|
|
 كيزان جامعة الخرطوم بقرتكم ودود وولود ...!!!
|
يقال للزول الامورو وارة والامور بتمشي معاهو باسطة.. يقال فلان هذا بقرتو ولدت..!!
اها الليلة عايزين نحلق قليلا في بقرة الكيزان الذين مروا علي جامعة الخرطوم ومنذ بدايات نشاطهم فيها
ومنذ رويتنا لفتية فيهم كانو نحيليين عدس السفرة شافط دمهم الذي اتو به من اهلهم الغلابة كما كان امر الجميع في تلك الجامعة
اللامة والهامة...
دورة حياة الكوز في الجامعة لها منعطفات وكراكير وملامح... كانت تنتهي المشاهدات فيها في خلال فترة الحياة الجامعية
ولكن الانقاذ وعقب سنينها العشرين اتاحت لنا سنوات اضافية واجبارية لمشاهدات دورات جديدة في حياة الكوز ذلك الانسان السوداني الهلاك..
وسنعود
|
|
 
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
ياتي الكوز برلوما حليق الراس ودايش..
وممكن يكون ليس بكوز ولا يحزنون ولكن صيادين النجوم الكيزانية لهم من الاساليب والخطط والتدبير الرسالي من الادوات القادرة علي لقط البرلوم..
وعبر رحلة كيف كيف يخشو بيهو كراكير مسجد الجامعة ديك.. او جولات ايمانية روحانية في مزارع الخرطوم..
وبعد يومين يطلع لينا زول كوز بدقن ... وصاري وشو اربع وعشرين ساعة..
ويطلع كوز استاندر له حجار بطارية جاهزة للشحن ضد الشيوعية والالحاد والذي منو..
وقادرة علي التكبير
وقادرة علي حمل السيخ
وقادرة ايضا علي تحمير العيون في لحظات الدشمانات..
ودي المرحلة الاولي
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
اها من (الديلمة) حلوة الديلمة ولقطتها من دكتورة بيان في عنوان بوست ليها..
اها من الديلمة دي بعد الدخول في كراكير مسجد الجامعة وغرف الكيزان الدائما بتكون طرف..
يفرخ الجموع
لقوك تفتيحة وقطيم تمشي طواالي تركب النشاط وتدور اركان نقاش .,.
وجدوا فيك شوية عضلات تبش زي ناس عمار ادم طواالي تاخد سيخة وتلبد في الخجانين وتخلي السيخة صاحية وممكن لقدام يسموك الطيب سيخة..
لاقوك بتاع جكس ورهيف ممكن تخش جمعية ادبية وتشتغل صائد استقطاب جكس
لاقوك فيك شوية حب سلطة وثروة وجنك تمشي عمرة وتلبس بدل.... هنا انت زول كوز بتاع اتحادات وسيتم الحاقك باول دورة لاتحاد طلاب الجامعة
وستكون من اصلب العناصر لاصلب المواقف
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
طبعا بني كوز فيهم وطيلة ايامات الجامعة ناس مهمشين و بعض الفتية الذين يقتلهم الحياء من الخوض في ثروة وسلطة التنظيم وسطوته علي الحياة الطلابية وزي ديل ورغم قلتهم الا انهم والشاهد ناس دين وصلاة سااااكت والقصة دي خاشنها بوعي ديني وفكر ...
الغالبية العظمي هم من التفاتيح الناقشين الملعب كويس وعارفين من وين تاكل الكتف...وايش لوون الامور حتمشي ولهم المقدرة علي فعل كل الاشياء من اجل فوز الرائد الذي لايكذب اهله او كما يقولون بما فيها الضرب والعمل الشاق وممكن تزوير وارهاب ومسكنة حتي تمكن..
....
حنخلي كل الاصناف دي الي حين وسنسافر الي الصنف الخطير الذي انطلق كالصاروخ مع الانقاذ
كولاة ووزراء ومدراء واعلاميين وقادة جيش ..
وكمان قبل يومين شايف القصة جابت ليها استخلاف في اخطر جهاز في السودان
والاحلال ما بين كيزان الهندسة صلاح غوش ومحمد عطا..
ونعود
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
في مقولة ذهبية تفيد بان الاتحادات الطلابية واتحاد طلاب جامعة الخرطوم الذي سيطر عليه الكيزان لسنوات ظللت غالبية وجوده الكوني
هذا الاتحاد وثروته خربت الكيزان ديل وخلت طبعهم شيييييين منذ زمن باكر..
الناس تضرب فوول في السفرة ومن ابو العباس تجي بيت القزاز عشان تشرب مووية تلقي اصلب العناصر منزلين كبد وكلاوي وفوول فيهو جبنة سمحة خلاااص وطبعا ده من نثريات الاجتماعات وحقهم كون لائحة الاتحاد تتيح ذلك..
نمشي الاجازة وكراكير الوطن ونعود نجي نلقي جموع من الذين تم اختيارهم في ليل دامس مشت العمرة وضربت التفاح بتاع مكة وجدة
وجو نضااااااف..
تبادل الاتحادات الطلابية ما بين وين كده ماعارف والمالديف والاتحاد السوداني..
تلم ليك في كوز كان اول امبارح مسسسسسكين يقول ليك كنت في هولندا في اطار الاتحاد الطلابي الاسلامي...
....................................
اها بعد هذه السلطة والجاه والثروة الطلابية والتكليف السماوي يتخرج اخونا الكوز ويركب الزلط زي وزي الاخرييين
شغل مافي
عمرة مافي
تكبير مافي
تهليل مافي
كلو كلو مافي...
ده كلام يا ناس..؟؟
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
Quote: خليك محدد يا زول
قول كيزان هندسة |
هلا يا عصام..
وياخي كيزان هندسة كاتلاهم الشلاقة ساكت عشان كده شلتوهم في الخشوم..
وانتو ناس حاقدين علي كيزاننا ساااكت
لكن
تعال شوووف الابهات الكبار كيزان ووين يا زول..
علي عثمان كوز قانون
عبدالرحيم حمدي (اعتقد انو كوز اقتصاد والله اعلم)
الترابي زاااتو الشيخ الذي علم الناس الفنون والجنون ( كوز قانون)..
