|
دعواتكم لزميلنا المفكر د.الباقر العفيف بالشفاء العاجل
|
|
 Re: يا سلام عليك يا يوسف الموصلي .. دا الشغل ولا بلاش .. (2-10) (Re: ناذر محمد الخليفة)
|
ناذر
أيها العارف بالابداع
كل سنة وانت طيب
ويوسف كمان طيب..هذه القامة باسقة الطول في غابة الابداع السوداني...سمعت (شوق الهوى) لمختار دفع الله مش؟؟؟؟؟؟..والله لو أننا نجيد عرض ما لدينا من ابداع في سوق الابداع لكسدت كثير من بضائع مدعي الابداع...
ناذر
يوسف
سألت عليكا مر الـموج
وصوت الرقة في الأنسـام
وثورات الريـاح الهوج
قوافل الذكـرى لونـادت
مشاعري تجيك في أول فوج
| |
 
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: ناذر محمد الخليفة)
|
ولنبدا بحنان النيل والفلاح المهاجر
فبعد عودتي بعد انتهاء دراساتي العليا بالقاهرة
التقيت بالعديد من الاصدقاء منهم صديقي حسيب عثمان والذي كان ولازال صديق لاسرتي
زكنت ولازلت صديق باسرته وكان معجبا بتجربة شوق الهوى بعد نزوله بالسودان بل اصبح من المساهمين فيها فيما بعد
أقنعني حسيب بشركة جديدة غير جواهر للانتاج الفني والتي انتجت شوق الهوى
ونواصل
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: Elmosley)
|
وبحكم علاقتي العميقة بالفرقتين العظيمتين
السمندل وعقد الجلاد
حيث كان آكثر عضويتها من تلامذتي حينها
اتفقت معهما علي الذهاب الي القاهرة للتسجيل ومعنا الفنانة البديعة الصوت حنان النيل
تحت رعاية شركة سودان فستفال
التي كان فريقها يتكون من الرباعي
زين العابدين محمد احمد عبد القادر (عليه الرحمة)
وحسيب
وشخصي وعبد الحليم
واخيرا الراحلة ليلي المغربي
ونواصل
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: ناذر محمد الخليفة)
|
Quote: وكلنا منتظرين الحكي عن الفرح المهاجر ومختار دفع الله ..
|
برضو أنحنا عندنا حكي عن مختار دفع الله
يوم كانت الإنقاذ في أيامها الأولى ورزق اليوم باليوم والمعارضين
يساقون للسجون أفواجا.................!!
وكنا نحنا لسع تحت تأثير الصدمة ونتائج الغفلة......
نصب الشاعر مختار نفسه حامي حمى الإنقاذ والناطق الشعري بلسانها.
كل إسبوع وللشاعر "الثائر" قصيدة جديدة في مديح "الثورة"....
أخوانا نادر والموصلي ...ربما كانت ليكم ذكريات حلوة مع
الشاعر مختار لكن ما بالله عليكم :
" ما تشكرو لينا الراكوبة في الخريف.....؟؟"
لي عودة للتعليق على الأغنية....
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: ناذر محمد الخليفة)
|
سلامات يا أبو خالد ...
Quote: برضو أنحنا عندنا حكي عن مختار دفع الله
يوم كانت الإنقاذ في أيامها الأولى ورزق اليوم باليوم والمعارضين
يساقون للسجون أفواجا.................!!
وكنا نحنا لسع تحت تأثير الصدمة ونتائج الغفلة......
نصب الشاعر مختار نفسه حامي حمى الإنقاذ والناطق الشعري بلسانها.
كل إسبوع وللشاعر "الثائر" قصيدة جديدة في مديح "الثورة"....
|
وبرضو الحكي متاح ليك يا أبو خالد ..
تشكيرنا لي مختار دفع الله بيعنينا في البوست دا تحديدا في قصيدة الفرح المهاجر وتوزيع وألحان الموصلي ليها ..
ودا ما بيمنع عكس الوجه التاني للشاعر عملا بحرية الرأي والرأي الأخر ..
