|
|
|
 Re: إسبانـــــيا 2008 .. (Re: معتصم دفع الله)
|
لم يجد الإسبان صعوبة في تفكيك الماكينة الألمانية وتربيطه بمسمار فيرناندو تورس في الدقيقة 32 من عمر المباراة النهائية لبطولة أمم أوربا 2008م والتي تلاعوا فيها الأسبان ودكوا حلئط برلين وسيطروا عليه حتى أعلن الحكم نهايتها بفوزهم المستحق وحصولهم على كأسها ..
إسبانيا بقيادة كازياس ونستا وإكزافي وتوريس تلاعبو بالألمان وأحكموا سيطرتهم على مجريات المباراة فأمتعونا بمهاراتهم العالية وكان لهم ما أرادوا وعاندهم الحظ كثيراً في بعض الكرات التي أنقذها الحارس الألماني ليمان ..
مبروك للإسبان ..
وهاردلك عمر الفاروق ..
| |
 
|
|
|
|
|
|
|
 Re: إسبانـــــيا 2008 .. (Re: معتصم دفع الله)
|
معتصم العريس..
جينا نسلم عليك ونقول مبروك الخطوبة..
عمر، حبه للألمان عندو علاقة بحبه للحقيبة، أو هكذا إعتقد؛ ولكن لو تمعّن في أداء الأسبان، كان عِرف الكاس ده كأسهم، وإستحقوه بجدارة..
____
نشوفك بعد الأرشفة بكامل (شفافتك) يا صديق..
| |
|
|
|
|
|
|
|
|
|
Re: إسبانـــــيا 2008 .. (Re: معتصم دفع الله)
|
هلا ياجميل كالاسبان انت
وفى قامة الاسبان بوستك
انا طبعا ماشفتو عشان كدا
نزلت صور معبرة فقط,,,,,,
بجد كان فرح عظيم بعد 44 عام وقد تنباء به الاسطورة بلاتينى,,وقال اتمنى ان اقدم الكاس لاسبانيا
وقد صدق حدسه,,,,ونحن ما زلنا فى الحروب وحريق الطيارات,,,,
اه يابلد اه ياوجع,,,
بس والله زعلتنى الدقيلة المستشارة الالمانية,,,وقفت مع بالاك طويلا ,,ولم تعبر كاسياس ولم تطعتيه اهتمام
لكن الا توافقنى الراى ان,,عواجيز المدربين احنك واقدر من المدربين الشباب
مدرب الروس اخرج فان فاستن,,ومدرب الاسبان اخرج المدرب الهولندى,,اضف اليهم فشل داندونى
ومن قبله ريكارد,,,
تحياتى
ملحوظة
وين صحفى ورياضى البورد,,ناس طلحة وجلحة وشيبة وليبة,,وكيجا وويجا,,واحمد الريح والقول تريح
ديل مالهم غائبين وما غطو هذا الحدث الاعم,,بكرة يجونا ريكاردو فاشل وصلاح ادريس متغطرس
وووينكم ياناس الصفر الكبير....
| |
|
|
|
|
|
|
|
|
|
Re: إسبانـــــيا 2008 .. (Re: العوض المسلمي)
|
سألني صديقي (الفضولي) .. !!  : ما هي أجمل رسالة أرسلتها في الفترة الأخيرة ؟؟؟
أجبته (بأريحية مُطلقة)  رسالة من كلمة واحدة إلى المدعو : النازي / عمر الفاروغ شيخ الدين 
واصل فضوله (البري) مٌتسائلاً عن فحوى الرسالة : ؟؟؟
أجبته بانها كانت كلمة واحدة (عبارة) لعنوان تم حزفه للمذكور في فترة ماضية ويحمل كلمة واحدة فقط كُتبت بمناسبة إنتصار الهلال على المريخ في مباراة مـــا بينهما .....
و....................... يا عمرالفاروغ
..
