|
|
|
 Re: أحتاج متبرعين لبناء موقعي الجديد (Re: Elmosley)
|
موسيقارنا الكبير .. حبابك
وحاتك انا ايضا انادى معاك كل المصممين لبناء موقع الموصلى وبعده بناء موقع كردفان اونلاين http://www.kordofanonline.com.. ولكن تراعى فيه فنيات اخرى ساتناولها مع المصممين ...
والموقعين (موقع الموصلى وموقع كردفان اونلاين حسابهم معاى وحياتك ولا كلمة والله يا استاذ) ..فمن يجد فى نفسة المقدرة على بناء هذين الموقعين بكل ما تحمله جماليات التصميم من منتديات وجرافيك وفلاشات و..الخ فليتصل بى على هذا الرقم 00971506944959 او على الايميل [email protected] خالص الشكر والتقدير لكم مقدما ومحبتى الخالصة للاديب الموسيقار الموصلى ..
تخريمة زى ما بقولوا :
وين السيديهات يا استاذ ؟؟؟؟؟؟؟
| |
 
|
|
|
|
|
|
|
|
Re: أحتاج متبرعين لبناء موقعي الجديد (Re: Elmosley)
|
الموصلى،
تأمـر يا أستاذنـا..
طبعـا زى ما عارف الشبكـة هى نفس الشبكـة (بتشديـد وكسـر الشين) .. لكن لو فى أى شغل بتاع GIF Animation ممكن تلزوا لينـا ومافى مشكلـة إن شـاء الله.. بالنسبـة لبورد النقاش فإن أى زول قاعـد يعدل بس لكن مافى زول بيبـداه من اسكراتش..
فلو حبيت واحـد من ناس القطـر قام لحـد ما يجو دبابين الإنترنت ممكن برضـو يتصـمم.
وشكــرا.
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: Elmosley)
|
الاستاذ موصلي اسف للتاخير وشكرا للاخ الاستاذ عاصم الطيب علي ارسالة البريد الالكتروني للزميل التشكيلي احمد يوسف وهاك تلفون مهندس زرياب0061438631744 / 0061423073359
وتلفون التشكيلي احمد يوسف 0061431453673
فقد ابدي الاثنان موافقة واستعداد تامين للبدء في تنفيز المشروع ارجو الاتصال بهما
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: Elmosley)
|
أستاذنا الفاضل الموصلى
تحيه طيبه وحمد الله على السلامه
أعتزر لك اننى هذه الايام مضغوطه شديد لتسليم البروجكت بتاعى بعد شهر من
الأن, لكن بعد انتهائى منه بأذن الله فسأكون تحت الخدمه, خاصه فى الموقع باللغه الانجليزيه
تحياتى
وفى امان الله
لا اله الا الله
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: Elmosley)
|
أبو محمد...
تحياتي
طبعا أنا ما لي في الحاجات الجميلة دي لكن...
صورتين تلاتة من الزمن الجميل بجيبن ليك..
سنة سنة 71 كيف؟ 
لأنو الماضي مهم جدا ولازم يكون ليهو مكان في الموقع
تحياتي لأم محمود والأولاد
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: سامي عبد الوهاب إدريس)
|
الموصلي ..
رغم الجدل البيزنطي الداير اليومين ديل .. والمفروض تكون بعده في ردود أفعال متضخمة كما العادة في منبر سودانيز اونلاين
الا اني اتبرع ليك بالتصميم الفني للموقع ..
لافتقار ساحة الانترنت السودانية لموقع فني متخصص .. ( توجد بعض المواقع المهتمة بالغناء السوداني ) ..
رسل لي رؤيتك .. اذا وافقت علي الامر ..
Email- [email protected]
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: Elmosley)
|
Quote: وبترجم الانفعال لي عمل هسع انتو كلما تقولو كده ولا كده بتنفس لحن جديد
من ابو كديس
|
والله كان كدا .. بنكون موعودين بلحن علي وزن ( النار ولعت بقلبي بطفيها ) .. 
علي العموم يا سيدي ..
اغلب المكتبات السودانية الموسيقية تفتقر الي التخصص ..
عبارة عن تسجيلات قديمة حولت الي صيغ ديجتيل بدون العناية بجودة الصوت ..
مع أنه الملاحظ انتشار الاغاني بصورة كبيرة في عالم الانترنت ..
