|
|
 اناللهههههههههه المدير كمال مرغني هنا؟
|
آمانة يابورد بكري ما مرقت ليك عقرب
كمال ميرغني شخشيا بينا وما يجي يعمل تمام
في ماسنجري؟؟!!!!
امانة ما اتلومتا يا مدير...
اوجه رجالات المعهد قاطبة واكثرهم وسامة
وظرافة..... وربما الاوسم والاوجه في كل الجامعات والمعاهد العليا
من سنة 1978 الى 1984 على الاطلاق
كنا مستعدين ننافس معهد البصريات بي يناتو السمحات ديلاك بيه..
الذي كان مهمته الرسمية ان يحسن الوضع الجمالي في المعهد
بجلب حسان الدنيا والاخرى لزيارة المعهد
كيتا في ساحرات ماكبث.. 
الليلة نشد تلفون للكهنة دراج باننا قد وجدناك
واقع هنا..
والله ياخي ما اظن فرحت قدر دا قريب كدي.
|
|
 
|
|
|
|
|
|
|
 Re: اناللهههههههههه المدير كمال مرغني هنا؟ (Re: د.نجاة محمود)
|
Quote: الملف الشخصي ل Kamal Mirghani
اللقب: Kamal Mirghani
: .
عدد البوستات: 37
تاريخ التسجيل: 06-06-2008
محل الاقامة: الرياض/السعودبه
:
عنوان مكتبتى بسودانيزاونلاين دوت كم :
اكلات مفضلة:
الاسم الحقيقى: كمال ميرغني
التلفون:
الجامعة/المعهد: اكاديمة الموسيقى والدراما جامعة السودان
الحالة الاجتماعية: [U]Engaged[/U]
العنوان الدائم: اتحاد الفنانين السودانين للغناء والموسيقى /ام درمان
الفنان المفضل:
اللون السياسى:
النوع: Male
الهوايات المفضلة:
الوظيفة:
تاريخ الميلاد:
درست المرحلة الابتدائية فى ......و سنة....:
درست المرحلة الثانوية فى ......و سنة....:
درست المرحلة المتوسطة فى ......و سنة....:
شاعرك المفضل:
عدد الاطفال: ثلاثه
معلومات اضافية:
مكان العمل:
مكان الميلاد فى السودان:
صورتى:
Yahoo Instant Messenger: [email protected]
|
والله زمن يا مدير..
| |
|
|
|
|
|
|
|
|
|
Re: اناللهههههههههه المدير كمال مرغني هنا؟ (Re: د.نجاة محمود)
|
لالالالالالاحووووولا
كمال ميرعني ابو القيافة والوجاهة
سبحان ربي
شنو الدخلو بيت العقارب شنو ؟؟
ده في جاز العقارب ما عزف
كمال ميرغني ابوالفن
الف تحية يا ابو الزمل
وليك من القلب الفامنية مزهرة
وسامع قالوا الأيام دي في السعودية
عايو تشتري اجهزة لي الأستديو بتاعك ولا رجعت تاني للغربة ام دق
لو شفتي يا نجاة ما شاء الله عمل ليهو استديو بتاع فنانيين بي مزاج
زول سمح الخلقة والأخلاق والهدوم
كان سابق الموضة بي سنه
سنة يا كمال ميرغني
محبتي
| |
|
|
|
|
|
|
|
|
|
Re: اناللهههههههههه المدير كمال مرغني هنا؟ (Re: محمد سنى دفع الله)
|
| Quote: زول سمح الخلقة والأخلاق والهدوم |
الله كيف يا استاذنا..
| Quote: عايو تشتري اجهزة لي الأستديو بتاعك ولا رجعت تاني للغربة ام دق |
السؤال الاهم هل مازال احيانا يعزف وراء الكبري بتاع الكمنجة؟
وهل ما زال يجلي القوس؟
(وش في غاية الخباثة)
والله ما عارفة اسع ذي صدح في راسي طرمبة استيفن الجننت ناس العمارات
واصوات الكمنجات والبيانو والبيبلو
والشيلو.
وريحة الشتاء وشكل مدير بالبدلة السمحة ديك
الناظر و دراج وسيدون وعثمان سنط
يااااااااه
بالله يا السني مر عليك اي زمن اجمل من زمنا داك؟
| |
|
|
|
|
|
|
|
|
|
Re: اناللهههههههههه المدير كمال مرغني هنا؟ (Re: د.نجاة محمود)
|
يا نجاة ..
صباحك خير ..
هسه زي كمال ميرغني ده بيفرحوا بيهو ؟
زول لسانو فلقة .
أي نعم هو ( كان ) أوجه الشباب و أوسهم .. و ( أسنهم ) حنكا مع الحسناوات ..
و عندو كان أكتر شعر آفرو " مدردم " صاح و مجيه في الخرطوم و المدن المجاورة ..
و فوق ده و داك زول عزّاف عزف السنين ..
و صاحب قريب لوجهاء شباب الخرطوم .. و غنادلتها .
لكن اللسان الطويل عندو .
هسه طبعاً الزول بقى محمول .. و صاحب عيال ..
و لحق عبدالمنعم الجزولي في الشكية من العلل نوع : الضهر .. الكرعين .. السدر .. الرطوبة .. العيون .. الراس ..
و يا قول حبوبة .. ( حليل زمن المرايات كانن مرايات ) ..
الجماعة كلهم رقدوا حُمبُك ..
فبالله ما تشكري لينا الراكوبة في الخريف .
.....
كمال ميرغني عبدالرحمن ..
رجل من الزمن الحلو ..
شكراً يا نجاة ياخ .
| |
|
|
|
|
|
|
|
|
|
Re: اناللهههههههههه المدير كمال مرغني هنا؟ (Re: Emad Abdulla)
|
| Quote: هسه زي كمال ميرغني ده بيفرحوا بيهو ؟ |
ياهي كيف؟
معاكم انتو و مع ساحرات ماكبث.
| Quote: أي نعم هو ( كان ) أوجه الشباب و أوسهم .. و ( أسنهم ) حنكا مع الحسناوات |
اسنهم ايه ياخي دا اكثر زول موهوب في الدنيا من الناحية دي..
لقد عملنا له عددا لعد الحسناوات الاتي ياتن ويسالن
كمال ميرغاني في؟
ناس ياي ديلاك.. طوالي حقدنا الطبقى ينط نسالهم مين كمال دا؟
واحصيناهن وجدناهن لا يعدن..
حتى صاح احد الخبثاء لو ما بنيات كمال ديل
المعهد دا ما بنقعد مع ساحرات ماكبث ديل
حماماتنا الجمالية في حتتنا..
| Quote: الجماعة كلهم رقدوا حُمبُك .. |
فشر الا مدير يا عماد لو حنبك برضوحتكون حنبكة بوجاهة..
كعبة حقت الناظر و الجازلوت
| |
|
|
|
|
|
|
| |
محمد سنى دفع الله
Emad Abdulla
لؤى
فيس بوك
تويتر
انستقرام
يوتيوب
بنتيريست