا وجمالا..
اسة مش في كتب حقت طبخ ؟
معلقة يانسون ومعلقتين سبانخ مع كوب حليب مع قليل من الزبدة ..
القاريات فن طبيخ تتبع التعليمات دي وفي النهاية تجي أمي الله يديها العافية بت العجب تعمل ليها حلة كده بي احساسها العالي بي الطبخ وبدون مقادير لي نفس الوجبة وشتااان ما بين العلمية والعفوية والخبرة ..
المثال عارفو ما ظابط بس الفكرة وصلت :) :) :)
صدقيني والموصلي يشهد على كلامي ده أوول ما الموصلي ده قاعد يجي يتكلم بي علمية اصلو ما قاعد اتشوبر وبربع يديني وبقعد في الصف الأول وبسمع لأني فعلا ما بعرف ولااا بغالط فقط وفقط برفع يدي وأبدا أسأل لما يصل حتة الذوق العام ..
إنتي بي صحك أجي مثلا اغالط الموصلي في دبل كروش وما عارف ليك دو ري مي ونص التون وشنو داك ؟
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: احمد محمد احمد عتيق)
|
الموصلى أخوى
سلامات
والحمد لله على السلامة شفتك فى قناة النيل الأزرق ومعاك عقد الجلاد
وبعدين حكوا عن كل شىء :
طيبتك وتدريسك لعلمك الراقى وعدم المجاملة فى المحاضرات
حتى وإنه المتأخر تقول له : برّا
غايته ياموصلى بحق وحقيق تمنيت أن تبقى بالسودان حتى يرقى السودان أكثر
فكل من هو بهذا القدر أصبح يطارد للنزوح خارج البلد .
دا موضوع
أما موضوع الفنانة الأستاذة إنصاف مدنى
فأول مرة شاهتها فى حلقة وأظنها كانت قادمة من نيجيريا
بعد رحلة فنية ولابسة لبسة بيجيرية
والله من صوتها الدافىء العميق وبحتها
عرفت أن لها ملكة فريدة فى الغناء
ذكرتنى بفنانى الكنترى ( أعتقد كدا country (
الذين يأتى صوتهم من البعيد دافئا حزينا به بحة عجيبة
وباقى نعاس كدا ما أقدر أعبر ياموصلى
لكن تكون الإشارة وصلت
بعدين برضه فى بنامج بنات حوا
برضه تجدها أحيانا سارحة ثم تلحق الجماعة فى الغناء
فهذه الفنانة بها شىء يختلف إنها ساهمة وسابحة
فى ملكوت التأمل مما يفيض فى عطائها الجميل
شهادتك ياموصلى طابقت ما قلتها عنها لبنتى وزوجى
ونحن نشاهدها مما جعلهما يتابعانها
شكرا ليك الموصلى نيابة عنى وعنها
هذه الراقية
أخوك صديق ضرار
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: صديق_ضرار)
|
Quote: الموصلى أخوى
سلامات
والحمد لله على السلامة شفتك فى قناة النيل الأزرق ومعاك عقد الجلاد
وبعدين حكوا عن كل شىء :
طيبتك وتدريسك لعلمك الراقى وعدم المجاملة فى المحاضرات
حتى وإنه المتأخر تقول له : برّا
غايته ياموصلى بحق وحقيق تمنيت أن تبقى بالسودان حتى يرقى السودان أكثر
فكل من هو بهذا القدر أصبح يطارد للنزوح خارج البلد .
دا موضوع |
الف مرحب اخوي صديق ضرار
والله شعبنا راقي وجميل
وانا داير بلدي ونيلي وارضي
برغم علمي بان وجودي هناك عمل لقلة
لاتذكر
قلق الدنيا والعالمين
وبجيك راجع
| |
|
|
|
|
|
|
|
|
 Re: انصاف مدني يغتيك الله (اعملي فينا خير) تسلمي (Re: فاروق أبوحوه)
|
تحية للموسيقار الحبيب الموصلي
والتحية لأضيافه والفضليات
ذكرتني " إنصاف مدني " قصة كتبتها مستوحاة من حياة حقيقية في الستينات ،
واسمها " الخرز نغم يُطرب الذاكرة "
نرى كأن هنالك خيط شبه :
نقطف جزء من النص :
من يتقن العزف على أوتار الحبال الصوتية غير الموهوب المبدع ؟ .
أغمض عينيك و تخيّل أنك تجلس في مقعد . والمقعد في قاعة هيئت نفسها بالتقنيات الصوتية على أحدث الطرز . أمامك في الواجهة يجلس على البيانو الكلاسيكي موسيقي محترف ، جاء ليعرف من أين تبدأ الحكاية و أين تنتهي . ( الخرَز ) تقف قُبالته و تبدأ الصولفيج الغنائي . الصوت الملائكي ينسكب على أذنيك . تلُفك سجادة الصفاء وأنت ترقب تأرجح التكوين الصوتي البديع يبتعد برفق عن ( السوبرانو ) الحاد ، و يقترب من ( الألطو ) النسائي الغليظ . امرأة في العشرينات ، قدِمت من أواسط الستينات لتقف أمام القرن الجديد الذي نحن في سنواته البواكر . حينها يتخفف جسدك الكثيف ، ويصبح روحاً هائمة . كأنك تستريح في جنة من الجنان الموعودة .
