دعواتكم لزميلنا المفكر د.الباقر العفيف بالشفاء العاجل
|
|
 هل الطريقة التى يستخدمها فتحي البحيري في نقل الأخبار تخدم الأنقاذ ام لا؟
|
نعم
كيف؟
ببساطه
***
هاك يا فتحي اتكلم لينا في البورد بتاع سودانيز اون لاين عن الموت في فتاشه
اقول شنو؟
قول اي حاجه يا اخي
اقول قرصتو عقرب ؟؟
يا اخي هبب البتهببو
طيب وبعدين
وبعدين الناس حتكتشف عدم صحة الخبر
طيب انا كدا مش ح انكشف؟
لا
ليه؟
لأنك بتجيب خبر ضد الحكومه ومافي زول حيرتاب فيك تاني
طيب الفائده شنو من كدا يعني؟
الفائده يا فتحي انك بتكون رسبت عند الناس ديك انو أي خبر يجيهم بعد كدا ما بيصدقوهو وعلي كدا قس
اها رأيكم شنو يا احباب
نزيد ولا نوقف
|
|
 
|
|
|
|
|
|
|
 Re: هل الطريقة التى يستخدمها فتحي البحيري في نقل الأخبار تخدم الأنقاذ ام (Re: HOPELESS)
|
يا سعادتك لازم تشوف لي تبرير
تبرير لشنو يا فتحي مالك انت متعب كدا يا اخي؟
تبرير لناس البورد انكم ما اعتقلتوني ليه
ايواااه ... طيب مافي مشكله
اها يا سعادتك اعمل شنو دبرني دا هوبلس باقي لي في حلقي
ايوه الزول الفقري دا قرب يكشف خططنا .. لكن علي مين
ايوه يا سعاتك انت المخ.. ونحن العضلات
يااخي روقنا خلينا نفكر
كويسسسس
اسمع تغيب عن البورد زي تلاته ايام
وبعدين؟؟
ويعدين الجماعه يسألوا عنك
اها
اها لما ترجع تقول ليهم انك كنت محبوس وناس الامن استجوبوك وعزبوك ودخلوك غرفة الاشباح وبقوك شبح مع انك ما محتاج .. لووول
والله يا سعادتك فكره جهنميه
رأيك شنو يعني اعمل مقدمه كدا وتمهيد
زي شنو يا فتحي يعني
يعني افتح بوست مجهول كدا وفي النهاية افهم الناس انو انتو طالبني وكدا
والله يا فتحي قرررررررربت اقول عليك خلاص ممكن نعتمد عليك بس...!؟
شنو يا جنابو نحن ما خلاص بقينا جاهزين
مااااااااظنيت بس نفذ يازول
تمام سعادتك
انصراف
| |
|
|
|
|
|
|
|
|
|
Re: هل الطريقة التى يستخدمها فتحي البحيري في نقل الأخبار تخدم الأنقاذ ام (Re: ود محجوب)
|
ودمحجوب يا اخي ما تخلي بالك طويل شويه
خلي روحك رياضيه زي اخوك كدا  شفت كيف؟
وبعدين عشان ما تخش النار ما تحلف كتير  كويس؟
اها الانت ما فهمتو من كلام نجم قصدو يقول ليك انك ما دام مؤمن وصديق زي ما بتقول وصدقت فتحي البحيري ليه ما صدقت وليد الكوز ؟؟ شوفت الزول دا داير يورطك كيفن؟
أها يا ود محجوب كنت داير اتعلم منك لغة المنابر لقيت لغتك لغة بنابر .. هسع اكان سعلتك و مسعول من الخير دا شنو
مافيا كدا يا ود محجوب والايحاء في دي ما لزيز يا ود محجوب مش كدا
| Quote: لا تصلح فى اى منبر وليس هذا مكانها وهى لغة يؤسفنى الا استطيع ذكر مكانها |
مش انت برضك الكبير ولا انا غلطان مش نحن برضو مفروض نتعلم منك ولا شنو؟
طول بالك ممكن نتفاهم في اللفه
| |
|
|
|
|
|
|
|
|
 Re: هل الطريقة التى يستخدمها فتحي البحيري في نقل الأخبار تخدم الأنقاذ ام (Re: HOPELESS)
|
الاخ هوبلس منك نتعلم انا وليد الكوز ده ما بعرفو
وبعدين كيف اصدق كوز وشيخهم ورئيسهم
اعترفوا عينك يا تاجر انهم كذابين وكانوا بيغشوا فى الناس0
وبعدين كيف اصدق زول يقول لى حالتك كويسه وتمام
التمام وانا مصارينى مقطعه من الجوع اما من يتقل الخبر انا اصدقه الى ان يتضح كذبه0
اما حكاية مافيا المنتديات هذا واضح ما ان
يكتب واحد حتى جماعته واقفين معاه حق او باطل0 يعنى زولهم ده معاه على طول ولا مره واحده يخطىء0
