|
|
 مارين جونز الغزالة التي طارت ميداليتها..!!!
|
كالغزال النافر الرشيق هكذا بدات العداء الشهيرة مارين جونز في اولمبياد سدني وخططت برشاقتها العالية في تلكم الاولمبياد للحصول علي عدة ميداليات فنالت منها في سباق ال100 الذي احرزت فيه رقما قياسيا وصارت صرعة ونمموذج عالمي للامراة الامريكية السوداء السيوبر استار.....
اخبار الصحف حملت تعاطيعها عقار منشط محظور في مجال العاب القوي والرياضة عموما ليهدد ميداليتها الذهبية الناصعة لتبداء رحلة المصاعب وتحطم الاسطورة الغزالية الريلية والمشاكل...
ويبدو ان ديجو ماردونا ليس هو الوحيد الذي قذفت به اقدار العقاقير فهنالك الان علي السطح العداء مارين جونس كما كان هنالك ايضا بن جونسون...
قمة الاسي لمصير ذلك الغزال النافر الذي تكشف الان بانه غزال نافر ولكن هو كما السنبر يتعاطي المقويات لكي ينفر ويجعلنا نفغر الفاه..
|
|
 
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: عبدالكريم الامين احمد)
|
إنت عارف يا كيكى.
لما شفت الأخبار أول أمس من BBC توينتى فور نيوز.
مسكتنى حالة من الزهول وفغرت فاهى غير مصدق وهى تبكى وتنتحب وتقول لا ألوم احدا ولكن نفسى وبدأت إعتذاراتها المتتالية للأمريكيين ولجماهيرها ولاسرتها ول.....كل الناس.
أصعب من الموقف دا ما إتخلق!!
آه يا ماريون يا جونز لقد إعتكفنا لك فى سيدنى وفرحنا بكى حدا يفوق الوصف.
وجع!!!
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: عبدالكريم الامين احمد)
|
جونز برعت في ال100 متر تلكم الرياضة الفريدة التي تحتاج الي مواصفات ونفس واحد في سرعة الون اسبيد من البداية الي النهاية..والانطلاق الصاروخ بجانب حركة اليدين والتركيز علي ركض في خط شبه مستقيم كان اهم ما ميز جونز في بطولتها تلك مما سمح لها التوويج الذهبي..
ايضا فازت في تبادل ال4 في 400 وهو تبادل صعب المراس يجتاج الي تركيز ومقارعة المنافسين وسرعة التقاط المنديل او شارة الفريق.. في ال400 م قاتلة الرجال ولكن جونس كانت لها وابهرت العالم لتاتي اليوم وتذهب كل تلك المشاهد الرئعة كسراب بقيع ذكري سيئة لتاريخ بداءناصع..
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: عبدالكريم الامين احمد)
|
الأخ عبدالكريم،
هنالك إستفتاءات تجري الآن لمعرفة رأي الجمهور الرياضي
عما إذا يجب على العداءة الأمريكية الحسناء ماريون جونز Marion Jones
إعادة الميداليات الخمسة التي فازت بثلاث منها ذهبية في أولمبياد
سدني في عام 2000 أو الإحتفاظ بها..
يبدو أن مدربها السابق (تريفور جراهام) خدعها لأن ماريون ذكرت في
إعترافها بأن مدربها هو الذي قام بإعطائها المنشطات قائلا بأنها
عبارة عن منشطات قانونية مسموح بتناولها.
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: حيدر حسن ميرغني)
|
Quote: غايتو ياكيكي لو شالو منها الميداليات
حأفرش عديل وأموت من الزعل
مفروض يخلوهن ليها بدلات
يعني بدل سماحة ... وجمال |
فعلا ياحيدر والبكهات حتكون كتيرة خلاص فانا من حسع صيواني جاهز موية ونور
والزولة دي سمحة وبتكسر تب...
