|
دعواتكم لزميلنا المفكر د.الباقر العفيف بالشفاء العاجل
|
|
 Re: مبروك قطر...(وعنابي ...عنابي)....!!! (Re: عبدالكريم الامين احمد)
|
يوم تاريخي هنا في هذه المدينة الجميلة الدوحة وشارع الكورنيش ذلك المقر والممر الرسمي لاحتفالات وكرنفالات قطر الرسمية والشعبية يشهد لوحة وفرحة من كل الاجناس الموجودة في هذا البلد...وهو ياوما تاريخي بحق ان تري الجموع تخرج لكي تعبر عن الوفاء لذلك الكرم القطري والاريحية التي تصنع الامن والطمانينة في كل اركان هذا البلد الجميل
| |
 
|
|
|
|
|
|
|
|
Re: مبروك قطر...(وعنابي ...عنابي)....!!! (Re: nadus2000)
|
Quote: ألف مبرووووووووووووووووووووووووووووووووووووووووووووووووووووووك
أنه انتصااااااااااااااااار على الكباااار |
مبروووووووووك فعلا يا نادوس
وهي ضربة معلم وانتصار كبير لهذه البلدة التي انطلقت الي العالمية بكل ثقة واصرار وبساطة ممزوجة برقي عالي وتواضع جم في اهلها الكرام
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: سلمى تاور)
|
Quote: مبروووووووووووووووووووك قطر
و الله تستاهلا و فرحنا ليها من جوووووووة قلبنا |
هلا يا سلمي والف مبروك فعلا لقطر وشعبها الجميل..
ويا ليتكم كنتم جميعا معنا هنا في قطر حيت كواليس الانتظار والكاروشة وحمتها التي اصابت المدينة ومنذ اسبوع وساعة الصفر تقترب صوب لحظة اعلان الفيفا..
ولهفة القطريين وحديث صحفهم ونبض الانتظار وتفاعل المقيمين
ولكن ومنذ الامس وعندما قدمت قطر ملفها الذي كان علامة فارقة ومميزة ايقن الجميع هنا بان قطر ذاهبة للمجد بلامحالة...
ونتمني ان نراكم هنا في 2022 باذن الله
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: عبدالكريم الامين احمد)
|
Quote: يا سلام
يوم تاريخي في تاريخ الجزيرة العربية
وعلي نياتكم ترزقون |
نعم يا خلي يوم تاريخي وقطر ذهبت الي العالمية والمجد بخطي واثقة وبساطة راقية..
وصرعت اليوم
امريكا
استراليا
اليابان
وكوريا
وهي دولة ذات هامات كبير,,
ولكن شبه الجزيرة القطرية قدمت ملف جعل العالم يششششششششهق
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: سلمى تاور)
|
يا أبو أية سلام
نعم مبروك لقطر
مبروك لسمو الشيخ محمد بن خليفة أمير دولة قطر
مبروك للسمو الشيخة موزة المسند
مبروك للشعب القطر هذا الإنجاز التاريخي والجهد المقدر
وهنئاً لهم بهذه القيادة
كامل الدعم والتضامن
من المهم جداً أن يفهم قادة دول المنطقة الآخرين الرسالة التي وجهها لهم
الشيخ حمد بن خليقة أمير دولة قطر
كيف تبنى الأوطان وكيف تبنى وتخلق الشعوب
وكيف تصنع الإنجازات لبلدك
وليتعلموا كيف يكون القائد محبوب من شعبه
المنوط بكل قائد بناء بلده وتوحيده وتوفير سبل الراحة لشعبة
كان من المفترض يكون وجود الجالية ظاهر برفع علم السودان تأكيداً لدعم قطر
لكن الإناء بما فيه ينضح
شكراً كريم
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: عاطف مكاوى)
|
| Quote: لماذا لم نرى بعض أعضاء الجالية السودانية ضمن الحشد المتواجد ب (سوق واقف)؟ |
هلا يا عاطف
وانا علي المستوي الشخصي ومنذ اعلان هذا الفوز
وبدون ما احس وجدت نفسي في اقرب دوار واقتنيت شال وعلم قطري وكم كنت اتمني ان يكون لدي علم وسوداني حتي ارفعهما في جولتي السريعة التي قمت بها الي شارع الكورنيش وقبل ما تاتي الزحمة ..
وغايتو من اجل قطر اطلقت اكبر كمية من البواري ممكن يطلقها مغترب سوداني في بلدان الخليج هذا اليوم..
