|
ضيف اليوم 26/4/2003 الفنان الموصلي
|
الاخوه والاخوات الاعزاء السلام عليكم جميعاً لكي تسود الموده والتعارف بين شخصيات المنبر احببت ان اطرح هذا الموضوع الا وهو لقاء اليوم حيث اقوم باستضافة احدا شخصيات البورد ونطرح عليه بعض الاسئله على ان يقوم الضيف مشكوراً بالرد عليها بحيث ان لا تكون هناك تجاريح ولا اسئله استفزازيه والهدف منها فقط التعرف لكي يسود روح الاخوه والصداقه بين رواد هذا المنبر وضيفنا اليوم الفنان الموصلي
الاسم ؟ الحالة الاجتماعية ؟ مكان الاقامة الحالى ؟ مكان الاقامة فى السودان ؟ القبيلة ؟ اللون السياسى ؟ سياسي سوداني اعجبك ؟ ولماذا ؟ فنان سوداني اعجبك ؟ ولماذا ؟ شاعر سوداني اعجبك ؟ ولماذا ؟ بيت شعر اعجبك ؟ رايك فى اعضاء البورد ؟
ونترك الساحه ليكم يا شباب
|
|
|
|
|
|
|
|
Re: ضيف اليوم 26/4/2003 الفنان الموصلي (Re: ابو فاطمه)
|
عزيزي ابو فاطمه انا كنت داير اكتب هسع بوست وداع مؤقت عشان الامتحانات ونجيكم بعد يوم 8 خمسه كان الله امد في العمر ولكن لانك ابو امي ولان ناس البورد عزاز انا بقعد ليكم هنا اذاكر جمب الكمبيوتر والعندو سؤال كلو انا بجاوبو
| |
|
|
|
|
|
|
Re: ضيف اليوم 26/4/2003 الفنان الموصلي (Re: ابو فاطمه)
|
الحالة الاجتماعية ؟ متزوج واب لسته اطفال تلاته كده وتلاته كده الله يحفظهم وشاطرين في المدارس مكان الاقامة الحالى ؟ الولايات المتحده مدينة ايوا بولاية ايوا مكان الاقامة فى السودان ؟ امتداد الصحافه مربع سبعه وعشرين وجار التربال الزاكي نايل ون القبيلة ؟ دنفلاوي علي محسي ابا عن جد اللون السياسى ؟ ديموقراطي عاشق للحريه مع من يختاره الشعب لحكم البلاد اختيارا حرا نزيها سياسي سوداني اعجبك ؟ ولماذا ؟ الراحل فتحي احمد علي لانه لم يتخلي عن الشعب وكان في يده ان يحكم البلد فنان سوداني اعجبك ؟ ولماذا ؟ كتيرين لكن لابوعركي مكانه خاصه لدي فهو يمثل الفن الملتزم الجاد ولانو حبوب ودمعتو قريبه شاعر سوداني اعجبك ؟ ولماذا ؟ كتيرين ولكن الكتيابي للحس الصوفي في شعره بيت شعر اعجبك ؟ بالسوداني اغيب عنك يضيع سر الحضور مني ويضيع فني وشعور اني انا انسان وبالفصيح ياكل جلاد تربع فوق ظهر الشعب بالرصاص لن تنجو وان اخفيت راسك كالنعامه هذي الجماجم سوف تصبح في سواد الليل نيرانا تقوم بها القيامه ونري لصوص العصر كالفئران تصرخ في صناديق القمامة رايك فى اعضاء البورد ؟ البورد جميل واجمل مافيهو اختلاف الاراء والامزجه وناسو طيبين والبغلط عادة مايتراجع ويعتذر وهذا قمة الانسانيه
| |
|
|
|
|
|
|
Re: ضيف اليوم 26/4/2003 الفنان الموصلي (Re: ابو فاطمه)
|
التحايا لك اخى الموصلى ولابوفاطمة سؤالى كيف ومتى يتم الارتقاء بالاغنية السودانية؟ لقد كانت لك تجربة من قبل فى مجال الفيديو كليب لماذا لم تكررها ولتقدم النصيحة والخبرة لفنانى السودان بدل العوارة البيعملوا فيها دى ؟
وشكرا
| |
|
|
|
|
|
|
Re: ضيف اليوم 26/4/2003 الفنان الموصلي (Re: tariq)
|
