عمر بانقا ذلك الفنان البشوش الهشوش العامل من آجل الجودة العاليه الدقيق الرقيق قال لي عليك الله الحاصل شنو مع الفن الجاد فقلت له ياعمر لا تقلق دوما النصر للفن الجاد في النهاية لانه الحق فلا خوف علينا ولا نحن نحزن عمر انزل البوم الغالب الاعم من آغنياته الخاصة جدا الجديدة جدا وهنا ساتعرض لهذا الالبوم بالتحليل الموسيقي اغنيه اغنيه بيت بيت زنقه زنقه ----- التصميميم للفنان الكبير تاج السر الملك وظبعا العبد لله كان له النصيب الاكبر من التوزيع مع لحن واحد وهي الاغنيه التي لم تنزل في المرة الاولى لظروف صعبه جدا ومعظم الالحان للفنان القدير حمزه سليمان بالاضافة لاغنية ماكده الحان الرائع عثمان النو مع توزيع للبديع ايهاب ابا سعيد وتوزيع اخر لصاحب الانامل الذهبية سعد الدين الطيب وانا معجب بكليهما كدي نبدا بيا حبيبي التحليل والحكي النص كتابه الشاعر مجدي مسعد حنفي ابن شاعر الحقيبه الراحل مسعد حنفي البوست ده ان شاء الله طويييييييييل بالله ياعمر ماتزعل وتسكت الطيور سمح؟؟؟؟؟؟ زي بالي وكده ------ آود قبل بداية التحليل ان احي زميلي الفنان المهول عادل الصديق وهو آول من تغنى بها ولولا هجرته لكان الان على الاقل في القمة مع القمم ياخي الهجره عذبتنا وعذبته الا آنني اشيد جدا بروحه العاليه التي تملكت جيلنا كله مصطفى سيد آحمد - آحمد ربشه - عادل الصديق - علي السقيد - عثمان النو - وغيرهم
(عدل بواسطة Elmosley on 09-04-2012, 02:23 AM) (عدل بواسطة Elmosley on 09-04-2012, 02:26 AM) (عدل بواسطة Elmosley on 09-04-2012, 02:27 AM) (عدل بواسطة Elmosley on 09-04-2012, 02:53 AM) (عدل بواسطة Elmosley on 09-04-2012, 11:00 AM) (عدل بواسطة Elmosley on 09-04-2012, 11:08 AM) (عدل بواسطة Elmosley on 09-04-2012, 02:15 PM) (عدل بواسطة Elmosley on 09-06-2012, 06:53 PM)
09-03-2012, 08:12 PM
Elmosley Elmosley
تاريخ التسجيل: 03-14-2002
مجموع المشاركات: 34683
اشاده خاصه زميلنا المبدع نادر السوداني لاسهامه الفني القيم في كل الالبوم الذي ساعد كثيرا في توقيع النغم والهارموني كما اشكر الزملاء آحمد باص ميكاذيل - وعثمان بكاليفورنيا لاسهامهم بعزف الكمنجات مع العازفين الامريكان شكر خاص للفنان البديع ماهر تاج السر على لمساته الساحره وشكر للحبيب فايز مليجي على ايقاعه المعهود
(عدل بواسطة Elmosley on 09-03-2012, 08:28 PM) (عدل بواسطة Elmosley on 09-03-2012, 08:29 PM) (عدل بواسطة Elmosley on 09-04-2012, 11:01 AM) (عدل بواسطة Elmosley on 09-04-2012, 02:16 PM)
09-03-2012, 08:39 PM
Elmosley Elmosley
تاريخ التسجيل: 03-14-2002
مجموع المشاركات: 34683
عايز اسهل ليكم سماعها 1-ياحبيبي تبدا بمقدمة موسيقية تمهيديه 2-ثم مقدمه اساسيه تتقدم المطلع 3-تاتي نفس المقدمة لتتقدم الكوبليه الاول وتودع حتي نهاية الاغنيه 4- الكوبليه الثاني ياتي بعد كوبري موسيقي يعتمد غلى تحويل مقامي بسيط لتغيير المود واللحن 5- الكوبيله الاخير ايضا ياتي بعد كوبري موسيقي يختلف عن الكوبري الاول للتمهيد له وهو مختلف لحنيا وخرج من الحزن الى الامل والفرح. 4- القفله فيها مزج بين الحزن والفرح ونداء استغاثة بالحبيب.
(عدل بواسطة Elmosley on 09-03-2012, 08:42 PM) (عدل بواسطة Elmosley on 09-03-2012, 10:37 PM) (عدل بواسطة Elmosley on 09-04-2012, 11:03 AM) (عدل بواسطة Elmosley on 09-04-2012, 02:18 PM)
09-03-2012, 10:39 PM
Elmosley Elmosley
تاريخ التسجيل: 03-14-2002
مجموع المشاركات: 34683
هذه الاغنية مساحات الغناء فيها واسعه وتقاطيعها واضحة ومن الصعب جدا آن يغنيها فنان عادي لقد تدرب صديقي عمر مع استاذ صوت آميريكي لشريطه هذا بشكل عام ولهذه الاغنية بشكل خاص
(عدل بواسطة Elmosley on 09-04-2012, 11:03 AM) (عدل بواسطة Elmosley on 09-04-2012, 02:19 PM)
09-03-2012, 10:57 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
العزيزه منى خوجلي آحييك بالانابة عن كل الكاست في هذا الالبوم وعلى رآسه الفنان الذي بذل الجهد المال العرق المعاناة عمر بانقا مافعله عمر لا يفعله الا شخص لديه ايمان عميق بقضية الفن ايمان نادر لا تجده الا في قلة من المبدعين لك التحية على هذه الاطلالة الرائعة
(عدل بواسطة Elmosley on 09-04-2012, 11:05 AM) (عدل بواسطة Elmosley on 09-04-2012, 02:20 PM)
09-04-2012, 03:31 AM
Elmosley Elmosley
تاريخ التسجيل: 03-14-2002
مجموع المشاركات: 34683
(عدل بواسطة Elmosley on 09-04-2012, 08:21 AM) (عدل بواسطة Elmosley on 09-04-2012, 08:41 AM) (عدل بواسطة Elmosley on 09-04-2012, 11:06 AM) (عدل بواسطة Elmosley on 09-04-2012, 02:27 PM) (عدل بواسطة Elmosley on 09-04-2012, 02:30 PM) (عدل بواسطة Elmosley on 09-04-2012, 02:32 PM)
09-04-2012, 02:43 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: انت قاصد عمر متو ؟؟ لووووووووووب غايتو الشاف عمر بانقا راح فى الرجلين فى هذا البوست ما كذب !
قطعا نحن مووعودين بنحليل من فنان قدير الفن جارى فى عروقو مثقف واسع الاطلاع كاتب و ناقد من الطراز الاول .. خبرناه هنا ونثق فيه ... ـــــــــــــــــــــــــــــــــــــــــــ ما تجاملو يا موصللى ... بانقا دا مفلللهم
ديانا صباحاتك بالف خير وليك جزيل الشكر على المرور الطيب يعني ماشفتي دي يا دينا؟؟
Quote: (ياحبيبي) عمر بانقا، مالك بتسكت الطيور ياخ؟؟ خليها تغني وتدندن!!
ولاماشفتي دي
Quote: عمر بانقا ذلك الفنان البشوش الهشوش العامل من آجل الجودة العاليه الدقيق الرقيق
وهو معروف كالذهب المجمر سلامتها ام حسن ههههههه والله يادينا اوعدك لو لقيت ثغره فيهو ما حآجاملو وعمر ده الجهد الفني تحديدا الذي قام به في الاداء غير مسبوق ومحاولة بلوغ الكمال منه لم تتوقف الا بنزول الشريط والكمال لله وحده -------- يادينا لو القي بندقيه بسكت الطيور هههههههه تحياتي ومحبتي وده ماكسير تلج والله
09-04-2012, 03:03 PM
Abdlaziz Eisa Abdlaziz Eisa
تاريخ التسجيل: 02-03-2007
مجموع المشاركات: 22291
سلام لموصلي وضيوف موصلي وسلام لعمر بانقا الفنان الأصيل، وواحد من أميز (الفوكاليست) السودانيين المعاصرين تحديداً أعتبر أننا نحن المهاجرين في شمال اميريكا، محظوظين بوجود عمر بيننا، وأن المستمع السوداني حرم بسبب الشتات من سماع صوت فنان كان يمكنه ببساطة ملء الفراغ الذي خلفه الرعيل الاول دون ادنى عنت. مشروع إنتاج (لو القى بندقية)، مشروع فني من نوع ما يسمى Labor of love وقد لمسنا جميعا، طرف من هذا الحب، لا ادري من اين جاءت كلمة (مفلهم)، فعمر الذي يعرفه الناس، أكثر الخلق تواضعا حتى أنه يخجلك بتواضعه، وكرمه و اريحيته وتهذيبه، كان لي شرف العمل معه، مثلما كان لي مع الراحل محمد وردي، وعركي وإحساس و عصام نور وعلي السقيد واحمد الصادق وحمد الريح وعاصم البنا، مصطفي السني، شرحبيل أحمد، أسامة الشيخ عاطف أنيس، أوتار النيل، ولكن العمل مع عمر، كان من نوع مختلف، كان عملاً صداقيا اسريا، فنيا بكل ما تحمله الكلمة من معني، lots of fun ولقيمات بت ابوقصيصة وأطفاله يملؤون الدار مرحا، وضيوفه لا ينقطعون عن التوافد، تحسه مرهقا منهكا من عمل النهار، ولكن ما ان يبدأ في الغناء حتي تدب الروح فيه، فكأنه يولد من جديد ثم أنه يسبح في طبقات صوته الي ما لا نهاية، ثم يعود الي قواعده في هذه الأرض مثل جذر أخضر، يغذي كل تلك الخضرة الهيولية. أحببت هذا العمل الفني، أغنية أغنية، ولم أتوقع له النجاح التجاري الآني ابدا، هذا الالبوم ليس من نوع ما يسمى (بالكشري)، هذا العمل الفني رحلة طيبة، جمعت من أفضل الشعراء السودانيين وافضل الموسيقيين ، وافضل العازفينوافضل الملحنين وافضل الموزعين، وسجل في احسن استديوهات التسجيل في اميريكا، وقد حدثت عمر مرارا، بان هنالك أعمال فنية تنتظر أجيالاً أخري لتكتشفها وذا تقليد عندنا في السودان، فنحن نعيد اكتشاف ابو داوود كل يوم، و عبد المنعم حسيب وابو سريع، فكانهم لم يكونوا هنا يوماً، أو كأنما قد تخلقو من جديد. عمر بانقا، فنان فنان فنان، من (سبيب راسه وحتي ضفر اصبعو السغير)، ومحب للفن، ومهموم بالفن، وعاشق للغناء، له حضور الفنان وهيئة المغني، مجتهد لأقصى حدود الإجتهاد في مشروعه الفني ولسوف يدرك غاياته ولو كره الكافرون.
09-05-2012, 08:54 PM
Nizar Ateeg Nizar Ateeg
تاريخ التسجيل: 07-13-2008
مجموع المشاركات: 106
سلام أستاذ موصلي انقطعت عن المنبر لفترة ووجدتك أخيراً تتحدث عن هذا الشريط، المهم يا زول في انتظار مواصلة تحليلك الموسيقي للشريط. تحياتي نزار فيما بين عامي 95 و 1996 شهدت مجموعة عقد الجلاد الغنائية ما يمكن أن نشبهه بـ " سفر خروج " جماعي: عوض الله بشير، حواء المنصوري، حمزة سليمان، أنور عبدالرحمن وعمر بانقا، لأسباب لم تعلن بشكل رسمي، وبالتالي ليس من ثمة مفر أن "يخمن" كل منا على هواه، لذلك فـ " تخميني " شخصيا رغم ما قد يبدو من تباين أسباب الخروج وتمايزها، إلا أنه ثمة عامل مشترك واحد بينهما، لا أعلمه، هو الذي عجل بذلك الخروج الجماعي. عموماً، من فوره، بدأ عمر بانقا (أو الأدق عاد الى مواصلة) مشروعه الغنائي الفردي، وانحصر في تلك الفترة، على المستوى الجماهيري، على الغناء في المناسبات الخاصة من أفراح وغيرها، مع بداية البحث عن نصوص وألحان لأعمال غنائية خاصة من أجل مشروعه الغنائي المستقل. في صيف العام 1997، ومثله مثل الكثيرين من أبناء السودان، وتحت ضغط الظرف العام، أضطر عمر الى الهجرة الى الولايات المتحدة الأمريكية، مؤجلاً (أو الحقيقة مغامراً) بذلك انطلاق مشروعه الفني الخاص. عند وصوله الى أمريكا واصل عمر المشاركة في المناسبات الاجتماعية المختلفة، وبقى هاجس اصدار شريط يحمل بداية مشروعه الغنائي ملازماً له بإستمرار، وبالفعل بدأ، وبمجرد أن استقر به المقام، في تنفيذ ذلك الحلم والذي رأى النور مؤخراً في " لو ألقى بندقية ". سأتحدث معك يا يوسف عن كل عمل حينما تبدأ في تحليلك له، ولكن بشكل عام، سأسرد لك بعض الملاحظات: أولاً: استطاع عمر في هذا الشريط المحافظة على أهم ما يميزه: أ/ صوت قوي، ب/ المساحة التطريبية الواسعة خلال ذلك المدى الصوتي، والتي تؤدي الى فرض حضوره في كل الأعمال التي يؤديها. وأعتقد أن على عمر أن يراهن على هذين الميزتين في مشروعه الغنائي المستقبلي. ثانياً: التباين الواضح في الأعمال الخاصة وغيرها، التي اشتمل عليها الشريط، من ناحية الشكل والمضمون، سواءاً من ناحية النصوص، الألحان، رؤى التوزيع الموسيقي، أسهمت في ظهوره بشكل جميل. ثالثاً: رغبة عمر الشديدة في التجويد، والتي تصل الى حد الهوس (Obsession)، أدت الى تأخير اصدار هذا الشريط، وأعتقد أن هذا أضر به، وأعتقد أن عمر بانقا إن اقتنع بأن كل شريط يشكل رؤية الفنان في تلك الفترة المحددة، وهي بالضرورة فترة لن يتوقف عندها مشروعه الغنائي بل وبالضرورة سيتجاوزها، فسيسهل عليه ذلك تعامله مع انتاجاته القادمة، حتى يستمع اليها جمهوره في الوقت المناسب. لن أطيل، وسأتابع معك بقدر ما أتمكن، ولكن فقط أشير الى أننا نعول كثيراً على عمر بانقا، وأمثاله، وجديته في التعامل مع فن الغناء، حتى نضمن ضمان استمرارية مسيرة متطورة لفن الغناء في السودان. أمنياتي له ولك بالتوفيق ودوام الابداع والامتاع.