ولقدام يا عاطف وباذن الله سنحتفل كسودانين بهذا الامر وقريبا جدا
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: خالد عبد الله محمود)
|
Quote: اسه الواحد محتار ينزل مع كيكي و لا خليل و لا هارون دياب !!!
غايتو بس يا كيكي إنكربو و كترو السراير |
هلا يا ابو الخلد
ومن حسع ضروري نعمل ليك قرعة عشان نشوف اين هي منزلتك
مع استبعاد هارون لانو مريخابي
وحبابك يا زول وكاس قطر ده هو فرصة لكل السودانين في الخليج وحتي السودان بان يحضروا هذا الدهشة الكروية
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: نورالدين بابكر بدري)
|
Quote: كيف تبنى الأوطان وكيف تبنى وتخلق الشعوب
وكيف تصنع الإنجازات لبلدك
وليتعلموا كيف يكون القائد محبوب من شعبه
المنوط بكل قائد بناء بلده وتوحيده وتوفير سبل الراحة لشعبة
كان من المفترض يكون وجود الجالية ظاهر برفع علم السودان تأكيداً لدعم قطر
لكن الإناء بما فيه ينضح
شكراً كريم |
نعم يا نور الدين
وهي دولة صغيرة ذات ادارة متفهمة وحالمة وذات ارادة فولاذية
######رت الامكانيات لصالح التطوير والتنمية وسريعا ما ارتقت قطر منصة المجد
وفعلا ياليت قومي في السودان الذي تساوي مساحاته موارده اضعاف مساحة وموادة قطر
ولكن..!!
وهي فرصة يا نور الدين ان نشارك الشعب القطري في احتفالاته وعلينا ان نتجاوز تلك الجالية
التي ما فاضية لهيك تظاهرة كان يتوجب ان تكون بين الصفوف
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: عبدالكريم الامين احمد)
|
اذن انها الدوحة وهي قطر تلك الدولة التي حملنا بقجنا وركبنا ترمبيل الخواجات الطائر ودخلتها في صيف
رهيب وبدات ومنذ مطارها كنار منقد وكانها بلدة جالسة علي مقربة من كانون ومنقد..
وكانت الدوحة يا يا دوبك تضع اللمسات الاولي في دروب تهضتها التي سارت بها الركبان ووصلت للعالمية
وسنعود الي مدارات الدوحة وقطر عموما في هذا البوست الاحتفائية..
وقد نهابش سيرة احياء اختفت الان وتحولت الي مدن جامعية
وسنتجول في استاداتها واسواقها وكراكيرها ثم اطرافها....وسنحلق في الدوحة تحت شعار خلي الروحة علي الدوحة
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: Siddig A. Omer)
|
Quote:
اهلنا....يا عبد الكريم.....
يحكموننا....للآسف.....الاقزام.....
و يحكمهم...بفخر...الرجال....شعب عظيم....ياالله
مبروك...لشعبٍ عظيم....و قيادةً...بالفعل ...مدهشـــة....
و للسودان...الجميل....الاقزام.......
|
تحياتي يا صديق والاشواق يا صديق
ونعم نحن بلد حدادي ومدادي وخير وموارد كثيرة ولكن يحكمنا اللصوص والاوباش وحرامية الشعوب
وقطر تلك الدولة الصغيرة في المساحة ولكنها كبيرة في الطموح والادارة يحكمها من وضعها سريعا في مصاف الدول العظمي حتي علي مستوي الشفافية...
######روا كل موارد البلد للبناء والنهضة والتنمية والمستقبل
ولنا الله نحن يا صديق
لنا الله يا صحبي
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: الصادق اسماعيل)
|
| Quote: أسمع شوف لينا طريقة عقد عمل بتاع بيع (تسالي قصب سكر عصير كركدي موية باردة) أخوك للوقت داك (إن شاء الله) بيكون قرب ينزل المعاش وبيكون باقي علينا أقساط بتاعت كريدت كارد وبيت وخلافو، فعليك الله ما تنسانا. |
هلا يا الصادق
وحبابك للمتابعة من داخل الجك القطري الذي ومنذ الغد يستعد الي 2022
وطبعا اخوك من زمااان عندو راي انو قطر دي فيها كورنرات رهيبة جدا لبيع التسالي
وكورنرات وخجانين عاوزة ليها ستات شاي بس
وحبابك يا الصادق الان ومن ثم مستقبلا علي الاقل اكفر عن الخطاء التاريخي بتاعي كوني ما لقيتك في جيتك الزمااااااان ديك
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: عبدالكريم الامين احمد)
|
| Quote: وحبابك يا الصادق الان ومن ثم مستقبلا علي الاقل اكفر عن الخطاء التاريخي بتاعي كوني ما لقيتك في جيتك الزمااااااان ديك |
انسي الفات يا كيكي، هسة أول جية ليك لأمريكا أديني تلفون وأنا عازمك على منطقتي واحدة من أجمل المناطق في أمريكا (العرض يتضمن التذاكر من مكان إقامتكمفي امريكا ولمدينتي وبالعكس والضيافة إنكلودنق القدو قدو والأقاشي والعمّاري) قصرنا معاك.