شكــــــــــــــــراً يا شفيف ...
| |
|
|
|
|
|
|
|
|
 Re: إسبانـــــيا 2008 .. (Re: عمران حسن صالح)
|
يا عمران فضولي دا ياخي ببالغ عديل كده ..
تخيل نفس الرسالة وبالكربون مشت من جوالي وجوال تمبس بدون ترتيب مسبق للألماني عمر الفاروق ..
طبعاً صاحبك سردب وأكله في حنانه ولا هببو لينا ..
لكن قاليك بنخليهو بيها هسي الصيوان دا مدقوق ليهو هنا دا ..
مبروك يا مان وعقبال أسود الهلال ..
| |
|
|
|
|
|
|
|
|
 Re: إسبانـــــيا 2008 .. (Re: العوض المسلمي)
|
الله يسلمك يا العوض ويبارك فيك ..
أنا كنت متمنى فرق زي إسبانيا وهولندا وروسيا وتركيا تشيل الكأس دا ..
وتفكنا من عقدة الكبار وإسبانيا لم تخزلني فقد نالوا الكأس عن جدارة وإستحقاق ..
وتمنيت أن تكون لدينا ملاعب زي الملاعب العالمية دي لأن البنية التحتية بتساعد على تطور الكرة مع وجود إداريين أكفاء بالطبع ..
| |
|
|
|
|
|
|
|
|
|
Re: إسبانـــــيا 2008 .. (Re: معتصم دفع الله)
|
ألراقى/معتصم دفع الله..
أولآ حنينا للأسبان حنين قديم..من زمن الفتوحات ألأسلامية..وصقر قريش.....وألأسبان يستاهلوا....وكراهيتنا للألمان مربوطة بكراهيتنا للنازية..ألف مبروك لأسبانيا....
وعقبالك إنت إن شاء الله تفوز لينا فى فى مباراة العيد...إن شاء الله واحد صفر..بس تجيب لينا ألثلاثة نقاط..وربك يسهل..
إسماعيل محمد احمد عباس....
| |
|
|
|
|
|
|
|
|
|
Re: إسبانـــــيا 2008 .. (Re: معتصم دفع الله)
|
الألمان هم الألمان تعودوا على الوقوف على منصات التتويج وهم من أكثر المنتخبات لعبا للمباريات النهائية على مستوى كاس العالم وكاس امم اوروبا وهي من الاكثر منتخبات فوزا بهذه البطولة ..
نعم هم الالمان يقدمون درسا لكل العالم في كيفية تقبل الهزيمة ذهبوا فحيوا الجمهور ولم نرى دمعة واحدة تتقاطر من اعين اللاعبين ولا الحسرات المزعجة كيف لا وهم ابناء المانيا الذين بنوا دولة كاملة انهكتها الحروب العالمية في اقل من ربع قرن !!!
نعم هم الالمان ياتون من الخلف والكل كان قد راهن على خروجهم المبكر ..
ربما لم يقدم الالمان افضل ما عندهم بسبب اخطاء تدريبية وربما بسبب اصابة اللاعب بالاك الذي لعب تحت التحدير وهو اللاعب الغائب عن اخر تدريبين للمنتخب وكانت هناك شكوك حول مشاركته ..
المنتخب الاسباني منتخب شاب وكذلك الالماني وكان لك الحق سيدتي ميركل بان تقفي طويلا مع الحكم الذي تحامل عليينا وعليكم كالمان ولك الحق ايضا ان تقفي مع القائد بالاك للتهنئة على مستوى المنتخب والوصول لهذه المرحلة بعد فشل لازم المنتخب منذ العام 96 وهو اخر عام حققت فيه المانيا فوزا بمباراة ناهيك ان تلعب النهائي..
المانيا تفكر بهذا المنتخب وهذا المدرب بمونديال العام 2010 وتابعوا هذا المنتخب وسترون فقط بعد ان يتم تدعيم المنتخب بمهاجمين من طراز عالي ليس بمستوى كلوزا وقوميز وكوراني ..