أنا شخصيا أول مرة أعرف إنو مختار دفع الله مدح الإنقاذ !!
ودي فرصة عشان أعرف التفاصيل ..
ومنتظر منك الحكي ..
Quote: " ما تشكرو لينا الراكوبة في الخريف.....؟؟"
|
نحن بس بنشكر جذء من الإبداع حاليا اللس هو قصيدة (الفرح المهاجر) ..
| Quote: لي عودة للتعليق على الأغنية.... |
في إنتظارك ...
تسلم يا أبو خالد ..
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: Abdel Aati)
|
وتاني تحية للموصلي وليك يا ناذر
تصدق ياناذر مرة كنت فى ضيافة العزيزين سيف الجامعة ومجدي النعيم فى شقتهم بالقاهرة وحضر الموصلي ومبدعين اخرين من شتى المجالات .. تناولوا فى تلك الليلة الجميلة اعمال الفنان الكبير ابوعركي وتغنوا ببعض اغانيه .. وكان ابوعركي يواجه آنذاك مضايقات من نظام الإنقاذ... صدقني إرتويت بالحكي المصحوب بالغناء عن هذا الفنان حتى الثمالة وتعاظم اعجابي بهؤلا المبدعين وحاولت ان اواصل فى حضور هذه الامسيات العملية التى كانوا ينظموها مرة او مرتين فى الشهر لتناول اعمال الفنانين لكني لم استطع
ولعل اغرب مافي هذا الموضوع انني لم اعرف بوجود الموصلي بيننا الا بعد ان انتهت الامسية واخبرني سيف الجامعة ان (الكان قاعد هناك ده ما الموصلي زاتو)
هذه بالطبع كانت مصيبتي انا.... فالموصلي إنسان متواضع لاتسبقه الهالة التى نضعها نحن في من نعجب بهم من المبدعين
له التحية
وشكرا ليك تاني
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: Elmosley)
|
بما انني كنت آقود كل المجموعة حينها فقد حرصت آن تكون البروفات للاخرين آولا ثم يآتي
موضوعي حتي يتسم الامر بالسهولة واليسر
وكانت حينها اغنية الفرح المهاجر مجرد نص شعري
في يدي
ولانني فكرت مليا في ذلك الصوت الرويان حنان النيل
فقد قررت في دخيلة نفسي ان آلحن لها هذا النص الذي كتبه مختار
وتصادف ذلك مع رغبتها وعشمها في ان الحن لها عملا
وقد كان وبات التفكير في قالب اللحن
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: ناذر محمد الخليفة)
|
تم التسجيل لاعمال كل من عقد الجلاد والسمندل في سهولة ويسر
وقد اعجب المهندسون باعمال الشباب اعجابا كبير
ثم بدآ التسجيل لشريط حنان النيل خيث لم يتم اختيار اسم له
وكنت قد دآت اللحن الذي وضعت خطته واخترت قالبه مقدما
وآول ما في الخطة آن يكون لالة البيانو وضعا قياديا
لحنيا وهارمونيا خصوصا في المقدمة
لاخراج الاغنية السودانية من رتابة المقدمات التقليدية
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: أحمد طراوه)
|
| Quote: تجربة خليل فرح و كرومة مع البيانو قديما ، كانت ترجمة حقيقة لاحساس الملحن السودانى بأزمة الهارموني في الموسيقى السوداني |
الحبيب الصديق دكتور طراوه
اثرت الكثير المثير الخطر وبجيك (فرادي)
ونبدا بي كرومه
نغمات البيانو في دمعة الشوق تذكرني بي
نغمات البيانو عند موزورسكي
في متتاليته العظيمة الخالدة (صور في معرض)
لقد اثبت مزورسكي بان الخماسي سيد المقامات وهذا موضوع يطول
وبجيك راجع
===========
ناذر ماتستعجل تمش لي اغنية تانيه خلينا ندي البوست حقو
محبتي
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: أحمد طراوه)
|
| Quote: في ماضى الذكريات الارتجال بلغ قمتو ! و الكاونتر بوينت السودانى بدأ يشق طريقو .. و بالله يا ناذر ما تخلي الموصلي لغاية ما نشرب من خمرة عِلمو كؤوس الاندرين |
الكاونتربوينت آو التضاد اللحني الموجود في ماضي الذكريات
اسمه الكانون آو التلاحق اللحني وهو نوع من آنواع المحاكاة الموسيقية
التي تشمل الكثير من الانواع ومن بينها ذلك الكانون آو التلاحق
وموسي في نظري هو الذي ادخله في الآغنية السودانية
من خلال هذه الآغنية وآغنيات آخري
ولكن للعلم عالميا هذا الاسلوب موجود منذ عصر الباروك ويوهان سبستيان باخ
وحتي الان في الموسيقي العالم لسحره العجيب
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: ناذر محمد الخليفة)
|
(.. أن يكون للبيانو دورا قياديا !