09-06-2012, 04:43 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: أولاً: استطاع عمر في هذا الشريط المحافظة على أهم ما يميزه: أ/ صوت قوي، ب/ المساحة التطريبية الواسعة خلال ذلك المدى الصوتي، والتي تؤدي الى فرض حضوره في كل الأعمال التي يؤديها. وأعتقد أن على عمر أن يراهن على هذين الميزتين في مشروعه الغنائي المستقبلي. ثانياً: التباين الواضح في الأعمال الخاصة وغيرها، التي اشتمل عليها الشريط، من ناحية الشكل والمضمون، سواءاً من ناحية النصوص، الألحان، رؤى التوزيع الموسيقي، أسهمت في ظهوره بشكل جميل. ثالثاً: رغبة عمر الشديدة في التجويد، والتي تصل الى حد الهوس (Obsession)، أدت الى تأخير اصدار هذا الشريط، وأعتقد أن هذا أضر به، وأعتقد أن عمر بانقا إن اقتنع بأن كل شريط يشكل رؤية الفنان في تلك الفترة المحددة، وهي بالضرورة فترة لن يتوقف عندها مشروعه الغنائي بل وبالضرورة سيتجاوزها، فسيسهل عليه ذلك تعامله مع انتاجاته القادمة، حتى يستمع اليها جمهوره في الوقت المناسب.
اولا اتفق معك في كل ماجاء وباذن الله ننتظر مساهماتك الثرة كل الود ياذواق
Quote: سلام لموصلي وضيوف موصلي وسلام لعمر بانقا الفنان الأصيل، وواحد من أميز (الفوكاليست) السودانيين المعاصرين تحديداً أعتبر أننا نحن المهاجرين في شمال اميريكا، محظوظين بوجود عمر بيننا، وأن المستمع السوداني حرم بسبب الشتات من سماع صوت فنان كان يمكنه ببساطة ملء الفراغ الذي خلفه الرعيل الاول دون ادنى عنت. مشروع إنتاج (لو القى بندقية)، مشروع فني من نوع ما يسمى Labor of love وقد لمسنا جميعا، طرف من هذا الحب، لا ادري من اين جاءت كلمة (مفلهم)، فعمر الذي يعرفه الناس، أكثر الخلق تواضعا حتى أنه يخجلك بتواضعه، وكرمه و اريحيته وتهذيبه، كان لي شرف العمل معه، مثلما كان لي مع الراحل محمد وردي، وعركي وإحساس و عصام نور وعلي السقيد واحمد الصادق وحمد الريح وعاصم البنا، مصطفي السني، شرحبيل أحمد، أسامة الشيخ عاطف أنيس، أوتار النيل، ولكن العمل مع عمر، كان من نوع مختلف، كان عملاً صداقيا اسريا، فنيا بكل ما تحمله الكلمة من معني، lots of fun ولقيمات بت ابوقصيصة وأطفاله يملؤون الدار مرحا، وضيوفه لا ينقطعون عن التوافد، تحسه مرهقا منهكا من عمل النهار، ولكن ما ان يبدأ في الغناء حتي تدب الروح فيه، فكأنه يولد من جديد ثم أنه يسبح في طبقات صوته الي ما لا نهاية، ثم يعود الي قواعده في هذه الأرض مثل جذر أخضر، يغذي كل تلك الخضرة الهيولية. أحببت هذا العمل الفني، أغنية أغنية، ولم أتوقع له النجاح التجاري الآني ابدا، هذا الالبوم ليس من نوع ما يسمى (بالكشري)، هذا العمل الفني رحلة طيبة، جمعت من أفضل الشعراء السودانيين وافضل الموسيقيين ، وافضل العازفينوافضل الملحنين وافضل الموزعين، وسجل في احسن استديوهات التسجيل في اميريكا، وقد حدثت عمر مرارا، بان هنالك أعمال فنية تنتظر أجيالاً أخري لتكتشفها وذا تقليد عندنا في السودان، فنحن نعيد اكتشاف ابو داوود كل يوم، و عبد المنعم حسيب وابو سريع، فكانهم لم يكونوا هنا يوماً، أو كأنما قد تخلقو من جديد. عمر بانقا، فنان فنان فنان، من (سبيب راسه وحتي ضفر اصبعو السغير)، ومحب للفن، ومهموم بالفن، وعاشق للغناء، له حضور الفنان وهيئة المغني، مجتهد لأقصى حدود الإجتهاد في مشروعه الفني ولسوف يدرك غاياته ولو كره الكافرون.
هذه لوحه ياعزيزي عمر (بانقا) ارجو أن تعيد تدوينها بمداد من ذهب وتعلقها على الحائط فخرا شكرا تاج السر
صدقي بالله يادينا اصلو ماقريت مفللهم دي بانها (طنقعه) الا بعد آن نبهني اليها بعض الاحبه انا قريتا (مفلهم) بضم الميم وكسر الفاء وفتح اللام مع شدة وضم الهاء وتسكين الميم بمعنى لايفل الحديد الا الحديد لكن بالغتي!!!!!!!!! وانا طلعت زول طرور ساكت ومخو بشتغل متآخر
------ عموما ده الا يكون عمر تاني البتتكلمي عنو عمر ده تختيهو في الجرح يطيب صدقيني تحياتي
(عدل بواسطة Elmosley on 09-06-2012, 00:29 AM) (عدل بواسطة Elmosley on 09-06-2012, 00:32 AM)
09-06-2012, 04:30 AM
بكرى ابوبكر بكرى ابوبكر
تاريخ التسجيل: 02-04-2002
مجموع المشاركات: 18779
شكرا يا خال للبوست الجميل عن الرائع عمر و وين انت يا استاذ تفك لى سلك و افك ليك سلك ما الم فيك ..... اسمح لى بوضع هذه الفيديوهات من مكتبة سودانيزاونلاين
فى مهرجان شيكاغو
عمر بانقا يدشن البومة لو القى بندقية فى البيت السودانى باريزونا
لو القى بندقية كلمات حميد اداء عمر بانقا
سمحة وسمرية القدال غناء عمر بانقا
كلس محجوب شريف غناء عمر بانقا
وشكرا مرة اخرى
09-06-2012, 04:48 AM
Elmosley Elmosley
تاريخ التسجيل: 03-14-2002
مجموع المشاركات: 34683
العزيز بكري شكرا لك وشكرا لعودة الموقع للمعانه الفني المعروف عنه آن آهم ما يميز هذا الموقع انه يقدر اهل الابداع حق تقدير وهذا ما يجعلهم دوما هنا الكتاب الشعراء التشكيليين المسرحيين الموسيقيين فهنيئا لنا بهذا الموقع الصامد المتقدم دوما سوف يكون بيننا حديث وسلام لام بيان ويوسف وللجميع
09-06-2012, 05:41 AM
HAMZA SULIMAN HAMZA SULIMAN
تاريخ التسجيل: 04-20-2002
مجموع المشاركات: 3278
اشيد جدا بهذا البوست الذى تأخر كثيرا عن مناقشة هذه التجربة التى ارى انها لم تنل حظها من الثراء النقدى الموازى للعمل الفنى الذى طرح من خلال هذه التجربة ما ينتج من اغنيات عبر الوسائط السمعية المتوفرة و المتنوعة ما هى الا تشويه سمعى لنوعية غناء تنقصة الجودة فى التسجيل و تنقصة كثيرا من الواقعية الفنية التى كان من المفترض تكون عليه الاغنية الان بعد السنوات التقادمية الكبيرة التى مرت على خريجى معهد الموسيقى الذين اضيفت بصماتهم فى الاجهزة الاعلامية من خلال تراصى الاوركسترا فى الاذاعة و التلفزيون . ان يكون هناك اعمال غنائية بهذه الضخامة وبهذا التعب المادى و الذهنى لاخراج شى يناسب فكرنا و يناسب واقعنا الذى كان من المفترض ان لا نقدم شى الا بهذا المستوى فى الزمن الرث و زمن الفقر الفنى نقدم شى نعيد به سيرة الاغنية لسيرتها الاولى كان صعبا جدا المجاذفة فى زمن جناى البريدو ان تطلع من ماضى اغنيات مثل ضنين الوعد و حبيبتى قلبى و بخاف و حروف اسمك و الود و الساقية و الملهمة ..... واعنيات حره ميلادا و ومنتوجا .... من اين جاء هذا النص الغنائى ؟ من اين جاء هذا النص اللحنى ؟ بل من اين جاء هؤلاء المغنين الذين لم يسموا اصلا بكرومة و سرور كيف لفاعل ثقافى ان يسمح بهذا النص الجديد الذى يستهل شعره بكلمة جناياالتى اصلا حتى فى غناء البنات نادرا ما توجد هذه الكلمة لابد من الربيع الفنى لابد من الطرح الفنى القوى الذى نؤمن به حتى و لو كلفنا ردحا من الزمن فى توصيله
09-06-2012, 05:44 AM
HAMZA SULIMAN HAMZA SULIMAN
تاريخ التسجيل: 04-20-2002
مجموع المشاركات: 3278
سلام يا أستاذ يوسف، والله رجعتنا المنبر تاني بعد غيبة. رجوعي عبر البوست ده ما للكلام عن شريط "عمر بانقا" بقدر ما هو عشان استفيد من تحليلك ويا حبذا نقدك للأعمال وحتى اسلوب الإنتاج وذلك للفائدة الخاصة، لعمر بانقا، ولفائدتنا نحن المقصودين بالعمل الإبداعي.
زي ما ذكرت ده مفوض يكون بوست طوييييييل (زي كسرة الفاتح جبرا بتاعة خط هيثرووو و ووو)، وده في صالحنا نحن عشان نقدر نجمع طاقة للمناقشة بعد تحليلك للأعمال. فيما يخصني، وبخلاف التحليل والنقد الفني للشريط، فأنا لدي مداخلة ستكون لاحقة عن الجوانب الإنتاجية للشريط من الناحيتين، الناحية البتركز على توازن المجهود الإبداعي مع التكلفة الإنتاجية، والناحية البتركز على تكنيكات وفنيات طرح الإنتاج الفني للجمهور، وموازنة طرحه بين الجدوى الإقتصادية المحضة وبين رغبة المبدع في توصيل رسالته... ولي منو. في الموضوع ده أنا عندي وجهة نظر قد تكون غير "مبلوعة" للبعض، لكن كلو في وقته.
عندي وقفة صغيرة مع ما ذكره نزار عتيق (أرجو أنه ما يتفهم إنو القضية عائلية :-)
Quote: أولاً: استطاع عمر في هذا الشريط المحافظة على أهم ما يميزه: أ/ صوت قوي، ب/ المساحة التطريبية الواسعة خلال ذلك المدى الصوتي، والتي تؤدي الى فرض حضوره في كل الأعمال التي يؤديها. وأعتقد أن على عمر أن يراهن على هذين الميزتين في مشروعه الغنائي المستقبلي. ثانياً: التباين الواضح في الأعمال الخاصة وغيرها، التي اشتمل عليها الشريط، من ناحية الشكل والمضمون، سواءاً من ناحية النصوص، الألحان، رؤى التوزيع الموسيقي، أسهمت في ظهوره بشكل جميل. ثالثاً: رغبة عمر الشديدة في التجويد، والتي تصل الى حد الهوس (Obsession)، أدت الى تأخير اصدار هذا الشريط، وأعتقد أن هذا أضر به، وأعتقد أن عمر بانقا إن اقتنع بأن كل شريط يشكل رؤية الفنان في تلك الفترة المحددة، وهي بالضرورة فترة لن يتوقف عندها مشروعه الغنائي بل وبالضرورة سيتجاوزها، فسيسهل عليه ذلك تعامله مع انتاجاته القادمة، حتى يستمع اليها جمهوره في الوقت المناسب. لن أطيل، وسأتابع معك بقدر ما أتمكن، ولكن فقط أشير الى أننا نعول كثيراً على عمر بانقا، وأمثاله، وجديته في التعامل مع فن الغناء، حتى نضمن ضمان استمرارية مسيرة متطورة لفن الغناء في السودان. أمنياتي له ولك بالتوفيق ودوام الابداع والامتاع.