اما ما احلف عليه ده بينى وبين ربى لايفيدنى فيه
من صدقه او كذبه0
| |
|
|
|
|
|
|
|
|
|
Re: هل الطريقة التى يستخدمها فتحي البحيري في نقل الأخبار تخدم الأنقاذ ام (Re: ود محجوب)
|
ودمحجوب يا لزيز .. ايوه كدا يا اخي خلي نفسك بارد...انت علي الطلاق زول ودشيوخ عديل بس الزمن رمادي
انت عارف يا ودمحجوب مصيبة الكيزان ديل انهم لا بيرحموا ولا بيخلوا رحمة ربنا تنزل .. يعني في داعي يكذبوا علي الشعب ويقولوا ليهو بطنك مليانه والشعب هو البحس بالجوع؟
عليك الله دا ما الافتراء زاتو؟
علي الطلاق شويه كدا يفوتو المتمردين حقين ناس جون قرنق لغادي
اسمع اقبلني في المافيا حقتكم
في طريقه؟؟
| |
|
|
|
|
|
|
|
|
 Re: هل الطريقة التى يستخدمها فتحي البحيري في نقل الأخبار تخدم الأنقاذ ام (Re: waleed500)
|
والـله يا وليد لقب كوز دا ما لقب يفرحوا بيهو ــ وكي تري العوجة لا تقارن بمن تظن انه عميل وغيره ـ تحر الحقيقة وانظر ماذا فعل الكيزان واحكم علي تجربتهم في الحكم ـ غايتو في نظري ان حسنتهم الوحيدة انهم برهنوا لخلق اللـه زيف تدينهم بيان بالعمل ــ ياخي شفت ليك حوار كتف شيخه ورماه في السجن؟؟ ــ شفت جنس تربية الشيخ دا لي حواره؟؟ ـ يعني لا خير في الشيخ ولا خير في الحوار ــ شفت ليك رئيس يعترف بأنه زور شهادة طبية و يفخر بهذه المهزلة؟؟ ـ شفت ليك رئيس يعترف بأنه ظلم وبطش و..و.. ؟؟ـ شفت ليك حرامي عينه قوية زي البيقول خلوها مستورة، واللا أجبن وأكثر حرومية من الخلوها مستورة زاتهم؟؟ ــ شفت الاسلام تضرر بشئ اكثر من المتاجرة به؟؟ ـ ياخي الاسلام دا كان منساب بسماحته اتجاه الجنوب بعفوية حسده عليها المبشرون ـ و بكل بساطة وعفوية دخل الجنوبيون الاسلام وحتي انه اصبح الثوب والجلابية شائعآ كزي كاد ان يصير الغالب ـ وكل ذلك بمجهود رجال صدقوا ما عاهدوا الله عليه، عاشو معهم ووسطهم وبهم وصاهروهم واصبحوا منهم ـ شاركوهم حياتهم وفقرهم ـ وبذا طبقوا فيهم مبدأ الدين المعاملة ـ طبعآ لا يخفي عليك اني اقصد المشائخ الجد جد ـ ليس أولئك الذين يذهبون للجنوب في سيارات المنظمة اللاندكروزرز والعبايات المطرزة ليأمروا موظفيهم ـ ابنو مدرسة هنا،، احفروا بئر هناك ،، ،، ثم يركب سيارته ويسافر ليقدم تقاريره للمنظمة بالانجازات والاسلمة ــ ثم انظر كيف باسم الاسلام دمرت الحرب كل المجهود الدعوي الذي بدأه المخلصون منذ عشرات السنين ـ فبدلآ عن الانتشار السلس لاسلام اصبح للجنوبيين مناعة وحتي بغض لكل ما هو عربي او اسلامي ــ بل ارتماء في احضان الغرب والاتيان بالغرب وعصاته الغليظة لمساندته ضد هذا العدو العنيف الذي اصبح عالميآ مبغوضآ ــ والشئ البغيط انه حتي عندما اعتمد الكيزان الحرب لم يتركوها للجيش المحترف، بل زجوا الشباب اليافعين في الحرب عنوة بدون تدريب كافي بحماسة الله اكبر ـ ألم تر كيف صار الطالب السوداني في عهد الكيزان مذهولآ مختبئآ من حيطة لحيطة خوفآ من الدفارات التي تزج بهم في معسكرات الخدمة الوهمية و منها الي القتال مباشرة؟ـ و الان معظم الطلاب مصاب بالاحباط والزهد في الدراسة، والنتيجة زي ما شايف،، معظم طلاب الجامعات اصبحوا بنات ـ والعشرة أو قول المئة الاوائل في الشهادة الثانوية معظمهم بنات ـ وهذا قليل من كثير غير الظلم والنفاق والفساد و.و. ـ
| |
|
|
|
|
|
|
| |
فتحي البحيري
ود محجوب
abuguta
Munir
ــ
waleed500
فيس بوك
تويتر
انستقرام
يوتيوب
بنتيريست