|
Re: Nasma omdur اضافة جادة الي البورد ودعم الي فتياتنا المثقفات فمرحبا بها (Re: Elmosley)
|
يا اخونا كيف حالكم واله انا متلومه معاكم لكن ادوني فرصة اتعلم كتابة العربي في key board!بعدين تعبتوا معاي . دايما السودانين اهل الحفاوة فشكرا لكرمكم وترحيبكم والتحية لاستاز الموصلي ويارتني لو اقدر اقول فيك الكلام المانكتب تسلم يا ابو هديل والشكر لكل من صافحي با بتسامة ولكل من قالدني بمحنة .انا زولة بكايه عامله مع الغربة ذي المثل لابريدك ولا بحمل براك لا قادرة ارجع لاقادرة اقعد و اقل حاجة تمر تشتكى لورق وهاك يا بكاء لكن الظاهر الغربة في داخل البورد حتلون حنينة و يا ريت لو لقيت لي شقة في عمارة كلها بورداب واله يكون يداب الاحساس اتبدل والفرح الغايب طلة عليك اله يا ابو هديل تم جميلك و شوف لينا سكن وسطكم كان نقدر نواصل . عزرا لاي خطا املائي وانتو عارفين السبب.
| |
|
|
|
|
|
|
Re: Nasma omdur اضافة جادة الي البورد ودعم الي فتياتنا المثقفات فمرحبا بها (Re: ghurba)
|
أهلا بنسمة، ولتقبل مني هذين البيتين من قصيدة على الجارم التي أسماها (تحية السودان)
يا نسمـةً رنّحت أعطافَ واديـنا قفي نحييك، أو عوجي فحيينا مرت مع الصبح نشوى في تكسرها كأنما سـُقيت من كف ساقينا إلى أن قال: وقد بدت صفحة الخرطوم مشرقة كما تجلى جمال النور في سينا
ألف أهلا، وسهلا، ومرحبا، بنسمة أم در. وشكرا للموصلي المثابر في توسيع وتنويع مائدة المنبر. النور حمد
| |
|
|
|
|
|
|
Re: Nasma omdur اضافة جادة الي البورد ودعم الي فتياتنا المثقفات فمرحبا بها (Re: Elmosley)
|
نسمة
اعتقد ان البورد اكثر دفئآ مما تتصورين و يتصور البعض يكفى ان به رائحة السودان .. و طين الجروف و به شخب الحليب الصافى و به هذه السحنات المتباينات و الاعراق و الثقافات و الافكار السياسية المتناطحة حد التكسر
انه دفء و حنين و آهة بوح نزفرها لتروى عطش السنين
و هجعة زول بعد ترحال و تنية حلوة للشبال
قصدت بورينا فيك كم لون ان تنثرى كل اطياف ابداعك قوس قزح بطعم الفرح اللاهب و ترياق لازوردى لمر الاغتراب الهارب
علىّ قد مر على خاطرى حين كتبت ذلك اغنية ملك الطيور للمبدع المرحوم الجابرى و التى فى احد مقاطعها : ورينا فيك كم لون و القصد عرض الجمال الماثل فى الالوان الزاهية لاجنحة الطاؤوس و قصدت ان نرى ميادين و فنون ابداعك المختلفة و ياريت تبدأين لك التحية
موصلى
اذكر انك فى فترة من الفترات قد كتبت دراسات نقدية عن اصوات و اغنيات عدد من المطربين الكبار فى السودان ... جابرى ، بن البادية ..و آخرين و قد كان لدراساتك النقدية تلك اسهامآ فنيآ بارزآ فى الارتقاء بالحس التذوقى و الفنى للمتلقين ... بل كان هنالك تثقيف راقى بعلم الموسيقى و التوزيع و الهارمونى اللحنى هل نطمع فى ان ترى تلك الدراسات النور من جديد على مستوى هذا البورد ؟؟؟ و لك مودتى
| |
|
|
|
|
|
|
|