وغياب الاغنية السودانية .. ( ما قلت ليك مجتمع الكورة والفن ذي بعض ) ..
| Quote: ان يكون هنالك كونصلتو |
دي حاجة ضرورية ..
المبرمج غالبا ما بكون عنده اهتمام بالامور الفنية ..
بشتغل ليك خلف الكواليس .. ودي برشح ليك فيها اخونا انور كنغ ..
اما الشغل الفني ( البنرات والصفحات ) ..
ممكن نتابعه ليك مع الاخوة مأمون أحمد وطيفور وقيسان .. ( فنانين تشكليين يعملوا في مجال التصميم ) ..
ومع اشراف منك .. لتحديد الابواب .. والمواضيع ..
بالنسبة للمواد .. ( غير المادة العندك ) ..
بتضافر من اعضاء سودانيزاونلاين ممكن تعمل اكبر مكتبة صوتية علي الانترنت ..
وأوصيك بالاستعانة بالاخوان تمبس وعمك تنقو ..
ولدي انا اكثر من ألفين اغنية سودانية ( MP3 ) ... لأغلب مطربي السودان ..
بهديها ليك .. لدعم المجهود الحربي بتاعك دا ..
والمنتدي أمره ساهل ممكن يتركب في عدة دقاي%D
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: Elmosley)
|
بكل أريحية كتب الأخ حميدة
Quote: الموصلي ..
رغم الجدل البيزنطي الداير اليومين ديل .. والمفروض تكون بعده في ردود أفعال متضخمة كما العادة في منبر سودانيز اونلاين
الا اني اتبرع ليك بالتصميم الفني للموقع ..
لافتقار ساحة الانترنت السودانية لموقع فني متخصص .. ( توجد بعض المواقع المهتمة بالغناء السوداني ) ..
رسل لي رؤيتك .. اذا وافقت علي الامر .. |
وبكل صفاء رد أستاذنا يوسف الموصلي
Quote: اخي حميده شكرا لمبادرتك الطيبه
وانا أصلا بالنسبة للجدل زي ماقلت ليك مرقت ليهو بكل حساسية الفنان
وبترجم الانفعال لي عمل هسع انتو كلما تقولو كده ولا كده بتنفس لحن جديد من ابو كديس
وفعلا المواقع المتخصصه نادره وكان الجدل ده ممكن يكون هناك وبنفس ابرد
يازول مرحب بيك تب
أديني فرصه اجمع كل المبادرات وغالبا ما احب ان يكون هنالك كونصلتو لو بتوافق
لك الشكر ثانية |
وبتقدير واحترام كبيرين أقول لهما
ما أروعكما
إختلاف الرأى يزيد المحبة ( لو نظرنا إليه كطبع من طبائع الحياة)
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: عاطف عمر)
|
الحبيب عاطف عمر
صدقني لو كان في قلبي مكان للحقد او الغل لما كنت حيا الى هذه اللحظة
شعاري دوما بالحب وحده يحيا الانسان
أترجم كل انفعالاتي الى أعمال فنيه
زمان كنت بمد--- راسي (للشاكوش)
وتطلع اغنيه حاره وياما اخدت شواكيش
مرحب بالتعاون مع حميده وفي بادرته
رايت تعبير ضمني انه يعرف تماما قدر الموصلي
ويعرف تماما ان الموصلي متخصص على حد تعبيره فكان ترحيبي
ستشهد مقبلات الايام موقعي الجديد باعمالى الجديدة التى ستبين بالعمل المسافه
البين عيوني وبين عيون الاخرين
حيث تاخذ الفصول دورتها فيفرح الخريف بمطره ويلبس الربيع ملابسه الوردية
ويتعانق الصيف الحار مع الشتاء القارس
ولك التقدير
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: Elmosley)
|
الاخ الاســتـاذ الـكبيــر
الـموصــلي،
تحـية الـود والاعـــزاز،
اولآ، نعـتـذر عـن التـآخـيـر فـي الـمشـاركـة والـمسـاهـمة، شـغـلتـنـا السـيـاسـة وفـتــح مـلفـات بـعـض الـمناسـبات الـوطنيــة وعـيـدميــلاد الاسـتاذ الكـبيــر محـمد وردي حـفظة اللـة وامـدة بالعـافيـة الـكامـلة، واسـتعـنت فـي ســرد حيــاة وردي بـمقـتطفات من كـتابك الذي آلـفتـة انـت عـن وردي عــام 1993، ومـازلـت احـتفـظ بـة كتـسـجيــل تـاريـخـي آمـيـن.