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: الصادق اسماعيل)
|
| Quote: إنكلودنق القدو قدو والأقاشي والعمّاري |
اللاهو اكبرو
مادام القصة فيها قدو قدو
فمن حسع ضروري اسخن ويناير الجاي ده موعدنا باذن الله في بلاد اليانكي
وجايييك تببببب اضرب معاك القدو قدو بالنكهة الامريكية ثم ندكل سفة فور ويل درايف..
--
شكرا يا الصادق بالجد علي الدعوة وباذن الله بصلك محل ما انت قاعد وفليكن يناير هو موعدنا
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: عبدالكريم الامين احمد)
|
مبروووك أولاد الدفعة عبدالكريم وخليل . وكل بورداب قطر وعبركم لشعب قطر
فوز قطر أسعدني جدا لمعزة قطر في نفسي رغم أني زرتها ليوم واحد قبل كم سنة ولا تربطني بيها مصلحة لكن فرحت كما لو كان السودان هو الفائز.
إنت عارف ياكيكي كنت حريص جدا من أمس علي حضور اعلان النتيجة ورغم إنو صادف عندي سمنار مهم الليلة لكن حرصت أتابع القناة النرويجية التانية بالموبايل ولمن بلاتر أعلن النتيجة رفعت ليك قبضة يدي اليمين وأنا طائر من الفرح لحدي ما الخواجات إستغربوا قمت براحة نزلت يدي
ستكون الفرحة فرحتين لو تأهل السودان لقطر 2022 وما أظن صعبة لو الناس بدت من هسي 12 سنة كافية جدا يعني يفتشوا أولاد موهوبين من عمر 6 سنوات لحدي عمري 18 سنة من خلال الدورات المدرسية ومسابقات الأشبال ويختاروا من ما سيتبقي من الناس زي 1000 موهوب ويتولوهم بالرعاية وأكيد حيطلع منهم 30 لاعب يوصلون قطر 2022
غايتو يابورداب قطر كترو السرائر 2022
كيف سيكون الحال 2022 لو ربنا أمد في الآجال .أغلب بورداب قطر حيكونوا كركبوا ودخلو الستين وسودانيز اونلاين لا ندري الحيصل عليها شنو وكتير من الحكام في المنطقة حيكونو بحبحو غايتو أنا مبارك والبشير والصباح وبوتلفيقة والقذافي وعبدالله صالح وعبدالله وسلطان ويمكن قابوس حيكونوا بحبحوا
بالنسبة للكورة الأسماء الموجودة حاليا ميسي وكاكا ورونالدو وكل الجيل دا حيبحبح ونجوم قطر 2022 بكونوا لسه بلعبوا دافوري حفايا في زقاقات ريديوجانيرو وبونس إيرس وأكرا ولاغوس وابيدجان ( أمدرمان يارب)
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: أسامة البلال)
|
هلا يا اسامة وحبابك يا ود البلال
وشكرا علي التباريك لتلك الدولة الكريمة السمح هو اهلها ..
وبالجد كانت لحظات تاريخية وفرحة تلقائية واخوك وبدون ما يحس لقي روحو جاري الشارع ومتلخبت مع جموع المهاجرين من هنود وعرب وافارقة وكل العالمين المقمين في قطر وايضا عنقنا القطريين واطلقنا ابواق السيارات... وسيكون عندي العلم القطر مرفوع لمدة ثلاثة ليال باذن الله... تحية وتقدير ووفاء لهذا البلد الذي منحنا الكثير ...