وشووووووت حتي تصل للمجاهد حاج ماجد..
...
احنا زااتو اتخيل لي غير غوش ومحمد عطا وخالد شيخة تاني ما عندنا كوز زاااااتو
وخالد شيخة زاااتو هرب من الخدمة الكيزانية
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
كيكي الموضوع دسم وجميل
بس موضوع البدل اللى انا ما فهمتو انا كان اعتقادي انو الكيزان ببدلو (من بدلة) زولهم مش هو اللي بيجي مبودل (برضو من بدلة)
لانو في واحد كان صاحبنا ولغاية قريب التخرج يعني في سنة رابعة كان مبشتن وما بعرف يركب قميص مع بنطلون وجاري ليهو مركوب نمر (النمر سيد الجلد ما مشي قدر المشي المشاه اخونا ده) اها اخونا ده اعلنا لينا انو من مسلمي بعد الفتح وانو الاسلام مهدد (ده في بداية التسعينات 90-91) فهو قد ترك شلة المفاسد والدنيا الزائلة وركب مع المسيرة القاصدة (كان في الوكت داك في جريدة اسما المسيرة) قلنا يا زول يهيدك يرضيك اصلو ما قال لينا بتقولو في شنو وركب مع مسيرته القاصدة اها يجينا بعد كم يوم في قائمة الكيزان لانتخابات الاتحاد ومتصور ببدلة فول سوت قلنا يمكن من الاستديو تاني يوم في المخاطبة لابس بدلة تانية سالناه الحكاية شنو كل يوم بدلة انت مسيرتكم دي ماشة على شارع الجمهورية ولا على الجنة
فالكوز على ما اعتقد ياتي كوزا فطيرا فالسابقون يبدلونه (من بدلة ) او يشرمونه من ( شرامي) او يكون زول الله ساي ويشحنو ليهو بطاطيره ضد اهل الكهف ( سبعة تنظيمات وسابعهم كلبهم ) ود برضو تأصيل
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: محمد إبراهيم علي)
|
| Quote: فالكوز على ما اعتقد ياتي كوزا فطيرا فالسابقون يبدلونه (من بدلة ) او يشرمونه من ( شرامي) او يكون زول الله ساي ويشحنو ليهو بطاطيره ضد اهل الكهف ( سبعة تنظيمات وسابعهم كلبهم ) ود برضو تأصيل |
هلا يا محمد ابراهيم..
وايوووه ياتي الفتي نحيفا فطيرا ويلم فيهو دهاقنة الكوزنه ويذهبوا به الي مراتع غنم زهرة الطلابية..
البدل اللبسوها كيزان الاتحادات بتاعة جامعة الخرطوم لو لموها يا محمد تلبس من هنا للقضارف.. وتكفي بدل وكرفتات..
الكوزنة زاااتها مرحلها فعلا اصناف..
كوز برلوم كرررررت ومن الثانوي
وكوز في اثناء فترة الجامعة والسنين الوسطي
وكوز في السنة النهائية...
ده كان قبل الانقاذ نادر جدا..
ولكن بعد الثروة والسلطة القصة بقت
شهادة جامعية بجاااي ودقن كيزانية بهنا وهي ادوات التخرج للطالب الانتهازي الرعديد
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
عبد الكريم سلام
احكي ليك قصة عن واحد صاحبنا كان قرب يبقى انصار سنة.
الزول ده إنت إحتمال بتعرفو في النيل الابيض.
المهم عمل فيها انصار سنة و مصاحب اليهو واحد إسمو الضاحي لو بتتذكرو كان انصار سنة النيل الابيض
في يوم من الايام و عهده الرواية عند صاحبنا ده ، الضاحي قال لصديقنا ده نمشي لشيخ الزعيم الكبير في الدويم نشرب معاهم شاي المغرب
طوالي لبسوا البناطيلن المقصرة و مشوا.
اهه بعد ما صلوا المغرب سالهم الشيخ عن الاحوال في المدرسة وسط الانصار و كده.
طوالي شيخ الضاحي قال ليهو يا شيخنا إحنا جيناك في موضوع؟
أهه إن شاء الله خير ؟
قال ليهو عاوزين قروش ؟ وطلب مبلغ كبير جدا جدا.
اهه الشيخ الزعيم إعتزر و قال ليهو ما بقدر اديك قروش قدر دي.
قام طوالي شيخ الضاحي قالي ليهو اديني من القروش البتجيكم من السعودية و تضربوها براكم.
رد عليو و قال إحنا دعوتنا دي في الله و لله و القروش الإنت شايفه عندي دي قروش ورثة و بتاعة اخواني
رد عيهو الطالب وضاح : قروش اخوانك و ورثة ! إحنا عارفين إنو السعودية بتديكم قروش بس إنتو تضربوها براكم. شوف يا شيخنا انا ده طرفي منكم و من بكرة ما ترسولو لي و لا تتصلوا بي في اي حاجة.
و قام طوالي طلع.
يحكي لي صديقي هذا قال لي طوالي اخدني لسنما التاج و دخلنا في اللوج بي بناطلينا القصيرة دي.
قال لي بعد ما إنتهى الفلم و راجعين كداري للمدرسة في الطريق لاقينا ليك بعض الطلاب انصار السنة راجعين من الدرس في بيت الشيخ الزعيم.
سلام يا شيخ الضاحي سلام يا شيخ فلان من وين جاين؟
رد ليهم طوالي من السنما!
سبحان الله سبحان الله.
قال لي صديقي ده ، طوالي فكينا ليك البانطلين و كنا كافينها ساكت و ما قصرنها بالمقص.
اهه زي الضاحي ده اكيد بكون بقى كوزو اكيد بكون ضرب ليك الجماعة ضرب شديد اصلو هو واضح و قال دخل انصار السنة عشان قروش السعودية و ما بلعب جاهز تمام
تحياتي
=================
بجيك راجع تاني احكي ليك عن اصحابنا الإثنين المشوا يصلوا صلاةالشكر مع الترابي سنة 86 بعد ان هزم الاحزاب وحده في دائرة الصحافة و بدل ما يمشو الصلاة غشوا الديم.
