دعواتكم لزميلنا المفكر د.الباقر العفيف بالشفاء العاجل
|
|
 كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
|
بكرة بدري ومن العصر يا ابو كمال انا مبلغ ضاحية مدينة خليفة الجنوبية جوار مدرسة الراية للسواقة
بدددددري خلاص من العصر ووقبلها غاشي اسعاف مستشفي حمد عشان يجهزو عربية اسعاف علي اهبة الاستعداد لللحضور لتلقيط الاخوة المريخاب الذي حتما سيتنادون للمشاهدة الجماعية لكورة هلال مريخ في منزل الصهيوني الكبير ابوكمال..
|
|
 
|
|
|
|
|
|
|
 Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: عبدالكريم الامين احمد)
|
Quote: بالرغم انك عارف خالك خليل عندو طقوس خاصة لهلال مريخ
واني بحب احضرها براي وبتكون (متمولص) وبكثر الذهاب للحمام
لكن لا باس من الذهاب لمائدة اللئام والاستمتاع بالدهشة |
هلا يا خلي البلي
وانا زااتي ح افقد طقوسي التاريخية من (الردا) الشين بتاع البركس داك لو تتذكروا
والسفة المترين ونص والفنيلة الزي بتاعة ناس السلة ديك...
ومادام الدعوة جات من اللئام
فضروري نمشي ليهم وسط ارضهم وجمهورهم كما ذاهب الهلال ايضا...
هلالنا يضرب جوووووووه ونحن يا خلي نضرب اللقيمات بتاع المريخاب ديل برررررره
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: أيزابيلا)
|
Quote: وينا نسختى من الكتاب؟؟
بعد هلاليتك دى سبب واحد يخلينى اشتريهو مافى
اللهم الاالغلاف الراسمو عماد عبدالله |
ده كلام يا دكترة ياخي..
اها النحدسك الكمبواب كلهم مساخيت ومريخاب..
وعشان كده انا زاااتي قنعت من خيرا في اصدار الكتاب مع عماد عبدالله القاعد يتزاوق مني جاي جاي
وكمان علي العليها قالو بقي مدير كبير وعريض...
وتاني رسومات لي مافي الافي قصير...
:::::::::
كتابك بجيك صرة في خيط ولو بكرة غلبنا ليك علي اجيب ليك
كميات تجارية لتوزيعها في الكلاكلة اللفة للمهشمين اصحابي
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: أيزابيلا)
|
بهناك قلت لدينق انشاء الله الهلال يرشكم
بهنا بقول ليك يا كيكي انشاء الله المريخ يرشكم ما تمرقوا جحوركم
يا جماعة كورة السودان بطريقة تشجيعكم 100 سنة ما تتقدم
انتقدوا المؤسسات شوفوا برة الناس بتدق كفر كيف؟
بكون مستاء جدا لما القي هلالابي ماسك ليه مريخابي في رقبته وبالعكس
ياخي بخجل هي دي كورة دي؟؟
البلد دي مافيها غير الفريقين ديل والمؤتمر الوطني
وين المورده وين النيل وين الزهرة
وين حزب الامة وين الاتحادي
يخي حتي الاقاليم هلال كادقلي مريخ الحصاحيصا
استغرب زول قاعد في بورتسودان يشجع فريق عاصمي...حي العرب بورتسودان ماله مثلا...الامل عطبرة مثلا مثلا؟؟
ليه قدرنا كدة نحن...دي نصيبة شنو
الله يدينا وطن ياخي غير ده
___
انا كبيت النقه هنا لانو ناس الرياضة المتعصبين لو خشيت ليهم ممكن يشتموني ذاتو
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: طارق الكوتش)
|
Quote: كيكى مشتاقين يا رجل
وانشاء اللقيمات لقيمات الهنا
وياخليل كتر من المحلبيه
بتعمل شغل كويس ...
تخريمه
ياتوا كتاب صاحبك ما متابع |
هلا يا كوتشب ومشتاقين يا هندسة ياخي..
وايوووه بكرة ضاربين لقيمات المريخاب وضاربهن كورة في وسط ارضهم وجمهورهم ومطبخهم زااتو..
خلي خوفني يا خي بقسطنين بتاعو ده وقال الكورة مريخية..ولكن ما تشتغل بيهو كثير اصلو قسطا ده بقي يجلي الكورة وهي ثابتة في الايام الاخيرة دي...
الكتاب يا طارق هو
كمبو الري
ونسختك جتجيك ممهمورة بالتوقيع الرسمي والشعبي لووول
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: GamarBoBa)
|
Quote: بهنا بقول ليك يا كيكي انشاء الله المريخ يرشكم ما تمرقوا جحوركم
|
هلا يا قمر بوبا
وشوق السحابة الراحلة والله..