وياريت ياخ اهلنا في السودان ومن حسع يجضمو اكاديمية لكرة القدم زي ما عملت قطر في اكاديمية اسباير الاسطورية التي ستفرخ قريبا للعالم ابطال في كل المجالات الرياضية و بزيارة واهتمام ممنهج بالمدارس والرياضة في المراحل السنية الاولي سنجد اولاد لاعباين ان وجدو الرعاية والاهتمام سيكون لنا شان باذن الله...
حبابكم يا زول في الدوحة 2022 والسراير والشقق راقدة والجلاكين باذن الله من بورداب الدوحة ما بقصروا مع الجميع
وتحياتي يا اسامة
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: عبدالكريم الامين احمد)
|
اووووووه حبيبنا
الف...مليون مبروك لقطر الخير
كانت التلاحم امس
وكانت الملحمة
شاهدنا التكاتف والدموع
بين الجميع
فرحة ممزوجة بالدموع
بين القطريين وضيوفهم المقيمين
هذا البلد الطيب اهله يستحق كل الخير
وهذه القيادة الرشيدة
كل ماتوعد توفي
بالتوفيق لقطر الخير
ومبروك مرة اخري ياحبيب
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: haroon diyab)
|
Quote: شاهدنا التكاتف والدموع
بين الجميع
فرحة ممزوجة بالدموع
بين القطريين وضيوفهم المقيمين
هذا البلد الطيب اهله يستحق كل الخير |
عم يا سكورتا
وقطر بلد مضياف وعالي الهمة ويستحق كل الخير..
وامس اللوحة فعلا كانت مليانة بالفرحة والدموع والوفاء
وربنا يدي الجميع طولة العمر حتي نحضر ذلك العرس الكبير
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: أسامة البلال)
|
الف مبروك فوز قطر وحقيقة تستاهل قطر دولة صغيرة بارادة سياسية كبيرة وادارة رشيدة وحكيمة وواعية وعاااااااااارفة شن تسوى
كيكى اختيار اعضاء ملف قطر تم باحترافية عالية جله من الشباب صاحب طموح عالى و فكر اعلى وكذلك سفراء الملف وعلى راسهم زيدان و بيب البارسا ( لاعب الاهلى القطرى سابقا )
على العموم يا كيكى انا عايز لى وظيفة من الان فى الدوحة عشان الواحد يحجز مكانو لو بقى فى العمر بقية
تذكرة :
( لا يفوتنى هناالا ان اترحم على اخونا وحبيبنا معتصم عبدالحليم و يجعل البركة فى ابناءه واخوانه )
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: مجدي عبدالله أبوحريبة)
|
سلام يا كيكي:
انه ليس يوم تاريخي
ولكنه يوم سيغيير وجه التاريخ
قطر لن ينظر لها من اليوم وصاعدا بانها تلك الدوله الصغيره التي تريد دورا اكبر من حجمها ولكنها من الان فصاعدا هي الدوله جلبت تنظيم كاس العالم للشرق الاوسط
مبروك قطر ومبروك الشعب القطري ومبروك لكل الجاليات المقيمه في قطر
ومن اليوم بدأ التحدي فالفارق كبير بين ما قدم في الملف وما هو موجود في ارض الواقع وعلينا جمعيا مواطنيين ومقييمين ان نحول ماهو موجود في الملف الي الواقع باسرع ما يمكن
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: مجدي عبدالله أبوحريبة)
|
Quote: الف مبروك فوز قطر وحقيقة تستاهل قطر دولة صغيرة بارادة سياسية كبيرة وادارة رشيدة وحكيمة وواعية وعاااااااااارفة شن تسوى
كيكى اختيار اعضاء ملف قطر تم باحترافية عالية جله من الشباب صاحب طموح عالى و فكر اعلى وكذلك سفراء الملف وعلى راسهم زيدان و بيب البارسا ( لاعب الاهلى القطرى سابقا )
على العموم يا كيكى انا عايز لى وظيفة من الان فى الدوحة عشان الواحد يحجز مكانو لو بقى فى العمر بقية
تذكرة :
( لا يفوتنى هناالا ان اترحم على اخونا وحبيبنا معتصم عبدالحليم و يجعل البركة فى ابناءه واخوانه ) |
مرحب يا مجدي
وحبابك يا صديق الزمن الجميل ومراتع دينقا ام الديار..