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عمار يس النور)
|
Quote: قام طوالي شيخ الضاحي قالي ليهو اديني من القروش البتجيكم من السعودية و تضربوها براكم.
|
هههههههه
يا الله يا عمار ومشتاقين ياخي...
والضاحي وصحبه ديل مجارمة شديد ياخي وما بنفعو مع ناس انصار السنة ديل...
غايتو الا ياكلوهم بلح وبطيخ وباسسسسسسسطة
لانو في الجامعة كان جنبنا انصار سنة كده تخش اوضتهم طيلة السنة تلقي الحاجات الثلاثة ديل قاعدات في التربيزة..
في ناس زي زولك ده ياعمار ومنذ البداية عارفين هم عاوزين شنو وشاااااايتين وووين عشان كده ما بضيعو زمنهم كثير
مع الشغلانيات الما بتجيب تمنها وهم كثااااااااار خلاص,,,
ياخي راجيك علي احر من اجمر لحكاية الناس الدقشو الديم
بدل بيت شيخنا حسن
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
اها قلنا الفتي المسكين بلبسو بدلة ويجوب طرقات الخرطوم بعربة الاتحاد ويسافر الي خارج الاوطان
وفي الانتخابات ينفخو يوقفو قربة..بوصفه الرائد الذي لا يكذب اهله والرسالي الذي يربط قيم السماء بالارض
ويمشوا بيهو لشيخ حسن والدهاقنة الخبراء القدام.. وفجاة يجد ذلك الفتي المسكين الكحيان روحو فيس تو فيس امام مجد يحسبه ثمرا هو اكله
ويسير في هذا الطريق الكيزاني الذي قد يوفر وظيفة في البنوك والشركات والمنظمات الاسلامية الكثيرة.. يتخلط مع كيزان وناس جايين من حتات ثانية وتظهر مقدراته الفذة سريعا... ولكن هذه المقدرات لابد لها من ثروة وسلطة حتي تتشغل بمزاج رسالي عالي...
واتت الانقاذ لكي تلملم هذه الجموع الشبقة للثروة والسلطة والمدربة في ردهات التنظيم المريش
وتنطلق رحلة صوب توسيع المدار من جامعة صغيرة بها بركسا ومكتبة وشوية قاعات
الي دولة فيعا مليون ميل مربع وموارد وعيييييييك
وتعال شووووووف يا برطعة
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
ايضا نقول
بان كيزان الجامعة غالبيتهم فيهم شوية موهوبة مافي شك
وليهم مقدرة عمل جماعي مافي شك ومقدرة استقطاب والعمل وسط الطلاب بادوات مكيافيلية برضو مافي شك..
ولكن الشاهد بان جرعات الشحن الذي كانت تتم لهم محتوية في كل ذراتها علي الجرعات الاكبر
من الخرخرة والطمع والاستحواذ ودس كورة الامر العام من الطلاب وكبرت واستطالت هذه القصة واصبحت
دس كورة من كل الشعب السودانية وخرخرة دولية ومقدرات التفاف مدهشة
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: Nader Abu Kadouk)
|
سلام يا بيير والله مشتاقين
يا ابكدوك يا دفعة كيفنك ياخ
Quote: والطبقه التالته هي الماخده الجانب الديني وديل طبقة الشغيله
وهم اداة في يد الطبقه المتخمه والإنتهازيه عشان يحققوا بيها اهدافهم |
رغم انو بوست كيكى عن كيزان ا لجامعة لكن عندى قصة كما اخاف الكضب حكيتهاهنا قبل كده؟؟؟
اها ح احكيها تاااااانى
عندى صحبتى شديد جدا من ايام الثانوى العام و لبس البنى (عمر بوب اختانى)
كنا انا وهى زينا و ذى اى بنات فى عمرنا فى السودان لابسات عاااااادى
و متونسات و ضاربات القتقليز بالشطة بو العدم بالتبش و كانت بتظبط سلطة اسود ما حصلت
و ده كلوووووووو على انغام محمدالامين تجى داخل بيتنا تحلف تقول فى حفلة
اضف الى ذلك كانت غناية خلاس و حافظه حفظ
يوم كدى بعد مقيل فيهو كل الخمج المذكور اعلاه قالت لى انا ماشة اقعد فى امدرمان
مع بنات عمتى و اجى بعد يومين ضربت افقدها اتأخرتى و كده
قالت بالنص و ده كلام انا ما بنساهو "وااااااى يا سهام يا حليلى كان شفتينى
ما بتعرفينى على جنس خمخة) ما فهمت اى حاجة فاستوضحتها
قالت لى بنات عمتى ما لبسونى الحجاب
و من التلفون داك وعيييييييييييك
شى اجتماعات شى ندوات شى مابعرفو شنو داك
و استمر الود بيننا باتفاقية بقط شهيرة و قعناها سويا قدام خشم بابنا
ان لا سياسة بيننا ... نتوس عاااااادى و نغنى عاااااادى و خلاس
المهم استمرت تشتغل للكيزان بكل اخلاص تعرف (بضم الباء) به
وسقط نميرى و جات ا لانتخابات وروح يا زمان وتعال جو الجماعة
مع بعض اازمنة ز امكنة فرقت بيننا
وعدنا لنلتقى و نخش فى اخبار بعض
اها تانى قالت و انا اقتبس (هى يا سهام انا ما خليت الكيزان)
قلت ليها يا دوبك صحيتى قالت والله ندمانه على كل زمنى الضيعتو معاهم
طلعو ناس دنيا بس و ما عندهم علاقة باى اسلام
ما بتتذكرى انا كنت بشتغل ليهم كيف؟؟؟ ياخ مهدى ابراهيم ده
انا اشتغلت ليهو بقدر الكان فى جيبى ما كنت بنتظر منهم قرش
يلف الزمن و يجى و ناس فلانه اختى الكانو لابسين القصير و بضحكو فى خمختى
يبقو من المقربين و يعملو عربات و بيوت و بيزنس و انا اطلع بقد القفة!!!!!!