ما عاوز أكرر الكلام ده وهو بيعبر عني تماما، بس أحب أضيف: كنت -وما زلت- أكره بشدة ترديد الأعمال المسموعة، بالرغم من أنو المبدعين ممكن يعيدو تقديمها بطريقة تبرز جوانب منها ما كان ممكن رؤيتها بسبب زمن إنتاجها، أو حتى تقديمها برؤية إبداعية جديدة مع احترام حقوق مبدعيها. كراهيتي لترديد الأعمال المسموعة ناتجة من أنها تعطي ذريعة للعاطلين عن المواهب والمنتفعين من الفن ممن لايقيمون وزنا أو احتراما لتراثنا الفني ولا للمبدعين ولا للفن من أساسه، تعطيهم ذريعة للتطاول على القمم والأعمال الجيدة وتشويهها وتشويه أذن وخيال الأجيال الجديدة، الأجيال التي للأسف بدأ تعرفها على إرثنا الغنائي بالصورة المشوهة -باعتبارها حديثة- وأصبحت هي أساس المقارنة. بالرغم من ذلك إستطاع عمر أن يقنعني بأن إعادة إنتاجه لبعض الأعمال المسموعة لم يكن بالفكرة السيئة لإن الرؤية والأداء الجديدين كانوا واضحين، وإحترام العمل وحقوقه ليست محل شك.
في اتظار تحليلك ونقدك يا أستاذ يوسف.
تحياتي،
حليم أبوقصيصة
09-06-2012, 10:43 AM
Elmosley Elmosley
تاريخ التسجيل: 03-14-2002
مجموع المشاركات: 34683
من أجمل اﻷصوات في السودان عمر بانقا.. أول مرة أسمع عمر بانقا منفردا كان في زواج مريم عثمان البشير في حفل أوفر نايت.. يومها ت سألت سؤال..الجابر عمر بانقا على الغنا الجماعي شنو؟؟؟وليي مضييع روحو في الزحمة دي؟؟
تخريمة: لسة ما ركزت في السمع..بس ﻷول مرة ألاحظ حاجة في عمر بانقا وفي أغنية حبيبي..اللي هي إنو عمر بانقا يغني بنفس وروح ابو عركي وأغنية يا حبيبي تحديدا تقمص وتلبس فيها بانقا العركية..ما عارفا مقصودة ولا صدفة أو ميزة أم عيب..وفوق ده كلو ما عارف كلامي ده صاح ولا ﻷ..
09-06-2012, 11:51 AM
tmbis tmbis
تاريخ التسجيل: 10-19-2002
مجموع المشاركات: 24862
سلام يا استاذ يوسف والتحية للمشاركين في البوست .. بالرغم من استماعي لكل الاعمال كاملة من فترة طويلة جدا واحتفاظي لعدة نسخ للعمل .. والتعامل معه بطرق مختلفة للاستماع وبالرغم من ضخامة العمل .. لم استطع التعامل معه كعمل يمكن ان يرضيني كمستمع عادي جدا .
عكس العديد من الاعمال الاخرى للعديد من الفنانين بدول المهجر .
09-06-2012, 12:21 PM
Elmosley Elmosley
تاريخ التسجيل: 03-14-2002
مجموع المشاركات: 34683
كلفنى صديق بأن اتصل له بالاخ الفنان عمر بانقا اذ ان مسبقا له اتصال به لكى يحى حفل زفافه بمدينة تورنتو كندا ايام عيد الفطر من العام ٢007 وانا فى طريقي للسودان وداخل مكتب حجز التذاكر اتصلت بالاخ الفنان عمر ولم تكن لى به سابق معرفة وعرفته بنفسى وذكرت اننى مكلف من صديقى هيثم لكى نضع النقاط الاخيرة ونقوم بعمل حجز التذاكر لحضورهم رد على كأنه يعرفنى قبل سنين رجل تحس بتهذيبه وادبه قبل ان تراه لقد ازال عنى جمود التحدث مع انسان اول مرة وكان مرنا بشوشا رقم تعقيدات الحجز الكونكشن والساعات الطويلة من الانتظار فى المطارات لتبديل الطائرة صراحة كنت خائف من حكاية الحجز من عدم راحة او تضارب مع التزامات اخري وقد كان ذلك ولكنه جعل ذلك ممكنا فبعد ان شكرته على موقفه الجميل وتساهله معى ذكرت له انا فى طريقى الى السودان وسوف لن احضر الزواج فقد كان مصرا كالعريس ان احضر الزواج ونلتقيه وكان ذلك مايسرنى لكى التقى بإنسان فنان مرهف مثل عمر والموصلى وكل مبدعينا الجميلين الذين زرعوا لنا الفرح والامل وسط متاهات واحباطات التغرب وصاروا وسطنا كالشموع تحرق نفسها لتضئ للغير ولكن ظروفى الاسرية التى حتمت على السفر للسودان فى تلك الايام لم تمكننى بالالتقاء بالفنان الجميل عمر واتمنى ان التقيه قريبا وشكرا مربعا لك فناننا الكبير موصلى اذ جعلت ذلك ممكنا
والكبير دائما كبير لك الشكر
09-06-2012, 06:44 PM
عمر بانقا عمر بانقا
تاريخ التسجيل: 12-24-2003
مجموع المشاركات: 147
Quote: كلفنى صديق بأن اتصل له بالاخ الفنان عمر بانقا اذ ان مسبقا له اتصال به لكى يحى حفل زفافه بمدينة تورنتو كندا ايام عيد الفطر من العام ٢007 وانا فى طريقي للسودان وداخل مكتب حجز التذاكر اتصلت بالاخ الفنان عمر ولم تكن لى به سابق معرفة وعرفته بنفسى وذكرت اننى مكلف من صديقى هيثم لكى نضع النقاط الاخيرة ونقوم بعمل حجز التذاكر لحضورهم رد على كأنه يعرفنى قبل سنين رجل تحس بتهذيبه وادبه قبل ان تراه لقد ازال عنى جمود التحدث مع انسان اول مرة وكان مرنا بشوشا رقم تعقيدات الحجز الكونكشن والساعات الطويلة من الانتظار فى المطارات لتبديل الطائرة صراحة كنت خائف من حكاية الحجز من عدم راحة او تضارب مع التزامات اخري وقد كان ذلك ولكنه جعل ذلك ممكنا فبعد ان شكرته على موقفه الجميل وتساهله معى ذكرت له انا فى طريقى الى السودان وسوف لن احضر الزواج فقد كان مصرا كالعريس ان احضر الزواج ونلتقيه وكان ذلك مايسرنى لكى التقى بإنسان فنان مرهف مثل عمر والموصلى وكل مبدعينا الجميلين الذين زرعوا لنا الفرح والامل وسط متاهات واحباطات التغرب وصاروا وسطنا كالشموع تحرق نفسها لتضئ للغير ولكن ظروفى الاسرية التى حتمت على السفر للسودان فى تلك الايام لم تمكننى بالالتقاء بالفنان الجميل عمر واتمنى ان التقيه قريبا وشكرا مربعا لك فناننا الكبير موصلى اذ جعلت ذلك ممكنا
منعم مالك تحياتي يازول ياجميل انا منرأيي أن عمر بانقا حقو يجمع المساهمات الرائعة في هذا البوست تنفع لي قدام اوافقك بان عمر ابو الكرم وملك التواضع
09-07-2012, 09:32 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: سلام يا استاذ يوسف والتحية للمشاركين في البوست .. بالرغم من استماعي لكل الاعمال كاملة من فترة طويلة جدا واحتفاظي لعدة نسخ للعمل .. والتعامل معه بطرق مختلفة للاستماع وبالرغم من ضخامة العمل .. لم استطع التعامل معه كعمل يمكن ان يرضيني كمستمع عادي جدا .
عكس العديد من الاعمال الاخرى للعديد من الفنانين بدول المهجر .
الحبيب تمبس لآنك ليس بمستمع عادي لذا فانني اعتبر استماعك لكل الاعمال كاملة من فترة طويلة جدا واحتفاظك بعدة نسخ للعمل .. والتعامل معه بطرق مختلفة للاستماع ووصفك للعمل بالضخامة يكفينا الان ونشكرك عليه وانا على يقين بان ستميل اليه لاحقا كل الود
Quote: من أجمل اﻷصوات في السودان عمر بانقا.. أول مرة أسمع عمر بانقا منفردا كان في زواج مريم عثمان البشير في حفل أوفر نايت.. يومها ت سألت سؤال..الجابر عمر بانقا على الغنا الجماعي شنو؟؟؟وليي مضييع روحو في الزحمة دي؟؟
تخريمة: لسة ما ركزت في السمع..بس ﻷول مرة ألاحظ حاجة في عمر بانقا وفي أغنية حبيبي..اللي هي إنو عمر بانقا يغني بنفس وروح ابو عركي وأغنية يا حبيبي تحديدا تقمص وتلبس فيها بانقا العركية..ما عارفا مقصودة ولا صدفة أو ميزة أم عيب..وفوق ده كلو ما عارف كلامي ده صاح ولا ﻷ..
شكرا عمر على شهادتك في عمر ههههه بخصوص ياحبيبي ربما انه التقارب الروحي بين ثلاثتنا عركي عمر وشخصي كما ان عمر تغنى لعركي كثيرا في بداياته ضف الي ذلك آن اصولهما تقع في منطقة متقاربة مما يجعل التقارب في لون الصوت كل الود
Quote: زي ما ذكرت ده مفوض يكون بوست طوييييييل (زي كسرة الفاتح جبرا بتاعة خط هيثرووو و ووو)، وده في صالحنا نحن عشان نقدر نجمع طاقة للمناقشة بعد تحليلك للأعمال. فيما يخصني، وبخلاف التحليل والنقد الفني للشريط، فأنا لدي مداخلة ستكون لاحقة عن الجوانب الإنتاجية للشريط من الناحيتين، الناحية البتركز على توازن المجهود الإبداعي مع التكلفة الإنتاجية، والناحية البتركز على تكنيكات وفنيات طرح الإنتاج الفني للجمهور، وموازنة طرحه بين الجدوى الإقتصادية المحضة وبين رغبة المبدع في توصيل رسالته... ولي منو. في الموضوع ده أنا عندي وجهة نظر قد تكون غير "مبلوعة" للبعض، لكن كلو في وقته
والله ياحليم نحن ننتظر مساهمتك في الجانب ده ومهمة جدا بالنسبة لي
Quote: ما عاوز أكرر الكلام ده وهو بيعبر عني تماما، بس أحب أضيف: كنت -وما زلت- أكره بشدة ترديد الأعمال المسموعة، بالرغم من أنو المبدعين ممكن يعيدو تقديمها بطريقة تبرز جوانب منها ما كان ممكن رؤيتها بسبب زمن إنتاجها، أو حتى تقديمها برؤية إبداعية جديدة مع احترام حقوق مبدعيها. كراهيتي لترديد الأعمال المسموعة ناتجة من أنها تعطي ذريعة للعاطلين عن المواهب والمنتفعين من الفن ممن لايقيمون وزنا أو احتراما لتراثنا الفني ولا للمبدعين ولا للفن من أساسه، تعطيهم ذريعة للتطاول على القمم والأعمال الجيدة وتشويهها وتشويه أذن وخيال الأجيال الجديدة، الأجيال التي للأسف بدأ تعرفها على إرثنا الغنائي بالصورة المشوهة -باعتبارها حديثة- وأصبحت هي أساس المقارنة. بالرغم من ذلك إستطاع عمر أن يقنعني بأن إعادة إنتاجه لبعض الأعمال المسموعة لم يكن بالفكرة السيئة لإن الرؤية والأداء الجديدين كانوا واضحين، وإحترام العمل وحقوقه ليست محل شك.
في اتظار تحليلك ونقدك يا أستاذ يوسف.