جسارة و طليعية الموصلي ، هي ذات إحساس كرومة القديم ونهجو التجريبي في امر البيانو !
.. قال عنك يا موصلي معاوية حسن يس في سِفره القيم : الغناء و الموسيقى في السودان :
" تتميز موسيقانا من ناحية فنية بحتة ، في آدائها اليومى العادى باعتمادها علي الارتجال "
و انا بضيف : الارتجال في الحياة و الفن هى ممارسة الاذكياء : زي الكاشف في طريقتو الجديدة اللي كسر بيها الرتابة ، و عود محمد الامين في أغنية وحياة ابتسامتك ، و نقد و الصادق المهدي في الندوات الجماهيرية ، و كمنجة محمدية و عربي وراء عثمان حسين في اغنية انا و النجم و المساء ... و برضو الفاضل سعيد في مسرحو البحكى حال دنيانا السودانية و خاصة مسرحية ( الكسكتة ، و معليش اكل عيش ) و برضو عادل إمام في شمال الوادى
و اضاف معاوية : وهذه القدرة علي الارتجال لدى الموسيقي السوداني - كما عند يوسف الموصلي - هي ابدع اشكال الارتجال في العالم ...
.. واصلا الاوركسترالية السودانية من زمن كرومة ماشا علي نهج ود الشفيع :
" سلمنا القيادة لرب السعادة "
.. و بنهض السؤال الهام : هل العود و اللي هو بالاساس آلة غير اوركسترالية ؟ هل هو بحق قايد الاوركسترالية السودانية ؟
تجربة خليل فرح و كرومة مع البيانو قديما ، كانت ترجمة حقيقة لاحساس الملحن السودانى بأزمة الهارموني في الموسيقى السودانية !
.. يا ناذر و انت حساس لقضايا الموسيقى : ركز على ازمة الهارمونية في موسيقانا ! و برضو ( اسرار الجمال ) اسرار دوزنة العود علي نحو خماسى في فناء النيل الشمالي
.. كرومة كان شديد الاصرار علي إدخال البيانو في الغناء السودانى لمن جاء يلحن ( دمعة الشوق ) ! خليل فرح كان عمل بيهو مقدمة عازة في هواك المستوحاة من ميلوديا مارش ود الشريف
لكن الكان عجيب بحق زول اسمو موسى محمد ابراهيم !
.. موسى بعرفو الموصلي كويس .. أصلا موسى جاء لعالم الاوركسترالية السودانية من موسيقى قوة دفاع السودان !
