|
كتب الكاتب الفاتح جبرا المتوفرة بمعرض الدوحة
|
|
 Re: التراث الشعبي الليله يايمه,زينب الحويرص وصالة العرض (Re: Elmosley)
|
Dear Elmosly,
I look forward to see our folk art in general is collected and documented. As you know our society, and hence culture, is subject to rapid changes. I'm afraid that our rich heritage and folk art will go with the wind, if nothing is done in this respect. From here I urge all people in concern to do the best they can to save our heritage from being lost. Thanks Ustaz Elmosley for your efforts to bring such work to the surface. I'll be so glad to see other musicians like you, actors, writers, poets, and ethnologists come together and put a concrete plan to collect, document and preserve our national heritage.
best regards
| |
 
|
|
|
|
|
|
|
|
Re: التراث الشعبي الليله يايمه,زينب الحويرص وصالة العرض (Re: Abu Suzan)
|
عزيزي ابو سوزان
اتفق معك تماما علي ما اثرته من وجوب الحفاظ علي تراثانا الشعبي
واستنهاضه فكم من قبيلة شردت بفعل الحروب الاهلية من موطنها الاصلي وتفرقت باهلها السبل وهذا ماجعلنا نؤسس مركز الموصلي للفنون والموسيقي ومن اهم اهدافه جمع التراث واستنهاضه ندوينا سمعيا وتحليلا ونصنيفا يعاوننا في ذلك المركز السوداني للمعلومات بلوس انجلس الذي يعول عليه كثيرا في هذا الامر
نؤيد دعوتكم ابا سوزان
ولكم محبتي
| |
|
|
|
|
|
|
|
|
|
Re: التراث الشعبي الليله يايمه,زينب الحويرص وصالة العرض (Re: Elmosley)
|
موصلي أنا من زمان داير اسالك من زينب الحويرص فانا مازلت اذكر تلك الفنانة جيداً وانا على اعتاب الرجولة وهي بتغني في شريط نالت على يدها رغم انوالناس لحد الليلة بقولواشريط كابلي والبلابل وبنسوا زينب والموصلي وبعدين اغنية قول النصحية الحان الماحي بالله الزولة دي وين انت عارف اختفاء المبدعات الزي زينب دي هو البخلي اضيننا تنقد باغاني تقوم بينا العربية والبجي بجي وما شاكلها من ذلك .
سؤال تاني انا اصلي زول جني اسئلة اغنية الاماني السندسية دي الكاتب كلماتها منو ؟
| |
|
|
|
|
|
|
|
|
|
Re: التراث الشعبي الليله يايمه,زينب الحويرص وصالة العرض (Re: الليندي)
|
الليندي كيف حالك
زينب الحويرص تعيش في كندا الان مثلها كمثل الذين تفرقت بهم السبل
في هذا الزمان وقد ابدعت بادائها الصولو في اغنية نوم عينيا في شريط امطرت لؤلؤا وهي بقت علي دي بس ياللندي ماكتير الخيل جقلبت والشكر مشي لي حماد ولا يهمك يكفينا ان هذا البورد فيه
نقاوه
اما الاماني السندسيه فمن كلمات الشاعر الرقيق
صلاح احمد عبد الفتاح
ولهذه الاغنيه قصة غريبه اصلا الشاعر بعد كتابتها اعطي النص للزميل خليل اسماعيل حيث كان الشاعر معجبا بلحن الاماني العذبه
وايامها اخوك برلوم في الفن لكن ناس خليل وعركي كاتوا شاسفين قي شخصي الضعيف شوف تاني فاصر خليل وقال لي صلاح في شاب اسمو يوسف الموصلي اديها ليهو وماتقلق عليها
| |
|
|
|
|
|
|
|
|
|
Re: التراث الشعبي الليله يايمه,زينب الحويرص وصالة العرض (Re: Elmosley)
|
عارف يا موصلي الشاعر صلاح احمد عبد الفتاح برضو من المبدعين المنسيين وانا بفتكر أنو الشاعر ده مع فضل الله محمد من خلال اغنية وعد الاداها عركي والشاعر ابو منة حامد من خلال اغنية بين الريد والهوى الاداها وردي عملوا عمل ابداعي جميل وتغيير في نص الأغنية السودانية الكانت عبارة عن مناحة من حبيب لحبيبة وعدم انتهاء العلاقة الا بماساة وعدم لقيا يعني اظهروا الجانب التاني التفاؤل و الامل بنهاية العلاقة بشكل سعيد وطبعاً ما بنسى محجوب شريف في وردة صبية وانا مجنونك الغناهم وردي وبرضو اغنية دابو ابتداء العمر الجميل الغناها سيف الجامعةز
وما زلت يا موصلي بتمنى انو يكون في تعامل بينك وبين عاطف انيس لانو من خلال معرفتي بيهو بفتكر انو ممكن مشروع فني ضخم لو وجد اللانسان البساعدوا لانو بمتلك وعي فني وماخد الفن كرسالة بتضيف للمجتمع وبتاسهم في تغيروا الى الاحسن وما صعلكة واجترار اغني الغير لكسب مادي وانا اديل ايميلو
[email protected]
طبعاً هو في امريكا ورقم تلفونو 2155355533 واتمنىنشوف منك الجديد زي ما عودتنا دوما.