الاغنيه السودانيه ياطارق فنيا شبه جاهزه واداريا وماليا فهي غير جاهزه فيما عدا جهد المقل من قله حريصه الفيديو كليب مكلف وحتي العملناهو بي تكلفه عاليه تلفزيونا الظريف ابي يبثو عشان فيهو بنات برقصن وما محجبات اها ياطارق اكان تلفزيونا ابي التانين الجابرهم علينا شنو اتمني ان اعود الي السودان لكي اقدم النصح هناك عمليا ونظريا بس جيبو لينا ديموقراطيه معافاه
| |
|
|
|
|
|
|
Re: ضيف اليوم 26/4/2003 الفنان الموصلي (Re: ابو فاطمه)
|
التحايا لك اخى الموصلى ولابوفاطمة سؤالى كيف ومتى يتم الارتقاء بالاغنية السودانية؟ لقد كانت لك تجربة من قبل فى مجال الفيديو كليب لماذا لم تكررها ولتقدم النصيحة والخبرة لفنانى السودان بدل العوارة البيعملوا فيها دى ؟
وشكرا
| |
|
|
|
|
|
|
Re: ضيف اليوم 26/4/2003 الفنان الموصلي (Re: tariq)
|
الاخ ابو فاطمة:- تحياتى مشكور ومشكور جدا على استضافة الفنان العظيم الموصلى ومشكور الموصلى على الجية والله زمانى دا كله بسمع هذا تلحين الموصلى وهذا عمل الموصلى ودا راى الموصلى فى الموسقى ودى اضافة الموصلى للفن السودانى. وما كنت قايل هذا العلم وهذا الفنان الضخم يقعد ويجلس ويرد مش على شباب البورد الحلوين لكن حتى على ناس ابوقوتة كمان تحياتى لبكرى ولابو فاطمة وعلى من كل من ساهم وجمعنا بالفنان الموصلى وشكرا
ابوقوتة
| |
|
|
|
|
|
|
Re: ضيف اليوم 26/4/2003 الفنان الموصلي (Re: ابو فاطمه)
|
الغنا الجديد في وعند كتير من الفنانين الجادين ويمرق وين مع تماسيح ابو كبلو والسلم الحماسي ماعندو مشكله المشكله في طريقه استخدامو ولمن اعظم الموسيقيين في القرن العشرين دايرين يمروقو من السلم الدياتوني الغربي اعتمدو علي خماسينا واستخدموه زي العسل قريب اجيب ليكم نماذج
| |
|
|
|
|
|
|
Re: ضيف اليوم 26/4/2003 الفنان الموصلي (Re: ابو فاطمه)
|
الاعزاد ابوفاحمة والموصلي تحياتي اقول ليكم بصراحة متناهية القصة دي كدي ما بتنفع , انا والله العظيم لما القي كنز من المعرفة والموصلي اهل لذلك بحب استفيد.ولكن علي ان لايتم ذلك علي حساب التحصيل العلمي الذي اقول بصراحة هو ليس ملك للموصلي انمافقط يمثلنا الموصلي فيه لان العائد منه للسودان والموسيقي السودانية . وإذا اصررتم فليكن هنالك جزء آخر من هذا اللقاء واسئلتنا كثيرة جدا التي تنتظره بالتوفيق استاذنا الموصلي
| |
|
|
|
|
|
|
Re: ضيف اليوم 26/4/2003 الفنان الموصلي (Re: Elmosley)
|
| |
|
|
|
|
|
|
ضيف اليوم (Re: ابو فاطمه)
|
ابو فاطوة لك الود السؤال للاخ يوسف الفنان اي فنان كان من تجربتك هل ممكن ان ينبت خارج الوطن وهل هناك فنان دون جمهور
| |
|
|
|
|
|
|
Re: ضيف اليوم (Re: Abd-Elrhman sorkati)
|
عزيزي سوركتي ليس للفن وطن هذه واحده وهل كان لسعيد حامد ان يفعل مافعل لو كان في السودان مع انو في جمهور سينما هناك كما ان سترافنسكي ودفورجاك وورده وسميره سعيد تجاربهم تغن ناهيك ان العالم اصبح قريه صغيره والسودان نصو مهاجر في الخلا البراني
| |
|
|
|