افهم وجهة نظرك ياحليم لكن كمان تناول القديم نعروف في العالم كله على آن يكون بطريقة تنويعية وليست مجرد تكرار مقال الموسيقار الفرنسي رافيل احدث تنويعات على اعمال لبتهوفن بعد مرور عشرات السنين عليها وبتهوفن في رآيي هو مالك زمام الموسيقى اخيرا اتفق معك بان عمر خرج من هذه الورطة بالتنويعات لحكا واداء تحياتي وفي انتظارك
09-07-2012, 09:13 AM
Elmosley Elmosley
تاريخ التسجيل: 03-14-2002
مجموع المشاركات: 34683
تبدا المقدمة في ياحبيبي بحوار بين الفلوت والوتريات يلعب الفلوت ميلودي فيهو حيويه بينما تجاوب الوتريات باجابات مقامية هبوطا تعتمد على تميز النبر الايقاعي فيها ثم تنقلب المبادرة لتخاطب الات الكمان وتبادر بينما يرد عليها الفلوت بحيوية منعشة تقود الطريق للمقدمة الموسيقية الاساسية التي تتكون من اربعة عبارات موسيقية كل عبارتان منهما تكونان ةملة موسيقة واحده وتنتهي الجملتان بتزييل موسيقي طويل يمهد للغنا كل الحشد اللحني السابق مشحون بالهارمونية والالحان المضادة ولا آريد ان ادخل فيها لانها معقدة ------- يدخل عمر مغنيا ياحبيبي ترد عليه الاوركسترا بلازمة موسيقية يرد عمر ياحبيبي في منطقة اداذية آعلى ترد الوركسترا في منطقة لحنية آعلى يتصاعد الاداء الغنائي في تفصيلية وضحه الى آن يصل المذهب لقمته حيث لو في يوم ضلت خطانا ينزل قليلا ثم يصعد مرة آخرى والزمن بقسوه عاند ليهبط سلميا بنفس الكلمات ثم يعود ما اظن في اداء راذع ليستقر المذهب في انسي عينيك الحنينه ياحبيبي -----------------
تعود الموسيقى الاساسية ليحضر الكوبليه الاول مابراي في لحن آميل للسباعية منه للخماسيه الخ وتآتي مابراي الصاعدة سلميا في لحن غاية الصعوبة آجزم بان الكثيرين سوف يعجزون عن الاداد فيها ليهبد انا ياحياتي حتي كلمة ربينا ليدخل الكوبري الموسيقي تمهيدا ل الكوبيليه الثاني الذي جاء في تحويله مقاميه ذات علاقة بالمقام الموسيقي الاصلي ياحبيبي هنايا انت لحن مختلف تفصيليا عن الكوبليه السابق وكن مرتبط روحيا به في حوار بين الوركسترا والمغني مع تغيير النبر الايقاعي ليدخل كوبري موسيقي اخر ليمهد للحن الفرايحي كل خفقه في قلبي تهتف عمر هنا يصل قمة الداينميكية في الاداء فيتجاوب مع الاوركسترا رائع حيث خط النهاية بكلمة ياحبيبي والتي تصرف عمر في لحنها الاساسي ولكن الى الاحلى والاحسن
09-06-2012, 06:57 PM
نادر السوداني نادر السوداني
تاريخ التسجيل: 08-21-2006
مجموع المشاركات: 1374
اشادة خاصة زميلنا المبدع نادر السوداني لاسهامه الفني القيم في كل الالبوم الذى ساعد كثيرا في توقيع النقم والهارموني
شكرا يا موصلي رقم هذة الكلام جاء متاخرا واللة ما كان دة العشم بعد كل ما بذلتة من جهد في بناء البنية التحتية لهذة الالبوم من معالجة خطوط الهارموني وكتابة مايتناسب معها من اشكال ايقاعية وخط الباص جيتار والجيتار والبيانوا ::::::::::::::::: ان يختصر مجهودي في هذة الالبوم لمدة ثلاثة اشهر متواصة واللاكتفاء بكتابة اسمي كعازف للباص جيتار فقط الم تري في في ذلك اجحاف في حقي الادبي لقد كان لي معك ومع الراحل المقيم الفنان مصطفي سيد احمد رحمة اللة تجربة مماثلة في البوم الحزن النبيل هل بالفعل سقط سهوا كما سقط في البوم الحزن النبيل ام هنالك اجنده سياسية تحتم عدم التركيز علي اسمي ..........نادر السوداني
09-06-2012, 07:27 PM
Elmosley Elmosley
تاريخ التسجيل: 03-14-2002
مجموع المشاركات: 34683
ياسبحان اللة يا ستاذ موصلي بدات عليك علامات التعجب والااستفهام لمجرد احساسك انني قد تعديت علي حقوقك الادبية فنحن يا استازي ليس من ينهون علي خلق وياتون بمثله نحن لا ننكر دوركم الكبير في كتابة وتوريع لاغلب اغاني الالبوم لكنكم نسيتم دور من شارك معكم بجهدة ووقتة في هذة الالبوم كما يعتبر غلاف اي عمل فني هوة وثيقة سبوتية تاكد لاجيال قادمة عن دور من شاركوا في بناء محتواة سلبا او ايجابا شكرا
09-06-2012, 09:52 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: ياسبحان اللة يا ستاذ موصلي بدات عليك علامات التعجب والااستفهام لمجرد احساسك انني قد تعديت علي حقوقك الادبية فنحن يا استازي ليس من ينهون علي خلق وياتون بمثله نحن لا ننكر دوركم الكبير في كتابة وتوريع لاغلب اغاني الالبوم لكنكم نسيتم دور من شارك معكم بجهدة ووقتة في هذة الالبوم كما يعتبر غلاف اي عمل فني هوة وثيقة سبوتية تاكد لاجيال قادمة عن دور من شاركوا في بناء محتواة سلبا او ايجابا شكرا
نادر ياخي ارجوك خلي البوست ده للغرض الاتفتح ليهو لكن انت لو داير تخش معاي في حوار منو العمل شنو آنا بفتح ليك بوست تاني وخنخت الغنا ونخت معاه النوت عشان نعرف الهارموني جا من وين والكاونتربيونت جا من وين تعرف انا بعتبر نفسي محظوظ لآن كل شيئ موجود نادر ياخي آحسن الموضوع ده ما نناقشو لانو آنحنا الاتنين حنخسر حتى وان انا استعطعت ابين كل الحقاذق بالادلة وبالنوت Let us look forward not backward Please Dear Nadir You know I love you
(عدل بواسطة Elmosley on 09-06-2012, 09:54 PM) (عدل بواسطة Elmosley on 09-06-2012, 09:55 PM) (عدل بواسطة Elmosley on 09-06-2012, 09:56 PM)
09-07-2012, 05:25 PM
الفاتح ميرغني الفاتح ميرغني
تاريخ التسجيل: 03-01-2007
مجموع المشاركات: 7488
حبيبنا الموصلي تحياتي لك ولضيوفك. في البدء بعتذر لحضوري المتأخر في هذا البوست. وزي ما قال كيكي في بوستات كده الواحد عشان يخشها بيحتاج لـ " روح قدس" عديل! ربما تكون شهادتي في عمر بانقا مجروحة لسببين: السبب الاول يعود إلى الصداقة التي بيني وبينه والسبب الثاني وهو أنني عملت معه عازف بيز لمدة خمس سنوات قبل أن يؤثر التوجه للغناء الجماعي عبر الإنضمام لفرقة عقد الجلاد. الصديق عمر او " بندق" كما كان يحلو لنا تسميته فنان حباه الله موهبة وصوتا رخيما حد التدفق!.وقد صقل هذه الموهبة من خلال إلتحاقه بمعهد الموسيقى الذي آثره على كلية القانون التي اوشك على التخرج فيها. خلال فترة عملي مع الصديق عمر بانقا قمنا بتسجيل شريط وكان معنا الإخوة إبراهيم سنادة أكورديون خالد الفحيل أورغ فتحي عبدالجبار جيتار عشيري وجراهام عبدالقادر والتجاني الصادق كمنجات إبراهيم حماد طرمبة حمد جفون ساكسفون. وفي تقديري وتقدير كل من سمع ذلك العمل إنه عمل جيد بيد أن الاخ عمر لم يطلق ذاك الشريط !. عمر مسكون بوسواس " الكمال " أي العمل الكامل وهذه حالة تتلبس الكثير من المبدعين الذين يحترمون الذائقة الفنية لجمهورهم. الملحنون الذين تعاملوا مع الحورية الراحلة ويتني هيوستن تشكًوا كثيرا من إهتمامها بتفاصيل التفاصيل حتى كاد أن يصيبهم إنهيارا عصبيا. ولم يكن ذلك بسبب من خطأ في التركيب الموسيقي او القالب اللحني بقدر ما كانت تسعى لأسر ذائقة المتلقي. ومع إنو مسألة اسر ذائقة المتلقي دي من الصعوبة بمكان، إلا انها حالة تتلبس المبدع الذي يحترم فنه وجمهوره. خالص التهاني القلبية موصولة للصديق عمر بانقا على هذا العمل البديع وأطيب الأمنيات بمزيد من النجاحات. ولي عوده إن شاءالله.
اعتقد انه من المهم ان نعرف كمستمعين وكقراء "منو العمل شنو" في هذا العمل لكي تكون الرؤية مكتملة والعرض متكامل.
العزيز استاذ الصادق كلامك صاح والصديق عمر بانقا قال انه بمهمة كتابة من فعل ماذا بالتفصيل الدقيق في جدول مايخرش الميه ينزل مساد اليوم آوقبل ظهر الغد ان شاء الله تسلم
Quote: حبيبنا الموصلي تحياتي لك ولضيوفك. في البدء بعتذر لحضوري المتأخر في هذا البوست. وزي ما قال كيكي في بوستات كده الواحد عشان يخشها بيحتاج لـ " روح قدس" عديل! ربما تكون شهادتي في عمر بانقا مجروحة لسببين: السبب الاول يعود إلى الصداقة التي بيني وبينه والسبب الثاني وهو أنني عملت معه عازف بيز لمدة خمس سنوات قبل أن يؤثر التوجه للغناء الجماعي عبر الإنضمام لفرقة عقد الجلاد. الصديق عمر او " بندق" كما كان يحلو لنا تسميته فنان حباه الله موهبة وصوتا رخيما حد التدفق!.وقد صقل هذه الموهبة من خلال إلتحاقه بمعهد الموسيقى الذي آثره على كلية القانون التي اوشك على التخرج فيها. خلال فترة عملي مع الصديق عمر بانقا قمنا بتسجيل شريط وكان معنا الإخوة إبراهيم سنادة أكورديون خالد الفحيل أورغ فتحي عبدالجبار جيتار عشيري وجراهام عبدالقادر والتجاني الصادق كمنجات إبراهيم حماد طرمبة حمد جفون ساكسفون. وفي تقديري وتقدير كل من سمع ذلك العمل إنه عمل جيد بيد أن الاخ عمر لم يطلق ذاك الشريط !. عمر مسكون بوسواس " الكمال " أي العمل الكامل وهذه حالة تتلبس الكثير من المبدعين الذين يحترمون الذائقة الفنية لجمهورهم. الملحنون الذين تعاملوا مع الحورية الراحلة ويتني هيوستن تشكًوا كثيرا من إهتمامها بتفاصيل التفاصيل حتى كاد أن يصيبهم إنهيارا عصبيا. ولم يكن ذلك بسبب من خطأ في التركيب الموسيقي او القالب اللحني بقدر ما كانت تسعى لأسر ذائقة المتلقي. ومع إنو مسألة اسر ذائقة المتلقي دي من الصعوبة بمكان، إلا انها حالة تتلبس المبدع الذي يحترم فنه وجمهوره. خالص التهاني القلبية موصولة للصديق عمر بانقا على هذا العمل البديع وأطيب الأمنيات بمزيد من النجاحات. ولي عوده إن شاءالله.
تحياتي ومودتي
عزيزي الفاتح لافض فوك ايها الزميل العزيز
09-08-2012, 08:10 PM
Azhari Nurelhuda Azhari Nurelhuda
تاريخ التسجيل: 03-01-2007
مجموع المشاركات: 1958
والله العظيم أنا جيت داخل ساكت وكنت ناوي أمر مرور الكرام لكن والله و قفتني كلس دي من ما ناولتني الأخت الفاضلة نهلة أبوقصيصة المجموعة دي في أوكسفورد ذات صباح جميل ووقفت في كلس دي والتي أعتقد أن بها كشفاً جديداً شعرا، لحناً وخاصة توزيعاً... ومن يومي داك ملصت نعلاتي وجلست أتأمل جميع عوامل من صيرها أغنية جميلة وكان من المفترض أن يسمى الشريط واقف كلس أو يكبر كلس لانه الإسم ينطبق على المغني عمر بانقا الرجل كلس
سلام يا هوي وفتكم بي عافية....
09-08-2012, 08:30 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: والله العظيم أنا جيت داخل ساكت وكنت ناوي أمر مرور الكرام لكن والله و قفتني كلس دي من ما ناولتني الأخت الفاضلة نهلة أبوقصيصة المجموعة دي في أوكسفورد ذات صباح جميل ووقفت في كلس دي والتي أعتقد أن بها كشفاً جديداً شعرا، لحناً وخاصة توزيعاً... ومن يومي داك ملصت نعلاتي وجلست أتأمل جميع عوامل من صيرها أغنية جميلة وكان من المفترض أن يسمى الشريط واقف كلس أو يكبر كلس لانه الإسم ينطبق على المغني عمر بانقا الرجل كلس
سلام يا هوي وفتكم بي عافية....
هلا بابو الزهور تسلم كتير وفعلا عمر كلس ونص ويستاهل تلك الاغنية الرائعة
09-09-2012, 09:12 AM
Elmosley Elmosley
تاريخ التسجيل: 03-14-2002
مجموع المشاركات: 34683
تحليل يكبر يكبر كلس شعر محجوب شريف لحن الموسيقار حمزه سليمان توزيع الموسيقار سعد الطيب تبدا المقدمه بزحف مقامي سلمي اشبه بقفله ثم بعد ذلك تبدا الموسيقي في حوار بين الفلوت والتريات تتداخل فيه النحاسيات وهي عباره عن تتابعات سلمية متصاعدة تساندها في الوضع المعاكس تتابعات سلميه هابطة وهي فكره اشبه بتفكير سميتانا في القصيد السيمفونى نهر المولداو (الفولتافا) حيث يصف المؤلف في هذا القصيد بدقة وإخلاص طبيعة نهر المولداو من منبعه حتى يغادر ها ويبدو آن حمزه وسعد يصفان ايضا المواطن السوداني الشهم الكلس في تدفق روحه البراقة<< سعد الطيب متآثر جدا بالموسيقي الكلاسيكية وانا من المعجبين جدا بتوزيعاته اذكر آن بعض آعضاء السمندل كانو يصفونه بباخ من فرط تآثره بالموسيقي الكلاسيكية ثم يدخل عمر بانقا بالثيمة الغنائية يكبر كلس مع مصاحبة موسيقية ناعمه وتستمر الجملة اللحنية استطرادا وصولا لكلمة الفلس لايقولو ارتشي لا يقولو اختلس عبارتان تقريريتان عن حقيقة الكلس ويستمر الاستطراد في تسلسل لحني هبوطا حتى حيثما مشي واينما جلس وفي كل هذا واضح ان اللازمات الموسيقية تآخذ الطابع السلمي اما صعودا آو هبوطا ثم بذكاء يتم الخروج من المقام الاصلي والتحول الى مقام آعلي في عملية Modulation تحول مقامي ليؤدي نفس اللحن في مقام اخر وعادة التحول المقامي يستخدم لكسر حاجز الرتابة وتغيير المود واحد من الاعمال الموسيقية المميزة جدا وعمر ادي العمل بصورة شديدة الاتقان وياسلام على هذا الفريق ---------- ادناه نهر المولداو وشكرا للثنائي الجميل سعد وحمزه على التفكير الموسيقي الناضج
(عدل بواسطة Elmosley on 09-09-2012, 09:20 AM) (عدل بواسطة Elmosley on 09-09-2012, 09:20 AM)
من التتابعات السُلمية الغزيرة دي وبتمهيد من حركة عكسية لآلة الباص ومركبات ممدودة، تقوم تخرج دلوكتنا الخمجانة السمحة دي ومع كلام الكلس الأكبر/ محجوب شريف وألحان الكلس/ حمزة سليمان وتوزيع (أبو الثعود) ود البلد الكلس. هنا خرج لنا سعد الدين بكشف جديد في الموسيقى السودانية وجمال كبير، خاصة عندما يدخل التنويع المقامي الجميل البسيط ده ليدفع بروح جديدة ولون جيد ذاهي وجميل يزيد من إشراق الأغنية برغم بساطتها.. سعد الدين الطيب الماحي في هذه الأغنية إستعمل الكثير من أساليب التنويع الموسيقي الرائعة والعديد من المعالجات اللحنية الذكية في هذه الأغنية البسيطة الجميلة كبيرة المعني والمحتوى مما زادها حلاوة وطلاوة وجمال ومتعة كبيرة...