مبروك اسبانيا التي اكدت فشل نظرية (5+6)والتي ايدها الاسبان وقالوا ان سبب تدهور منتخبهم هو مشاركة الاجانب في الدوري وها هو العكس يحدث ويؤكد ان الاحتراف يرفع مستوى البلد كرويا ..
ولا باأس بالتجنيس وها هم الاسبان يستفيدون من خدمات البرازيلي سيينا لاعب خط الوسط وافضل لاعب في البطولة ..
تخريمة :
والله امبارح موبايلي قرب يلد ليهو اريكسون وموتورولا ونوكيا صغمبروتي بي سبب رسائل عمران ومعتصم وتمبس ..
غايتو البيشوف رسايلكم يقول راؤول ود خالتكم !!
| |
|
|
|
|
|
|
|
|
|
Re: إسبانـــــيا 2008 .. (Re: معتصم دفع الله)
|
الصديق معتصـــم
مبرووك لأسبانيا
أول مرة أحضر بطولة دولية و تذهب الكأس لمن يستحقها....
* أكثر لاعب عجبني في البطولة هو دايفد سيلفا لاعب فالنسيا الزول ده عندو كنترول ما عادي ...
* طبعاً بالإضافة لأولادنا زافي و بيول و أنيستا بالإضافة للبقية كلهم كانو مبدعين بحق
خالد
| |
|
|
|
|
|
|
|
|
|
Re: إسبانـــــيا 2008 .. (Re: خالد عبد الله محمود)
|
خالد كيفك ..
وينك مختفي يا راجل ..
إسبانيا دي قلبت الطاولة على الكبار ونالت كأس البطولة عن جدارة وإستحقاق ..
وفقدنا ديفد فيا في المباراة النهائية بعد إصابته ونتمنى أن يعود سليماً للملاعب مره أخرى ..
| |
|
|
|
|
|
|
|
|
|
Re: إسبانـــــيا 2008 .. (Re: معتصم دفع الله)
|
| Quote: * أكثر لاعب عجبني في البطولة هو دايفد سيلفا لاعب فالنسيا الزول ده عندو كنترول ما عادي ... |
الزول ده انا متابعو من الدوري الاسباني وقلت ليهم ده احسن زول بيلعب بي رجلوا الشمال واستايلو استايل ارجتينين ..
الكورة دي ما بتقلعا منو كان نططت او فنجطت ..
لكن بس انا عندي راي اشتر شوية كده كالعادة ..
في لاعب كده الناس ما جايبا ليهو خبر بس ده في رايي زول ما طبيعي ..
المهاجم طويل القامة (راس الحربة) في منتخب روسيا ...
الزول ده مااااا عادي ..
مش قلت ليكم اشتر ؟ عاااااااااااااااارف ..
| |
|
|
|
|
|
|
|
|
|
Re: إسبانـــــيا 2008 .. (Re: عبدالله كع)
|
كيفك يا عبدالله ..
تركيا قدمت مستوى ممتاز في البطولة وعاندها الحظ كثيراً ..
إسبانيا نفس الشي لكنها واصلت مستواها الممتاز ونالت البطولة ..
يلا ما مشكلة المره الجاية إن شاء الله ..
| |
|
|
|
|
|
|
|
|
|
Re: إسبانـــــيا 2008 .. (Re: طلحة عبدالله)
|
Quote: الماتدور الأسباني زيو وزي المريخ
نفس الملامح والشبه |
شفت الكبار وين والبعيوات وين؟؟؟؟؟؟؟
رفتو راسنا يامعتصم ويافروق...على رغم اختلافى معك فى ميولك الالمانية
الناس عاملة فيها صحفيون فى الفاضى,,,,لا عندهم مراسل قد سافر فينا
ولا عاوزين يخسرو حاجة,,,مشترين كروت الجزيرة ب 130 ريال ايام الرخصة
وقاعدين يكتبو من منازلهم,,,مثلهم مثل اى شخص عادى
ثم الا توافقونى ياشباب ان نقل اليوريو ابداع فى غاية الرقى,,25 كاميرة منها المتحركة ومنها العنكبوتية
ومنها 2 هيلكوبتر...