|
|
|
Re: ضيف اليوم 26/4/2003 الفنان الموصلي (Re: ابو فاطمه)
|
الموسيقار موصلى
اولآ لك التحية
كمطرب و متخصص فى الموسيقى : ما رأيك فى التوزيع الموسيقى لاغنية الود " للفنان وردى ؟ "
رأيك فى اعمال و اغنيات المرحوم الجابرى ؟؟؟
رأيك فى الفنان الخطير الهادى آدم .. (ود الجبل ) ؟؟؟؟؟
ارجو ان تتبنى انت و الاخ حمزة سليمان فنيآ الفنان الشاب صاحب الصوت القوى و الرائع محمود عبدالعزيز كما وعدتما من قبل .... و هذا سيؤدى لاظهار الموهبة الفذة لهذا الفنان مع تحياتى
ابوفاطمة
لك الشكر على البوست التعريفى واصل
| |
|
|
|
|
|
|
ضيف اليوم (Re: ابو فاطمه)
|
الحبيب يوسف انا علي يقين ان سعيد حامد او اي فنان نجح خارج وطنه(وهم قلة ) كان من الممكن ان يكون نجاحهم اكبر لو اتيحت لهم الظروف في اوطانهم00000 تركيبة الشخص ورصيده المعرفي الاجتماعي وتكوينه دافع كبير للتعبير عن الذات وعن الاخرين والفنان يكون اكثر صدقا عندما يعبر عن مجتمعه الذي يعرفه باعتبار ان ولادة العمل اي كان تجيء بعد طول مخاض وهذا ما لايتوفر للشخص عندما يفد الي مجتمع جديد
هذا مع حبي
| |
|
|
|
|
|
|
Re: ضيف اليوم (Re: Abd-Elrhman sorkati)
|
صاح ياعزيزي سوركتي كم من المواهب من مخرجين وممثلين في المسرح والسينما وكم ممن كانو متفوقين في اكاديمية الفنون وسبب ضمورهم انهم ذهبو الي السودان حيث صحراء العدم التمويليه اين انت ياسوركتي واين عبادي واين محمود يس واين شداد واين واين خليها علي الله
| |
|
|
|
|
|
|
Re: ضيف اليوم (Re: Elmosley)
|
العزيز الفنان الموصلي لك الود الموصلي انا عاوز اقول الاثر الحيتركو الشتات اللامي في المبدعين ده على الابداع السوداني عموما شنو وبعدين الرجعه كيف ويا الموصلي هل انتا قادر تتابع مايدور في الوطن انا مرات كتيره بفكر انو الجبهه الاسلاميه قدرت علينا نحنا اهل الفن اكتر من غيرنا وبراك شايف موصلي لك تحايا نواضر من حسن توتو والعم عبد الرحيم والعم يوسف وكل الايام الجميله في معهد الموسيقى والمسرح
| |
|
|
|
|
|
|
Re: ضيف اليوم (Re: abuguta)
|
والله يا ابو قوته الحقيبه كتراث افتكر كل المواهب لازم يكونو ملمين بيها زي ما كل الدول المتقدمه بتعلم الناشئين فيها تراثهم وشعراء الزمن ده بعبرو تماما في راي عن زماننا وانتقلو بنا من الاسلوب الوصفي الي الواقعي والتجريدي
| |
|
|
|
|
|
|
Re: ضيف اليوم (Re: Elmosley)
|
بسم الله الرحمن الرحيم اخونا الموصلي اتشرف بمعرفتك في سيرتك دائما مع اخونا الشاعر مدني النخلي وهو متشوق ليك لكن ما البد حيلة المهم تقبل تحياتو وتحيات اهل الدوحة ونقول ما هو الجديد في اعمال الموصلي ومن فناني الشباب الجدد يراه الموصولي يرتجل على خطى الكبار بكل صراحة
| |
|
|
|
|
|
|
Re: ضيف اليوم (Re: keiga2000)
|
keiga2000 لك مني جزيل الشكر وسلامي لشاعرنا الجميل مدني وانا لي عظيم الشرف بمعرفتكم الجديد كتير ومدني ليهو فيهو نصيب اما الشباب فهمزه سليمان نحن في انتظارو وضياء الدين كملحن والنو كقائد لي عقد الجلاد