أنا بعتقد من الممكن أن ننجر لها إسم سوداني خاص بها وتنسب لسعد بدلاً من أن ننسبها للقصيد السيمفوني ونفقدها خصوصيتها ومعناها الكبير. وتروح مبادرة سعد الدين الطيب الجميلة الجريئة دي، شمار في مرقة.
Quote: أنا بعتقد من الممكن أن ننجر لها إسم سوداني خاص بها وتنسب لسعد بدلاً من أن ننسبها للقصيد السيمفوني ونفقدها خصوصيتها ومعناها الكبير. وتروح مبادرة سعد الدين الطيب الجميلة الجريئة دي، شمار في مرقة.
صديقي ابو الزهور فتكر انا قلتها كده
Quote: ثم بعد ذلك تبدا الموسيقي في حوار بين الفلوت والتريات تتداخل فيه النحاسيات وهي عباره عن تتابعات سلمية متصاعدة تساندها في الوضع المعاكس تتابعات سلميه هابطة
ولو في آي خطا في كلامي علميا آرجو تصحيحه لم ينسب احد الفعل لسيمتانا وانما شبهناه وما اعظم التشبه بالعظماء ياسيدي ان اعظم المؤلفين في العالم اهتدوا بغيرهم ولم يروحوا شمار في مرقة بل تم تعظيمهم وما قالب الفارييشن الا سنة حميده ياريت لو الموسيقيين السودانيين يقدروا يهتدوا بسميتانا وغيرهم من العظماء هو نحن ليه لسع في العالم قاعدين ورا؟؟؟؟!!!! شكرا ياسعد على الجرآة
(عدل بواسطة Elmosley on 09-09-2012, 11:40 AM) (عدل بواسطة Elmosley on 09-09-2012, 11:45 AM)
09-09-2012, 11:42 AM
Elmosley Elmosley
تاريخ التسجيل: 03-14-2002
مجموع المشاركات: 34683
تاريخ التحول المقامي في الاغنية السودانيه نرجو المساهمة من الموسيقيين في تصحيح هذه المعلومات آوالاضافة اليها ما امكن 1- اتذكرت انتي ليا في منطقة الصولو قبل نهاية الاغنيه انتقال آو تحول كامل للدرجة الخامسة للمقام ثم يبدا الغناء انتي ياراحتي وامان بالعودة الى المقام 1976
2- فتنت بيه للكاشف ( التحول من المقام الصغير الى مباشره الكبير) يكمن بين لازمات بدايات الكوبليهات والغناء الخمسينيات 3- شهر عشره حبابو عشره للباشكاتب (محمد الامين) كل ثائر في جهادو قصدو تتحرر بلادو وهي قفزه غنائيه الى رابعة المقام الستينيات 4- ياحبيبي الموجوده في هذا البوست يوسف الموصلي شعر مجدي مسعد في ثلاث مناطق في الكوبيليه الاول (مابراي) غنائيا ثم (تحول مقامي للدرجة الثالث كوبري ياحبيبي هناي انت) ثم تحول مقامي اخر بكوبري يعود للمقام الاولاني) كل خفقه في قلبي تهتف وهذه اغنية تم تاليفها في السبعينيات ويعرفها معظم الموسيقيين خصوصا خريجو المعهد !!!! وقد غناها اولا عادل الصديق في نهاية السبيعنيات. 5-سفر العيون فيها عدة تحولات موسيقيه تم تقديمها للجنة الالحان 1978 ورفضت في المرة الاولي بحجه وجود التحولات المقاميه ثم تم قبولها في نفس العام بحيله ثعلبيه موصليه هههه 6- المشاعل سعد الدين ابراهيم ويوسف الموصلي (شوفي من ساعة عرفتك) تحول مقامي الى الدرجة الاعلى في بداية الثمانينات وسجلتها اوركسترا السمندل بقيادة الموسيقار سعد الطيب باستوديو عمار الشريعي.. 7- الكلام القالو عنك هلاوي والموصلي الصعود درجه كامله مقاميه كامله لغناء المذهب ( الكلام الخ) تم تسجيلها بالقاهرة سنة 1989 في شريط شوق الهوي 8- مطر العشم شعر مختار دفع الله كوبري صاعد يدخلنا الى لاني قادر من عيونك تاني انزح. وهه الاغنية سجلت ونزلت في الشريط المسمى باسمها 1993. 9- يكبر كلس غناء عنر بانقا الموسيقي حمزه سليمان وسعد الطيب تحول من الاساس الي الرابعة في المقام لغناء بداية المذهب يكبر كلس. 2011 هذه مساهمه بسيطه حتى لايروح تاريخ التحول المقامي في الاغنية السودانية شمار في مرقه كما نرجو الاضافة وجل من لايسهى
(عدل بواسطة Elmosley on 09-09-2012, 11:10 PM) (عدل بواسطة Elmosley on 09-10-2012, 01:00 AM) (عدل بواسطة Elmosley on 09-10-2012, 06:59 AM) (عدل بواسطة Elmosley on 09-10-2012, 07:54 AM) (عدل بواسطة Elmosley on 09-10-2012, 07:56 AM)
09-10-2012, 04:07 AM
Azhari Nurelhuda Azhari Nurelhuda
تاريخ التسجيل: 03-01-2007
مجموع المشاركات: 1958
Quote: 4- المشاعل سعد الدين ابراهيم ويوسف الموصلي (شوفي من ساعة عرفتك) تحول مقامي الى الدرجة الاعلى في بداية الثمانينات
مرة إنت غنيت في حلتنا (المشاعل) وأنا كنت جاي من حفلة بالليل متأخر جدا نزلني عركي في راس الشارع وأنا شايل أكورديوني وداخل الزقاق بتاعنا كانوا في إتنين راجني مخصوص وهم متغالطين: الأول قال في الحفلة لم سمع كلمة (شوفي محل التنويع المقامي المذكور أعلاه): أمك الموصلي نشز. والتاني رد عليه: لا يا جاهل ما نشز والدليل إنه الفرقة مشت معاه محل ما مشى ده نوع من الفن. رجع الأول وقال: ما أصله الفرقة المفروض تصاحب المغني والمصاحبة معناها يمشوا معاه محل ما يمشي وكانت معركة هلال/مريخ في التلت الأخير من الليل وأصروا ينتظروني عشان يسألوني عن الموضوع ده قبل ما يمشوا ينوموا قمت سألتهم من الأغنية شنو الحصل فيها الكلام ده؟ ولامن عرفت السبب بطل العجب وشرحت ما قدرت عليه بباقي المروة ديك ومن اليوم داك بقوا يسلموا علي وسموني: Modulation
وندمت شديد إني قلت ليهم المصطلح الغربي لكن بعد فترة قمت نجرت حاجة كده زي التنويع المقامي دي وأقرها معاي نمرة (1) أميقو رحمه الله وكلمتهم بيها لكن، ما غيروا رأيهم بإعتبار إنه كلمة واحدة اسهل من كلمتين وقالوا لي هي كلمة ما حقتكم أعمل ليكم واحدة حقتكم. بالله كلامهم ده مش واقعي وتمام وحقيقي؟ عليه، نجر مصطلحاتنا في المرحلة دي مهم جداً. ولا شنو يا أبو هريرة؟
Quote: ندمت شديد إني قلت ليهم المصطلح الغربي لكن بعد فترة قمت نجرت حاجة كده زي التنويع المقامي دي وأقرها معاي نمرة (1) أميقو رحمه الله وكلمتهم بيها لكن، ما غيروا رأيهم بإعتبار إنه كلمة واحدة اسهل من كلمتين وقالوا لي هي كلمة ما حقتكم أعمل ليكم واحدة حقتكم. بالله كلامهم ده مش واقعي وتمام وحقيقي؟ عليه، نجر مصطلحاتنا في المرحلة دي مهم جداً. ولا شنو يا أبو هريرة؟
وفتك بعافية
هههههه انا حصلت لي في المسرح القومي لما غنيتها لاقاني واحد من الجمهور وقال اغنيتك الجديده حلوه يا استاذ (بس مره مرقت من السلم) ضحكت وقلت ليهو رسالتي ليكم وصلت نجي للمصطلحات فكره جيده المصطلحات انت وآميقو معاكم حق بس انا بعدل بآن 1- يسمى التحول المقامي عندما يكون قد حدث مرة واحده زي في يكبر كلس آو المشاعل. او فتنت بيه آو شهر عشره حبابو عشره 2- يسمى التنويع المقامي عندما يكون التحول المقامي متعدد مثل ياحبيبي وسفر العيون وعن ابو هريرة ....... لدي اقتراحين لك 1. فتح بوست توثيقي لاميقو واعماله 2. واخر للتنويع المقامي ونتجادع انت افتح الاول وانا بفتح التاني بالتتالي باذن الله بعد انتهاء بوست عمر بانقا تحياتي
Quote: بعدين عمر الشاعر مشهور بشئ كده في ألحانه أرجو تعريفه لو أمكن؟؟
فتك بعافية
عمر الشاعر عندو تحولات في آغنياته ولكنها في اطار المقام ولاتخرج وده نفسو تفكير عبقري مثال تسمع مقدمة (عمر السنين الجملة) الاولي في الاساس والاجابة عليها في مقام الخامسة لان عمر من الذين يستمعون للموسيقي بانواعها شرقية وغربية هنديه عربيه الخ ومكتبته عامره جدا
اها خد اتذكرت انتي ليا في منطقة الصولو قبل نهاية الاغنيه انتقال آو تحول كامل للدرجة الخامسة للمقام نضيفها للقائمة
Quote: عمر الشاعر عندو تحولات في آغنياته ولكنها في اطار المقام ولاتخرج وده نفسو تفكير عبقري مثال تسمع مقدمة (عمر السنين الجملة) الاولي في الاساس والاجابة عليها في مقام الخامسة لان عمر من الذين يستمعون للموسيقي بانواعها شرقية وغربية هنديه عربيه الخ ومكتبته عامره جدا
ارجو يا موصلي شرح نظام ال(double dominant's principle) لأنه في مثل هذه الحالة(عمر السنين) هو خامسة الأساس وفي نفس الوقت بيعطي الإحساس بإنه هو الأساس وبالتحديد في تحليلك للمثال المذكور أعلاه تأتي (قضيت معاك عمر السنين) في لون ثم يأتي اللون الآخر في جزئية (أفرش طريقك بالورود) واللونين على درجة متقاربة جداً من السيطرة، مع العلم بأن الأول هو الأساس والثاني هو المسيطر، وهنالك فرق كبير بين الأثر النفسي الواقع على المستمع لصوت الأساس وصوت المسيطر، لماذا؟ مع العلم أن (#F) صوت أساسي في المركبين في السلم المعطى.
فتك بألف عافية...
09-10-2012, 01:57 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: ارجو يا موصلي شرح نظام ال(double dominant's principle) لأنه في مثل هذه الحالة(عمر السنين) هو خامسة الأساس وفي نفس الوقت بيعطي الإحساس بإنه هو الأساس وبالتحديد في تحليلك للمثال المذكور أعلاه تأتي (قضيت معاك عمر السنين) في لون ثم يأتي اللون الآخر في جزئية (أفرش طريقك بالورود) واللونين على درجة متقاربة جداً من السيطرة، مع العلم بأن الأول هو الأساس والثاني هو المسيطر، وهنالك فرق كبير بين الأثر النفسي الواقع على المستمع لصوت الأساس وصوت المسيطر، لماذا؟ مع العلم أن (#F) صوت أساسي في المركبين في السلم المعطى.
فتك بألف عافية...
حاضر ابو الزهور وبناء على كلامك فقد كتبت النوته على فينالي حتى المنطقة الغنائيه التي ذكرتها وسيفتها ك pdf حآعمل ليها اسكان كصور بره وانزلها مع الشرح
09-10-2012, 06:51 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: إنت الكان حاصل في (سفر العيون) داك كان إسمه شنو يا موصـلي ولا سفر العيون دي ما محسوبة معانا؟؟
بعدين عمر الشاعر مشهور بشئ كده في ألحانه أرجو تعريفه لو أمكن؟؟
فتك بعافية.