سمعت صوتها منذ الستينات . الزمان يموج عندنا بريح الديمقراطية على الطِراز السوداني . ترهل و دعة و بساطة مسرفة . قشرة الاختلاف لا تقتلعك من جذور دفئ العلاقات الاجتماعية . أنت تختلف مع الجميع ، و تشترك معهم أفراحهم و أتراحهم . النفوس تغطس في حليب صافٍ ، نشربه في موسم ( الدعاش ) الرطب . الجدال بُهار الأسمار في المساء . تختلف الانتماءات ، لكن الود بين الجميع . كانت الخصومة محببة قبل أن يرتدي المكر السياسي عندنا رداء الإستئصال , و قبل المنعطفات التي جدت من بعد حين لعبت الريح بالموج ، وتأرجحت القوارب و أنشغل الجميع بأنفسهم الى أن أشرق عليهم الفجر الكذوب .
إن ريش المدنية في ذلك الزمان غطاء هش ، ينتزعه (النسام العليل ) ، ويعود به إلي رحاب البداوة من جديد . ما تسمى بالمدينة اصطلاحاً ، هي القرية جسداً و روحاً .
لن أنسى إيقاع السَيرة المميّز . ( الدلّوكة ) بيدَّي ( الخرَز ) ، و الأصوات النسائية المصاحبة وسط الزغاريد . طرقات العصي تعلو غُبار معارك الطرب الجسور مع أغنيات الحماسة في ذلك الزمان : ـ
وينو ...وينو سمير قلبك يا هلال
******
يا رجال أمرقوا برة
و نادوا لي أخوي عبد الله
وينو ... وينو سمير قلبك يا هلال
******
يا رُجال شوفوا السوسة
و نادوا لي أخويا موسى
وينو ... وينو سمير قلبك يا هلال
******
قيل أن الأغنية من تأليف ( بنات الفتيح ) تمجيداً لابن العشيرة ( موسى المبارك ) . ابن ( الفتيحاب ) و ممثل الدائرة الانتخابية للحزب الوطني الإتحادي في الستينات ، أيام الديمقراطية الثانية في السودان .
للارتجال طرائقه في صناعة الأغنية . كانت الساحة تمتلك الموهبة والزاد والثراء الفني . المجتمع بألوانه المتعددة و منعطفاته الحادة يفرش أرضاً خصبة للأغاني . الذاكرة وحدها لا تكفي لحفظ ذلك الكم الهائل من التراث المبعثر . عند الأفراح يتخفف المجتمع من بعض الغلو و التزمّت . وجدت طريقي لمجلس ( الخرَز ) صدفة ، تجلس بجوارها طفلة في السادسة . سألتها عن الأغنية التي غنتها البارحة . عندها نهضت شخصيتها الآسرة بجاذبيتها ، فبدأ صوتها الخفيض يتموج بالغناء ، وسبحت أنا في عالم يتلألأ: ـ
ـ حقوا لي قُولي ولداً غير عُمر أنا ما بِهز فوقي .
نَسيبة البِجري .
يا أخوان البنات الجري دة ما حقي .
حقي المشنقة و المدفع أب ثكلي .....
اكتملت الأغنية ، و أفقت من غيبوبة سحرها وهي تقول : ـ
ـ يا ( عبدالله ) ، ( عُمر ) دة كان فارس من ( قوز الخرطوم ) ، ليهو حكاية طويلة و غريبة . ولمن سلّم نَفسو و سجنوهو قامت أختو قطعت ليهو القصيدة دي .
ـ للغنية شاعرة حقيقية ؟
ـ لو سمعتها تغنيها حتجِن ! .
قاطعتنا زائرة قبل اكتمال الحكاية ، ثم ضجّ المكان بالحضور ، و أصبحنا وسط الجمهرة . فقدنا الإحساس بالخصوصية ، فالمكان لن يسع الجميع . توقف السرد ولم تكتمل الحكاية .
تمتلك ( الخرَز ) صوتاً عميقاً و قوياً . تستمتع بالتطريب الشجي وأنت تبعد أكثر من مائتي متر . الصوت و قد مرنته الفطرة و التجريب ، كانت لها ملكة فنية رائعة . الصوت بلا وسائط يشق عنان السماء ، يزينها بألوانه المتعددة . ناعماً يلمس طرقات القلب ، أو صاخباً بالإيقاع يهزك وأنت تستمتع حتى يمتلئ صدرك ببُخار كثيف يتصاعد يطلب الانطلاق ، و ينتهي بك الأمر الى الساحة الراقصة لاعباً ضمن النسيج المتحرك طرباً في أغنية الحماسة .