وانت عارف يا حيدر انا عندي ثلاثة ما بلعب فيهن كلو كلو
1-زولتنا السمحة دي
2-سيرينا وليمز
3- فينوس وليمز
الثلاثة ديل بضارب فيهن عديل كده ومعلن تكسري بدون ادني تردد
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: عزيز عيسى)
|
Quote: يبدو أن مدربها السابق (تريفور جراهام) خدعها لأن ماريون ذكرت في
إعترافها بأن مدربها هو الذي قام بإعطائها المنشطات قائلا بأنها
عبارة عن منشطات قانونية مسموح بتناولها |
هلا ومرحب اخي عزيز
وياريت يكون الامر كذلك وساعتها ستبقي ماري في دواخلنا
فقد كانت دوما تذهب بابتسامتها البريئة الطفولية وركضها الرشيق من نقطة بداية السباق
الي داخل القلوب مباشرة فقد عشقها الكثيرين ..ونتمني ان يكون ذلك الابداع السابق بدافع الابداع
ودون علم بامر تلكم العقاقير...
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: amir jabir)
|
Quote: من هذا المنطلق انا حارسل للزولة دى جواب بتاع مواسه وصورتى والسيرة الذاتية ...
وبديها ميداليات من عندى .... موامرة بس هسى دى زولة بشيول منها ميدلية ... ولا يدوها |
هلا يا amir
والناس دي مشكلتها ما بتعرف تقلع الميدالية من منو وتخليها لمنو
ولازم بالله برضو تورينا الايميل بتاع الزولة دي
عشان نرسل ليها اشواقنا وتضامنا الكبير معاها
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: amir jabir)
|
| Quote: اديك الاميل علشان تخرتنى مش |
معقول يا عامر ياخي
انا في الايميل بشرح ليها ماسمتك بس
ذكرتني واحد زملينا ايام الجامعة تلقاهو ماشي مع بت سمحة
وبقولوا ليهو شنو يا بحر الجكس السمح ده بختك..
بقول ليهم والله يا جماعة ما عندي معاهم اي حاجة معاهم بشرح ليهم ماسمتك بس
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: amir jabir)
|
| Quote: على فكرة ممكن دينق يساعدان فى الموضوع دة .. عميد فى الجيش الامريكى والعهدة على من روى ... يعنى ممكن يدى البوليس الماشى يشيل الميدليات تعليمات ويدينا رقم تلفون والاميل ويوصل جوبتان كمان |
هلا ياعامر
وبالله دي ابتسامة حسع يقلعوا منها ميدالية
اولاد جون ديل ببالغوا شديد
ودينق منتظرين حضوره الفوري فهو رجل قريب من الاحداث ويمكن يورينا الحاصل شنو
وانا من حسع فاتح بلاغ ضد مجهول خواجة متامر ضد الجمال والدهشة والغزال
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: ابوالقاسم ابراهيم الحاج)
|
Quote: كيكى بالله أعمل همة جيب لينا الموقع بتاعها على الشبكة العنكبوتية دى.
بعدين بلاش خيانات وكدة وهى تسع الجميع فى قلبها الطيب, ودروها الأبالسة!! |
تعرف يا ابو القاسم وكانك قريت افكاري
انا من الصباح بقوقل بيدي وكراعي عشان القي الموقع بتاع البطلة دي
لكن يبدو ان دوائر القوقل مشغولة...
وهي فعلا يا ابوالقاسم تسع الجميع بقلبها الكبير وابتسامتها الساحرة
ولكن تقول شنو مع النفس الامارة بالاحتكار
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: khaleel)
|
| Quote: ويبدو ان مهمشي امريكا مفتحين وبعرفو اقلعوا حقوقهم |
ديل يا خلي سيادة الرياضة والفن
كوبي براين
كريم عبدالجبار
وفرقة هارلم الاسطورية
وسياد المزيكا بانواعها المختلفة(بس ابعد لي المكوجن مايكل جاكسون داك)
وسياد الجهد المبني علي الابداع والجهد الانساني
وياريتو حالهم حال مهمشينا احنا مع المركز المتغول حتي علي حقوق حامد بريمة وموقفو حارس
(قيل انها مقولة للاب الكبير فيلب غبوش)
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: عبدالكريم الامين احمد)
|
خدعوها ما تستاهل
لاحظ دمعة المسكينة
الأمريكان السود وخاصة الرياضيين منهم أصبحوا هدفا للصحافة الأمريكية
لأنها بتغير عليهم.. دائما تتبع أخبارهم بغرض فضحهم وتجريدهم من أموالهم
وثرواتهم التي إكتسبوها بمهاراتهم الفنية.