| |
|
|
|
|
|
|
Re: ضيف اليوم 26/4/2003 الفنان الموصلي (Re: ابو فاطمه)
|
استاذنا العزيز الموصلي صبحك الله في رضاه ( على قولة الوالدة الله يديها العافية) بس احب اوجه سؤال بسيط ما رأيك في لحن أغنية ماذا يكون حبيبتي للاستاذ الكبير عبد الكريم الكابلي ،،، وما رأيك في فن الاستاذ كابلي
ولك السلام بالكوم مني انا
شروووووووووووووووووووم
| |
|
|
|
|
|
|
Re: ضيف اليوم 26/4/2003 الفنان الموصلي (Re: شرووم)
|
الحقيقه اعذرني لم احظي بسماعها ولكن الكابلي في اعماله العظيمه مثل اني اعتذر واراك عصي الدمع او كسلا او لوتصدق غيرها من الدرر تضع الكابلي في مكان الاحترام والتقدير اللازمين من الاجيال السبقه والانية واللاحقه
| |
|
|
|
|
|
|
Re: ضيف اليوم 26/4/2003 الفنان الموصلي (Re: ابو فاطمه)
|
الأستاذ الفنان الموصلي
لك كل الود والتحايا والتقدير
أنا ما عاوز أسأل لأنو سألتك زمااااااان وزغتة من الأسئلة بي دبلماسية رقيقة
الناس دائماً بتنشغل بي جوانب أخرى من حياة أي مبدع وبتشعر بي احساس غريب ومتفرد مثلاً إنك تشوف فنانك المفضل أو لاعبك البتحب لعبو أو خلافه ، ذكرتني زمان كان جمبنا ساكن لاعب كورة مشهور بيلعب في المريخ فكنا بنتسابق نمشي نقيف جمبو في الجامع ونتمعن في الأقدام التي تحرز الأهداف وتتلاعب بالخصم
بس عاوز أنوه بإعجاب للتواصل الحاصل هسع بينك وبين الناس ديل كلهم والبيزيد من رصيدك كفنان ليهو رسالة أعتقد الحاصل ده جزء منها
أمنياتي لك بالتوفيق
ودمت نادر
| |
|
|
|
|
|
|
Re: ضيف اليوم 26/4/2003 الفنان الموصلي (Re: ابو فاطمه)
|
salam hbiby yousif miss u wallhi shaded mlaish ma indi arabi my question is bai alnisba lai agany al rap hl momkin talga makan fe alsudan iza kanat feha music gmeela wa greba lai almelody alsudania...wa kanat kalmiataha hadfa wa bta7ki 3n alwgi3 2- rayak fe alfanan mutaz suba7i wa alfaanan nadiir khidir 3/ 3mlta lai shino fe my poem walla nisteni alzmn khlas ga ustazy wa 3amy almosly akhook 3moory wa abu alnsb kaman ehehh love u
| |
|
|
|
|
|
|
Re: ضيف اليوم 26/4/2003 الفنان الموصلي (Re: omar_ragab)
|
الراب مع مزيكه كويسه تمام التمام وموضوع جميل معتز صباحي بعرفو لكن ماسمعتو كويس ولمن لاقيتو في السعوديه كان صغير بس مبشر اما نادر فلو مشي علي البدايه الاولي لمن كان طالب في العالي ربما كان شيئا اخر هسع ما عندي فكره كبيره عنو القصيده استني علي شويه تسلم
| |
|
|
|
|
|
|
Re: ضيف اليوم 26/4/2003 الفنان الموصلي (Re: Elmosley)
|
tslam ustaz yosif almosly tani
bardoo mostny algseeeeeda ya bgoom indi tany 2 questions alfanan sami almgarbyyy fanan min bada mogalid tiftakir momkin yikoon fanan gayim bai zatoo b3d da 2/ indak fikra bita3at vidoe clip tany walla la iam waiting
love u wa inta arif kida ehheh
| |
|
|
|
|
|
|
|