لاحول ولاقوه الا بالله والله نسيتا تب سفر العيون فيها عدة تحولات موسيقيه تم تقديمها للجنة الالحان 1978 ورفضت في المرة الاولي بحجه وجود التحولات المقاميه ثم تم قبولها في نفس العام بحيله ثعلبيه موصليه هههه حآعدل واضيفها للقائمه غايتو يا ابو الزهور ذاكرتك ماشاء الله عليك؛ الله اتذكر ربما في حاجات تاني لناس تانين وتعال نعمل بوست تحليلي خاص بالمديوليشن انا متآكد في حاةة فايته علينا
(عدل بواسطة Elmosley on 09-10-2012, 06:56 AM) (عدل بواسطة Elmosley on 09-10-2012, 11:07 AM)
09-10-2012, 11:04 AM
ahmed khidir ahmed khidir
تاريخ التسجيل: 03-20-2003
مجموع المشاركات: 1004
الاساتذه/ الموصلي وابوالزهور كنت ناوي اشارك بي الراي لكن لقيت الكوره في السماء والكلام كبار Modulation ,double dominant's principle كدي لمن تختو الكوره واطه بنجيكم صادين
09-10-2012, 11:11 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: الاساتذه/ الموصلي وابوالزهور كنت ناوي اشارك بي الراي لكن لقيت الكوره في السماء والكلام كبار Modulation ,double dominant's principle كدي لمن تختو الكوره واطه بنجيكم صادين
آحمد الحبيب الكوره في الواطه لمن انتو تجو وفي السما لمن تغيبو اها انت مازول ليك حضور ومساهمات وفيديوهات من زمن الشغل في البيزمنت بتاع بيت عمر بانقا القديم ياخي ماتكرمنا بالسي دي بتاعو وتنزل لينا لقطتين تلاته سلام ياعريس ياحلو
سلام استاذ الموصلي ما عاوز اطلع ليك من الموضوع الفنان عمربانقا كان حريص جدا لتوثيق اول تجربه ليهو بالصوره والصوت وكانت الحصيله 7 ساعات تصوير وامتدت لي ايام وشهور . وكانت اول لقطه في النوته الموسيقيه وانت بتكتب الله كربم علينا اغنية البدايه. وتوالي التوثيق القايد, النقاش , البروفات ,تسجيل الموسيقين والصوت الاساسي. تجربه عظيمه وثره تستحق الاشاده والتقدير للفنان عمر بانقا . والشكر موصول ليك استاذي الموصلي لي مجهودك الكبير .
تخريمة كل الاشرطه بحوزة عمر بانقا ياريت لو نزل جزء من التحضيرات للشريط ولنا عوده
09-10-2012, 01:04 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: سلام استاذ الموصلي ما عاوز اطلع ليك من الموضوع الفنان عمربانقا كان حريص جدا لتوثيق اول تجربه ليهو بالصوره والصوت وكانت الحصيله 7 ساعات تصوير وامتدت لي ايام وشهور . وكانت اول لقطه في النوته الموسيقيه وانت بتكتب الله كربم علينا اغنية البدايه. وتوالي التوثيق القايد, النقاش , البروفات ,تسجيل الموسيقين والصوت الاساسي. تجربه عظيمه وثره تستحق الاشاده والتقدير للفنان عمر بانقا . والشكر موصول ليك استاذي الموصلي لي مجهودك الكبير .
تخريمة كل الاشرطه بحوزة عمر بانقا ياريت لو نزل جزء من التحضيرات للشريط ولنا عوده
والله يا آحمد ده صميم الموضوع لكن عمر يحتاج الي زول بتاع مونتاج ياعمر بانقا ياخوي اسمع كلامي ده توثيق ما حيتكرر آدي الفيديوهات لي زول وممكن نقعد سوا نشوف المونتاج ماتبقي زي دكتور متوكل تخلي الفيديو في الدرج بدل ماتوري الناس العمل ده كيف كانت شقاوتو وبعد ده كلو نحن كلنا كموسيقيين محاسبين من الجمهور رغم الجهد والعرق والمال والدم (الفني) شكرا يا آحمد
عمر السنين يا ابو الزهور اولا حسب نوتتي هنا التي كتبتها في مقام (دو الخماسي) وهي عبارة عن تصوير لاي مقام غنى فبه فنان هذه الاغنية وعلى رآسهم راحلنا المقيم زيدان وهذا الخماسي متداخل مع خماسي الدرجة الرابعة الخماسي ايضا 1- الاول (دو - ري - مي - صول - لا - دو) 2- الثاني هو (فا - صول - لا- دو - ري - فا) اذن فالعلاقة هنا ليس بين الاساس والمسيطر ومسيطر المسيطر وانما بين الاساس وتحت المسيطر اما التوافق الصوتي (ري ماينر) فهو طبيعي ولم تتغير الفاء فيه الى فاء # (دييز) لذا فلا تعتبر Double Dominant بل يعتبر دومنانت ثانوي تلاحظ يا ازهري انه من المازورة الاولي وحتى الرابعه الوجود القوي للاساس ومن الرابعة للثامنة توجد الخلطه التوافقية بقيادة تحت المسيطر آو (السب دومننانت) ولكن في المازورة الثامنة ياتي التوافق ري ماينر ك الدرجه الثانية وعلاقته اشبه للدبل دومننانت مع عدم وجود الرفع في الفاء درجته الثالثة ليذهب الى الصول وفي الغناء يذهب الي الاساس مرة ثانية في مازوره 9 شفت عمر الشاعر ده مصيبه كيف (آمد الله في عمره ليزيدنا ابداعا) ومن مازوره 9 حتى النهاية هي عباره عن شيمة لحنيه فيها كل الخليط النغمي ------- طيب ليه ده بيحصل في المقام الخماسي الاجابه عند مؤلفي اللامقامية في الموسيقي الكلاسيكية قالوا نحن استخدمنا الخماسي ككبري لينقلنا من المقامية الى اللامقامية لآن كل درجة فيه تشكل مركز نغم قائم بذاته فيكون عندنا 25 وعشرين صوت في المقام الخماسي الواحد بدل السبعة التي في المقام السباعي --- آها عمر الشاعر المجنون ده خلط بين دو الخماسي وفاء الخماسي وكانت الحصيلة خمسين صوتا الكترابل تحياتي
(عدل بواسطة Elmosley on 09-10-2012, 06:38 PM) (عدل بواسطة Elmosley on 09-10-2012, 06:42 PM) (عدل بواسطة Elmosley on 09-10-2012, 06:44 PM)
09-10-2012, 07:12 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
والله أنا مستمتع بالكلام المفيد والجدل التثقيفي بين الأساتذة ازهري والموصلي ..
أرجو الا تتوقفا .. والواحد حا يخش مرة مرة يعلق ..
Quote: 1- يسمى التحول المقامي عندما يكون قد حدث مرة واحده زي في يكبر كلس آو المشاعل. او فتنت بيه آو شهر عشره حبابو عشره 2- يسمى التنويع المقامي عندما يكون التحول المقامي متعدد مثل ياحبيبي وسفر العيون
عقد الجلاد عندهم مسألة التحوللات دي كتير وظاهرة في أكتر من عمل ليهم ..
اشهرها على ما اعتقد اغنية يا بنية سوي الجبنة ... التحول المقامي حصل في خاتمة الأغنية ..
بالأضافة لأغنيات كثيرة لا أستحضرها حاليا ..
09-11-2012, 01:07 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: حسب نوتتي هنا التي كتبتها في مقام (دو الخماسي) وهي عبارة عن تصوير لاي مقام
- يا موصـلي تحياتي وشكراً على إعمال مبضعك بالتشريح المفيد لكشف مكامن الجمال في بناء (عمر السنين) الرهيب والقاء الضوء على عمايل أخونا المبدع الفنان/ عمر الشاعر والذي يعتبر واحد من أهم ركائز موسيقى الأغنية السودانية في التجديد والتلوين...وأيضا وأنت مستصحباً معك نفس المبضع الرشيق، تأمل (هانت الأيام عليك).
- طبعاً أنحنا عزفنا الأغنية دي في مقام التأليف الأصلي..يا أٍسـلي واللي هو: صول، لا، سي، ري، مي متداخلا مع: ري، مي، فا#، لا، سي
Quote: اما التوافق الصوتي (ري ماينر) فهو طبيعي ولم تتغير الفاء فيه الى فاء # (دييز)
وهذا من أجل توضيح من أين أتت الفا# في مداخلتي السابقة.. فإذا تأملنا مدرسة رمضان على بشير (ترنتي) الهارمونية والتي أؤمن بجمالها الكبير نجد أن مركب (الري) في المقامين المتداخلين (على حسب ما ذهبت أنت إليه) في مقام التأليف الأصلي جاء كبيراً (ري، فا#، لا). عليه، إنت رأيك شنو بعد كلامي ده في (Double Dominant) ولا مافي؟ وبعد ده حقو نرجع لموضوع البوست وصوت عمر بانقا الجميل المتمكن. ولا شنو؟
وفتك بعافية
على جنبه كده يا أخي ما تبر أخوك بواحد من برامج الكتابة دي.... ودي شحدة عديل يا أبوهديل... والليلة وين لي وين يا عيني أنا.... هيع أركز وأنا عارفك قدها وقدود... بالله واحد يكون وصاية كده يا أبوهريرة.
09-11-2012, 06:30 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: يا موصـلي تحياتي وشكراً على إعمال مبضعك بالتشريح المفيد لكشف مكامن الجمال في بناء (عمر السنين) الرهيب والقاء الضوء على عمايل أخونا المبدع الفنان/ عمر الشاعر والذي يعتبر واحد من أهم ركائز موسيقى الأغنية السودانية في التجديد والتلوين...وأيضا وأنت مستصحباً معك نفس المبضع الرشيق، تأمل (هانت الأيام عليك).
تعرف يا ازهري يخيل لو مسكنا معظم اغنيات صديقنا المشترك عمر الشاعر بنلقى (مصيبه موسيقه مهوله) عمر الشاعر ده فلته. تثميننا جميعا له (من حقه علينا) ولا على كيفنا واتمنى آن يلتقي مع عمر بانقا في عمل قادم<
[green][QUOTE]- طبعاً أنحنا عزفنا الأغنية دي في مقام التأليف الأصلي..يا أٍسـلي واللي هو: صول، لا، سي، ري، مي متداخلا مع: ري، مي، فا#، لا، سي
(: اما التوافق الصوتي (ري ماينر) فهو طبيعي ولم تتغير الفاء فيه الى فاء # (دييز))
وهذا من أجل توضيح من أين أتت الفا# في مداخلتي السابقة.. فإذا تأملنا مدرسة رمضان على بشير (ترنتي) الهارمونية والتي أؤمن بجمالها الكبير نجد أن مركب (الري) في المقامين المتداخلين (على حسب ما ذهبت أنت إليه) في مقام التأليف الأصلي جاء كبيراً (ري، فا#، لا). عليه، إنت رأيك شنو بعد كلامي ده في (Double Dominant) ولا مافي؟ وبعد ده حقو نرجع لموضوع البوست وصوت عمر بانقا الجميل المتمكن. ولا شنو؟[/QUOTE][/green]
الحقيقه كنت جاي اشرح واقول اذا تحولت الفاء الى دييز فانها ستصبح (Double Dominant) الذي يعطي الحق للمؤلف الانطلاق لمقام صول الخماسي آو السباعي الكبير والصغير ورمضان ده فلته لانو بعد ان آتى الهارموني الحديث فقد اصبحت كل التوافقات الهارمونيه الكبيرة والصغيرة الزائدة والناقصة الرابعات المتوالية والخامسات المتوالية والثالثات المتجمعه تعمل تحت الصوت اللحني للآغنيه ربنا يطول عمرو واتذكر انك زمان تحدثت عن رمضان<
Quote: [وفتك بعافية
على جنبه كده يا أخي ما تبر أخوك بواحد من برامج الكتابة دي.... ودي شحدة عديل يا أبوهديل... والليلة وين لي وين يا عيني أنا.... هيع أركز وأنا عارفك قدها وقدود... بالله واحد يكون وصاية كده يا أبوهريرة.
حاضر يا آبو الزهور ولا على كيفي ونرجع بعد كده لي حبيبنا عمر بانقا بعد هذه الاستراحه التي اتعبت الجمهور هههههههه اللهم آحفظ لنا كلا العمرين كل الود
(عدل بواسطة Elmosley on 09-11-2012, 06:34 AM) (عدل بواسطة Elmosley on 09-11-2012, 06:41 AM) (عدل بواسطة Elmosley on 09-11-2012, 06:43 AM)
09-11-2012, 07:05 AM
Azhari Nurelhuda Azhari Nurelhuda
تاريخ التسجيل: 03-01-2007
مجموع المشاركات: 1958
Quote: الحقيقه كنت جاي اشرح واقول اذا تحولت الفاء الى دييز فانها ستصبح (Double Dominant) الذي يعطي الحق للمؤلف الانطلاق لمقام صول الخماسي آو السباعي الكبير والصغير
كده أنحنا حبايب ومتفقين جداً
Quote: حاضر يا آبو الزهور ولا على كيفي
تسلم يا أسلي بصراحة البلد دي فيها زمن متوفر جداً من أمثال: نومة بعد الغداء والحرية المن بعد صلاة العشاء ولي الصباح ويومين إجازة في نهاية الأسبوع، بصراحة الواحد داير يسترجع ويراجع نفسه ويتذكر إنه هو موسيقي في المقام الأول والأخير.. وأنا منتظر ال (DHL) على أحر من الجمر. والأيام بيننا يا أسلي...