ثـانيــآ، عـندي مجـموعة صـور ومـقـالات فـنيـة، وتحـقـيقـات أجـريـت مـع فـنانـين ســودانييـن تغـمدهـم اللـة بـرحـمتة،وهــي مـوأد عـمرها اكـثـر من اربـعـين عـامآ، الـمشـكـلة تكـمن فـي انـني اعـانـي من مشـاكـل فـي طـريقـة الـبث وارســال الـصـور ( وطـبعـآ لاحـظـت ان اغـلـب مقـالاتـي تخـلـو من الـمـواد الـمصـور، رغـم وجـودهـا عـندي)، ولـذلك اود ان اقـدم لك كـل هـذة الـمـواد الفنـيةالـقـديـمة كـهـديـة ولانـجـاح مـوقعـك الـفـني، عـلي ان تـقـوم انت مســتقـبلآ وبـطريقـتك و...( حــرفـنتـك ) بـعـمل بـث فـني لـهـا عـبـر مـوقـعـك الفـني الـناجـح بـإذن اللــة.
ثـالثـآ، ارجــو ان تفــيدنـي بـطريـقة إرســال القصـاصـات والاوراق والـوثـائـق والـصـور لك .
اكــرر مـودتـي وتـحيـاتـي.
| |
|
|
|
|
|
|
|
|
 ربنا يوفقك، محل ما تقبل (Re: Elmosley)
|
الأستاذ الموسيقار
لك التحية، أيها الشامخ
يدك سابقة وسابغة على موسيقانا السودانية، فقد بعثتها من تابوت الجمود وليتك تواصل بجد
أكثر وأكثر. بصماتك واضحة وظاهرة ولكل منصف.
أتمنى لك التوفيق ، في كل مشاريعك المستقبلية. لا أملك ما طلبت ولكني أملك أن أرفع يدي داعيا
لك بالتوفيق، والله هو الموفق.
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: mekki)
|
أستاذنا الموصلي
لمن قريت العنوان قلت اكيد الموصلي دا عاوز يبني ليهو مسجد
وقلت أكيد حانساعده
ان شاء الله برسم الخرائط والمخططات
صاحبك حلفاوي فتش 5 سنوات ما لقى اي شغل
أخيراً سمع إنه إدارة الأوقاف عاوزة مؤذنين
وماكان حافظ الآذان
المهم مشى لواحد شيخ وحفظ منه الآذان
وابن اللذين كان صوته جميل جداً
وبعد الآذان تاني ولا طلع البدرو علينا ماحافظها
المهم مشى لجنة المعاينة
واختاروه اول واحد لجمال الصوت وتجويد الآذان
وقالوا ليهو المسجد في كسلا
أها مشى واستلم الشغل
تعرف صاحبك كان بيجي يقول الآذان
وبعديها بيطلع يشوف شغله
لاصلاة ولايحزنون
يازول نحن معاك
كان عاوز تبني موقع فني أو موسيقي
عاوزين نسمع صوتنا للعالم
بالأوتار
والنوتات الموسيقية
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: ابوحراز)
|
يا عزيز يا غالي
معاك طوالي ...
وبمساهمة راكزة انت سيدها
بعض مساهمات ال(كان بدري علي)
(محمد الازهري)
تأخذ موقعهافي موقعك
:
:
اما الباقي
فلا خيل ......)