الأفراح و أهازيجها :
( المداعي ) ...(سدّ المال والشيلة )... ( دق الريحة ) ...(التعليمة )... ( القيدومة )...( العزومة ) ...( الدُخلة ) ...( الصُبحية ) ... ( الجرتق ) ... ( قطع الرحط ) ...( السبوع ) ... ( حق البنات )...، سلسلة من الحكايات و القصص و الأسمار ( الأمدرمانية ) . لا نهاية للطقوس المتلاحقة بزخارفها المتنوعة التي تميّز ( أمدرمان ) عن غيرها من أشباه المدن . الزمن يمتد و يترهل ليتقبل كل تلك التفاصيل الفلكلورية الموروثة منذ القدم . كانت ( الخَرز ) هي الرباط الخفي الذي يخلق من لفائف تلك الطقوس روحاًً و أفراحاً حقيقية تلمس الوجدان . أغنياتها تُزهر الدواخل ، و تحيل التراتيل الرتيبة إلي تسلية تشدك و ترفيه يُمتعك . ترغِّب النفوس و تحبب لها الزخرف و النقش ، و تنفخ فيها نسمة الحياة و طيبها الفوّاح .
إن رغبت أن تعرف كيف تولد الأغنية أو كيف تُصنع خميرتها . فانك تتبع نهج القُداسة : ( في البدء كانت الكلمة ) . ثم تجذب اليها كلمة أخرى . تنبت في دواخلها حروف المّد التى تمنح الموسيقى الداخلية للنص مساحة لتتكون . أصابع ( الخرَز ) تهمس بإيقاع ناعم على صفحة ( الدلّوكة ) الموشاة بالحناء . إيقاع ( التُّم تُّم ) و إيقاع ( السَيرة ) لهما السيادة على غيرهما في ذلك الزمان . القدرة المبدعة عند تخيّر الكلمات مع التجريب . التعبير يستهوي ( الخَرز ) . تبني عليه مطلعاً ، ثم تغزله بخيوطها الدقيقة و تفاضِل بين الألفاظ . تشور صويحباتها حتى يكتمل الإرتجال . اللحن يطغى على لغة الشعر ، فهو السيّد هنا ، الجميع طوع إمرته .
..................................
*
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: عمر الفاروق)
|
Quote: هيييك ونص وخمسة يا صفصف ..
أبداً ما عندي شك في القصة دي والله وكلامك القلتيهو كللو صاح ..
لكن تعرفي مرات كده مش بتلقي مقاول اشطر من المهندس ؟
ده طبعا ما قصدت بيهو إني اشطر من ناس الموسيقى انا قصدت في مداخلتي
إنو نبض الشارع ده الناس ما تجهلوا ..مرات العلمية الكتيرة بتفقد الحاجة رونقا وجمالا..
اسة مش في كتب حقت طبخ ؟ |
هووي ياعمر انا بسمع الغنا من زمن كنت برعى غنم الاشلاق في غابة السنط
على النيل الابيض
والاسكلا وجنينة بركة
على النيل الازرق محل القاعه هسع
متآبط الترانسستور والزمن داك انت في رحم الغيب
الله يطول عمرك ههههههههه
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: حبيب نورة)
|
Quote: الحبيب يوسف أفندي
طبعاً أنا بعتبر نفسي إنسان سِمّيع وبقدر بميّز الغُنا السمح
و كمان المسألة بتخضع لأشياء أخري من ضمنها إختلاف الأذواق
بتلقي واحد يقول ليك أفضل فنانين في السودان أبو الأمين ووردي
وعركي و كابلي ومصطفي ( من غير ترتيب)
ولكن بسمع عركي وما بشتري كاسيت لي وردي
يعني هو في النهاية معترف بإمكانيات وردي لكن ما بلقي نفسو معاه |
يافيها يا (نفسيها) ههههههه
ده كلام عجايز وكده
اختياراتك للفنانين تنم عن ذوق رفيع وانا لما اسمع مرحبا ياشوق عند وردي
بنسى الدنيا وما فيها
بجيك راجع بالتفصيل بعد الترحيب بالاخرين
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Safia Mohamed)
|
Quote: لعناية استاذ عمر الفاروق
امكن دي غيرة مني ساي من الشهادة الادوك ليها.... عقبالنا ناخد شهادة انشاء الله في السمع بس
تحياتي للجميع
صفية |
صفيه النقيه
زمان شاعرنا اظنو كباشي حسونه / او ربما ركابي قال
القدر هدم امانينا النضيره
والفراق الكان قبيل
اسبابو غيره
ياخساره
ما رعاني ولا رعيتو
حتى
في اللحظه الاخيره
=========
بس انت شهادتك مطليه بالذهب
كل الود
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Elmosley)
|
| Quote: انصاف مدني يغتيك الله (اعملي فينا خير) تسلمي |
اثناء دراستى بالاكاديميه النرويجيه للموسيقى كنت استعرض على الاساتذه والزملاء نماذج مختلفه من الغناء والموسيقى السودانيه
انتقدوا الاصوات النسائيه بانها غير حقيقيه وفيها طبيعه اطفاليه فى طريقه اداء الصوت حيث يخرج من الحلق وليس من البطن
المهم انطبعت عندى انموذج كيفيه اداء الصوت النسائى مقارنه بالاصوات النسائيه من حول العالم
امصاف مدنى استمعت لها قبل عامين تقريباً
واتشهدت ........معقول فى السودان فى صوت نسائى حقيقى للدرجه دى
======
لو فى مكانك ..........انسى الدلوكه.......و انتج لها اعمال خاصه
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: محمد زكريا)
|
Quote: وقعدت افتش واسمع في اليو تيوب سمعت انصاف مدني فاذا بي ارفع عصاتي وانقز.