قبل أيام وضع لاعب كرة القدم الأمريكية اللاعب مايكل فيك Michael Vick
في بوتقة الأخبار وتم إتهامه بممارسة الرهان بمشاهدة مقاتلة الكلاب الشرسة
داخل حوش الفلة التي يمتلكها.
كما تم وضع خبر لاعب كرة السلة أزايا توماس Isiah Thomas أيضا في مقدمة الأخبار
حول التهمة الموجهة إليه وهي تحرشه بإحدى السيدات تمت إدانته وتغريمه
مبلغ 10 مليون دولار.
وقبل أن يبرد موضوع أزايا توماس تعرضوا الى موضوع العداءة ماريون جونز..
وأمس واليوم عادوا الى أوجيه سمسم O.J. Simpson لاعب كرة القدم الأمريكية
المشهور ووجدوا فيه مادة صحفية دسمة جدا إحتلت قائمة الأخبار إدعوا بأنه
أهدى ساعة يد رولكس مزورة أو غير أصلية Fake.
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: عزيز عيسى)
|
Quote: الأمريكان السود وخاصة الرياضيين منهم أصبحوا هدفا للصحافة الأمريكية
لأنها بتغير عليهم.. دائما تتبع أخبارهم بغرض فضحهم وتجريدهم من أموالهم
وثرواتهم التي إكتسبوها بمهاراتهم الفنية |
مرحب يا عزيز
ودوما المبدعين السود مسحورين وكانهم يحسدونهم علي هذا الكسب المستحق
ولكن عزوانا بان حواءهم دائمة تلد الابطال والمبدعين
وشكرا علي المعلومات الراقية ياعزيز ومنتظرين الكثير
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: Elhadi)
|
كرومة
حتى زوجها سي جي هنتر رامي الكرة الحديدية تم ايقافه من قبل لمدة عامين بعد ادانته بتعاطي المنشطات، وهنتر ده قدر الليلة وبكرة ما قادر يلز الكرة الحديدة قام لزها بالعافية ولز معاها ماريون قاتلة الله، والله العظيم الشغل ده شغل هلالاب عدييييييييل.
تخريمة:
الاتحاد السوداني لالعاب القوى كانت لديه مشكلة العام الماضي بتهمة تسهيل مهمة تعاطي المنشطات لأحد العدائين وقد تم (تلبيد) الموضوع.
كسرة:-
الهلال أول فريق سوداني يدان باستخدام المنشطات في بطولة الأندية العربية بتونس!
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: Rakoba)
|
هلا يا راكوبة يا صهيوني
انت عارف الدموع الفوق دي لو فتشناها بنلقي نصها عشان الهلال
ولو هبشت جونز دي وهي تبكي حتقول(اوووووه هلال اتغلب كمان...اوووه ماي قوود)
الزولة بتشبة القمر البتاوق من السماء وبتشبه الهلال
في الابداع في الفن في الجمال في الابتسامة وفي البكاء كمان(ده بكي هلالاب عدييييييييل كده)...