.. عزف الفلوت ، و البيكلو و البيانو .. و حافظ علي عزف الاكورديون بنهج وهبة و محمد كوجان ، لغاية ما سلم مدرسة الاكورديون السودانية ( تامة لامة ) لقبانى ، و ود الحاوي ، و أكرت
عبقرية موسى محمد ابراهيم بتتضح في لحنو لاغنية ماضى الذكريات ( موتسارت لاقى بافاروتي .. موسى لاقى عثمان )
.. و بلغة شارع الليلة ( حديد لاقى حديد )
في ماضى الذكريات الارتجال بلغ قمتو ! و الكاونتر بوينت السودانى بدأ يشق طريقو .. و بالله يا ناذر ما تخلي الموصلي لغاية ما نشرب من خمرة عِلمو كؤوس الاندرينا
.. شكرا نآذر علي هذا البوست البلامس قضايا في عُمق الميوزكولوجي السوداني
(عدل بواسطة أحمد طراوه on 24-12-2007, 10:05 م) )
اعيد ما كتبة احمد طراوة
وحقيقى وقفت فيه كثير جدا ومداخلته رائعة جدا
اتقف معك فى الارتجال عند موسيقييننا لكن الارتجال عند الاستاذ الموصلى هو الارتجال الواعى الذى يمكن منه معرفة موازيرية الاغنية ومعرفة سلم الاغنية فى وضوح تام ومعرفة اساسيات الانتقال اثناء سير الاغنية لذلك الاستاذ الموصلى هو من الذين يعلمون الصنعة التى صادفت موهبة فيه حقة ومتينة ....اما بخصوص العود وانه ما اله اروكسترالية بقف عندها شوية وهى اساسا ما اله غربية ليصنفها الغرب ضمن الات الاوركسترا لذلك كان يمكن ان يكون شانها شان الايقاعات المحلية فى العالم الثالث التى اطلق ععليها الغرب مصطلح( الايقاعات الغريبة )لان هذه الايقات لم تكن فى وجدان الغرب فهى ايقاعات ذات خصوصية محلية لكل بيئة ولكل شعب ( مثل ايقاع الدليب الذى هو اصلا ما سودانى ) وهو ايقاع هندى اسمو النواخت وزمنة سبعة من تمانية وهذه الاشكال الايقاعية لم تكن موجودة ضمن السياق الايقاعى الغربى لذلك اطلق عليها اسم الايقاعات الغريبة ولو لم يكن لاله العود تراكمها النغمى المسموع من زمن بعيد لما اعترف بها واصبح يتطلع لها فى فضول طفولى لها فتجاوز العود التخت العربى ليكن ضمن الالات الاورسترالية فى ابتداع عربى واصبح يحاور الالات الغربية فى توزيع مهم للغاية كصوت تحتاجة الوتريات الغربية
التحية للاستاذ الموصلى وحقيقى من زمن بعيد كتبت بوست عن الاستاذ الموصلى وهو يستحق كل هذا الاهتمام من كل الموسيقين والمهتمين
لكم التحية
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: ناذر محمد الخليفة)
|
.. الموسيقي المطبوع حمزة سليمان .. ناديتك يا حمزة بالخلفاء الاربعة ، ضاربي العود في السودان :
- عبد القادر سليمان و صحبو خليل فرح ، و صاحبو التاني البيه حسن عطية
- حسن عمر سوميت .. ما سنجر العود المتجول آناء الثلا ثينات و الاربعينات من القرن الماضى .. و معاهو عوض فضل الله .. و الاتنين هم اول من ضرب العود خلف الكاشف . . و يوم غيابم الاتنين لظروف عابرة جلس برعى خلف الكاشف .. و يوم داك عرف برعى إنو حوبتو جات و زمانو بسم ، بالضبط لمن لقى روحو وسط الفرقة الماسية ناس خواض و حجازى و النقر
- ثم برعي ذات نفسو وهو بواصل في نهج عبد الرحمن الريح (عواد السودان الكبير ) برعى ورث من عبد الرحمن الريح الخصوصية و النكهة السودانية بتاعت الجملة اللحنية الطالعة من احشاء العود المدوزن خماسيا
- ثم وراث العود كاداة موسيقية سودانية تجاوزت التخت العربي و بقت حسب قولك يا حمزة إحدى قوى الحوار الاوركسترالي ( رغم إنو العود و في نظر الغرب مبتدع الاوركسترالية ، ليس بآلة اوركسترالية )
.. ديل الوراث الشرعيين : يوسف الشيخ ، عثمان حسين ، التاج مصطفى ، محمد الامين الازيرق ، و الاستثنائي المتميز بلونيتو : بشير عباس وهو شايل عود الطليعية قريبتو بت الحلفاية العوادة اسماء حمزة .. المجد لسعدية العوادية ، و جداوية موسى ، و اسماء حمزة
ناديتك بكل هؤلاء يا حمزة ، ضرورة المواصلة في طرح و تناول هذه القضايا الحساسة و ثيقة الصلة بالميوزكولوجي السوداني و مسقبل الغناء و خصائص الغناء المموسق في الوطن العزيز ..