فالتوافق بين صوتها وايقاع الدلوكه والشتم والدنقر والصفقة عجيب عجيب لم ار مثله الا عند هذا الثلاثي القديم |
الموصلى
كيفك ياصديقى
تعرف طوال شهر رمضان المضى كنت والصديق عبدالمنعم الفكى عازف الايقاع المتمكن
متابعين برنامج بنات حواء ومنبهرين بعزف انصاف مدنى على الدلوكة وصوتها الجميل
لكن ياموصلى هل آلة الدلوكة سودانية ام جاتنا من برة وعبدالمنعم مستغرب ليش ما
حصل توظيف واستخدام الدلوكة في اي اروكسترا موسيقية سودانية
| |
|
|
|
|
|
|
|
|
 Re: انصاف مدني يغتيك الله (اعملي فينا خير) تسلمي (Re: بدر الدين الأمير)
|
Quote: انا يوسف عثمان محمد بلال النور الشهير ب (يوسف الموصلي)
أشهد بان المحاور عمر الفاروق من أكثر الذين فجروا المعلومات
الموسيقية في ذاكرتي سواء أن كانت تلك المعلومات أكادمية أو تاريخية
في هذا الفضاء الاسفيري
وهذا اقرار مني لمن يهمه الامر
=========================================
يوسف عثمان محمد بلال النور (الموصلي) |
الموصلى وحاة حبوبتى اتهكككككر يا قدعان ههه
لك ولعمر ولزوار البوست عميق المودة
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: بدر الدين الأمير)
|
Quote: الموصلى
كيفك ياصديقى
تعرف طوال شهر رمضان المضى كنت والصديق عبدالمنعم الفكى عازف الايقاع المتمكن
متابعين برنامج بنات حواء ومنبهرين بعزف انصاف مدنى على الدلوكة وصوتها الجميل
لكن ياموصلى هل آلة الدلوكة سودانية ام جاتنا من برة وعبدالمنعم مستغرب ليش ما
حصل توظيف واستخدام الدلوكة في اي اروكسترا موسيقية سودانية |
العزيز بدر الدين
اولا سلام كتير لابو عبده
البعرفو انو في الات كتيره في العالم شبيع للدلوكه خصوصا في اميركا الجنوبيه
وطبعا اخوك عزاف جدا في الايقاعات
وعزفت بعض الالات البرازيلية دي
الدلوكه عندنا بتتميز انو الطين والجلد بدوها صوت عميق جدا
عيبها الوحيد انها غير قابله للترحيل وبتتكسر
كل الود
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: محمد زكريا)
|
Quote: اثناء دراستى بالاكاديميه النرويجيه للموسيقى كنت استعرض على الاساتذه والزملاء نماذج مختلفه من الغناء والموسيقى السودانيه
انتقدوا الاصوات النسائيه بانها غير حقيقيه وفيها طبيعه اطفاليه فى طريقه اداء الصوت حيث يخرج من الحلق وليس من البطن
المهم انطبعت عندى انموذج كيفيه اداء الصوت النسائى مقارنه بالاصوات النسائيه من حول العالم
امصاف مدنى استمعت لها قبل عامين تقريباً
واتشهدت ........معقول فى السودان فى صوت نسائى حقيقى للدرجه دى |
لا كمان يامحمد ما للدرجة دي
سمعتهم حنان النيل ولا سميه جسن ولا اسرار بابطر ولا عافيه حسن ولا الفلاتيه ولا مني الحخير ولا ولا
طبعا مشيت وديت ليهم ناس شنو وشنو ماعارف
| Quote: لو فى مكانك ..........انسى الدلوكه.......و انتج لها اعمال خاصه |
ممكن لكن المسالة دايره شغل كتير
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Elmosley)
|
Quote:
لا كمان يامحمد ما للدرجة دي
سمعتهم حنان النيل ولا سميه جسن ولا اسرار بابطر ولا عافيه حسن ولا الفلاتيه ولا مني الحخير ولا ولا
طبعا مشيت وديت ليهم ناس شنو وشنو ماعارف |
وانت الصادق............فعلاً ما سمعتهم الاصوات دى............والصراحه ما متذكر سمعتهم صوت منو
بس حقيقه فعلاً ...لو عملنا مقارنه بين الاصوات النسائيه السودانيه واخرى من دول عربيه او افريقيه او حتى اوربيه فسوف نلاحظ ذلك الفرق الشاسع فى الاداء الصوتى النسائى
عندنا اغلب الاصوات النسائيه تؤدى الغناء بطريقه خاطئه حيث تكون حاده جداً حتى ولو كانت الدرجه الصوتيه متوسطه والسلم الموسيقى داخل طبقات المدرج الموسيقى العادى
اعتقد السبب الاساسى لانها تؤدى من الحنجره فقط وبدون ادنى فكره عن تمارين الصوت والطبقات والدرجات والمدى المناسب لكل خامه صوت على حداها
او لان الموروث الغنائى النسائى السودانى اغلبه قائماً على الاداء والتكنيك الفطرى المعتاد و المتبع بالتقليد الشعبى المتعارف عليه عبر الاجيال
والكلام كتير
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: محمد زكريا)
|
شيخنا يوسف سلام تانى
انا عندى ملاحظتين فى اداء وعزف انصاف مدنى دى
اول شى هى لما تعزف على الدلوكه بتتعامل معاها
زى الجيتار لانها بتضرب بعدين يتسحب اليد مده على ضهر
الدلوكه حتى مكان معين، وبترجع تضرب فى نفس المكان مع المسحه العجيبه دى.