...وبعدين ياخي منشطات شنو البتسعملها الهلال يا راكوبة
يازول انت الثلاثة الامس ده لخبتت ليك راسك ولا شنو يا راكوبة ياخي
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: عبدالكريم الامين احمد)
|
صراحة يا كرومة ماريون دي طلعت اي كلام منشطات ويمكن كمان معاها ( سفلي) تخرت بيهو بنات الناس
اظرف حاجة في الفضيحة الماضية اتفقت مع شركة معامل " أبكو" على المساومة بأن يدفعوا لها 25 مليون دولار لإشانة اسمها ، هسي بعد الحصل ده حقوا تدفع هي وتدفع لينا كمان ضرر الخديعة الكبرى في الموهبة الرياضية وضرر البكا في اللون الخمري اللي ظاهر عليها تاماهو موية منشطات
ويا كرومة فضيحة الهلال موثقة والحمدلله وكان بطلها اللاعب ( هـ ز) وناس الهلال قالوا عندو نزلة واخد بندول (طاعم شوية)
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: عبدالكريم الامين احمد)
|
العزيز عبد الكريم
بت اهلنا دي غزلنتا منشطات ساكت
زوجها و مدربها كان بتاع العاب قوة و ضبط متورط في المصايب دي
بعد فضايح نجوم سباق الدراجات طلعت اعترافات من لعيبة من مناشط مختلفة انهم كانوا بعملوا دوبينق بس التكنلوجيا ما كان متطورة عشان كدا ما اتقبضوا
و في راي بقول انه الرياضيين مطالبين بما ه فوق طاقة البشر فاما المنشطات او الاعتزال
البنططوا زي الشياطين دي كلهم متورطين بس شقي الحال البقع في القيد
في المسكر الاشتراكي كانوا الرياضيين و الرياضيات بكميات من المنشطات عشان ابراز تفوق الشيوعية علي الرأسمالية
البنات من الطفولة بيعبوهن بالتسترون لدرجة اني شفت واحدة قلبت عليها علامات الذكورة و عملت عملية تغيير النوع حكمة الله انها اتخلصت من المشاكل بتاعة التحول و الابرزها بقاء الصوت الانثوي
صوتها بقي زي الرعد
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: نصار)
|
Quote: في راي بقول انه الرياضيين مطالبين بما ه فوق طاقة البشر فاما المنشطات او الاعتزال
البنططوا زي الشياطين دي كلهم متورطين بس شقي الحال البقع في القيد |
مرحب يا نصار
والف شكر وتحية
وكما قلت يا نصار فعلا الرياضيين وبالذات الفي الالعاب الفردية واقعين تحت ضغط رهيب
1-الاعلام
2- الرغبة في التفوق
3-المال للارقام القياسية
4-الواعز النفسي للبقاء في الاضواء
كل هذه الاشياء وغيرها تجعل هولا الناس تحت رحمة المغامرة بالتنشيط
ولكن المحير في الامر يا نصار هو ارتباط ذلك بالرياضيين السود عل هذا يبرر بغالبيتهم في تلكم المضامير واكثريتهم...
حزين انا لما صار لجونز فهو امر قاسي ويبدو ان اعلام والراي العام في تلكم المناطق المليئة بالشفافية لايرحم وستلاحقها الاعين وتهمة خيانة الابداع الانساني كثيرا
...
تطور تكنلوجيا الكشف عن العقاقير سيحسم من هذه الظاهرة ولكن سيقلل الارقام القياسية وسنلاحظ ذلك في اقرب اولمبياد...
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: عامر تيتاوى)
|
الجميل / كيكي
مساء الخير
والله ياكيكي يااخوي المره دي انا من شفتها قلته دي مابتاعت رياضة .... تعرس وتقعد في البيت ... مااصلوا ياحبيب هي دائما كانت تردد : في الحالتين انا الضائع , عارف ليه ....؟
واحدة متزوجة بطل اولمبي في رمي الجلة وفوق ىده كله يتعاطي منشطات .... يااخوي هي ناقصة .
هارون دياب
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: ابوالقاسم ابراهيم الحاج)
|
Quote: وقالت عاوزة تبقى زولة بيت بس وتستريح وتريحنا كمان بالمرة من طلتها الجميلة دي
فارشين متين |
فعلا ياحيدر وابو القاسم
لالا والف لغياب جونز عن الساحة..