و سوف انقل مداخلتك الصغيرة بكل مؤشراتا الهامة الي بوست تاريخ الغناء ..
كيف العود تجاوز تاريخيا التخت العربي ؟ هل دا كان بسبب الوتر الخامس اللي اضافو زرياب لعود اسحق الموصلي ؟ !
.. وكيف العود صار في يد محمد الامين الازيرق ، إحدى قوى الحوار الاوركسترالي ! ؟
بل صار في يد برعى اشد قوى الدفع الاوركسترالي السوداني مضاءا و فعالية ؟ ! بل قائد الاوركسترا بقضها و قضيضها !
.. مش سيد مكاوى لمن يقعد وراء الست ام كلثوم بتتراجع حياءا كل الالات الموسيقية الاخرى و بقيف الزمن الموسيقى عن الدوران
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: أحمد طراوه)
|
( كيف العود تجاوز تاريخيا التخت العربي ؟ )
مشكور واقول ليك العود تجاوز التخت العربى من خلال الموزع الموسيقى الذى شاركه فى الاوركسترا محاورا فى توزيع ينبئ عن فهم الاله والغرب لم يستطع استخدامها لمعرفته بها فقط وليس فهمها لان المعرفة للالات الموسيقية تحتلف من فهمها .
هل دا كان بسبب الوتر الخامس اللي اضافو زرياب لعود اسحق الموصلي ؟ !
وهنا فصلت السؤال ....واقول ليك اله العود تجاوزت مراحل تكوينهاالاولى فهى الان اله لها وزنها النغمى
.. وكيف العود صار في يد محمد الامين الازيرق ، إحدى قوى الحوار الاوركسترالي ! ؟
العود فى يد الاستاذ محمد الامين ما هو الا منافسا لنفسة وهذه من اخطاء الاستخدام .. ولم يشكل الاستاذ محمد الامين استخدام حوارى توزيعى انما استخدمة فى الاغنية كصولو يمكن ان يسبق الاوركسترا (كرمية) كما فى سوف باتى او كما فى وحياة ابتسامتك فى اثناء سير الاغنية لكنه لم يستخدم كلازمة او كمداخلة
او بشكل توزيعى واعى ينبئ لتداخل الالات فى الاغنية وهذه ليست مشكلة الاستاذ انما هى مشكلة الفن السودانى حيث اننا لم نراعى اختلاف اصوات الالات الموسيقية واستخدمناها جميعا ككورس تقول نفس الشى ما تقولة الكمنجة يقولة الاكورديون وما يقولة البيز يقولة الايقاع فى اختلاف بسيط .
بل صار في يد برعى اشد قوى الدفع الاوركسترالي السوداني مضاءا و فعالية ؟ ! بل قائد الاوركسترا بقضها و قضيضها !