على الرقم من حرمانا لتك العشرة دقائق و33 ثانية,,عندما انقطع التيار من مركز البث الرئيسى
وعشان يصدق الخبر من قبل المشاهد,,اعتدات الجزيرة ان تاتى بلقطات من الشاشات الخارجية
من استانبول ومدن اخرى,,,
ثم المحللين الاجانب قد اضافو لمسات فنية بارعة قد فاقد محللين الART العرب فى كثير من الامور,,وهذا سبق تحلليلى يحسب للجزيرة
واذكر مرة ان طارق دياب قد اشاد باحد حكام احدى المباريات,,بانه بدل ان يعطى لاعب ضراء ,,اعطاه افضلية
لكى يحرز هدف وما تحقق المراد ,,,فعلق عليه مالدينى ,,فقال ان الحكم مخطىء ,, بان ليس هنالك افضلية تفوق ضربة الجزاء,,
فامن الحضور على كلامه
ثم المكسب الاهم هو انضمام اللاعب سامى الجابر لتيم التحليل الجزيرى ,قد كسبت به اغلب المشاهد السعودى
ثم ان الجزيرة اذا اضافت قناة رياضية اخرى لا تطالبك بدفع اخر وهذه محمدة اخرى
ودمتم
| |
|
|
|
|
|
|
|
|
|
Re: إسبانـــــيا 2008 .. (Re: abuguta)
|
كلامك صحيح يا أبوقوتة ..
صحافتنا الرياضية قاعدة ( ساي ) للاسف ..
ناس مبارين ( الجداد ) ما تسمع ليهم إلا ( كااااك ) ..
كنت أتمنى أن يكون عندنا إعلاميين موجودين في هذه البطولة ينقلون لنا الأحداث من هناك ..
أو على الأقل أستديو تحليلي يتابع لينا مثل هذه الفعاليات ..
الجزيرة الرياضية منبر إعلامي ضخم ينقل مثل هذه البطولات ولا يترك شاردة ولا واردة وإلا وهو مغطيها ..
التحليلات كانت في قمة الروعة حضور كبير وكلام مرتب ومتابعة ممتازة ..
وليت ناسنا يتعظون ويستفيدون من الكلام دا ويستفيدون من مثل هذه البطولات والتحليلات لكن نقول لمنو ؟..
شكراً للمتابعة والإضافة الجميلة ..
| |
|
|
|
|
|
|
|
|
 Re: إسبانـــــيا 2008 .. (Re: طلحة عبدالله)
|
Quote: الماتدور الأسباني زيو وزي المريخ
نفس الملامح والشبه |
يا مسكين هوي هااااا ..
قال زيو وزي المريخ ..
والله انتو يا بتعاين الجداد حيرتونا زاتو ..
هسي الجاب الماتدور للجداد شنو ؟..
طلحة ازيك ..
ما قلت لي جدادكم عامل شنو في تونس 
| |
|
|
|
|
|
|
|
|
|
Re: إسبانـــــيا 2008 .. (Re: عبدالله داش)
|
يا داش بعد ( كوراكك ) داك تقول لي ما بتعرف كورة ..
أنا كل شوية أسرق اللعب وأعاين ألقاك قربت تدخل شاشة التلفزيون ..
شتات قال لي التمرين الجايي بدري بدري يعني طريقة ليك تحلك مافي ..
أبقى طيب يا صاحب ..
| |
|
|
|
|
|
|
| |
معتصم دفع الله
Yassir Tayfour
abuguta
محمد عبد الماجد الصايم
shiry
طارق عبد اللطيف نقد
حسين محي الدين
العوض المسلمي
عمران حسن صالح
ismeil abbas
عمر الفاروق
خالد عبد الله محمود
عبدالله كع
طلحة عبدالله
فيس بوك
تويتر
انستقرام
يوتيوب
بنتيريست