والناس بتاعين الاولمبية ديل مصرين يعني يشيلو الميداليات دي (خوة مافي -عشرة مافي)
لازم تبقي وزي ما قال ابو القاسم مذيعة
اعلانات-محللة _خبيرة دولية اي حاجة كده قريب من الجمهور
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: ابوالقاسم ابراهيم الحاج)
|
عبد الكريم كيكي
سلام،
و الله إنت طلعت بكاي شديد جدا ، و فت قريبي ود القريش كمان
بس بيني و بينك هي جميلة و بتستاهل
أنا زمان كنت قايلك مكسر في "اليمنين" عشان بيض ده طبعا زمان زمن الجهلة و حزب البتاع الخلاكم تنضفوا شوارع الخرطوم الما بتنضف ابدا.
بس و الله عجبتني و كيفتني بي كلامك في بت الخال السمرا و طلعت وطني عديل و غير عبثي.
عارف يا كيكي أيام اولمبياد سدني ده انا كنت عامل لي عمليه كده و مؤجز 22 يوم و سبحان الله طلعت من المستشفى يوم الإفتتاح.
كتلت ليك كل النشاطات ما خليت حاجة كرة قدم ، مضرب ، جمباز ، جري ... حتى الرقصات الإقاعية ما خليتها ليك.
المدام كانت بتقول لي إنت حسع ما كنت مبنج و بين الموت و الحياه ما لك بتشوف في جنس ده.
كنت بضحك و اقول ليها يا ست دي رياضة ... رياضة ...
بس بيني و بينك بت جونز كانت مكيفانة
عارف طبعا أنا بموت في البرازيل و إمكن لو لعبوا ضد السودان (سودان شنو لو لعبوا ضد الهلال ظاااتو) ممكن أشجعهم.
و لمن الولد رونالدينو جاب التعادل ضد الكاميرون بالفاول العجيب كنت محايد.
بس و الله اول مرة اتكيف لي غلب البرازيل لمن الكاميرون جابت الهدف الذهبي و قعدت انطط لمن الجرح بتاع العملية قرب يفتح زاتو.
و الله لو سحبوا منها الميداليات بتاعتها دي إنا مفروض ناس الشغل يدوني بدل إجازة الضييعتها و انا اشجع فيها... و الله ده حرام عديل كده.
****
سندة:
العيد إن شاء الله معاكم في قطر (راجع الماسنجر)
سلام
عمار يس النور
عاشق بخت الرضا (وبس - الخواف ربا بناتو)
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: عمار يس النور)
|
| Quote: العيد إن شاء الله معاكم في قطر (راجع الماسنجر) |
هلا يا عمار
ودي اجمل خبرية ممكن تنسي الزول موضوع جونز التي طارت عصافيرها
وسنكون في انتظارك يا عمار بشوق ومحبة شديدة ورغبة في معانقة صديق من الزمن الجميل وعائلته الكريمة...
واما عن امر صديقنا جونز فانت السعيد ياعمار لتفرجك في سيدني في الابداع الانساني الكبير
ونقول ليك اولا كفار باثر رجعي والف سلامة..
والميداليات التي احرزتها جونز كانت تبدو ساعتها عمل مبدع ومدهش لكل الناس والصدمة التي تاتي عندما تفكر في تلك اللحظات الفرحة...
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: عبدالكريم الامين احمد)
|
عبدالكريم وضيوفه الظريفين..
تحية ومحبة..
شدة ما الموضوع مهم. المتحدثة بإسم البيت الأبيض عملت ليهو مؤتمر صحفي شوف عيني.. وقال شنو. بوش محبط !!
بيني وبينكم أنا اي أمريكاني أو أمريكانية دايراهم يقبضوهم بالتهمة دي ويقلعوا منهم الميدليات المن نصيبنا (أثيوبيا وكينيا).. يعني هم يبقوا عليهم إتنين: أكل ومنشطات. وإحنا يا كافي البلا لا أكل لا منشطات.. وبعد ده فارقين
بن جونسن كانت وااضحة حسادة الأمريكان.. بالرغم من إنه كان Too good to be true
يا كريم وحيدر. طبعا في التنس أنا عنصرية درجة اولى ممتاز. أصلو ما بشجع إلا ناس روسيا ووسط أوروبا.