وبعدين بتمسك اللحن من قرونه يشهدالله،لاحظوا الليله ساااااااااااير
عند انصاف وعند بقية الاخوات المغنيات مع احترامنا الكامل لهن
فساااااااااااااير انصاف غير سايييييير حقت باقى الفنانات.
وفى حته كده عملت فيها ادغام بغنه...
الله يحفظها المصلطه ويغطيها من العين الما صلت،،،
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: عثمان دغيس)
|
أسناذنا/ الموصلي ... سلام
خارج الموضوع ... وداخله برضه ...
عجبني كلامك في حق إنصاف مدني ...
وكمان شعرنا بالفخر.. لسببين ..
الأول عام ...وهو ..
ياها دي حالة مدني بلدنا ...
تقب .. وتغطس .. وتطلع زول يوقف البلد على رجل واحدة ...
وإنصاف .. منهم ...
والثاني خاص ... الزولة دي من بدت تغني .. أساسية في كل كل أعراسنا ..
وأعراس أصحابنا في في شندي فوق والمزاد .. من بدري قبل تجي الخرطوم ...
وتاني شكراً لكلامك فيها ..
..
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: عثمان دغيس)
|
Quote: طل سنة وانت طيب وأكثر ألقا وإشراقا وإبداعاً
أشهد الله والعالمين أنك لفنان عظيم عظمة بلادي
إلتغاتك لهذا النوع من الغناء والفنانين/ات لهو مما يعزز ثقتنا العالية في إنك من نوع العباقرة اللي خشينا أن حواء السودانية عقرت من إنجابهم ...
نوعك دك يا أستاذي العظيم من يجعل لهذا السودان طعم خاااااااص يخلينا نتمسك به ونقاتل من أجله رغم كل المرارات
تسلم يا الغالي وربنا ما يسمعنا عنك إلا كل خير ومفرح |
حبيبنا عثمان
لما تاتيني شهادة مثل هذه من زميل موسيقي فانها حافذ لي كي اجتهد واثابر حتي اكون عند حسن هذا
الظن
والاصل في مجال الفنون التذوق والتشجيع وليس تثبيط الهمم وهذا هو داب شعبنا العظيم مع استثناء لايذكر
ولا يهم كثيرا
كل الود والشكر والامتنان فلقد رفعت معنوياتي عالية
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: صديق الموج)
|
Quote: شيخنا يوسف سلام تانى
انا عندى ملاحظتين فى اداء وعزف انصاف مدنى دى
اول شى هى لما تعزف على الدلوكه بتتعامل معاها
زى الجيتار لانها بتضرب بعدين يتسحب اليد مده على ضهر
الدلوكه حتى مكان معين، وبترجع تضرب فى نفس المكان مع المسحه العجيبه دى.
وبعدين بتمسك اللحن من قرونه يشهدالله،لاحظوا الليله ساااااااااااير
عند انصاف وعند بقية الاخوات المغنيات مع احترامنا الكامل لهن
فساااااااااااااير انصاف غير سايييييير حقت باقى الفنانات.
وفى حته كده عملت فيها ادغام بغنه...
الله يحفظها المصلطه ويغطيها من العين الما صلت،،، |
توصيفك جميل ودقيق ياصديق
يديك العافيه
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: محمد زكريا)
|
Quote: وانت الصادق............فعلاً ما سمعتهم الاصوات دى............والصراحه ما متذكر سمعتهم صوت منو
بس حقيقه فعلاً ...لو عملنا مقارنه بين الاصوات النسائيه السودانيه واخرى من دول عربيه او افريقيه او حتى اوربيه فسوف نلاحظ ذلك الفرق الشاسع فى الاداء الصوتى النسائى
عندنا اغلب الاصوات النسائيه تؤدى الغناء بطريقه خاطئه حيث تكون حاده جداً حتى ولو كانت الدرجه الصوتيه متوسطه والسلم الموسيقى داخل طبقات المدرج الموسيقى العادى
اعتقد السبب الاساسى لانها تؤدى من الحنجره فقط وبدون ادنى فكره عن تمارين الصوت والطبقات والدرجات والمدى المناسب لكل خامه صوت على حداها
او لان الموروث الغنائى النسائى السودانى اغلبه قائماً على الاداء والتكنيك الفطرى المعتاد و المتبع بالتقليد الشعبى المتعارف عليه عبر الاجيال |
ما حنزنقك سمعتهم منو!!!!