ومالك علينا ياخي مدخل سيد البلد واهله من حجورهم ياخي..
جافي قلبك علينا ليييييه يا قمر بوبا...
بكرة الهلال مية مية وكور الهلال البغلب فيها المريخ عندنا ليها كم قرن استشعار كده...
وبخصوص نقة الهلال والمريخ والرياضة بصورة عاملة في الديار السودانية
فاخوك يا قمر متفق معاك فيها وقبل كده (درت حوار) علي قولة الليبين هنا عن نفس موضوعك ده..
تفكيك امبراطورية الهلال والمريخ السودانية…..!!!
Quote: 1- فسلفة الدولة تجاه الرياضة و كرة القدم بالخصوص…ولمحة للحقب الحكومية المتعاقبة….
وزارة الشباب والرياضة او ما سميت به في كل الحقب السودانية ذات الحكومات المختلفة وهي التي كانت مؤمل ان تعني بتطوير الرياضة السودانية في كل مضاميرها بخطط ورؤي عميقة ومستوحاة من مواردانا المحلية وتطويرها
وانتهاج النهج العلمي المدروس وتوفير الخبرة من الخارج وتطوير الملاعب والاهتمام بالناشيين والكوادر المساعدة الاخري وكل مقومات العمل الرياضي اجمالا…ولكن وبكل حسرة ذهبت هذه الاجسام الحكومية ذات الاسم الرنان
خلف (كرش الميري) واذهبت معها واحدة من اهم مقومات التطوير وهي (فلسفة السلطة) وال
brian
البرين الذي عليه ان ينظر الي كل هذه الاشياء اعلاه بنظرة واحدة تكاملها وتهرمنها وتخرج منها تطويرا ونجاح
ملامح هذه الوزرات
1-توافيقية اللون وتذهب في امر كل تكليف وزاري الي قائمة وزارت (الترضيات) السياسية ولاتجد الوزير الذي يستطيع ان يضرب عميقا في (فيل الازمة) بل كل ما في الامر حقيبة وزارية تضاف الي قائمة الحقائب
2-عدم اعطاء خبز الامر الي خبازيه من الموهلين تاهيلا عميقا في التخطيط الاستراتيجي عموما والتخطيط الرياضي للدول
3-انتفاء المنهجية والعلمية في ادارة الامر الرياضي بالخطط طويلة الامد وقصيره
4-قد تكون الميزانية واحدة من المعضلات ولكن حتي هي وان وجدت ففي ظل هذا التخبط فهي حتما ذاهب الي ما لا يفيد كثيرا
5-كل التناقاضات اعلاه خلقت ازمات وتجاذبات بين (الاسرة الرياضية في السودان) والجهاز السياسي فيه وظهر ذلك في ازمات وجدت طريقها في ساحات العمل العام السوداني وظل التماذج ما بين السلطة السياسية والسلطة الرياضية في كرة القدم معدوما وفاقد للهرمنة لعدم وجود ارضية منهجية تتيح العمل الجماعي وتوزيع الادوار ما بينهما ..وبالتالي انعكس كل هذا الامر والتخبط سلبا علي هذا المنشط الذي ظل بفقد يوما بعد يوم بعضا من مقوماته... |
وده نقاش مهم واساسي يا قمر بوبا وياريت نلقي ليهو فرصة ونشوت فيهو لانو فعلا الرياضة في السودان في ازمة مزمنة
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: عبدالكريم الامين احمد)
|
Quote: كيكي
مشيت الوصلة الفوق ولقيتها للاسف مؤرشفة
ياخي فات علي البوست ده
لكن مبروك فكفكته فكفيك
كل الكنت العايز اقوله قلته انت بهناك
بعد ده نتمني ليك هلاللك يشرفك حتي يهل هلالنا نحن
|
هلا يا بوبا ومرحب
والنقة الرياضية دي فيها كلام كثير يا قمر والكورة السودانية عموما ازمتها بالتاكيد معقدة ودايرة
شغل كثير وتضحيات ودراسات جادة وامبراطورية هلال ومريخ ورغم وجودها العميق في وجداننا الرياضي منذ سنين الا انها لها سلبياتها الكبيرة وضروري ياتي اليوم الذي ينتبه فيه المسسوولون عن ذلك حتي تحلق كورتنا فوووق
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: بهاء بكري)
|
Quote: حذرت تكرارا ومرارا من ضعف التأمين
عند عضو قيادة حق ..وقررت اخيرا الاستيلاء
على الباسوورد خاصته لتعليمه درسا فى
التأمين عسى ولعل |
يا هكوري
يا زول رجع الباصوريد لبهاء ده والا لفعلنا لك الصمرقع الاسفيري...