وللقفة شؤون
لوووووووووووووووول
اقعدو طيبين
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: Siham Elmugammar)
|
| Quote: هى يا سهام انا ما خليت الكيزان) |
هلا يابيير ورمضانك كريم ياخي
وحلاوة الحكي والجمل البتجدع وبتزبط الحكاية لو دايراها فعليك بسهام المجمر
وفعلا في كيزان مشو بالغلط لهذا التنظيم ومجاملات وطيبة الشعب السوداني استثمر فيه الكيزان
فخطفوا اجمل الناس ولكن الاجمل انو بعد مرات اجمل الناس ديل بشردوا من الخدمة الكيزانية..
وبعضهم بركب الموجة وبعمل تغييرات ويصبح كوز كامل الدسم..
لقدام ضروري نتكلم عن كيزان لم يركبوا سفينة الانقاذ وهم جزء ضئيللللللل ومهمل
وتم ابعادهم من التشكيلة التي جارت بها الايام واصبحت مطلوبة في لاهاي
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: Nader Abu Kadouk)
|
Quote: الكيزان تلاته طبقات
الطبقه المتخمه ودي مسيطره على المال والسلطه
الطبقه الإنتهازيه ودي بتكابس عشان تصل للمتخمه
والطبقه التالته هي الماخده الجانب الديني وديل طبقة الشغيله
وهم اداة في يد الطبقه المتخمه والإنتهازيه عشان يحققوا بيها اهدافهم |
هلا يا كدوك ومشتاقين يعلم الله ورمضان كريم ياخ.
ايوووه التصنيف الثلاثي بتاعك ده في محلو.
والطبقيتن الاولي والثانية هم الاخطر وهم الان الماسكين في بقرة السودان الحلوب بيدهم
وكرعينهم ..
وناس الطبقة الثالثة عرفوا الحكاية منهم من فرتق خلاص من الشغلانة ومنهم من متورط وحصل ليهو
رجة دينينة ونسي الدين وقبل علي الدنيا الجديدة حيث الثروة والجاه
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: khaleel)
|
Quote: عليك الله يا كيكي
لو ركبنا الموجة ومشينا شروني والمركز الافريقي والواحد بقي كادر خطابة
مش هسع كان افضل من الديون بتاعة الفيزا كارد دي |
هلا يا خلي
وتعرف يا خليل احنا بشلاقتنا دي لو كان ركبنا الموجة مع البشرية الكيزانية دي
كان لقطونا زماااااان في صيف العبور وذهبنا الي البرزخ مع رياح حرب الجنوب
وخشمنا حيبقي ملح ملح كشهداء ملصقين صورهم في شارع المين رود
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: khaleel)
|
والله يا عبد الكريم ياخي ديل فضحونا فضيحة. شوف زي الكلام دا:
لا صلاح قوش، ولا محمد عطا رموزاً للشرّ في السودان، ها هنا مكمن الخلل!
يعني عشان شوية بلطجية جامعة الخرطوم بقت رمز شر!!!
عزاؤنا في آلاف الشرفاء من خريجي جامعة الخرطوم عموما و كلية الهندسة خصوصا. لكن برضو كيزان الجامعة شرطوا عينا.
| Quote: مش هسع كان افضل من الديون بتاعة الفيزا كارد دي |
هوي يا خليل والله لا أفضل و لا حاجة تاكل لقمتك الحلال ما في زول عندو حق فيها و لا داعي عليك عشانها أحسن ليك مليون مرة من لقمة أربعين مليون سوداني عندهم فيها حق و يدعو عليك ليل و نهار بسببها. ديون الفيزا بتتسدد لكن حق الناس دا يمرق كيف تاني.
على جنبة مهما كانت الظروف ما تدفع لي ناس الفيزا ديل فوائد... بتمحق البركة والله.
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
| Quote: بتعرف صلاح قوش سموه صلاح قوش ليه؟؟؟؟؟؟؟؟؟؟ |
كيكي ازيك
بوب ياهندسة بالنسبة لخضم سؤالك دا يقال والعهدة على الرواة بانو صلاح قوش ابان دراستو للهندسة بجامعة الخرطوم وبالتحديد في سنة البرلم ولا سنة اولى ما عارف كان في استاذ هندي بتاع Pure Math اسمو (مئير قوش) قعّد صلاح دا زي كم سنة كدا في المادة دي لحدي ما انتهت فترة انتداب الهندي حتى اتخارج منها اظن في الـ External 2 والله اعلم
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالوهاب علي الحاج)
|
| Quote: بوب ياهندسة بالنسبة لخضم سؤالك دا يقال والعهدة على الرواة بانو صلاح قوش ابان دراستو للهندسة بجامعة الخرطوم وبالتحديد في سنة البرلم ولا سنة اولى ما عارف كان في استاذ هندي بتاع Pure Math اسمو (مئير قوش) قعّد صلاح دا زي كم سنة كدا في المادة دي لحدي ما انتهت فترة انتداب الهندي حتى اتخارج منها اظن في الـ External 2 والله اعلم |
هلا يا رهط
ورمضان كريم ياخي..
وجبت خبرية تتقاطع بصورة كبيرة جدا من طبيعة ناس الجامعة..
ودائما التسميات والالقاب بتجي من الحاجات الزي دي والقصة بتمشي لقدام...
ومئير ده يااخي الموديهو بلدو شنووووووو؟؟
كان علي الاقل يعمل فينا فائدة ويكون قاعد مكردن لينا صلاح غوش ده في البرليم لحدي حسسسسع
غايتو مئير غوووش 
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: د.نجاة محمود)
|
| Quote: مش هسع كان افضل من الديون بتاعة الفيزا كارد دي |
مباااااااالغة
يالله متين اشوف الدوحة يالله متين اشوف الدوحة
قالو لى فى الدوحة ولي عندو حساب
ادوليهو النمرة و كتبو ليهو الكارد
يالله متين اشوف الكارد يا الله متين اشوف الكارد
____________________________
ولى الخلى ما ترد لى عشان ما نشتت كورة البوست
اضحك بس يا زول
اها الفوق دى لا تقرأ انما تغنى (بضم التاء)
غنى اخوى غنى
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: Siham Elmugammar)
|
الباشمهندس عبدالكريم تحياتي:
فكرة البوست جميلة وهي تذكرني ببوست رفاق مصر والذي كان في مجمله يتحدث عن طرائف الاركان والكيزان
وسوف احاول المساهمة بقدر المستطاع في مرات لاحقة عن كيزان مصر وديل طبعا امنجية ....ربما حياة السرية بمصر هي ما اكسبهم الحس الامني ...
