وهكذا سقط الفنان الكابلي بعد ان غنى في حضرة السفاح علي عثمان محمد طه !!!

Quote: فقط من أجل التوثيق .. (القعدة) دي تمت قبل حوالي ست سنوات في منزل علي عثمان بعد رجوعه من الأردن إثر إصابته بالـ heart attack .. زي ما واضح القعدة كان مهندسها الجوقاتي (سبدرات) .. وإختيار الأغاني فيها تمّ بعناية فائقة .. (ماهو عارف ،لاح لي بريق بالليل ، ليلة المولد ، مروي ، قمر دورين ، وضجّت الخرطوم) .. بالمناسبة أمتلك تسجيل لكل القعدة وكان واضح فيها إنو علي عثمان (متأفف) جدا من هذه الزيارة (الإجبارية) والتي ممكن جدا تكون (غير متوقعة) .. لنكون منصفين قليلا .. تكريم وردي ومحمد الأمين (البعض يسميه سقوط) لا يشبه هذه (القعدة) من قريب أو من بعيد .. وكلو موثق ..!!

Quote: يا عبد الغني سلام الكابلي (فل استوب) ما عاوز تعريف .... وكده ماذا يعني ان غني بجانب علي عثمان؟؟ اليس علي عثمان انسانا مثله مثل ماو وعبدالناصر ونميري ونقد والصادق؟ وان اختلفت معه سياسيا فليس من حقك ان تتهم كابلي بمصاحبه السفاح كابلي للجميع وللسودان وفنه متاح للكل وردي وما ادراك ما وردي غني في حضرت البشير وعبد الرحيم اها رايك شنو هسه جايب ليك صور بتاعت قزاز وجاي تقول تحت تحت يا فالح هي اذا تحت تحت الزيك ده ما ظنيته بعرفه بعدين ده بوليس كيس جاااااااااهز اتهامك للكابلي وعلي عثمان بشرب الخمر ... وكمان جايب المعروضات معاك يا الشفت لقد دقسته يا ابني وبجيك راجع

Quote: قعده كاربه!!! لكن قاعدين يضربوا{عرقي)ولا{ويسكي}????

Quote: اخى عبد الغنى لا الكابلى ولا محمد الامين ولا محمد وردى ولا عركى وكتير وكتير بينكسروا لكن الحكومة لمن ما لقت طريقة معاهم بقت تمشى ليهم فى عقر دارهم ، يعنى حلقة مع الكابلى ولا على باله إنو حيجى يلقى الحشرات دييل ، فهذا زمن إنكسار أجهزة الاعلام وليس الفنانيين ولكم ودى

Quote: الأخ عبدالغنى الأخوة المتداخلين لكم تحية تقدير وود كابلى فنان تغنى لعبدالناصر ولأسيا ولأفريقيا.. وخاطب وجدان الشعب السوداني عاطفياً وثورياً على مدى أكثر من خمسين عاماً.. على عثمان سودانى وإنسان قبل أن يكون نائب لرئيس الجمهورية وله من المشاعر والأحاسيس مثل ما أنعم الله علي البشر بهم وهو يتفاعل مع ماهو حوله بكل تفاصيله .. فأرجو أن لا نحرم الناس حقوقهم.. ليغنى وردى فى حضرة رئيس الجمهورية وليغنى كابلى فى حضرة نائب رئيس الجمهورية.. أفليس هذا تكريم للفن والفنانين؟؟ ربما أختلفنا فى الإجابة!! ولكن أخى عبدالغنى أسمح لي أن أقول لك هذا هو واقعنا وهؤلاء هم حكام السودان وساسته وتعترف بهم كل الدول والمنظمات الدولية وهى تتعامل مع حكومة السودان بزعاماتها الحالية .. فكيف للفن والمجتمع بكل ضروبه أن ينفصل عن هؤلاء الساسة وأن يعزلهم؟؟ أخى هذا هو الواقع.. ومن يستطيع أن يغير النظام فليفعل وليغلق بابه أمام الفنانين العظماء ليغنيهم عن السقوط المدوى الذى تراه أنت الآن فى مثل هذه الجلسات.. الفنان يطلق فنه فى الحفلات والمسارح والجلسات وعبر أجهزة الإعلام والكاسيت فليس هناك حجر على رئيس أو مرؤوس أن لا يستمع ويستمتع بالفن. أرحموا تاريخ وردى وكابلى وكل من كرمته الدولة فهم يستحقون أن يكونوا فى مصاف هؤلاء الساسة والرؤساء ويكفى بأن عطائهم أمتدة لأكثر من نصف قرن وسيستمر صداه بأعمالهم حتى نهاية البسيطة فهم الخالدون بما قدموا.. مع جزيل تقديرى عبدالعزيز خطاب

Quote: هذا الشخصيات التى ذكرتها لا تختلف فى المنهج والممارسة وطريقة المجىء للسلطة عن على عثمان محمد طه..... الكابلى يمثل السقوط الأخلاقى للفنان السودانى ، فبعد ما كان أهل الفن هم مشعلى الثورات الأن أصبحوا كالشعراء العباسيين المادحين فى بلاط أبو العباس السفاح....

Quote: طيب رأيك شنو في كل سياسيينا واحزابنا المعارضة التي تقبع تحت قبة البرلمان ووقعت مذكرات نهائية او مذكرات تفاهم مع الحكومة ، وعلى سبيل المثال الحركة الشعبية الحزب الشيوعي حزب الامة مودتي

Quote: الاخ عبدالغني لا اعتقد انه من السهل اتهام رموز فنية رائعة مثل الاساتذة الكابلي او وردي او محمد الامين او غيرهم من الرموز التي تمثل عصارة الفن السوداني الاصيل لانه لا ينتقص من قدرهم او انتمائهم الحقيقي للسودان كونه ان يتغنوا او يكرموا امام حكومة الانقاذ في الاخر هم ناس موجودين في السودان ووارد جدا تكون في مناسبات يتواجد فيها اركان النظام فهل يعني ذلك سقوطهم؟؟ الشعب السوداني الذي يعيش في الداخل عايش تحت سماء يحكمها الانقاذ ورغم كرهه لها ذلك بيحاول يعيش ويمشي حاله فهل يعني ذلك سقوط هذا الشعب ؟؟ هؤلاء القامات هم رموزنا التي قدمت واعطت لنا من حياتها العطاء الكثير فصعب ان نلغي كل ذلك ونصفهم بالسقوط

Quote: يا بريش اصح انت لسه نايم كابلي قامة سودانية سامقه كابلي فنان عظيم لمن يتذوقون الفن فقط وامثاله لا يسقطون

Quote: قمة الرقى والادب الرفيع تسلم يا عزيز يديك العافية ام وضاح

Quote: الحبيب بريش، الكابولي ده، قال لي شخصيا، الترابي "ام بررو"! طبعا محمول المفردة واضح

Quote: عبدالعزيز خطاب، لما نقول عليك كوز او انغاذي فوق لي جلابي، تزعل. المجرمين ديل رؤساء جمهورية منم؟ الفسقة الرساليين، ام مجرمي الحرب يا خطاب؟ في احسن الاحوال هي جمهورية جلابة، نازية ومجرمة! انت خجلان من شنو ولامن من منو؟ ماتعلن عمالتك للنظام عديل.