بهاء ده اساسي ياخي وهلالابي كبير
وانت زاااتك يا هكوري انا سامع تحت تحت انك هلالابي ليهو ضل
فاعفو ياخي واغفل عن هذا الاستيلاء قبل ان نعمل ليك اركلوجيا الصمرقع لووووول
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: عبدالكريم الامين احمد)
|
ياكيكى أرجع لناس مستشفى حمد ديل وخليهم يحجزوا ليك إسعافين
لأنو المذكورين أدناه من مشجعى الهلال حيكونوا حضـورا وإسعاف
واحد مابكفيهم .
السنى ,, عايز دفار
محمد عبدالرحمن ,, أول المغمى عليهم
عادل سالم ,, بينتفخ عندما يكون مغلوب
خليل ,, حيكون فقد سوائل من قعاد القصريه
دكين ,, بعد القون التانى حيعمل فيها مريخابى
أما أنت أيها المرجف سوف تختفى حينما نكون أنا
وهارون دياب مشغولين بإسعاف الضحايا أعلاه .
تتصور كنت عائز أجيب خمسه كيلو لحمه للحله ولكنى
الآن قررت أن يكون كيلو واحد فقط لأن المتعشين سوف
نكون أنا وهارون وضحيه وربما دكين .
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: Amira Elsheikh)
|
ياكيكى ..
اضرب اللون ..اليوم بأذن واحد احد انتصار
الاغلبية على الاقلية ..واعتقد انو دا وضع طبيعى جدا
من الله خلقنى فى الدنيا حضرت هلال مريخ مع جماعة
مرات كتيييرة ماحصل عدد المريخاب اتجازو 10%
من الموجودين ..النهائى اتراكو والمريخ كانوا اتنين كمال
سالم وهارون ..وهارون بس القدر يكمل الكورة ..: كمال
سالم من دخل الهدف الاول تانى ماشفناهو ..قال ماشى يصلح
الفول ..فول بصلحوهو ساعة ونصف دا من الله خلقنى ماسمعت
بيهو ..
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: كمال سالم)
|
Quote: السنى ,, عايز دفار
محمد عبدالرحمن ,, أول المغمى عليهم
عادل سالم ,, بينتفخ عندما يكون مغلوب
خليل ,, حيكون فقد سوائل من قعاد القصريه
دكين ,, بعد القون التانى حيعمل فيها مريخابى
أما أنت أيها المرجف سوف تختفى حينما نكون أنا
وهارون دياب مشغولين بإسعاف الضحايا أعلاه .
تتصور كنت عائز أجيب خمسه كيلو لحمه للحله ولكنى
الآن قررت أن يكون كيلو واحد فقط لأن المتعشين سوف
نكون أنا وهارون وضحيه وربما دكين .
|
هلا يا ابو كمال..
ويازول اسعاف شنو الدايرنو انتو للهلالاب .. ده احنا جهزنا اسعاف لونو احمر ومرسوم فيهو نجوم وعشان هارون خلينا الفلبيني صحبي يرسم فيهو ببره صورة فيصل العجب لووووول...
الهلالاب الكبار ناس السني وعادل سالم وخليل ومحمد عبدالرحمن موعودين بوجية دسمة (وبالله جيب خمسة كيلو وبطل الحسادة بتاعة المريخاب دي) فخلينا نضرب اللحوم دي خارجيا كما سيضرب الهلال اللون داخليا...
دكين طبعا قررنا تامينيا حجزه ومنعه من الحضور لورود سيرة الصمرقع في حديثك اعلاه لووووول....
كمال الليلة غايتو وكما قالت المريخابية الشهيرة اميرة الشيخ
الليلة ووووووووووب عليكم
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: Amira Elsheikh)
|
| Quote: وكان ماخايفة الكضب جنب ناس هارون دياب.. |
بسسسسسسسس خلاص وصلتي ..
هارون دياب زاااتو خلاص وصل... وكده ضمنا داعوس ليك انتي ولهارون دياب..
فضل ابو كمال والشبلي ومن لف لفهم..
وليك علي قبل المباراة اشوف لكل زول منكم داعوس وااااااااااضح وصريح..
........................