لكن امانه ما تلومت فينا
-----
الموروث الشعبي في العالم بنيت عليه الكثير من نظريات الموسيقى
لذا فان الحفاظ عليه واجب ايضا
ما عدا تلك الاصوات
كل الود يازميل
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Elmosley)
|
أستاذ الموصلي سلام
التحية لك وأنت تتحفنا بما لم نسمع وتثقفنا فنياً ... غايتو أنا سمعت صوت إنصاف وهزيت وعرضت في المكتب والتبقى التبقى ... سجن سجن رفدية رفدية.
تحيات أخوك ودهارون
فساااااااااااااير انصاف غير سايييييير حقت باقى الفنانات.
وفى حته كده عملت فيها ادغام بغنه...
الله يحفظها المصلطه ويغطيها من العين الما صلت،،
______________________________
غايتو يا ود الموج بالغت ... قلت لي إدغام بغنة كمان!!! طلعت مجود صاح ...
تحياتي
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Mohammed Haroun)
|
Quote: أستاذ الموصلي سلام
التحية لك وأنت تتحفنا بما لم نسمع وتثقفنا فنياً ... غايتو أنا سمعت صوت إنصاف وهزيت وعرضت في المكتب والتبقى التبقى ... سجن سجن رفدية رفدية.
تحيات أخوك ودهارون
فساااااااااااااير انصاف غير سايييييير حقت باقى الفنانات.
وفى حته كده عملت فيها ادغام بغنه...
الله يحفظها المصلطه ويغطيها من العين الما صلت،،
______________________________
غايتو يا ود الموج بالغت ... قلت لي إدغام بغنة كمان!!! طلعت مجود صاح ...
تحياتي |
ود هارون تحياتى
على الطلاق كان عرفت مكتبك ده كان جيتك واتقابلنا انا وانت وعرضنا
لامن عرقنا يخر وكان جاء المدير حرم ماعندى مانع يديدينا كم صوت
فوق ضهورنا ديل....
ياخى البنيه صوتها بدخل فى القلب توووووووش لابمر بى
سماعة لاحيطه لاقميص لاقفص صدرى...
تسلم يازول،،،
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: صديق الموج)
|
وزى ما حلف صديق الموج: يالله هوى بجيك وتسعلنى لو ما الكعة الكانت حاصلة بهناك ...
أنا كنت سبقتك وفتحت البوست ده يا استاذ الموصلى .
وخصوصا فى غنية من المسلط دى ..أول من سمعتها قلت دى غنية "سارية" وهو خطب فى الوكت داك. عشة أختى بتريل فى انصاف مدنى وخصوصا عندها أغنية حنييييييينه كدا اسمها : فرحانة بى بكرة بالعود مع دكتور شملول مبالغة ممكن تسمعها تمنين مرة، هو زاتو الدكتور البعزف ده ظاهر عليهو انسان حنين ورقيق وراقى وجميل ... بنحبها نحن الاغنية دى ...وبتحبهم الاتنين فيها ( انا وعشة اختى) شفت أنا وعشة اختى دى كيف؟؟
أنا مشيت السودان بس قلت: أنا وعشة بنريد انصاف مدنى، رشأ مشت جابت لينا تلاتة شرايط من السوق، وآمال بت عمتى دى جابت لينا الفيهو من( المسلط )..وحسة نحن نسمع ما نروى. كنت بتمنى أشوفا لكن وكتى كان ضيق.
طبعا من (المسلط) دى غير الدلوكة وصوتها الرخيم الفيه بحة وألطو وتناسق الآلة مع الصوت البشرى والكلام ده كلو البعد الدرامى الفيها ،المضمون أم سمحة النفس ومحبتها لى ولدها فيها سخاء ورضا ودعم وتشجيع ودعاء وأى شىء جميل، لكن فى شى برضو خاص وهام أنها بتمجد ولدها لأنه ما برفع صباعو وما بعلى نخرتو...
أنتو ملاحظين للحتة دى ؟؟
الامهات عبر التاريخ أو الشكارات بغنوا لى أولادهم بأنه "ما بنقدر" وبشيل الراس بفقرتو، وشدوا ليه الخيل وما شابه من القيم "العنيفة" والعنف والدم والموت وقلبو ما رجف...
دى بتقول أنه ولدها متواضع وما بتجاسر على الناس وما بتكبر عليهم وما بذلها هى وبخفض ليها جناح الذل ...ياخى ده كلام راقى ومتقدم، ده اسمو فن...
رسالة بسيطة وجميلة ممكن تغير قيم مجتمع بحالو ...
محبتى يا انصاف مدنى وشكرا موصلى والمحبين ليها على "انصافها"...
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Tumadir)
|
Quote: رسالة بسيطة وجميلة ممكن تغير قيم مجتمع بحالو ...
محبتى يا انصاف مدنى وشكرا موصلى والمحبين ليها على "انصافها"... |
بتنا (تمضوره)
كدي طمينيني اولا جبت وريقاتك معاك من عيسي التعيس ولا لا ههههه
بعد داك نجي نقزقز في كلامك الحلو ده حبه حبه زي ما قال الراحل خوجلي عثمان
مشتاقون ولم نفتقد غير (عدم رؤياكم الغاليه) وش ضاحك
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: صديق الموج)
|
Quote: يا الله بجيك وبتسعلنى كان ما اشويه واظن المخرج احلف صادق
ايمان لندن ومونيكا وليم وحنان بلوبلو
كان جدعن التياب ديل غادى واخدلهن مشوار..