09-11-2012, 07:50 AM
Azhari Nurelhuda Azhari Nurelhuda
تاريخ التسجيل: 03-01-2007
مجموع المشاركات: 1958
نعود لي عمر الجميل والعود أحمدُ ولي (اللوري حلَّ بي) وبالتحديد لي الجزء الثاني (كوراك البعشومية) والذي يبتدئ من الجزء البقول: الفرقة شينة البتبكي البهايم أنا هميت للوزين الفوق بحوره عايم وبالتحديد للإنتقال السلس من لحن (اللوري حلَّ بي) لي لحن المصاحبة المستخرج من لحن الأساس وثبات لحن المصاحبة وتكراره بشكل دائري جميل مما ساعد في ظهور الشكل الإلقائي (لكوراك البعشومية) بشكل جميل. هنا عمر بانقا أثبت إنه كردافي خطير وضع بصمة جميلة وأتى بشئ جديد وجميل حد الجمال، إبتز به جميع الكردافة الذين قدموا أساليب غناء تلك المنطقة الغنية بالأيقاعات والألحان والموسيقى وأساليب الغناء المتفردة في السودان، كردفان الغرة أم خيراً جوه وبره وأثروا به مكتبة الموسيقى السودانية بإضافة ألوان زاهية ومتعددة لها. في هذه الجزئية تفوق عمر بالنفس الطويل والتكنيك الصوتي العالي وإدخاله لكثير من الزخرف الصوتي الجديد ولكن للأسف (المكساج) ضيع الجزء الأخير من هذه الحليات الصوتية الجميلة في نهاية أغنية (اللوري حلَّ بي) وأيضا وبشكل عام تلاحظ أن (المكساج) أتى ضعيفاً جداً وضيَّع الإيقاعات وخط البيز بشكل عام في كل مجموعة الأغنيات.
09-11-2012, 08:47 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: تسلم يا أسلي بصراحة البلد دي فيها زمن متوفر جداً من أمثال: نومة بعد الغداء والحرية المن بعد صلاة العشاء ولي الصباح ويومين إجازة في نهاية الأسبوع، بصراحة الواحد داير يسترجع ويراجع نفسه ويتذكر إنه هو موسيقي في المقام الأول والأخير.. وأنا منتظر ال (DHL) على أحر من الجمر. والأيام بيننا يا أسلي...
والله نحن نحن كلنا سعيدين بعودة ازهري عبد القادر سابقا (نور الهدي حاليا) وفق الشروط الغربية الى النهم الموسيقي والنشاط والهمة التي كانت معهودة فيه وما بنفوت الفرصه دي
09-11-2012, 07:23 AM
Elmosley Elmosley
تاريخ التسجيل: 03-14-2002
مجموع المشاركات: 34683
كلمات والحان الراحل عمر البنا لحن يسحر القلب تهطل فيه دموع الفرح مدرارة توزيع يوسف الموصلي اداء عمر بانقا عمر غنى في هذه الاغنية كما لم يغني من قبل (في رآيي طبعا) ------- تبدآ الاغنيه بالجملة الاصلية في الغناء المكونة من عبارتين موسيقيتين تم الحرص هنا على المحافظة على الاصل مع اضافة بعض اللازمات الموسيقية الجديدة اما بحركة عكسية من الورتريات بمساندة لازمات ذات اميزة ايقاعية من الات النفخ النحاسية كل الكوبليهات. تآخذ نفس الشكل توزيعا كطبيعة الحقيبه ما عدا الكوبليه الاخير (اشوف رشيم) الكوبليه الاول وتوابعه تتكون من جمله آولى تتكون من عبارتين (كسؤال) تجيب عليه جمله آخرى من عبارتين كجواب تنتهي الى التذييل بغية العودة الى المذهب ثم الموسيقى التي يلعب فيها الماهر ماهر تاج السر دور الكورس من خلال الكيبورد بصوت الاكورديون في الرد على الجملة الاساسية وقد طلبت من ماهر آن يحدث في كل مرة شكل من اشكال التنويع اللحني مع المحافظة على الروح والاصل بتصرف وقد فعل ذلك بحذاقة فريده بالله خلو بالكم من الاكورديون في كل مره وبرغم من الجمال التاريخي للحن الا آن ماهر الماهر جعله آكثر بريقا آذكر في شركة حصاد ايام القاهره بنقعد ماهر وشخصي نقفل الفراغات في الغناء السوداني وسمينا العمليه (تقفيل الاخرام الموسيقيه) وانا بضيف ليها في بلاد الاهرام ههههه ---نرجع للكوبليه الاخير اشوف رشيم المختلف وحينما يبدا عمر بالصوت الممدود اشوف رشيم كان لابد من اصوات متقطعة صاعده وهابطه تصاحبه لتعطي المعادل الموضوعي وهذا مهم في الموسيقي آو مانطلق عليه اللحن المضاد كاونتربيوت وطبعا اشوف رشيم هي التغيير الوحيد في هذا الكوبليه لحنيا يعود فيه اللحن الى آصله وصولا الى القفلة في صوت الاساس ممدود من الاوركسترا مصحوب باربيجيات آو آو آكوردات متقطعه Broken Chords بتوقيع الماهر ماهر تاج السر فله الود والمحبة
سمحه وسمريه كلمات القدال الحان حمزه سليمان توزيع يوسف الموصلي غناء عمر بانقا
هذه مقارنه بين اللعملين الجميلين لكل من مصطفي وعمر بانقا 1. عند عمر اللحن لحمزه سليمان توزيع الموصلي يتكون من ثلاث عبارات الثالثة تختلف في تركيبتها عن الاولتين 2. عند حمزه الطابع العام لحني مائل للايقاعية 4.زهره وبريه الخ حتى مشتول الناله عبارتان لحنيتان 3.سمحه وسمريه الخ حتي غزاله عبارتان لحنيتان 4.زهره وبريه الخ حتى مشتول الناله عبارتان لحنيتان 5.حضره ومسقيه الخ حتى مشتول الناله وصولا الى ماها الولواله قلاث عبارات لحنيه لحن متصاعد بلازمه كروماتيكيه تصل الى المقدمة الموسيقية 6. من فرحي البي حتي الحال بطاله جمله من عبارتين مرتبه صعودا وهبوطا حمزه يعيد ها ويغنيها عمر متكرره 6(ب). عند حمزه قالت لي غنيه حتى مستورة حاله يتصاعد اللحني مزيل باللازمة الكروماتيه لتعود المقدمة الموسيقي 7.عند حمزه بهواك يابنيه حتى سمحه وسمريه موازيا للجزء 6- 6(ب) تنتهي الاغنيهة عند عمر بالمقذمة الموسيقية مصحوبة بحوار من الساكسفون تتلاشى تدريجيا Fade out
سمحه وسمريه كلمات القدال غناء الراحل مصطفى سيد احمد اما سمحة مصطفي ف 1. عند مصطفى المقدمة مكونه من من ثلاث عبارات مختلفه يتخللها عباره للساكسفون 2عند مصطفى.الطابع العام لحني 3يغني مصطفى .سمحه وسمريه الخ حتي غزاله عبارتان لحنيتان 4.خضره ومسقيه الخ حتى مشتول الناله عبارتان لحنيتان 5. بهواك يابنيه الخ حتي مجاله الى عبارتان لحنيتان مختلف مع لازمات موسيقيه اللحن يتدرج هببوطا وصولا للمقدمة الموسيقية. ------------------------------------------------------ 5عند مصطفى (ب)زهره وبريه حتى الناله ثلاث عبارات تتصاعد ثم تهبط وهنا مصطفي استخدم هذا الجزء ككوبليه مستقل بينما اضافه حمزه سليمان للمذهب -------------------------------------------------------------------------------------------------- 6.من فرحي البي حتي الحال بطاله جمله استطراديه صعودا وهبوطا مصطفي يعيد ها مع بعض التنويع التكراري 7. قالت لي غنيه وانت معاي مستورة حاله عبارات متقطعه وصولا الى بت سودانيه محبوبتي ولفتاتا غزالا عباره اخرى تنتهي بقفله متباطئه ولكن بتحفظ تنتهي في اساس المقام
----------------------------------------------------------------------------------------------------------------------------- لحنان جميلان ولكنهم يختلفان من حيث التناول اللحن عند مصطفى ابطا من اللحن عند عمر لحن مصطفي آكثر ميلا للشجن لحن حمزه آكقر ميلا للفرح والنشوة الكوبليهات عند مصطفي متفرقة يجمع بينها روح اللحن الاساسي الكوبليهات عند حمزه يجمع بينها الوحدة العضويه طبعا لحن مصطفي لم يتم توزيعه فهو يسير بطريقة آحاديه ولو تم توزيعه فسيكون له شآوا اخرا اما لحن حمزه فقد دخلت عليه كل المحسنات البديعية الا انه اساسا مهيا لها ------------- مصطفي صاحب الصوت الباريتون الفخيم ضمخ اللحن باداء رائع عمر بانقا بصوته التينوري ايضا اضفي علي لحن حمزه الجميل لمونا صادحا ------------------- شكرا لراحلنا العزيز مصطفي آطال الله عمري حمزه وعمر بانقا
(عدل بواسطة Elmosley on 09-12-2012, 06:08 AM) (عدل بواسطة Elmosley on 09-12-2012, 06:25 AM) (عدل بواسطة Elmosley on 09-12-2012, 06:26 AM)
09-12-2012, 08:30 AM
Azhari Nurelhuda Azhari Nurelhuda
تاريخ التسجيل: 03-01-2007
مجموع المشاركات: 1958
طريق الماضي ألحان: الباشكاتب غناء: أبوعركي البخيت والتحويل من المقام: سي بيمول، دو، ري، فا، صول إلى المقام المجاور: فا، صول، لا، دو، ري في منطفة الغناء البتبدأ من: طريق الماضي يا مظلم سنين عديت في ليلك أقيف يا شارع الاحزان ومافي نهاية لي طولك
* دي موت أحمر عديل كده
09-12-2012, 09:54 AM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 11025
الموت الاحمر كلامكم ده لانو بعصر الاغاني بي علمية مؤسسة وبفتح ابواب للنقد المؤسس بس كمان لو بسطتوا لينا الكلام ده شوية والله البوست ده ما يخلص لانو البوست انا بعتقد انو مدرسة مسائية لفهم وتذوق واحساس بي غونانا السمح انا غايتو الالبوم ده استمتعت بيهو للطيش وحابي فيهو كم اغنية بصورة خاصة وعملت ليهم سيناريو لتصويرها فيديو الموصلي ليك التحية والمحبة الدايمة ابو الزهور ياخي العريس احمد خضر اهداني تلفون اي فون تمت سرقته والحمد لله لهذا لم نتصل عليكم لاني بدون تلفون والرجاء انزال الاغاني الفيها تحليل عشان نراجع معاكم التحولات وطريقة الاداء لنتعلم السمع وحب الموسيقى وخففوا لينا من المصطلحات يا معاها ترجمة على الشريط عمر بانقا مزيد من التقدم والازدهار تاج السر رائع يا فنان نادر السوداني دايما يا دفعة متالق ومهموم بالموسيقى السودانية لكم احبك
09-12-2012, 10:29 AM
Azhari Nurelhuda Azhari Nurelhuda
تاريخ التسجيل: 03-01-2007
مجموع المشاركات: 1958
النسي با صحي كيف الصحة يا جميل غايتو البي الأحمر وتحتها خط دي إنت زودت فيها المحلبية شوية كده... ولا شنو؟؟ وكان مغالطني أسأل نادر.. أسمع لو بتعرف بنزلوا الغنا كيف رسلي لي الطريقة بالماسنجر... مكنة تلفونك الراح دي هي لسه مدورة وأنا على كل حال عامل ليك نظام (مسامحك يا حبيبي)
الله يديك العافية.
