كتب الكاتب الفاتح جبرا المتوفرة بمعرض الدوحة
|
|
 الثــوب النسائي السوداني .. دعوة لتوثيق أسماء الثياب النسائية
|
دعوة لتوثيق أسماء التياب النسائية السودانية ..
مع تقديم شرح بسيط لتسمية التوب ..
يلا .. نبدأ ..
توب الجــــــــارات ..
ويطلق على التوب الذي تلبسه المرأة للذهاب لجاراتها، تختفو ختفه سريع في متناول اليد .. وبكون خفيف السعر ..
|
|
 
|
|
|
|
|
|
|
|
Re: الثــوب النسائي السوداني .. دعوة لتوثيق أسماء الثياب النسائية (Re: خال فاطمة)
|
الاعاني ذاكرة ثقافة الشعوب
في المدن والريف
غني فنان الشايقية الاول
عبد الرازق فضل المولي بنده
في الستينات
جابي توب اسمو الحمام طار
وجابي توب ازهري في المطار
و جابي فركه وجابي نقار
وقال لي قولب بسم الله البسي
الاخت دومه
كلامك ذكرني الاغنية
حبيبي الشادن العاجباهو روحه
التوب جزء من البطاقة الشخصية السودانية
تشكر خال فاطمه
| |
|
|
|
|
|
|
|
|
|
Re: الثــوب النسائي السوداني .. دعوة لتوثيق أسماء الثياب النسائية (Re: doma)
|
ما عاجباني روحي والله
انا تخطيت مرحله الاعجاب بالروح دي من قبل اربعين سنه يا ولدي
بس عاجبني التوب السوداني ومكجنه العبايات
دوما الحبيبة
وماتعجبك روحك كان عجبتك ياختى ودايما خليك كده بالله...
وكلامك صح التوب بيخلى الزول زاتو سمح
ومامكجنة شىء زيك الا العباية ...
بالله لبسناها هنا فى الغربه لما جانا اكتئاب
ومابحب السودان الا عشان لباس التوب ده ....
من لونها ....وتخليك كيف كيف مابعرف يحيا التوب ويعيش
خال فاطنة يديك الف عافية يارب
| |
|
|
|
|
|
|
|
|
 Re: الثــوب النسائي السوداني .. دعوة لتوثيق أسماء الثياب النسائية (Re: خال فاطمة)
|
أستاذة / دومه
صباحك زين ,,,
ده التوب الرسخ في بالى لسنوات طويلة
والله يدي الوالدة العافية وطوله العمر
في بداية التسعينات فرضوا عليهم كمان مع التوب يربطوا الخمار (المشروع الحضاري)
ويمشو الدفاع الشعبي كمان  الحمد لله كانت في سنين خدمته النهائية ما عارف ليه بنخرب في حاجاتنا الجميلة
يا بالعبايات المابتشبهنا
يا بالموضة البرضها ما بتناسبنا
تقديري
| |
|
|
|
|
|
|
|
|
|
Re: الثــوب النسائي السوداني .. دعوة لتوثيق أسماء الثياب النسائية (Re: doma)
|
Quote: اما دومه شايفاك رديتي على الكل و طنشتيني, لكم مقبوله منك,
برضه بتفق معاك في الشبشب ابو شراب ده انا غايتوا بيقرفني عديل كده. و العحب لمن الشراب يكون لستكه فاكي و يقع لغاية العرقوب. |
دانيا حبيبيتي انا بعتذر والله ما قصدت قلبي وجعني تصدقي
والله ما قصدته افطك . سامحيني والله ما قصدي .
غايتوا ما بعرف لكين الشراب مع الشبشب والتوب مبالغه والغريبه تلقي الواحده فيهن مدخنه كمان ؟
الجزمه بي شراباتها حلوه مع العبايه .