ايضا العود عند برعى حل محل ابوداود يعنى سؤال وجواب والاوركسترا تقول اللزمة الموسيقية للعود كمغنى لكنى اتفق معك على لحنية برعى
.. مش سيد مكاوى لمن يقعد وراء الست ام كلثوم بتتراجع حياءا كل الالات الموسيقية الاخرى و بقيف الزمن الموسيقى عن الدوران
هنا الوضع مختلف
احييك للمداخلة يا اخ احمد طراوة
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: Elmosley)
|
ثم تاتي المقدمة الرئيسية تحمل السمة الايقاعية
بينما تزداد حركة مصاحبة البيانو نشاطا وحيوية
وتبدا الموسيقي في التلاشي المنظم تمهيدا لدخول الفنانة حنان النيل
لتبدا الغناء وبدايته القوية تظهر في شكل الفعل ورد الفعل المستخدمة اصلا
في الجاز الاميركي في نيو أورلينز
Cause and effect
وهذا مانسميه نحن باللازمة الموسيقة التي ترد علي العبارة الغنائية
ونواصل
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: ناذر محمد الخليفة)
|
لقد شوقتمونا لشىء إسمه السودان - الهامة
تذكرت جلساتنا خصوصا عندما تكتمل بأنس العاقب
أو أحمد جاويش أو محمد ميرغنى
أو حسن جبارة أو . . أو
ويكون كمان بعض التشكيلين الرائعين
ونجلس نحنا وبعض الأخوة ومنهم صلاح حاج سعيد وصلاح يوسف
وحدربى محمد سعد ويتحدثون عن المغنى
ونحن نستمع ساكت
ونذهب نفترق وطول الليل نهوم فى تسابيح الهوى
والله زمن يا ناذر ما حضرته
زمن جميل جد بيعرفوه سمح ناس أخوى الموصلى وهو أصغر شوية
ودكتور طراوة وحمزة سليمان ومن تداخلوا
لكن كان يا ناذر حفلة حية زى ما يقولوا موش بالنت
لكن برضه هنا جميل وأنا سأتابع مكتباتكم وأسجله
وشكرا ليكم يا جميلين
أسعدتمونى كثيرا
صديق ضرار
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: ناذر محمد الخليفة)
|
.. معاكم يا نآذر ! بنتابع في كلام الموصلي متابعة ابو الدرداق ل قمر السماء !
و مع الحردلو بنجر النم في الدوباى
.. الدوباى اللي بقى في مداخل و ابواب ام درمان القديمة ( رمية ) ، و الرمية اللي بقت غنية محمد ود الفكي .. ومن بعدها أغنية سرور و التوم عبد الجليل ، و الامين برهان
لمن سرور لحن انة المجروح شِعر سيد عبد العزيز ، كان واضح إنو الجملة اللحنية السودانية بت المقام الخماسى السودانى بدت تفتح طريقها و تفتش نهضتا و آفاقا العلمية
.. صعود المزيكا السودانية the Sudanese musical surge
.. بوستكم يا نآذر بقى ساحة العلوم و الفنون !
.. ونقول دا نور ؟ ولا نقول زهور ؟ ولا نقول نسيم فياح بالعطور ؟
اعصروا لينا خمور الاندرينا من الموصلي وحمزة وكل ناس الميوزكولوجي ..
.. و نشرب إن وردنا نهر الغناء السودانى صفوا .. و يشرب أعداء الفن و الديمقراطية و وحدة البلاد كدرا و طينا
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: أحمد طراوه)
|
| Quote: لمن سرور لحن انة المجروح شِعر سيد عبد العزيز ، كان واضح إنو الجملة اللحنية السودانية بت المقام الخماسى السودانى بدت تفتح طريقها و تفتش نهضتا و آفاقا العلمي |
الصديق الصدوق دكتور طراوه
سرور الفنان المطبوع
في آنة المجروح
سرور يشذ عن القاعدة فيكون جملته من خمستين من الموازير
يسآل بخمسة موازير
ويجيب علي ما سآل بخمسة موازير
ياله من فنان عظيم
بنجيك تاني
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: ناذر محمد الخليفة)
|
سلامات يا حيدر ...
Quote: تحية للمتداخلين ولزوار البوست الكرام
شكرا ناذر لإستدراج موسيقارنا الكبير لهذه الإفادات المهمة
وجود دكتور طراوة اسعدني جدا بعد المجهود الكبير الذي بذله فى بوست اخونا عثمان حول تاريخ الغناء السوداني
حلاوة هذا المنبر تنبع من مثل هذه البوستات الخالدات
شكرا ليكم جميعا إن أجبرتمونا على مساسقتكم اينما تحط أناملكم المبدعة
إستمع وطالع مابداخل هذا الرابط
|
شكرا كتير للرابط ..
فيهو حاجات جميلة أول مرة أشوفا وأسمعا ...