غايتو يا اميرة الليلة انا خايف علي الليلة ووووب حقتك دي تكمل
وتاني نفتشها بالبوليس ما نلم فيها(فعليك الله دسي الليلة ووووووب دي ياخي) وما تمرقيها الا بعد المباراة بخمسمة يووووووم لووووووووول
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: هجو الأقرع)
|
| Quote: التحية لكل ضيوف كيكى وشخصة الكريم ، و الله من يوم ما وصلت السودان من مقابر الى مقابر ، واقلها مستشفى ، التقول الجعليين منتظرين يخلصومنى القديم و الجديد ، المهم مريخابى فى شندى حالف طلاق اول هلالابى يلاقيهوه بعدالمباراة طبعا بعد فوز المريح ، يدخلو فى طوت الزيت بتاعت السمك . طبيعى كيكى عارف التحدى بتاعى غير ، ناسى و الله افكرك ........... احيى يا المهندسين . |
اوووووه ا بو محمد حبابك وحباب دار جعل...!!!
وشنو يا زول خلاص كلمت قرفصاء المقابر في الدوحة مشيت كمان تعملها للجعليين في شندي لوووووول..
اصيل يا هجو وزول لازمة والله وتحياتي لكل الاهل الكرام..
.........
ومادام انت في ربوع شندي والليلة جماعتكم مضروبين مضروبين
ليك علي بحجز ليك الداعوس بتاعك لحدي ما تجي رااااجع....
واكعب شي يا هجو المريخ يتغلب وانت قاااعد في السودان ميتة وخراب ديار...
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: هجو الأقرع)
|
Quote: سالم من دخل الهدف الاول تانى ماشفناهو ..قال ماشى يصلح
الفول ..فول بصلحوهو ساعة ونصف دا من الله خلقنى ماسمعت
بيهو .. |
أشهد .. أحسن زول بيصلح فول في الدوحة والشرق الاوسط كله كمال سالم يامحمد عبدالرحمن
وفعلا ياخ الراجل على بال ما يخت فيهو أسراره العجيبة بيكون إستهلك الكم ساعة ديل..... ماكتيرات والله
___________
كيكي لما تجوا تلموا شوية داعوس ناغمونا
إكمن إنه جنبنا وجيرانا
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: Rawia)
|
Quote: أشهد .. أحسن زول بيصلح فول في الدوحة والشرق الاوسط كله كمال سالم يامحمد عبدالرحمن
وفعلا ياخ الراجل على بال ما يخت فيهو أسراره العجيبة بيكون إستهلك الكم ساعة ديل..... ماكتيرات والله
|
يا راوية انتي مريخابية ولاشنو.؟؟
الجملة الفوووق دي ياراوية ممكن تتكتب كده..
كمال سالم احسن زول في الدوحة والشرق الاوسط كله بيعرف يصلح فول في ساعة ونص لمن المريخ يكون مغلوب...
ياخي هو الفول الحديث بنجض في ربع ساعة بس
عاوزين ابو كمال يصلحوا في ساعة ونص ... تصليح فووول ولا تصليح رقشة البتعمل في ساعة ونص ده لوووول
.......
مافي ليك دواعيس كملوها ناس كمال واميرة وهارون
| |
|
|
|
|
|
|
|
|
|
Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!! (Re: أبو ساندرا)
|
Quote: يا شباب سلامات
أنا إتصلت بي مقهى عشيرج في سوق واقف وكلمتهم بالماتش وقالو حاضرين
فرصة إنو الناس كلها تحضر الماتش بي أسرا وتقزقز لب وحمص وتدخن أراجيل
وحتكون لمة سمحة
الموقع: سوق واقف مقابل فنار |
فكرة/ إقتراح طارق المكي أعلاه يجد مني كل الدعم
وذلك لفوائده العديدة وأهمها الفضاء المفتوح الذي
يسمح بزمجرة الأسود و ولولة النعام
كما أن دعم الآنسات بالزغاريد سوف يعجل بالنصر المبين
فضلآ على أن غرفة كمال سالم أضيق من عرانه
ولاننسى المدخنين العواليق الذين لايراعون حقوق غير المدخنين
وصحة المرضى وجمال العيون وعلى رأسهم كمال سالم اب عران ضيق
فتدخينهم في تلك الغرفة الزنزانة ح يتسبب في مقتل زول
| |
|
|
|
|
|
|
| |
عبدالكريم الامين احمد
طارق جبريل
khaleel
كمال سالم
أيزابيلا
عماد الشبلي
GamarBoBa
بهاء بكري
Adam D.El-Asha
حبيب نورة
كمبورة
Yassir Tayfour
محمد عبدالرحمن
عبدالله كع
haroon diyab
هجو الأقرع
Rawia
saif massad ali
tarig almakki
أبو ساندرا
Dr.Elsadig Abdalla
فيس بوك
تويتر
انستقرام
يوتيوب
بنتيريست