|
|
 ×× جمعية اصدقاء مرضى الديماقوقية ××
|
قايمه على الديماقوقية شدييييد الايام دى !
واحد مخضرم قال لى :: اصلها بتهيج مع تغير الارباع !
كل ما ننتقل من الربع الاول للتانى او للخامس وكدا ,,,
وبعد الارشفه بتروح ,,,
قلنا نشوف ناس سويسرا محل الدواء ,,, يكلمونا عن اخر العقارات
( دى جمع عقار) ,, المغتربين فى الاجازة اليومين دى عقارات دى بتقوم عليهم
الديماجوجيات ..
ـــــــــــــــ
ناس الصين ابعدونا من العلاج الطبيعى والوخذ بالابر !
ناس السودان ,, محايات برضو ما معانا ,,
|
|
 
|
|
|
|
|
|
|
|
Re: ×× جمعية اصدقاء مرضى الديماقوقية ×× (Re: دينا خالد)
|
الابنة دينا
مسكاقمي
ماما قاعدة جنبي وقرات البوست دا وقالت لي قول لي دينا علاج الديماقوقية بسيطة جداً ومتوفر وهي ان تتزوج ( وشرط ان يكون شاباً لمن يتزوج من قبل ولا تكوني ضرة )
تخريمة
يعني ايه الديماقوقية
دا محسي يا دينا
| |
|
|
|
|
|
|
|
|
|
Re: ×× جمعية اصدقاء مرضى الديماقوقية ×× (Re: عزاز شامي)
|
حمزاوى
قالوا خذو الحكمة من افواه الامهات ,, حالتها محسيه ؟
غايتو انا جاهزة متزوج ما ممتزوج ما داير يتزوج اى حاجة
ـــــــــــ
يامخضرم سجل عندك ,, حمزاوى ( ديماجوجى)
قلنا اصدقاء اصدقاء مش العيانين ياخ
ام حمزاوى ( صديقة )
نواصل
| |
|
|
|
|
|
|
|
|
|
Re: ×× جمعية اصدقاء مرضى الديماقوقية ×× (Re: دينا خالد)
|
أول حاجة نتفق على حاجة ..لأنو شايف المرض ده في الشرق الاوسط اسمو غير الاسم الطالع في الشرق الما اوسط (سويسرا دي وين بالضبط يا ود جبر الله)؟
ناس الشرق الاوسط بيقولوا ليها الديماجوجية بينما ناس الشرق الما اوسط بيقولوا ليها الديماقوقية ..
انا وحسب وجهة نظري المتواضعة في علم اللغويات والرخويات اتوقع انو الديماجوجية هي نفسها الديماقوقية فقط يبدو ان من نقل هذا الاسم للشرق الما اوسط كان مصري ومعروف (اكيد ما سند) عن اخواننا المصريين انهم بيحولوا حرف الجيم لحرف القاف فمثلا يقول المصري للبرقاوي بتاع الدكان (البرقاوي ده اسم سيد الدكان وهو جعلي يا تراجي ) ويقول ليهو ممكن تديني قبنة !!! وهو بكل تأكيد يقصد ممكن تديني جبنة !!والعكس بالعكس فانهم يحولون حرف القاف الى حرف الألف المهموز كيف لا وقد عاد صديقي وليد من رحلة اغتراب لمصر دامت 9 ايام عاد بعدها مكسور اللسان واللهجة و صار مصريا صرفا حتى انه قال لي ذات يوم :
يا عمر إنت إرد ولا أأو ؟؟ وكان يقصد انت قرد ولا ككو ..فما كان مني الا وان رديت بسرعة رهيبة اكدت لي مدى استيعابي للغة المصرية الفرعونية :
انا أأو ..
المهم تختلف التسميات والمرض واحد فها هم يقولون بطنو جاريةفي الضواحي وطرف المداين بينما يقول سكان الشرق الاوسط اسهال بينما يقول له الخواجات (فاسيليتيز) ..مش يا ناس اوروبببببببببببببببا ؟
وعلى ذكر الاسهال فلا بأس ان نعيد ما قاله صاحبنا في حصة الانجليزي وهو يقرأ من BOOK2من الNILE COURSE درس الافعال وما ادراك ما Will و ٍshall وهو يقول باعلى حسه :
إسهااااااااااااااال دوووو..
لنكتشف بعدها ان الكلمة هي
i shall do
ما علينا ..
نرجع ونسأل اختنا دينا عن أعراض المرض ده شنو بالضبط ؟ يعني بتقوم ليك قوبة في راسك ؟ بتحس بي رجفة في اصبع رجلك الصغيير ؟ البنكرياس بتاعك بيضمحل؟ بتحس بي بونية في كيانك ؟ شنو بالضبط افصحي عشان ممكن عااادي جدا البورد ده كللللو يكون مصاب بي الديماقوقية (يا لهووووووووووي)..
بالنسبة للجمعية اين مقرها وما هي اهدافها وشروط العضوية ورسوم الاشتراك كم وهل هي مسجلة في السفارة لانو ممكن عادي جدا تنشق من جمعيتكم دي جمعية تانية اسمها جمعية الديماجوجيين الصحفيين (لاحظي الفرق بين دمياجوجيين وديماقوقيين)..
اتوقع انو المرض ده مرض صديق ولو قدرت تتعايش معاهو ما بيضرك بس لازم تحافظي على النظام الغذائي بتاعك يا دينا اختي ..
الصباح تاكلي ليك بسكويتة على الريق وما اي بسكويت في بسكويت معيين كده بتاع النخالة حقت القمح ..
في الفطور اكلي ليك ملاح خدرة بي كسرة بايتة ولازم الكسرة تكون بايتة بالمناسبة ..الغدا ما مشكلة ممكن ما تتغدي لكن العشا مهم شدييييد ..
بالمناسبة المرض ده عايز ليهو (نوتة) غذائية ..
تخريمة :
وبعدين يا عزاز نبقا في يا دينا والله غرضي شريف وانا ما قاصدة والشريف مبسوط مني 
هو القصد ده كيفنهو عاد
زيت العربي يشيل الكلوسترول زووووووووووووووووووت
| |
|
|
|
|
|
|
|
|
|
Re: ×× جمعية اصدقاء مرضى الديماقوقية ×× (Re: دينا خالد)
|
الصايم .. كيفك
ياخى القوقاى دا اصللللللللو بالصباح !
ما قلت لى الاعراض عندك شنو ؟؟
عثمان ؟ الروشته شنو ياخ
ما زرتنا فى المستشفى .. فى حالات محتاجه عمليات جراحيه
وحالات كرونك هوبليس كيس .. النوع البقول ليك بس رجعو البيت وانتظرو
| |
|
|
|
|
|
|
|
|
|
Re: ×× جمعية اصدقاء مرضى الديماقوقية ×× (Re: دينا خالد)
|
الاستاذه
تشكري
علي الشعور الطيب
Quote: عثمان ؟ الروشته شنو ياخ
ما زرتنا فى المستشفى .. فى حالات محتاجه عمليات جراحيه
وحالات كرونك هوبليس كيس .. النوع البقول ليك بس رجعو البيت وانتظرو |
بس الروشته ما لي
لي واحد صاحبي ليهو اسابيع يكاكي
ولا بيضه
ولله لازم اجيكم المستشفي
| |
|
|
|
|
|
|
| |
دينا خالد
osman righeem
عمر الفاروق
فيصل نوبي
محمد عبد الماجد الصايم
فيس بوك
تويتر
انستقرام
يوتيوب
بنتيريست