شبشب وعبايه دا ذوق بلدي
| |
|
|
|
|
|
|
|
|
|
Re: الثــوب النسائي السوداني .. دعوة لتوثيق أسماء الثياب النسائية (Re: خال فاطمة) (Re: خال فاطمة)
|
الأخ أبو فاطمة وبقية المتداخلين
الموضوع شيق واتفق مع الأخت دومة على جمال التوب السوداني وقبح العباية
تاريخيا كانت للتوب السوداني اسماء مميزة
تنوعت هذه الأسماء حيث كان يحمل تارة أسماء لفنانين:
مثلا أحمد المصطفى:
ويحكى أن أحداهن قد طلبت من زوجها شراء توب "أحمد المصطفى" الذي كان غالي
الثمن وليس في مقدوره وعندما ألحت في طلبه أحضر لهـا التوب الشعبي المعروف بتوب الزراق
وناوله لهـا قـائلا: "هـاك اصبّري بي عبدالعزيز داؤود دا لغاية مانجيب ليك "أحمد المصطفى".
والآن هنالك توب يسمى "ندى القلعة" ظهر كموضة.
ومن الثياب التى أطلقت عليها اسماء الأغاني: "حسنك أمر" ، "سليم الزوق"
كما لم تغب اسماء المناسبات السياسية والاجتماعية عن هذا المجال: "الاسـتقلال" ، "الكادر" ،
"كان راجل اشتريني" لمن يستطيع ومن لم يستطع ".....الجاكار"، "القادر يسـوّي" ،
"بت الباشا المدير" ، "عاصفة الصحراء" أيام حرب الخليج "الخط السريع" في عنفوان ثورة الاتصالات.
لقد لاحظت أن بعض المتداخلين قد خلط بين خامة الثوب (نوع القماش) واسـم التوب فمثلا التوتال
والكرب والشيفون والحرير والهزاز والجاكار ليست أسماء للتياب بل هي لوصف نوع القماس الذي
صـنع منه التوب.
ومن الشعوب التي تشاركنا لبس التوب بنفس الطريقة ومن نفس الخامات: موريتانيا وجزء من أثيوبيا
واريتريا وجيبوتي . أما في السودان فيتميز أهل الوسط والشرق والشمال وجزء من أهل الغرب
بارتداء الثوب. أما أهل الجنوب فلهم ازياؤهم الخاصة ، وهذا ما يجعلني أتحفظ على اعتبار الثوب
زيـا قوميـا لأهل السودان رغم انتشاره.
ولنا عودة
| |
|
|
|
|
|
|
|
|
|
Re: Re: الثــوب النسائي السوداني .. دعوة لتوثيق أسماء الثياب النسائية (Re: خال فاطمة) (Re: سناء الصباغ)
|
الأخت .. بت الصباغ
عاطر تحياتي
Quote: لقد لاحظت أن بعض المتداخلين قد خلط بين خامة الثوب (نوع القماش) واسـم التوب فمثلا التوتال
والكرب والشيفون والحرير والهزاز والجاكار ليست أسماء للتياب بل هي لوصف نوع القماس الذي
صـنع منه التوب. |
كلاااامك صااااااااح
Quote: مثلا أحمد المصطفى:
ويحكى أن أحداهن قد طلبت من زوجها شراء توب "أحمد المصطفى" الذي كان غالي
الثمن وليس في مقدوره وعندما ألحت في طلبه أحضر لهـا التوب الشعبي المعروف بتوب الزراق
وناوله لهـا قـائلا: "هـاك اصبّري بي عبدالعزيز داؤود دا لغاية مانجيب ليك "أحمد المصطفى". |
حلووووووة وملعوبة
----
بالمناسبة .. الجد شعبان ( محمود الصباغ ) رحمة الله عليه .. قريبك ؟؟؟
| |
|
|
|
|
|
|
|
|
|
Re: Re: الثــوب النسائي السوداني .. دعوة لتوثيق أسماء الثياب النسائية (Re: خال فاطمة) (Re: خال فاطمة)