Quote: عليك الله يا كيكي
لو ركبنا الموجة ومشينا شروني والمركز الافريقي والواحد بقي كادر خطابة
مش هسع كان افضل من الديون بتاعة الفيزا كارد دي |
بس ياخليل بالله احمد ربك الماجابك كوز بالله هسة كان في المنتدي تكون زي الجماعة ناس ودالباوقة
ومحمد فرح ووووتجيك المصيبة وتقلبها فوق تحت يمين شمال ماتقدر تدافع عنهاوفي الاخر تضحك علي
نفسك قبل ان نضحك عليك...شخصياً سعيد جداً اني محتفظ برأي وسعيد بيك جداً .....
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: ibrahim alnimma)
|
Quote: وسوف احاول المساهمة بقدر المستطاع في مرات لاحقة عن كيزان مصر وديل طبعا امنجية ....ربما حياة السرية بمصر هي ما اكسبهم الحس الامني ...
|
هلا يا ابراهيم النعمة ورمضان كريم ياخي..
وضروري بالله تمر علينا وتدينا لمحة من كيزان مصر البقو في غالبيتهم امنجية ..
وايضا بعرف فيهم زي كم زول كده مشي بقي مذيع لكن مذيع ماعندو اي حاجة وكيسو فاضي ههههه
تحياتي
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: د.نجاة محمود)
|
Quote: دي ذي قصة محمد احمد شرمة بتاع اقتصاد انا لفترة طويلة كنت مفتكرة الاسم دا من التشريم
حالة كونه شرامي مخضرم لكن بعدها عرفت انه سموه على استاذ هندي في اقتصاد
يارب كان مكردنو؟ |
الكردنة دي كانت بالكوم يا بيان..
وعندنا ايضا زميلا كوز اسمو ابراهيم جرايد
ماعارف ابراهومة ده سمو جرايد لييه..؟؟
لقيناهو مكردن سنين طويلة خلاااص.. وكان زول شاطر جدا وبمشي لحدي قاعة الامتحانات
ولكن ومن الباب بقرر يعمل خلف دور...
ابراهيم ده ماعارفو وين حسع لكن بالتاكيد بكون مع الحركات الدارفورية
والله اعلم
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: د.نجاة محمود)
|
Quote:
يلا اجمع كل الاسماء اولا وبعدين فنط
من هندسة عندكم بولاد رحمة الله عليه..كان في الاتحاد.. |
هلا يابيان وتحياتي..
ومن هندسة عندنا كيزان ماكنين خلاص...
وفي دورات كثيرة للاتحاد كان كيزان هندسة هم الروساء صلاح الزين ومحمد خير وغيرهم كثر
ودائما الملاحظ انو كيزان هندسة تنظيمين وده ظهر لاحقا في صلااح غوش ومحمد عطا..
وعندنا كيزان بتاعين دق وسيخ زي هشام توفيق (الزول ده ياخي صحبي شديد يااخي)...
مرة في عكة بتاعة سيخ قام هشام توفيق ده وقع لبييع في احد الاخوان الكانوا بشرحو لهشام المواد اثناء الامتحانات
واها وهشام بحاول يضرب في الطالب (قام الطالب قال ليهو يا هشام شوف ليك تاني زول يشرح ليك دزاين)..
ولسع لقدام حنشوت في كيزان كل الكليات ومنذ الازل
ودي حتكون الخيمة الرسمية لينا في رمضان
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: محمد إبراهيم علي)
|
| Quote: ونظر مسؤول حكومي، طلب عدم ذكر اسمه، إلى إقالة مدير جهاز الأمن، الذي كان يطلق عليه زملاؤه في الدراسة (قوش)، أو الرجل الذكي، نسبة إلى عالم الرياضيات الهندي الشهير «قوش» |
هلا يا ود ابراهيم..
وناس الحكومة كضبهم عينة ومدهش
ولو لاقيين طريقة ممكن يقولو صلاح غووش ده زااااتو عالم الرياضيات الشهير مئير غووش
ولكن حصلت ليهو تغييرات لو غريثيمة في زمن من الازمنة واصبح هو المهندس صلا ح غوووش
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: Siham Elmugammar)
|
| Quote: بوب ياهندسة بالنسبة لخضم سؤالك دا يقال والعهدة على الرواة بانو صلاح قوش ابان دراستو للهندسة بجامعة الخرطوم وبالتحديد في سنة البرلم ولا سنة اولى ما عارف كان في استاذ هندي بتاع Pure Math اسمو (مئير قوش) قعّد صلاح دا زي كم سنة كدا في المادة دي لحدي ما انتهت فترة انتداب الهندي حتى اتخارج منها اظن في الـ External 2 والله اعلم |
سلامات يا وهبه
طبعا انا سالت السؤال وانا عندي روايه عن سبب التسميه وهي قريبه جدا من روايتك دي الخلاف انو منير قوش كان بيدرس Math لصلاح في سنه تانيه هندسه ولقاهو نايم في اللكشر وطرده منو ومن يومها سمي بصلاح قوش
بالمناسبه صلاح قوش كان المسئول الامني لتنظيم الاتجاه الاسلامي في الجامعه يعني الزول ماصل ومفصل في قصة الامن دي
| Quote: عندى صحبتى شديد جدا من ايام الثانوى العام و لبس البنى (عمر بوب اختانى) |
يا سهام والله كنت عايز اكتب كامل تضامني مع مجتبي محسي لكن انا فترت من قصه انو اتضامن معاك في الفيس بوك واتضامن مع مجتبي هنا
يا كيكي:
تعرف في تصنيفاتك دي في تصنيف نسيج وحده اسمو اسامه عبدالله او ما يعرف حاليا باسامه سدود
الزول ده لا كان بتاع اركان لا كان بتاع بدل واتحادات واصلب العناصر لاصلب المواقف
ولا كان بتاع سيخ وعضلات تبش
بس كان حاتل في مسجد الجامعه في السنوات البسيطه القاضاها في الجامعه وكان بيجينا الغرفه الساعه 12 بالليل وما بعدها
واتحدي اي من ناشطي العمل السياسي العاصرونا في تلك الفتره والموجوديين في المنبر هنا اذا كان بيعرفوه او بيعرفو نشاطو في الجامعه
الزول ده جا نابل من وين لحدي ما اصبح احد صناع القرار في السودان الهامل ده دا الشي المحيرني
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: Omar Bob)
|
Quote: تعرف في تصنيفاتك دي في تصنيف نسيج وحده اسمو اسامه عبدالله او ما يعرف حاليا باسامه سدود
الزول ده لا كان بتاع اركان لا كان بتاع بدل واتحادات واصلب العناصر لاصلب المواقف
ولا كان بتاع سيخ وعضلات تبش
بس كان حاتل في مسجد الجامعه في السنوات البسيطه القاضاها في الجامعه وكان بيجينا الغرفه الساعه 12 بالليل وما بعدها
واتحدي اي من ناشطي العمل السياسي العاصرونا في تلك الفتره والموجوديين في المنبر هنا اذا كان بيعرفوه او بيعرفو نشاطو في الجامعه
الزول ده جا نابل من وين لحدي ما اصبح احد صناع القرار في السودان الهامل ده دا الشي المحيرني |
هلا يا بوب
وفعلا يا بوب كان في كيزان كاتلين حيلهم وعامل فيها رايحين لكن تحت تحت كده هم القيادات الفعلية والموثرة في التنظيم وديل دائما بكونو مركبين مخفي وبتلاحظ انو التعامل معاهم بكون باحترام كيزاني كبير...