ياخى ده صوت يفقد الشيخ وقارهـ،،، |
هيع عافي منك ياصديق
لبست عراقيك وشلت سوط عنجك ولا لسه
عافي منك أخو البنات تب
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: عمر الفاروق)
|
Quote: بيدي كتاب اسمه "قصة الحضارة في السودان" لكاتبه سبو عبدالله كان نتاج لمجموعة من
السودانيين انشأوا في مصر الستينات جمعية على ما اعتقد اسمها "احياء التراث السوداني"
اني هاو، الكتاب بركز على تطور الفنون باشكالها المختلفة عبر الحقب التاريخية في السودان
لم انتهي من الكتاب الى الآن.
الكاتب شكله شيوعي لانه من الاول قال حيبني تحليله من باب المادية التاريخية. |
امسك الخشب ياعمر وما تسحرها لينا ياخ
| |
|
|
|
|
|
|
|
|
 Re: انصاف مدني يغتيك الله (اعملي فينا خير) تسلمي (Re: Elmosley)
|
والله دا كلام كويس يا استاذ موصلي ..
كونكم تعملو خطوط عريضة على الاصوات الزي دي .. انصاف مدني دي ظاهرة بتتكرر مرة كل مية عام
كنت في السودان قبل فترة .. ونزلت محل اشرطة كاسيت علشان اجمع لي مجموعة كويسة .. من ضمن المجموعة قلت لي بتاع الكاسيت اختار لي اصوات نسائية بتعرف تغني .. قام قالي في انصاف مدني بالدلوكة .. انفصمته فيهو لانو حسيت إنو عايز يروج لي بضاعتو ويلخبط لي سمعي انا .. لانو كنت بعتقد أنو ماف زولة ح تقدر تغني بالدلوكة بعد حميرا وقسمة وحواء الطقطاقة بي نفس جمال الصوت وتلوينو ووضوحو ..
بنات حواء اعاد لي ذكرى الشريط بتاع الدلوكة الما اشتريتو .. وانصاف مدني اصبحت من الاصوات المحببة جدا لي نفسي في الفترة الأخيرة دي .. بي طريقة الاداء الجاد .. وتقعيد الغنا.
وبالجانب الآخر .. الاستماع لي صباح عبد الله وشموس فيهو فوائد عظيمة جدا ..
صباح امتداد لذكرى حنـان صلاح الدين( .. حنان النيل) .. الفقدناها في زمن كنا محتاجين فيهو حنــان زياده
الكلام البتكتب منك هنا يا استاذ موصلي بدون شك بيكون مسؤولية كبيرة جدا للاجيال القايمه دي .. عسى ولعل ينعدل الحال شويتين ..
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Elmosley)
|
الاستاذ العالم يوسف الموصلي
Quote: التحليل العلمي لايقاع الدلوكه هو ايقاع ميزانه مركب
وهو عباره عن اطار خارجي رباعي
٤/٤
واطار داخلي ثلاثي من قسمين
٣/٤ + ٣/٤
وبنجي نشرح اكثر |
هل يستوي الذين يعلمون والذين لايعلمون
كلامك كلام العالم الخبير بفنون الموسيقى
ونحن باذننا فقط نعترف بان انصاف مدني صوت قوي وجميل
وممكن يعشعش في القلب ويأثرك .
------------------------------
بجيك هناك لموضوع نهى عجاج لكن انصاف دي زولتي تب عشان كدا قدمناها
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: عبد الدائم سيد أحمد)
|
عبد الدايم حبيبنا
Quote:
بالجنبة :
يعنى يا وليد عبداللطيف لما تمشو رحلة وتكونو عاوزين تشترو دلوكة
قول لبتاع الزريبة ادينا
دلوكة اطار خارجي رباعي
٤/٤
واطار داخلي ثلاثي من قسمين
٣/٤ + ٣/٤
مستنين الشرح يا استاذ |
هههههههه
ياخي استاذ الموصلي زول مبدع عديل
عندما ذهب السودان وشاهدناه في قنوات السودان
الموصلي هو نفس الموصلي زمان ولم يتغير
والكبير كبير في كل شيء
يا عبد الدايم
اناصف مدني جات جده وجلست بها فترة كبيرة وحضرنا لها حفلات كثيرة
بالجد صوت خطير ومثلها كثيرات في السودان ولو يجون حظهم للان
ويوضح جمال الصوت النسائي عندما يتغنون بالدلوكة
امثال زهرمان وهاجر كباشي وزبيدة الانقاذ
Quote:
دلوكة اطار خارجي رباعي
٤/٤
واطار داخلي ثلاثي من قسمين
٣/٤ + ٣/٤ |
غايتو قاعد معاك في الكنبة القدام
ومنتظرين شرح استاذ الموصلي
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: عبد الدائم سيد أحمد)
|
Quote: د
انصاف دى برضو زولتى يا ابو هديل
قبل 8 او 9 سنة لقيت ليها شريط فى جده والزمن داك
الاسم كان غير معروف اى واحد بسمع الشريط بقول لى عاوز نسخة
بالجد صوت قوى ومميز وبالمناسبة يوجد صوتين جميلين برضو فى اغانى
الدلوكة هم فاطمة الجعلى و زبيدة الانقاذ بس الاعلام ما مديهم حقهم |
وانا برضو زولتي
ياعبد الدائم السودان ده بلد مشحون بالعاطفه والمحنه وشعب تختو في الجرح يطيب
الا قاتل الله السياسه
اها زبيده دي سموها على الشارع ولا الحكومه هههه
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Elmosley)
|
الاستاذ الموصلى
الاخوة المتداخلون
هذه افادة من واقع المعرفة اللصيقة بهذا اللون من الايقاع" الدلوكة" وجريانه فى الدم
" دلوكة الجعليين ( مثال ذلك البشيرة من جوير ودضبعة وعمر الحوارى ) تفرق من دلوكة وسط السودان -
( مثال ذلك خلف الله حمد و مبارك حسن بركات)
دلوكة الجعليين تبدأ تقيلة وتتدرج حتى الخفيف جدا" الكسرة " وتختلف العرضة فى بداية الدلوكة الى
نهايتها"
اما دلوكة الوسط فهى خفيفة وتصلح للصقرية " البطاحين والشكرية " ورفاعة..