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: Elmosley)
|
وهاهي شروق تشهد بتشددي ضد موقف
الا تغني المراة لقاء قبل يومين بجريدة الصحافة
==============
Quote: ** كنت تغنين خلال سنوات الدراسة؟
* نعم كان الغناء رفيقي منذ سنوات الدراسة الأولى بالخليج الى مرحلة الدراسة الجامعية بالقاهرة وكنت ألمح في أعين الناس ثمة انتباه لصوتي فاستمرت الرغبة عندي وبدأت أحلم بأن احترف الغناء!!
** هذه الرغبة كانت تصطدم برفض والدك لاحتراف الغناء، كيف اقنعت مولانا القاضي أحمد أبو الناس باحترافك الغناء؟
* الموسيقار يوسف الموصلي كان قد استمع لي في احدى المرات وقد أبدى اعجاباً بصوتي وحماساً في نفس الوقت ولما علم برفض والدي لاحترافي الغناء كتب خطاباً بليغاً جداً لوالدي يحثه على التراجع عن موقفه لأن موهبتي على حد تعبيره يجب أن تخرج للفضاء وهذا من حسن ظنه طبعاً وفعلاً استجاب الوالد لرغبة الموصلي واذن لي باحتراف الغناء، بالمناسبة مازالت الاسرة تحتفظ بخطاب الموصلي البليغ. |
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: ناذر محمد الخليفة)
|
برضو إبداع من عالم تاني ياناذر
تحيه بطول النيل الخالد لأستاذنا ورمز فخرنا الموصلي
ماأن يضع أستاذ الموصلي بصمتةً في أي عمل فني إلا وإقترب ذلك العمل من الكمال
حنان النيل صوت نسائي حفر بعمق في وجدان الشعب السوداني
حزنت جداً لإعتزالها الفن فلم نرتوي بعد من خمرها وظني أننا لم نكن لنرتوي أبداً
ده عمل خالد بالجد
مؤونة قرون من الود لك أخ ناذر ولموسيقارنا العملاق الموصلي
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: محمد فرح)
|
Quote: برضو إبداع من عالم تاني ياناذر
تحيه بطول النيل الخالد لأستاذنا ورمز فخرنا الموصلي
ماأن يضع أستاذ الموصلي بصمتةً في أي عمل فني إلا وإقترب ذلك العمل من الكمال
حنان النيل صوت نسائي حفر بعمق في وجدان الشعب السوداني
حزنت جداً لإعتزالها الفن فلم نرتوي بعد من خمرها وظني أننا لم نكن لنرتوي أبداً
ده عمل خالد بالجد
مؤونة قرون من الود لك أخ ناذر ولموسيقارنا العملاق الموصلي |
ناذر اعلم انك ستهب كي تعطي
صديقنا فرح اللنك
وسنفرح جميعا لذلك
تسلم يافرح
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش .. (2-10) (Re: ناذر محمد الخليفة)
|
سلام للجميع ...
Quote: وانا والله لمتالم لاعتزالها برغم احترامي لمفهومها او لما توصلت اليه
فان للقناعات الشخصية احترامها
ولكنني اتمنى ان تجد من يجد لها مخرجا من هذا المأزق الذي وضعتنا فيه لفقداننا لذلك الصوت القادم من السماء |
ومعك نتمنى عودتها للساحة ..
ملاحظة :
معظم الفنانين والفنانات في السودان والذين يقررون الإبتعاد عن الغناء نجدهم يعودون إليه بعد فترة وأغلب الظن أنه ليس إعتزالا بالمعنى المعروف لكلمة إعتزال ، ولكنه شي أشبه بمراجعة الذات لتقييم التجربة ..
نتمنى أن تعود حنان النيل للساحة مرة أخرى ...
| |
|
|
|
|
|
|
| |
ناذر محمد الخليفة
Elmosley
فتحي الصديق
Alsa7afa_30
Osman Musa
Abdel Aati
حيدر حسن ميرغني
إيمان صالح
أحمد طراوه
ايوب عبدالرحيم
HAMZA SULIMAN
معاذ حسن
ELTOM
طارق زروق
محمد فرح
فيس بوك
تويتر
انستقرام
يوتيوب
بنتيريست