09-12-2012, 10:49 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: وحابي فيهو كم اغنية بصورة خاصة وعملت ليهم سيناريو لتصويرها فيديو الموصلي ليك التحية والمحبة الدايمة ابو الزهور ياخي العريس احمد خضر اهداني تلفون اي فون تمت سرقته والحمد لله لهذا لم نتصل عليكم لاني بدون تلفون والرجاء انزال الاغاني الفيها تحليل عشان نراجع معاكم التحولات وطريقة الاداء لنتعلم السمع وحب الموسيقى وخففوا لينا من المصطلحات يا معاها ترجمة على الشريط عمر بانقا مزيد من التقدم والازدهار تاج السر رائع يا فنان نادر السوداني دايما يا دفعة متالق ومهموم بالموسيقى السودانية لكم احبك
صديق العمر محمد السني يبدو آنا وابو الزهور سيطرت علينا حماسة السبينات فسرحنا عوووووك الاغاني الاتكلمنا فيها باذن الله نعمل ليها بوست مبسط بقدر الامكان ومنتظرين تتحت آمخاخنا ونكتشف كل الاغاني الفيها تحولات مقاميه وبمناسبة نادر الجميل افكر في بوست عن بصمات البيز السوداني في الاغنية السودانيه وطبعا نادر وحفيظ والنو ياتون في المقدمة بالاضافه للبايونير محمد جبريل وغيرهم ---- طمني هل استلمت المقال؟؟؟؟ وجودك بيننا هنا فيه مسرة خاصة
طريق الماضي ألحان: الباشكاتب غناء: أبوعركي البخيت والتحويل من المقام: سي بيمول، دو، ري، فا، صول إلى المقام المجاور: فا، صول، لا، دو، ري في منطفة الغناء البتبدأ من: طريق الماضي يا مظلم سنين عديت في ليلك أقيف يا شارع الاحزان ومافي نهاية لي طولك
* دي موت أحمر عديل كده
ياسلام يا ابو الزهور يديك العافيه ماقلت لين انت كان نحت نافخوك ده بتمرق بلاوي ههههه هسع مني كماك هاك اقول انساك في حبك عشتو من اول غناء الهادي حامد والبلابل صعود درجه رابعه للغناء في مقام السبدومنانت تسلم ياصديقي شكلنا كده حنعمل كتاب سمح انكت انكت
الحلوين صباجكم زين الموسيقى السودانية كنز لم يكتشف ونبع لاينضب عملت مسرحية اسمها ( طبوز الاول ) تم رفضها قبل عرضهابيوم واحد من قبل لجنة فنية مكربة المهم العرض كانت حوادثه تدور ايام مملكة الفونج وضعنا الموسيقى له مجموعة من الة الايقاع الاشهر الفي السودان ( الدلوكة ) بجانب الاات ايقاعية اخرى وكان سوف يكون عرض فيهو نقاط تحول لأكتشاف مناطق ايقاعية وطرق عزف وضرب للدلوكة ولكن جلت المهم العايز اقولوا نحن لازم نوزثق لموسيقانا وعازفينا وطرق اداء مطربينا ده الاهم الكتاب لازم يطلع وصلت رسالتك ومقالتك الجميلة لكن نحتاج لصور العازفين الفنانيينن اولاد شداد صور الكوالتي تكون عالية محبتي ومتابعين
09-13-2012, 10:47 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: لحلوين صباجكم زين الموسيقى السودانية كنز لم يكتشف ونبع لاينضب عملت مسرحية اسمها ( طبوز الاول ) تم رفضها قبل عرضهابيوم واحد من قبل لجنة فنية مكربة المهم العرض كانت حوادثه تدور ايام مملكة الفونج وضعنا الموسيقى له مجموعة من الة الايقاع الاشهر الفي السودان ( الدلوكة ) بجانب الاات ايقاعية اخرى وكان سوف يكون عرض فيهو نقاط تحول لأكتشاف مناطق ايقاعية وطرق عزف وضرب للدلوكة ولكن جلت المهم العايز اقولوا نحن لازم نوزثق لموسيقانا وعازفينا وطرق اداء مطربينا ده الاهم الكتاب لازم يطلع وصلت رسالتك ومقالتك الجميلة لكن نحتاج لصور العازفين الفنانيينن اولاد شداد صور الكوالتي تكون عالية محبتي ومتابعين
وين الكلام ده كان في السودان؟؟؟؟؟ ---- تسلم ياذوق وسيصلك ما عندي ان شاء الله
09-13-2012, 09:23 PM
Elmosley Elmosley
تاريخ التسجيل: 03-14-2002
مجموع المشاركات: 34683
لو القي بندقيه (راب) شعر راحلنا العزيز الراحل حميد الحان الرائع حمزه سليمان التوزيع الموسيقي الرائع ايهاب ابا سعيد تبدا الاغنيه بالبيانو الذي يهمس قليلا ايذانا بدخول الغناء ويلاحظ صوت ايهاب في المقدمه وايضا في داخل العمل يقوم محاكاه بصوته العادي مع وجود مؤثرات صوتيه ادخلت على صوت ايهاب ليكون اشبه بالمكتوم وهذا الكتم يحدث لبعض الالات مثل الطرمبه عندما نضع لها الميوت في المقدمة الاغنيه تعتمد عاى الثيمه اللحنية الموجودة عند البيز جيتار وهي غايه في الروعة وبعد آن يقوم عمر بالراب يدخل الكورس مع مصاحبة متقطعة من البيانو ثم يدخل (السنسايزر) ليلعب فكره لحنيه جديده ولكن بنفس الفكرة التي صاحبت الراب آعتقد بان ايهاب كان موفق جدا في معالجة لحن حمزه البسيط وعمر آجاد جدا في الراب اذكر انه في العيد السابق وبعد صلاة العيد قدمها عمر ضمن آغنيات آخرى ورآيت تواجد الجيل الجديد وتصويرهم له بالفيديو بفرح ملحوظ
ماكده شعر عبد الوهاب هلاوي الحان الموسيقار عثمان النو توزيع يوسف الموصلي أداء عمر بانقا --- النص دمه خفيف وشعبي جدا وفي متناول التقبل وكذلك اللحن الذي يبدأ بعبارة موسيقية متكرره تتلوها عبارة مكملة لتجعل منها جملة موسيقية كاملة زخم موسيقي متداخل تسيطر علية الكهربائيات والات النفخ النحاسية مع الايقاع الثلاثي الخليجي الذي يبدو أن السودانيون أحبوه وجعلوه يحل محل التم تم كل الحبايب بزعلو عبارة غنائية تتلوها عبارة ما كدة لترد عليها من المغني ومن الكورس ثم تعود الموسيقى مرة أخرى بكل تفاصيلها الراسية والافقية ---- شوف كم زمن انا ياجميل + لازمة موسيقية حولك بفاوض إلخ نفس الشيئ في ظروف غريبة معقدة عبارة أخرى توصل الى القفلة والعودة الى الموسيقى ---- ناديت هواك الخ لحن جديد في كوبليه جديد بمصاحبة اياعية من الوتريات متقطعة مالقيت معاك الخ عبارة ترد على الاولى مع اختلاف طفيف في اللحن مع نفس المصاحبة اعادة كاملة لهذا الجزء من الكوبليه الى أن تأتي دمعات تجي ودمعات تفوت بلحن جديد ومصاحبة وترية كاونتربوينتية مضادة ممدودة تمهد للقفلة والموسيقى ليأتي كوبليه معقولة بس من كلمتين اختلاف طفيف في اللحن والمصاحبة عن الكوبليه السابق تأتي المزيكة لتمهد لعودة المذهب الاول وتنتهي الاغنية بالتلاشي المتدرج Fade uout
يا حلوين أنا مستمتع بالموضوع بكل تفاصيله حتى الصعبة
زمان اداني عثمان النو كم حصة في الموسيقي خلتني احس، اكتر من أني افهم. ولما حسه رجعت لمبادلات استاذ يوسف وابوالزهور، كنت حاسي انو النقلة ما للمسيطر لكن لتحت المسيطر لانه اكثر حنية. كتر خيرك يا استاذ يوسف ما طلعت دروس عثمان النو شمار في مرقة.
اتفق معاك يا استاذ يوسف انو اداء عمر في ام در كان متميز جدا، لذلك أنا حا أحاول اتطاول واقدم رؤية (ما تحليل لا سمح الله) للأداء الصوتي لي الغنية دي. ارجو أني ما (اكجك).
اما فيما يتعلق بموضوع الموديوليشن، بالله وروني وين وضع "انت يا قلبي المتيم" للجابري.
تحياتي
حليم ابوقصيصة
09-16-2012, 10:26 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: يا حلوين أنا مستمتع بالموضوع بكل تفاصيله حتى الصعبة
زمان اداني عثمان النو كم حصة في الموسيقي خلتني احس، اكتر من أني افهم. ولما حسه رجعت لمبادلات استاذ يوسف وابوالزهور، كنت حاسي انو النقلة ما للمسيطر لكن لتحت المسيطر لانه اكثر حنية. كتر خيرك يا استاذ يوسف ما طلعت دروس عثمان النو شمار في مرقة.
اتفق معاك يا استاذ يوسف انو اداء عمر في ام در كان متميز جدا، لذلك أنا حا أحاول اتطاول واقدم رؤية (ما تحليل لا سمح الله) للأداء الصوتي لي الغنية دي. ارجو أني ما (اكجك).
اما فيما يتعلق بموضوع الموديوليشن، بالله وروني وين وضع "انت يا قلبي المتيم" للجابري.
تحياتي
حليم ابوقصيصة
حليم والله عشان انت زول وفنان وحلو قعدت مخصوص لي قلبي المتيم وحللتها ليك خصوصا نوت الجزء البخلينا نكتب عن ملاحظتك الممتازه ياخي انت ماقريت معانا ليه في المعهد دي النوته والتحليل تحت
آولا لاحظ آن العبارة الاولى المحصورة بين علامتي الترجيع الاولتين تتكون من 4 مازورات بينما الرد عليها خمس مازورات لا ينحصرن بين علامة ترجيع والتسعة مازورات ديل جايات في الخماسي صول صول لا سي ري مي صول اما الخمسه موازير التي تليها ومعها علامة ترجيع فانها الاةابة على الجملة الاولي ولكنها تقع في الخماسي دو دو بي مي صول لا دو مع (هبشه للصوت سي) بعدها نعود للانكليزيه حيث مكتوب الغناء كنت ياقلبي المتيم الخ يعود للخماسي صول ولما يقول كنت قايل كل شيئ الخ فهو خليط بين المقامين عموما قدام لما يقول وجيت لقيت الخ ما منوته وهي (في الخماسي دو) لانه آصلا اتوجد في الموسيقى --------------------------------- طيب هل نتعامل معمها كمقامين خماسيين آم نتعامل معما كمقام سداسي وهو نوع معروف ايضا الراي الصحيح هو الاخير في نظري وحسب نظرية المقام السداسي وهو دو - ري - مي - صول - لا - سي - دو تجد في النهايه انا وضعت ليك المقامين الخماسيين والسداسي الذي يجمع بينهما Hixatonic بالمناسبه النوع ده من المقام السداسي موجود في الاغنيه السودانيه (يانسيم آرجوك مثالا) -------- عثمان النو الخاين طبعا ماقال ليك اول ماضرب الصبدومنات ضربو مع ياتو فنان هههههههه
الصديق الدكتور الموسيقار المبدع موصلي وضيوفه الكرام تحياتي
شكرًا علي هذا الخيط النبيل في الاشادة بهذا المبدع الجميل الاخ عمر بانقا والذي بالفعل فنان رائع وواعد بالكثير والجديد ويكفي انك تقدم حوله بعض اعماله الفنية هذه الاضاءات العلمية باعتبارك قامة موسيقية لك بصمتك في الحياة الفنية السودانية واشادتك بإبداعه شهادة مقدرة ويستحقها هذا المبدع الجميل.واشكر الاخ عمر بانقا الذي أهداني ذات الاسطوانة الساحرة قبل عام تقريبا في اخر زيارة لي لواشنطون في ليلة تدشين كتاب ( الدغمسة) للمبدع تاج السر الملك والتي لا زلت حتي هذه اللحظة محتفظا بها في التاكسي وهي أسطوانتي المفضلة بل صار لها معجبون من زبائني الدائمين وخصوصا اغنية( حبيبي) هي المفضلة لصديقيي وزبوني الامريكي والذي يعمل في مطعم وقد صارت طلبه المفضل كلما دخل هذا التاكسي مشيدا بموسيقاها الراقية والممميزة كنمطً من موسيقي لم يصدق انها موسيقي افريقية عادية..... وذلك يرجع لطبيعة اللحن الراقي والتوزيع الموسيقي الجميل والاداء الاجمل مع خالص التحايا للمبدع عمر بانقا واليك يا جميل ولقريبي الموسيقار( ازهري ود درديشة) عاطر التحايا.
دعوة للأخ العزيز/ عمر بانقا للتفضل والحضور في هذا المقام الجميل بشكل دائم ومستمر والإدلاء ببعض الإفادات القيمة حول هذا العمل والجهد الجبار الذي بذل، بإسهاب شديد وبكل التفاصيل المملة. وأول هذه الإفادات أرجو أن تكون حول التالي: - في فرجينيا، يوليو من العام 2007 أنا إستعمت في سيارة الأخ عمر لنسخة أولية من هذا العمل. وحقيقة كانت تجربة مذهلة وغاية في الجمال وأسعدتني كثيراً، وكان بها جزء من التكنيك الصوتي العالي في إحدى الأغنيات (لا أذكرها الآن) يعتبر كشف جديد في هذا المجال وخاصة بين المغنين السودانيين. ولما أشرت للأخ عمر بذلك. جاء رده: بأنه غير مقتنع بالفكرة دي وصرح لي بأنه سوف يحذفها وفعلاً لاحظت غيابها، لماذا؟
- أعتقد أن التأخير الغير مبرر في إخراج الألبوم أفقده شئ من البريق الذي كان يمكن أن يحدثه لو خرج في سياقه التأريخي وبالأفكار الموسيقية التي حوتها تلك الفترة من الزمن. ألا تتفق معي في ذلك أخي عمر؟ وذلك، لإعتقادي وإيماني العميق والراسخ بأن الموسيقى والغناء يؤرخان ويعتبران مرآة عاكسة للحقب الزمنية وقيمها وما كان يدور فيها من أفكار.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Elmosley
Muna Khugali
دينا خالد
Abdlaziz Eisa
Tagelsir Elmelik
Nizar Ateeg
بكرى ابوبكر
HAMZA SULIMAN
Haleem Abu-Gusseisa
عمر الفاروق
tmbis
Moneim Malik
عمر بانقا
نادر السوداني
الفاتح ميرغني
الصادق اسماعيل
Azhari Nurelhuda
ناذر محمد الخليفة
ahmed khidir
محمد سنى دفع الله
هشام هباني
فيس بوك
تويتر
انستقرام
يوتيوب
بنتيريست