| |
|
|
|
|
|
|
|
|
|
Re: التراث الشعبي الليله يايمه,زينب الحويرص وصالة العرض (Re: الليندي)
|
أستاذنا الجليل الموصلي
بارك الله فيكم وسدد خطاكم وأعانكم على مواصلة هذا العمل الجليل الذي بدأتموه، ولن تنسى لكم الأجيال القادمة والتاريخ هذا العطاء
وكلي عشم أن ينضم إليك من يأنس في نفسه الكفاءة والمعرفة لتحقيق هذا المشروع العظيم، وأيدينا وجيوبنا وقلوبنا معكم فسيروا على بركة الله
| |
|
|
|
|
|
|
|
|
 Re: التراث الشعبي الليله يايمه,زينب الحويرص وصالة العرض (Re: Abu Suzan)
|
تحياتي للاستاذ الموصلي ,,
الفنانة زينب الحويرص ,مبدعة ومغنية ذات ملكات خاصه نتمني ان تجد الفرصة المناسبه لكي تنال حظها المناسب ,, وعلي فكره كان في مشروع تطوير التراث الشعبي الغنائي لكل الاقاليم وافتكر ان انا شخصيا سلمت للاخت زينب بعض الاشرطة والكتب حول البجا وغناهم ومن هناك تسلمه لك ,,,فهل حدث جديد استاذي الموصلي
| |
|
|
|
|
|
|
|
|
|
Re: التراث الشعبي الليله يايمه,زينب الحويرص وصالة العرض (Re: Elmosley)
|
الأستاذ الموصلي
تحياتي
أذكر الراحل المقيم مصطفى سيد احمد، كان يبحث عن أغنية لفنان كنت أول مرة اسمع به عندما تحدث عنه الفقيد متسائلا بأنه كان من الممكن أن يكون له مستقبل كبير ولكنه إختفى، واعتقد أن إسمه بهاء الدين عبدالرحمن وقد غنى له مصطفى جزء من اغنية وكان يبحث عن شريط أو تسجيل وحتى مكتبة الإذاعة حاولنا ان نجد تسجيل له دون فائدة، إلحاح الراحل في البحث عن أخباره جعلنا جميعا نتشوق لسماعه، فهل تتحفنا بحديث وأي أغنية له
| |
|
|
|
|
|
|
|
|
|
Re: التراث الشعبي الليله يايمه,زينب الحويرص وصالة العرض (Re: nadus2000)
|
نعم الفنان بهاء الدين عبد الرحمن وملقب بابي شله
صوت في غايه الجمال ومن الذين شاركو كمغنيين صولو في رائعة محمد الامين
قصة ثوره او الانتفاضه كما يحلو لجمهورنا ان يسمي هذا العمل الضخم
والذي قام بتوزيعه موسيقارنا المبدع موسي محمد ابراهيم صاحب ماضي الذكريات وخاتم المني وغيرهما
واشهر اغنيات بهاء الدين هي مهما امري يهون عليك
من الحان الراحل عثمان المو وهي من عيون الغناء السوداني
وليتني كنت احتفظ بتسجيل لها
| |
|
|
|
|
|
|
|
|
 Re: التراث الشعبي الليله يايمه,زينب الحويرص وصالة العرض (Re: Elmosley)
|
تحياتي الاخ الموسيقار الموصلي
شكرا لتقديرك واهتمامك بفنون وتراث اهل الشرق ,وجميل جدا ان يحدث تعاون بينك كفنان وموسيقار وبين فناني وموسيقي الشرق وللمهتمين بذلك وفي تقديري انه ستكون لهذا التعاون نتائج طيبه .
ولكن كيفية ذلك انا هنا في حوارا مع الاصدقاء في ذلك
هنا في استراليا , ودمت
دقنه البجاوي
| |
|
|
|
|
|
|
|
|
|
Re: التراث الشعبي الليله يايمه,زينب الحويرص وصالة العرض (Re: Elmosley)
|
والله ايام يازمان...
