دعواتكم لزميلنا المفكر د.الباقر العفيف بالشفاء العاجل
|
|
 لو يحكمنا الحزب الحاكم ( محاولة شعرية )
|
لو يحكمنا الحزب الحاكم
باقي عميرنا الفاضل !
يبقى العمر شريد
وأصلو الحاصل ، حاصل
لو يحكمنا الحزب الحاكم
تاني سنيناً زي الفاتت
يبقى العمر رزيل
وأصلها جاطت ، جاطت
لو يحكمنا الحزب الحاكم
ويزيدو علينا حراق الروح
يحرق فوقنا مدن وبوادي
وريحة الشية تفوح ، وتفوح
لو يحكمنا الحزب الحاكم
ونبقى نصّوت عميانين
وتبقى حكومة الزيف محمية
وتحكم فينا سنين ، وسنين
لو يحكمنا الحزب الحاكم
ونبقى نهلل للكيزان
يمر الريس يبشّر فوقنا
ونفقر نحن كمان ، وكمان
لو يحكمنا الحزب الحاكم
تولّع فينا حروب الهامش
ويضعف فينا الوطن الواحد
وأصلاً شعبنا طافش ، طافش
لو يحكمنا الحزب الحاكم
يشيّب راسنا الأصلو عنيد
ويبقى وليدنا يحاكي الشايب
يكبر همّو يزيد ، ويزيد
لو يحكمنا الحزب الحاكم
سنين الغربة الما بتنعد
تطول تتاكى تفوت الحد
وطعم الذلة يمد ، ويمد
لو يحكمنا الحزب الحاكم
ونبقى نتوجو حزباً حاكم
يقوم يتنفّر زي فرعون
يرغي ويزبد واهم ، وواهم
لو يحكمنا الحزب الحاكم
يعلّي العسكر في السودان
يدوسوا علينا بطرف البوت
وتبقى الدنيا هوان ، وهوان
|
|
 
|
|
|
|
|
|
|
|
Re: لو يحكمنا الحزب الحاكم ( محاولة شعرية ) (Re: ودقاسم)
|
صديقي ود قاسم
ازيدك في الشعر بيتين
لو يحكمنا الحزب الحاكم
تموت البسمة في الاطفال.. تشيخ الضحكة في كل حال
لو يحكمنا الحزب الحاكم
تزيد حيرتنا ..نتمحن ..نهز روسينا جاي بي جاي
تزيد عبرتنا ..نبالع الغصة في الحلقوم وانت حداي
لو يحكمنا الحزب الحاكم ..تكورك الحاجة
الترابة علي البلد الصبح وليانها كضابين
ترابة على البلد الصبح اسيادها مافيشين
ياود قاسم نسوي شنو؟؟ سياسة؟ قالو زايدة الطين
اخير نقعد في الارض ونقرالها عديل ياسين
| |
|
|
|
|
|
|
| |
ودقاسم
أم سهى
Abdelrahman Elegeil
هشام هباني
أحمد الشايقي
فيس بوك
تويتر
انستقرام
يوتيوب
بنتيريست