وقطر فعلا يامجدي قدمت ملف كارب ومدنكل وقدمت حلول خلاقة لمشاكل عديدة اهمها هو مشكلة الطقس
عبر تكنولوجيا متقدمة وبالاضافة التي الاستادات القريبة من بعضها البعض...ولكن كلمة السر والضربة التي جعلت من قطر هي الحصان الرابح هو اهتمامها بالجوانب الانسانية ودخول الشيجة موزة في الملف بكل ثقلها الانساني الذي فاقت شهرته الان كل العالم..
ونترحم والحزن يملي القلب في هذه الجمعة علي صديقنا الراحل معتصم وله الرحمة والمغفرة وجنات عرضها السماوات والارض فلقد كان رياضيا راقيا وفتي رحل عنا سريعا في هذه الدنيا الفانية وتركنا للاحزان
.........
وحبابك يا مجدي وكل الود والتقدير يا صديقي الجميل
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: Albino Akoon Ibrahim Akoon)
|
Quote: سلام يا كيكي:
انه ليس يوم تاريخي
ولكنه يوم سيغيير وجه التاريخ
قطر لن ينظر لها من اليوم وصاعدا بانها تلك الدوله الصغيره التي تريد دورا اكبر من حجمها ولكنها من الان فصاعدا هي الدوله جلبت تنظيم كاس العالم للشرق الاوسط
مبروك قطر ومبروك الشعب القطري ومبروك لكل الجاليات المقيمه في قطر
ومن اليوم بدأ التحدي فالفارق كبير بين ما قدم في الملف وما هو موجود في ارض الواقع وعلينا جمعيا مواطنيين ومقييمين ان نحول ماهو موجود في الملف الي الواقع باسرع ما يمكن |
هلا يا بوب وحبابك ياريس
وسوري مداخلتك دي كحلتها حسسسسع دي
ونعم المعركة ومنذ الان لكل اهل قطر والمقيمين فيها هي معركة التنفيذ لملف قطر الذي خلب كل العالم
وهذا الامر ليس بالصعب علي الخبرات والكوادر الموهلة في شتي مناح المعرفة والتقنية والهندسة
ومعا من اجل قطر 2022
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: عبدالكريم الامين احمد)
|
Quote: قطر تفوقت علي مصر بمسافات ضوئية!!
فقد اصبحت الدولة العربية الرائدة
مصر فشلت في استضافة كأس 2010
ونالت قطر 2022
الي الامام
ومبروك للشعب القطري وكل الجاليات القاطنة هناك!!
الف مبروووووووووووووووك |
مرحب يا البينو وحبابك
ونعم قطر اعتمدت علي العلمية والمنهجية والشغل الدغري وليس كالمصريين في 2010
الذين اعتمدو علي الفهلوة وشغل الملوص والثلاثة ورقات
فالعالم اليوم صار لا يومن في مثل هذه الاشياء الا بالمثابرة والتخطيط السليم والعمل الخلاق
وهذا ما فعلته قطر عبر سنين حتي وضعت نفسها بين الكبار
| |
|
|
|
|
|
|
|
|
|
Re: مبروك قطر...(وعنابي ...عنابي)....!!! (Re: عبدالكريم الامين احمد)
|
الاخ كيكي
التحية والتهنئة عبركم لاهل قطر والمقيمون بها
التهنئة للقيادة الرشيدة المتمثلة في الشيخ حمد بن خليفة ال ثاني
التهنئة للارادة الوثابة المتمثلة في سمو الامير محمد بن حمد ال ثاني
والتهنئة لاهل الكرم والضيافة المتمثل في سمو الشيخة موزة ام كل الشباب في الشرق الاوسط
والتهنئة للرؤية الثاقبة المتمثلة في السيد محمد بن همام
والتهنئة لكم ولناولكل الشعب القطري الذي امن بهذه الكوكبة الفريدة وراهن عليها وكسب الرهان
| |
|
|
|
|
|
|
| |
عبدالكريم الامين احمد
سلمى تاور
nadus2000
Abdlaziz Eisa
khaleel
Research In Motion BlackBerry 9300(1600x1200).JPG)
نورالدين بابكر بدري
عاطف مكاوى
خالد عبد الله محمود
لؤى
Siddig A. Omer
الصادق اسماعيل
أسامة البلال
haroon diyab
مجدي عبدالله أبوحريبة
Omar Bob
عبدالمجيد المقابل
Faisal Al Zubeir
عبد المنعم سليمان
Albino Akoon Ibrahim Akoon
فيس بوك
تويتر
انستقرام
يوتيوب
بنتيريست