انا كان عندنا شاب دفعتنا اسمو محمد احمد عليه الرحمة استشهد في حادثة حركة كان من العينة دي
ولو استمر الزول ده كان حكايتو حتكون كبيرة خلاص...
كيزان هندسة في الدفع الخلفنا مات منهم الكثير من اصحاب المقدرات الكويسة
المرحوم عبدالخالق الترابي وعلي عبد الفتاح ..وزمرة من الكانو نشطين ولهم حماس عالي لخدمة الحركة الاسلامية في ذلك الوقت
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: Siham Elmugammar)
|
Quote: يا كيكى معليش لتشتيت الكورة
هشام توفيق ياتو؟؟؟
جيب الاسم كامل والاوصاف
انشألله مسنجريا
لانو لو طلع الزول كوز
وكمان بشيل سيخ
تجو تعزونى بس |
هلا يا بيير
وده لم كورة ياخي ماتشتيت والحصة كيزان كيزان
ابو الهش ده كان عااااتي وضخم الجثة وحلفاوي لييه ضل...
وغايتو القصة لو بقت فيها فاتحة انا وصحبي بوب فاتحتنا جاهزة موية ونور..
اشتغل في التصنيع الحربي ده اخر عهدي بيهو ولكن مشي وين الان ماعارفو هشام ده
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: مؤيد شريف)
|
Quote: وتعرف يا خليل احنا بشلاقتنا دي لو كان ركبنا الموجة مع البشرية الكيزانية دي
كان لقطونا زماااااان في صيف العبور وذهبنا الي البرزخ مع رياح حرب الجنوب
وخشمنا حيبقي ملح ملح كشهداء ملصقين صورهم في شارع المين رود |
سلام يا كيكي
بما أنك شهيد حي بتدافع عن كفاح الطبقة العاملة..ياريت تكلمنا عن بطولات ومسيرات وحكايات وروايات الحزب الشيوعي العظيم داخل جامعة
الخرطوم كشاهد عيان عن تلك التجربة النادرة في النضال وعن الشهداء الشيوعين إن وجودا....
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: ايهاب اسماعيل)
|
Quote: بما أنك شهيد حي بتدافع عن كفاح الطبقة العاملة..ياريت تكلمنا عن بطولات ومسيرات وحكايات وروايات الحزب الشيوعي العظيم داخل جامعة
الخرطوم كشاهد عيان عن تلك التجربة النادرة في النضال وعن الشهداء الشيوعين إن وجودا |
هلا يا ايهاب..
الشيوعيين ديل لو عملو كركبة ومسكوا البلد دي عشرين سنة وكنكشوا في امور البلاد والعباد
حنجي نفتهم ليك هنا ده فت تقيل ...
لكن الحق يقال الجماعة كانو في الصفوف الامامية وطيلة وجودنا في الجامعة (زي ديشليون سنة ونيف)
كانو في الصفوف الامامية ضد الطغيان والعسكر..
..........................
رغم انو عندهم حركات وبركات كده يوم ممكن نلبد ليهم ببوست ونفتهم ونلحقهم غنم زهرة
رغم لداحتهم التاريخية المعروفة..
ورمضان كريم
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: مؤيد شريف)
|
Quote: بعيدا عن الجامعة والبقر الودود الولود
كل عام وانت واخوك واهلكم الطيبين بالف خير
ورمضان كريم |
....
هلا يا مويد وكل رمضان وانت والاسرة الكريمة بالف خير وبركة
والف شكر وتقدير علي هذه التحية والروح الاخوية الطيبة التي ظللت حديثك الراقي..
وكل الود والتقدير يا مويد
وتحياتي
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: د.نجاة محمود)
|
Quote: كان في صورة عرفت لاحقا بانها تجمع طالب للهندسة اسمو خالد
مع نميري راااااااا |
اسمو ... خالد حسن ابراهيم ... ( اتجاه اسلامى ) .... هندسه ...
... بحرى الحكومية ... و اترفد من كلية الهندسة ...
( لما كانت الجامعه ... جامعه ... و التاهيل حسب معايير الـتأهيل الأكاديمى
و ليس السياسى ... )
............
عبدالكريم ... الله اجازى محنك ... ياخى بوستيك ده عجيب ...
و ذكرتنا ... أيام زمان .. بناس كدى ... ما دايرين نقول أساميهم ...