:
:
خارج الموضوع:
هل من عودة للديار قريباً
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: محمد امين مبروك)
|
رحم الله محمد اسماعيل
فبقدر انامله الجميلة الرائعة فقد كانت انامله السياسية تنبئ
بسيمفونية رائعة ولكن الخير في ما اختار الله
تسلم
أما عودتي الان فاصبحت مهمة جدا لان الجيل الجديد يحتاج الى حصيلتي وخبرتي
ولان هجرة هذا الكم الهائل من الدارسين ذوي الخبرة
قد اثر سلبا على موسيانا وخلق الهوة بين اجيال وهذا امر فوق العادة
برغم وجود مواهب غاية في الجمال الآن
لقد بدأ التخطيط المحسوب والباقي على الله
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: Elmosley)
|
ياموصلي في دفع دولار انا جاهز لكن تاني مابعرف حاجه في الشي ده لكن اتمني من كل قلبي ان اتابع موقع فيه كل الحب والموده والروائع والحب ياابوهديل
تخريمه
لو الحب ياام سماح اتغنت مردوم البحصل شنو
تحياتي ومودتي
عندي واحد امريكي مرضان تصميم مواقع ممكن اكلمه وعكس ليك رايه
الي الامام
واماني سندسيه للموقع بالنجاح
وعلي قدر الشوق نسعي للتشيد
وبرغم الكلام القالو عنك احبك بشده
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: معتز تروتسكى)
|
كل شيئ ماشي تمام
وهو موقع سيكون ابن للموقع الام سودانيس أونلاين
بتقصد يامعتز
(الموسيقار علي ميرغني)
لكن لو في واحد كان اسمو علي الزين رئيس اتحاد الفنانين للموسيقى
بكون انا ساقط تاريخ
وياعيب الشوم
محبتي يازول ياحلو
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: معتز تروتسكى)
|
جدا وعلي ميرغني
بالاضافة أنه عازف كمان وفيولا
فهو ملحن قدير للعديد من الالحان
منها لوردي
وقد ساعد الاستاذ علي ميرغني
في بدايات العديد من الفنانين
منهم محمد وردي
وشغل ايضا عضوية لجنة الالحان لفترة طويلة رحمه الله
Quote: تخريمه
يلا امشي صحح الاسم |
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: محمود ريحان)
|
الحبيب محمود ريحان الفنان
عارفك مابتقصر بس بقينا نخاف
يقوم هسع يجي واحد يقول (ريحان استغل الحوجه الماليه للموصلي)
وهناي وبتاع وحاجه بالشكل ده
يديك العافيه الحال مستوره وحرم كان إحتجت الا اقول ليك
هات, مش نحن اخوان
في الوطن وفي الله وفي الفن وفي البورد؟؟؟
| Quote: لو الحب ياام سماح اتغنت مردوم البحصل شنو |
تمشي معاها زي الترتيب ومصرح ليك كمان
Quote: تحياتي ومودتي
عندي واحد امريكي مرضان تصميم مواقع ممكن اكلمه وعكس ليك رايه
الي الامام |
دائما محب وسباق للخير ربنا يقدرنا علي جزاك
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: محمود ريحان)
|
استاذنا وحبيبنا الموصلي
والله تستحق الفزع وياريت لو كنا مصممين اكان اتلافيناك
وما كتابين لكن عجبني اخونا جمال وكلامه ليك وهو احساسنا كلنا تجاهك متعك الله بالعافية
جمال قال ليك ونحن معاهو الاتي :
يا أستاذ
جيت أسلم
وأحيي فيك كل الغنا
وأكتب أنا
وأكتب هنا
لو كان علي
أكتب كثير
عشرين سنة
تحياتي
جمال وانا معاهو
| |
|
|
|
|
|
|
|
|
|
Re: أحتاج متبرعين لبناء موقعي الجديد (Re: ASAAD IBRAHIM)
|
يا موصلى
الموضوع شايفه ماشى كويس والناس الحلوين ما قصرو
فى الافتتاح لو عايز بتاع بيز ما بشتغل ورق و حق التذاكر منو بالطياره
وبالى يدينو فى الزيت ليها زمن اتصل بى وبدفع حق كرت التلفون كمان.
ٌقصرته معاك يا ابو محمود
حمد
| |
|
|
|
|
|
|
| |
Elmosley
محمدين محمد اسحق
Abureesh
ibrahim barssi
خالد الأيوبي
جمال السنوسي
برهان تاج الدين
Wathig Makki
Rihab Khalifa
معتصم الطاهر
bint_alahfad
أسامة خلف الله مصطفى
nadus2000
تولوس
سامي عبد الوهاب إدريس
humida
عاطف عمر
Alsa7afa_30
ابي عزالدين البشري
mekki
ابوحراز
محمد امين مبروك
ابراهيم برسي
عبد اللطيف عبد الحفيظ حمد
عمر عبد الخالق سعيد
محمود ريحان
معتز تروتسكى
.
الطيب شيقوق
عمران بابكر بدري
ASAAD IBRAHIM
هجو الأقرع
Khaalaleyaal
فيس بوك
تويتر
انستقرام
يوتيوب
بنتيريست