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Elmosley)
|
الاخ الموصلى
طبعا العين مابتعلى على الحاجب ...لكن من معايشتى لهدا الفن فان الشتم الذى يضرب عليه بعود رقيق
من جريد النخل مستخدم عند الجعليين ويصاحب دلوكة واحدة تضرب باليد بمساعدة الكوع ويتخالف الشتم
مع الدلوكة ...وتاريخيا عازف الدلوكة هو المغنى نفسه وتطور الوضع الان وانفصل المغنى عن العازف
اما منطقة البطاحين والشكرية ( والله اعلم ) لا تستخدم الشتم
ارجو من الاخوان الخبراء تصحيح هذه المعلومة
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: Yahia Abd El Kareem)
|
| Quote: اها زبيده دي سموها على الشارع ولا الحكومه هههه |
سموها على حى الانقاذ ذى جلال الصحافة يعنى ....
عارف يا ابو هديل الاحياء الشعبية مليانة بنات بغنو كويس بس جارين
وراء لقمة العيش ( غناء الحفلات ) متناسين الاعلام والاعلام متناسيهم
كمثال
النموذج الانت خاتيهو ما عدا انصاف مدنى ، شوف جمال الفنانات الموجودات فى السهرة
شوف تياب الحريرة المطرزة والبشى الفلانى والدهب المجمر اللابسـنو
والاصــوات فالصــــــــــــو ...
وانظر خلف انصاف مدنى لبنات الاحياء الشعبية ( اسياد الشى زاتا )
اسمع الخالة الكبيرة الغنت ما شفنا النمر بداعب الجاموس
شوف الابداع والغنا جد الجد
هنا الاعلام بيدى ناس مساحة واهتمام هم ما بستحقوهو وبيحرم
ناس هم الاحق بالظهور و الشهرة .
ما اطول عليك سلامى لام العيال
| |
|
|
|
|
|
|
|
|
|
Re: انصاف مدني يغتيك الله (اعملي فينا خير) تسلمي (Re: عبد الدائم سيد أحمد)
|
Quote: سموها على حى الانقاذ ذى جلال الصحافة يعنى ....
عارف يا ابو هديل الاحياء الشعبية مليانة بنات بغنو كويس بس جارين
وراء لقمة العيش ( غناء الحفلات ) متناسين الاعلام والاعلام متناسيهم
كمثال
النموذج الانت خاتيهو ما عدا انصاف مدنى ، شوف جمال الفنانات الموجودات فى السهرة
شوف تياب الحريرة المطرزة والبشى الفلانى والدهب المجمر اللابسـنو
والاصــوات فالصــــــــــــو ...
وانظر خلف انصاف مدنى لبنات الاحياء الشعبية ( اسياد الشى زاتا )
اسمع الخالة الكبيرة الغنت ما شفنا النمر بداعب الجاموس
شوف الابداع والغنا جد الجد
هنا الاعلام بيدى ناس مساحة واهتمام هم ما بستحقوهو وبيحرم
ناس هم الاحق بالظهور و الشهرة .
ما اطول عليك سلامى لام العيال |
شكرا عزيزي عبد الدائم سيد أحمد
على المشاركة الجميله
وسلامك يوصل والعيال كبرت
وهسع دايرين يبقوا ابوهم جدو
| |
|
|
|
|
|
|
| |
Elmosley
عبد اللطيف عبد الحفيظ حمد
فاروق أبوحوه
cantona_1
جمال السنوسي
صديق الموج
Osman Musa
حبيب نورة
Safia Mohamed
عمر الفاروق
معتصم الطاهر
تبارك شيخ الدين جبريل
عبدالله الشقليني
محمد زكريا
بدر الدين الأمير
إبراهيم عبد الحليم
Mohammed Haroun
Tumadir
محمد النيل
tmbis
وليد عبد اللطيف
عبد الدائم سيد أحمد
فيس بوك
تويتر
انستقرام
يوتيوب
بنتيريست