واحد كدى ( خويا ! ) لينا كان ( عايد ! ) فى سنار الثانوية و بقى ( دفعه ) لينا ... دخل هندسه مدنيه .. و صار برلوم ... عريبى ... مشلخ ... و نشيفان !!!
الزول ده ... بعد سنة الإعدادى ... جانا ... ليك ... اليوم داك ... و ظهر لينا فى كافتيريا الصيدلة ... ( بس تقول مغترب ! ) بدله و و كرفته و صندوق بينسون ( أب عشرين )
فى جيب القميص ( القدامى ! ) ... و نحن عليك أمان الله لقينا ( خريف أب سعن ! ) ...
( نجبد ! ) فى سجار البينسون ! فى نص الخرتوم ... و الزمن داك ... سجارة البنسون ما تخيل الا فى ... ايدين ... الأساتذة : فتحى الربعة ... و أحمد عبدالمجيد ... و كرار أحمد كرار ( أبو الزينة !! ) و الضو مختار ...
و كنا سجارة ( البرنجى ! ) بنخمسا ( خمسه ) بعد ما ندخل ( مباراة المريخ ) باستاد الخرطوم القريب ... من داخليات ... الرازى ... و حسيب ...
و كان كنا مغلوبين ... ما علينا الا ...نتمها بسينما الخرطوم غرب ...
و كان كنا غالبين ... وقعوا ( الرشاشات ! ) ...
فى ايدين ( عثمان حسن المريخابى ) ...
الملقب وقتها ب ( عثمان مريخ ! )
و اليوم داك الشاى مجان ...
فى قهوة الحسين ...
و من دون رغيب ...
كسرة :
كيكى ...خلى البوست ده دايما فوق ...
عبدالماجد
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: خالد العبيد)
|
ناجي الزيت يا ده يا خالد متخصص غذاءات ومواد تموينية من الثانوي (كان معانا في حنتوب وكان مسؤول غذاءات داخلية الزبير) طبعا هو دقس وانضم لجماعة الترابي ويمكن لو ما انا غلطان كان معتقل افترة بعد بعد الانفصال الشهير والشهادة لله هو راجل كان متدين شديد وخجول بس سمعت انو في الجامعة تحول لكادر عنف وتموين
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: ABDELMAGID ABDELMAGID)
|
| Quote: كيكى ...خلى البوست ده دايما فوق |
هلا يا دكتور
وحبابك وحباب حكاويك الطاعمة..
وقلت لي الروسي غير اللوك وجاااكم زينة ومتمر..
يا دكتور فتركم مهمة وكانت فترة فيها احداث جلل وياريت تمر علينا كمان وكمان وتدينا من بيت الكلاوي
علي الاقل زااتو تخفف علي مريخكم ابو نقطة ده
خالد ابو صورة مع نميري احنا لمن جينا الجامعة بعد الانتفاضة صورتو ده التنظيمات الثانية كرهت بيها
الكيزان البلي ..واشغلو عليها شغل تقيل في اركان النقاش..
وفي انتظارك
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
| Quote: وقلت لي الروسي غير اللوك وجاااكم زينة ومتمر.. |
( متمر ! ) قال ... ده والله التقول كان ( مدخن ! ) عديل كدى ...
.... ( ارقش !!! ) التقول ( مصنفر ! ) ...
قال ايه ؟؟؟ قضى ( الموسم الثقافى ! ) فى ( ظل ! ) التبادل الطلابى
( الإيرانى ! ) ما بين ( طهران ! ) و ( شهرزاد ! ) الصباح !!!
الساكت عن ( النباح ! ) المباح .... (يونس محمود ! ) ...
عليك أمان الله ... الله اكرمك ...يا عبدالكريم ...
نحن جايين من اجازة الصيف ... ( ديامه ! ) ... ( غبشه ! ) و شعيرات
( محمرات ! ) من كترة العوم فى بحر الديم و ضربان ( الهوبا ! ) فى
بحر الدميره و معاكسة تيار ( الشيمة ! ) ...
و الأيادى ( خرش ! ) أقوى من ( الزردية ! ) من زراعة ( تكين ! ) البصل !!
و ( الكريعات ! ) ( رقاق ! ) و ( معرقات ! ) من كترة الجرى و السباق فى ( رماية ! )
بذرة القطن !!! و هاك يا ( بقاق ! ) فى القدمين !! شيتا شوكة ( ود ابيض ! ) و اخرى
( حراز ! ) و التانيه ( حقت طلح !! ) ... و ينادو ليك بت ( أم دولو ! ) جراح ! ( ! GENERAL SURGEON ) الحله !
شايلا ( المنقاش !! ) و ( اللبره ! ) و تنخر فى كراعك لمن كواريكك تجيب الضهبان ...
و كمان ( حمار الوادى ! ) اهنق !!! و بعد داك ا( الفوا ! ) ليك ب ( دلقان ! ) و ( التخوا ! )
ليك بحبة ( ودك ! ) لزوم ( الأنالجيسيا ! ) ANALGESIA ...
برضو الناس حامده شاكره الما طلعت ( نبت ! ) MYCETOMA MADURA و ضيعت ( كراع ! ) الولد !!!
أو لدغة ( وشاشه ! ) RATTLESNAKE أو ( أب درقه ! ) AFRICAN COBRA ...
( سيحت ! ) دم الولد( HEMA-TOXIC أو قطعت نفسو( NEURO - TOXIC ) و سلمتو عزرائيل ....
كسرة :
( عضة ! ) العقرب ما معانا ... بس ... ان حصلت ... ( بقلبوا ! ) ليك ...
بسلسلة الشيخ هجو ود الماصع على بركات التوم ود بانقا ...
....................................................
الولد قال جايي من ( ايران ! ) أو ( افغانستان ! ) أو ( عرتكان ! ) قال ...
و ايه ؟؟؟ بنوك ... و مشروع ( حضارى ! ) و ( تأصيل ! ) و ( مضاربه ! ) ..
اضربكم الضريب اللعوزكم طافى النار من ( عمر البشير ! ) ل ( الترابى ! )
و ( على عصمان ! ) مرورا ب ( غوش !! ) و ( نافع على نافع ! ) و المعين الجديد
( محمد عطا ! ) و لأخر ( سبيبة ! ) من ( ضبان ! ) الهوس الإنقاذى الكيزانى ...