|
خال فاطنة تحية طيبة سلااام
مررت على ما ذكر من الثياب وأظن ذكر جُلها لكن هناك ثوب لم يذكر
ومع أنه موثق له في أغنية كما وثق لبعض الثياب مثل
القمر بوبا
بوبا وعليك تقيل القمر بوبا عليك تقيل
وهو توب يسنى
( خط الإستواء )
وذكر في أغنية من أغاني التركية السابقة كما يحلو للإستاذ الكابلي تسمية تلك الحقبة
الموز روى
لسع دُقاق وما إتسوا
حراسو مرزينن عوّا
قطعوّلو خط الإستواء
الكثيرين من المستمعين يخطر لبالهم هو خط الإستواء الوهمي الجغرافي
لكن المقصود به هنا التوب وكان يقطع من طاقة بالمتر في ذاك الزمان
تحياتي ومودتي خال فاطنة
| |
|
|
|
|
|
|
|
|
|
Re: الثــوب النسائي السوداني .. دعوة لتوثيق أسماء الثياب النسائية (Re: خال فاطمة)
|
| Quote: الابتسامه برضو يا تماضر حافظن عليها الوجه المبتسم مريح |
ماما دومة
والله (ماما) دي ذاتا مفكّرين نسحبا بعد الصورة دي
المهم ,
بالنسبة لي نصيحتك ..الابتسامة في والله ناقصنا الوش بس
خال فاطنة أهن الباقي سبناو ليك
_
عن صاحبتي ..عن جارتا
الزولة كل يوم تحنس راجلا يشتري ليها توب للعيد يماطل .. أهن جارتا جات من الحج أدّتا توب هدية
الزولة جرت لي راجلا وفي ايدا التوب قالت ليو : شفت ؟؟ الله أخير منك.
قال ليها : الله أخير مني أنا عندك؟؟ وطلقها
راجل متسبب
| |
|
|
|
|
|
|
|
|
|
Re: الثــوب النسائي السوداني .. دعوة لتوثيق أسماء الثياب النسائية (Re: خال فاطمة) (Re: خال فاطمة)
|
العزيزة دومة
شكرا ليك وعيني باردة والله أنا من زمان وقبل ما أشوف صورتك كنت بزعل من الناس البيقولوا ليك ماما دوما وأقول ليهم بقلبي (الجمة)
ولو كنت بعرف دعوة عماد عبد الله (خلال السخلة )برضو كنت حأقولها بقلبي لأني لم أكن أتمتع بعضوية سودانيسونلاين ,لدي بعض صور الثياب المطبوعة
اذا عرفت الطريقة سأحاول انزالها.
نجي للفتقة الثانية أبو فاطمة أشكرك وأفيدك بأن الراحل الجد شعبان عمي شقيق والدي خليل الصباغ,سأواصل الحديث عن أنواع الثياب كلما سمح وقتي وأرجو
من أهل الختصاص تزويدنا بدراسات ان وجدت فمثلا أنا أعلم أن الأخت أماني الجندرية لها أبحاث مشابهة.
وسأعود
| |
|
|
|
|
|
|
| |
خال فاطمة
walid taha
سامى عتبانى
Ashraf El Bagir
أبو عبيدة البصاص
عبد الدائم سيد أحمد
عبدالرحمن عبدالله أبوشيبة
Moawia Mohammed
ابراهيم محمد الحسن
حسن الجيلى سعيد
doma
عبد العظيم احمد
Ahmed Abdallah
رشا سالم
انعام عبد الحفيظ
Rawia
هويدا شرف الدين
osman righeem
ناهد بشير الطيب
Adam Omer
مريم بنت الحسين
smart_ana2001
عبدالكريم الامين احمد
محمد فضل الله المكى
saif massad ali
Dania Elmaki
Abdelmuhsin Said
الفاتح ميرغني
Saifeldin Gibreel
سناء الصباغ
خالد علي محجوب المنسي
Emad Abdulla
حواء سليمان ابراهيم
ابراهيم عدلان
فيس بوك
تويتر
انستقرام
يوتيوب
بنتيريست