تعرف انا عندى ذكرى حلوة جدا مع الاغنية دى... غنيتها فى التلفزيون بمصاحبة عود عفاف اختى فى حلقة قدمها الماحى سليمان..اخوك ياحمزة.. الشفاف الصديق... ومعانا فرقة الاصدقاء... محمد نعيم.. ومصطفى احمد الخليفة... وعبد العزيز المبارك كان فنان السهرة
وبرضو اتنين مذيعين
الحلقة دى حايمة هنا فى امريكا.. مرة شفتها.
المهم انا كنت اول من غنى الاغنية دى جابها لينا نورى من سنار
نورى دة كان بعمل شخصية ابجقادو...النمطية.. وكان فكه للغاية.. بحاكى افلام الكرتون... والافلام الهندية والكدايس واى حاجة جابوه فى التلفزيون كم مرة...طلبت منه الكلمات والشرح... لآنى حبيت الاغنية جدا جدا المطلع بقول
الحجة ما خلقان
الفانا بالنيسان
بريق العينة العام
ما خلى زول عطشان
..
بغنوها بنات الغرب للرجال الماشين ليبيا زمن اغتراب ليبيا... الحجة ما خلقان.. يعنى الهدوم ما مشكلة...الفانا بالنيسان... رسل لينا لورى نيسان بسرعة... بريق العينة العام المطر ما خلى زول عطشان..
ظاهرة طبعا
وتمضى الكلمات فى منتهى الرقة والجمال والبساطة الى ان تقول بالحرف الواحد
البنطلون بحزاما
للبعرفو نظاما
اخوكى ياابتساما
فى ليبيا عندو اقامة
اها بعد داك اتصلن بى مغنيات تانيات ... كلهن بادياتافتكر ولو ما اكون ما دقيقة ... عابدة الشيخ دى واحدة منهم... قالوا دايرين الاغنية... طبعا لانهم عارفين انه انا بغنى لاسعاد نفسى بس وما للاحتراف... اشيل واكتب ليهم فيها...
والآن..
هاهى ذى اغنيتنا الثمينة فى ايدً امينة
وزينب الرقيقة..
شكرا يا موصلى ... الله يفرحك.. يا ابو هديل.
| |
|
|
|
|
|
|
|
|
|
Re: التراث الشعبي الليله يايمه,زينب الحويرص وصالة العرض (Re: Tumadir)
|
ياسلام عليك ياتماضر
حرم انتي البت الحديقه اشكرك علي المعلومات القيمه والتاريخيه
بالله كلنا ياجماعه مانبخل بالمعلومات والذكريات تاريخنا ده فيهو حاجات مطموره وكتيره جدا وقبمه جدا
تماضر بالله لو في حاجه تانيه تحت التربيزه ناوليني يديك العافيه
بعد ردي عليك ده قلت ارد علي الصادق الجميل
ماتتخيلي فرحت كيف لمن عرفت انو في البورد
لكن طبعا ليدز فيرست
| |
|
|
|
|
|
|
|
|
 Re: التراث الشعبي الليله يايمه,زينب الحويرص وصالة العرض (Re: Elmosley)
|
مرحبا موصلي تاني
الاولا ممكن ترجع ليها عند تحليلك لعمل حمزة الماسمعته لسه.
انا طبعا بسكن في بروكسل عاصمة اوربا وادرس في مدينة اسمها قانت وين بتعيش بنتي مريم. بالمناسبه دي بكره عندنا فيها حفل مع فرقه جديده كونتها مع انور عبدالرحمن ويعزف معانا اسامه وخالد وشهاب وهيثم.
قريبا CD انشأالله.
مشتاقين جدا لكن اكيد ح نتقابل.تحياتي للاولاد
Sadig
| |
|
|
|
|
|
|
|
|
 Re: التراث الشعبي الليله يايمه,زينب الحويرص وصالة العرض (Re: Elmosley)
|
!! ودعثمان
الله عليك يافن ,و دى جبتها من ويييين ,, والله دخلت البوست لقيت زينب ذات النغمة الحنونة , وقمت على طول لبست العراقى والسروال وشلت عكازى وهاك ياعرضة ,, المرا قالت راجلى جن ,,,, هههه
كتر كتر من الزى دا , افو ناس رفاعة كسرو
| |
|
|
|
|
|
|
| |
Elmosley
الليندي
degna
nadus2000
Tumadir
wadazza
Abomihyar
Abu Mariam
سمندلاوى
HAMZA SULIMAN
Abulbasha
OmDur
منعمشوف
امبدويات
فيس بوك
تويتر
انستقرام
يوتيوب
بنتيريست