.......
الحاجات الفوق دى كلها كنا معرضين VULNERABLE ليا و كان ممكن تنهى حياة الواحد ...
و الناس بهناك ... كاتلين ( الجداده ) و ( خامين ! ) ... بيضا ...
عبدالماجد
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: ABDELMAGID ABDELMAGID)
|
Quote: اضربكم الضريب اللعوزكم طافى النار من ( عمر البشير ! ) ل ( الترابى ! )
و ( على عصمان ! ) مرورا ب ( غوش !! ) و ( نافع على نافع ! ) و المعين الجديد
( محمد عطا ! ) و لأخر ( سبيبة ! ) من ( ضبان ! ) الهوس الإنقاذى الكيزانى ...
|
هههه
والله يا دكتور متعتني متعة شديدة خلاص ووضبت لي جماعتي ديل وضيبة عدوك
وقلت لي زولي جا ااكم مصنفر ويقرش رقشة فضية امونة بت نورين..
ياخي الناس ديل التنظيم ده خرب طبعهم خراب حرم في سوبا ما حصل
ولسع الخراب مادي في السكة وحكايتهم خبرها طلع في لاهاي ...
انت عارف البنت قرف الشديدة المفاجئة والحياة الضنك الجينا منها ناس ديل زاااتهم جايين منها
ولكن ناس شيخ حسن بكشكروا ليهم بالباسطات والكعك والسمك والبدل بتاعة الخراطيم ديك
ومن ديك وعييييييييييييك...
رمضانك كريم يا دكتور ..
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: د.نجاة محمود)
|
Quote: في الستينات قالو الكوز لو عايز ياذن الا يحرسو خمسة عتاولة بكمية من السيخ
في السبيعنات وبعد اضرب اضرب يا ابو القاسم الشيوعي لو عايز يوزع منشورات
الا يحرسو خمسة عتاولة..ومن ديك وعيك.. |
هلا يا بيان
وفي الستينات الكيزان كان عينهم قووية وسنهم ملوية واتحاد اكتوبر وقبله وبعده حتي بدايات السبيعنات
كانو هم غالبية الفائزين في الاتحاد..
ماعارف اول عكة ودشمان ما بينهم والشيوعيين بدات متين ولكن طيلة الحكي عن تلك الايام القديمة شايف الناس بتتونس عن (حادثة العجكو).. ويبدو انها قبلها مافي عكة وكركبة ليها ضل ...
الغريبة التنظيمين ديل دخلو الجامعة في فترة متقاربة وحبة حبة خطفوا الاضواء من ناس موتمر الخريجين
ومن الفترة ديك اقطاب الصراع الطلابي وحتي قريبات دي اصبح شيوعي - كيزاني..
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
كيزان الزمن الاول وهي فترة ما بعد انشقاق تنظيم الاخوان المسلمين حظوتهم من الانقاذ طلت في فترتها الاولي فتوهط شيخ حسن مرشد ومفكرا بل تنفيذيا ومنظر في كل الهيلمانة التي رسمت بعناية اذهبته الي السجن واذهبت البشير الي كوبر...
الانقاذ لمن جات المولانات ديل كانو في مرحلة عمرية ومعارك وخبرات اهلتهم لكي يصبحوا في موقع المرشدين وكبار الشخصيات التي رسمت الخطوط الفلسفية والنظرية لدولة المشروع الحضاري
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: د.نجاة محمود)
|
Quote: لكن بدأت المواجهة بعد مايو وحل الاتحاد الكيزاني الفائز واحلاله بلجنة معينة
قيها المرحوم الخاتم عدلان,, وحدثت المواجهات السميت تأريخيا باحداث الجامعة..
اها من ديك وعيك.. |
هلا بيان..
وفعلا في بدايات نميري القصة كان فيها تنكيل وصالح عام لخيرة دكاترة الجامعة
وكانو يحاولون ان لاتبغي الجامعة جزيرة رجعية في محيط ثوري هادر او كما يقولون
وحكاية حاسم حاسم يا ابو القاسم دي شوف عيني لاحقا وفي النقاش الكيزان زانقيم بيها الشيوعيين
زنقة عدوك
وتصومي وتفطري علي خير
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: حامد محمد حامد)
|
Quote: كيكى ..مشتاقون ورمضان كريم يا بتاعين الهندسة عاملين لينا مشاكل فى كل حتة ( وجه ضاحك)
|
هلا يا حامد
ووينك انت يارجل ورمضان كريم ياخي...
وهندسة بيني وبينك كيزانها سووو البدع
واستخلفو في الارض السودانية اخطر الاجهزة الامنية في الشرق الاوسط
وده كلو بكون من خلعة التربيت وامتحانات (مئير غووش)
| |
|
|
|
|
|
|
|
|
|
Re: كيزان جامعة الخرطوم بقرتكم ودود وولود ...!!! (Re: عبدالكريم الامين احمد)
|
كيزان هندسة غايتو وعقب التخرج غالبيتهم دقش التصنيع الحربي الذي صار وفي فترة وجيزة
اكبر تجمع لخريجي الهندسة من الكيزان السودانين من كل الجامعات..
وشهد تلك الفترة تدريب وتاهيل عالي في مجالات كثيرة وفرخ كوادر عركتها اليرموك وجياد لاحقا
والمباني الغميسة في شارع حلة كوكو..
بعض الكيزان ذهبو الي الجيش كضباط مميزين وناقشين العلوم الهندسية والتاهيل التنظيمي لحماية السلطة
واخريين دقشوا الهيئة العامة للكهرباء
| |
|
|
|
|
|
|
| |
عبدالكريم الامين احمد
محمد إبراهيم علي
عمار يس النور
Nader Abu Kadouk
Omar Bob
Siham Elmugammar
khaleel
Elawad
عبدالوهاب علي الحاج
ibrahim alnimma
ايهاب اسماعيل
خالد العبيد
عبداللطيف حسن علي
حامد محمد حامد
فيس بوك
تويتر
انستقرام
يوتيوب
بنتيريست