شاربوفا وآنا كورنيكوفا صوت وصورة.. تلفزيون بلازما عدييل ..
... 
بنات وليامز ديل ضلًوا الطريق من الملاكمة. ديل عندهن عضلات، تمساح زاتو ما كان عنده زيهم
* غايتو معليش. أنا الأمريكان ديل ما بعرف إنهم ممكن يبدعو في أي شئ غير الدمار وسواطة الدنيا..
لكن رياضة؟ غايتو بأيدهم وشديدهم بيقالعو
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: Raja)
|
هلا والف تحية يارجاء..
ومنورة البوست والله
ونحن نجتر الاحزان في ازمة نجمتنا الكبيرة (جونز)..
| Quote: بنات وليامز ديل ضلًوا الطريق من الملاكمة. ديل عندهن عضلات، تمساح زاتو ما كان عنده زيهم |
وبنات وليامز ديل يارجاء هن (حبايب البي) وكده احنا حنضارب
ومتفق معاك بان نجمات روسية واروبا الشرقية مبدعات وفنانات وجميلات ايضا
ولكن في ناس وليمايز الق وحاجة كده كفيلة بتغير اتجاه الزول لذا يذهب اعجابنا عاليا حفاقا بهن
| |
|
|
|
|
|
|
|
|
 Re: مارين جونز الغزالة التي طارت ميداليتها..!!! (Re: عبدالكريم الامين احمد)
|
عبد الكريم سلامات تاني..
معليش ما عزيت في الأول.. وخيرها في غيرها وعقبال الباقين والباقيات ..
| Quote: وبوش ذات نفسو زعلانننن |
غايتو الله يستر من زعل البوش ده.. بكره يقول إرهاب وأسلحة نووية. وطبعا المخيخ فاضي يقوم يضرب لينا مضمارات الجري ولا محل القفز الملان رملة داك ..
* بنات وليامز جن في زمن التمساحات غابن.. المشت ورا أنريكي اجلاسياس، والسحروها في ركبتها وبتتعالج..
غايتو كان للقرابة أنا كنت من المشجعات والمعجبات بـ (نواه) الفرنسي ..
| |
|
|
|
|
|
|
|
|
|
Re: مارين جونز الغزالة التي طارت ميداليتها..!!! (Re: Raja)
|
| Quote: غايتو الله يستر من زعل البوش ده.. بكره يقول إرهاب وأسلحة نووية. وطبعا المخيخ فاضي يقوم يضرب لينا مضمارات الجري ولا محل القفز الملان رملة داك |
هلا يا رجاء
وبيني وبينك كل شي ولا زعل جورج ده حسع الفيالق وكروز بتدور واللجنة الاولمبية الامريكية جاها بلا
واحتمال يوديهم غنتامو ذاااتو
انتي عارفة يا رجاء انا كانت زولتي (هنغس) ومعاي رابطة معجبين بنقوم بمارتينا ونقعد بهنغس
ولكن بيني وبيك لمن شفتها (فيس تو فيس) في جيتها الشهيرة الي الدوحة غيرت رااااااي مائة وتمانين درجة ورجعت الي قواعدي اللوليمزية سالما وبالذات البت (سيرينا دي) يااخي دي عندها ضربة تنس
بتفلق عديل كده..
| |
|
|
|
|
|
|
| |
عبدالكريم الامين احمد
ابوالقاسم ابراهيم الحاج
حيدر حسن ميرغني
عزيز عيسى
amir jabir
عبد المنعم سليمان
khaleel
Elhadi
Rakoba
نصار
عامر تيتاوى
haroon diyab
عمار يس النور
Raja
فيس بوك
تويتر
انستقرام
يوتيوب
بنتيريست