|
|
 فش غبينة وبس..!!!
|
من اي السماوات نزل هؤلا القوم...من اين؟؟؟؟
ومن اين لهم هذه المقدرة الاسطورية علي احتمال رؤية وطن بمساحات عالية التمدد رويته وهو يتفكك
وتتحلل ثناياه ما بين الريح ....
18 سنة من القبضة السلعة والامتصاص البكتيري لكل ما تقع عليه خياشيهم الصدئة من مقدرات وممتلكات
نهب تقيل ورائحة الفساد والمحسوبية تكاد تغطي فضاءت كل المدن والفيافي البعيدة وكل اجواء السودان....
لا حديث يعلو علي همسات الفساد وعلنه..
ولاحديث الا عن المصير القاتم لكل الاشياء هناك واشهرها الخرطوم التي صارت مدينة تنام علي مرمي
حجر من قنبلة حتما ستقضي علي الاخضر واليابس ذات يوم..
جبايات علي قارعة الطريق السريع..
ونفايات تدفع الاسر رسومها ولكن الشاهد ان الاحياء تنام علي كوش تتالق فيها (اكياس) الجيلاني
التي يجازف علي بطنها (ربع كيلو اللحمة) والعرقي ايضا...
تفتت علي الشوارع ومتسوليين من كل السحنات والاثنيات ولا كبير علي (الشحدة والتسول)...
طائرات تنقل مغتربين قليلي العدد عائدين ولكن اغلب ركابها من جنسيات عديدة صينينن اين
يذهبون داخل السودان (لا اعلم)...
ولكن اعلم ان هنالك المئات مثلهم يجلسون طيلة النهارات الساخنة علي (برندات الاسواق) في مختلف
انحاء الخرطوم..يتعاطون التمباك بكل كسل ويتحدثون في كل شي..
وفي اطار فش غبينتي ساقول ما لم يقله مالك في الخمر في هذه الانقاذ السلطة تلكم السلطة
ذات الدم الثقيل..واكبر حكومة تجديد الالتفاف علي الاشياء من اجل عيونها السوداء المليئة
بلعنات الغلابة الذين وجدوا انفسهم علي قارعة الضياع,,,في بلد هو(اكبر ام فكو في العالم)
|
|
 
|
|
|
|
|
|
|
|
Re: فش غبينة وبس..!!! (Re: Faisal Al Zubeir)
|
Quote: الزميل : كيكي : تحياتي
كيف الاجازة ؟. سلامات . |
مرحب صديقي فيصل
وانا الان بالدوحة والاجاز عدت كما عد العيد الشهير الذي خلده المتنبي
وزادت الفجيعة يا فيصل واتسع الجرح
كل التحايا..
| |
|
|
|
|
|
|
|
|
|
Re: فش غبينة وبس..!!! (Re: أيمن الطيب)
|
| Quote: بالطريقة دى يا هندسة إنت زاتك حا تمشى أم فكو!!الجنب أم جكو!! |
مرحب يا ايمن والف سلام..
يا ايمن انا ماشي ام فكو من زمممممممان
واتسع وزاد الام فكو الان عندما وجدت وطن بمساحة مليون ميل مربع ماشي هو ذااتو (ام فكو)
| |
|
|
|
|
|
|
|
|
|
Re: فش غبينة وبس..!!! (Re: أبو ساندرا)
|
Quote: هلا بيك
تعال نفك غبينتنا
ونصلح مدينتنا |
سلام يا ابو ساندرا
ولك التحايا والشكر ايها الكريم..
سنصلح حال المدينة ولكن يا عمي متي سيصلح حال ذلك الوطن الذي تاكل وسكنه البوم الناعق
تحت الدقون الصدئة(لقد صدئت الدقون يا ابي ساندرا)...
لك مني..
الميدان اعداد اكرامية..
وجية (غدا في البيت)..
وهاتفي سيعمل غدا ...ولا زعل يا ابو ساندرا
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
اكبر الفجائع التي تدمي القلب هو روية وطن يمشي 0(سمبلة) نعم السودان ماشي سمبلة ومطلوق للاهواء والرغبات والمصالح الشخصية وتغذية الحسابات في البنوك واقتصاد الخصخصة التي بها رفعت
الانقاذ يدها كل الاشياء وتفرقت للكورة المرتدة ومحاورة الاخريين(ترفع سلاح) ممكن تاخذ باص باصين
وتجيب قوون في شارع البلدية او في ولاية من طرف تمارس الرضاعة علي شطر عذابات الغلابة وتدور الساقية والسلطة قابضة يظللها القسم الشهير للرئيس عمر البشير الذي يكرهه الشعب كراهية مبطنة بخوف تاريخي من الذين اتوا الي السلطة علي افواه الدبابات..
| |
|
|
|
|
|
|
|
|
|
Re: فش غبينة وبس..!!! (Re: محمد على طه الملك)
|
Quote: معاك ..
وايد علي أيد تجدع بعيد .. |
مرحب بيك اخي محمد..
وفعلا يجب فضح الواقع المزري والتفكك الحقيقي والانفلات الخطير في السودان
وفضح هذه العصابة المجرمة حقا وتعريتها وطردها فورا وبكل السبل فالامر عاد لا يطاق
والسكوت عليه جريمة في حق كل من لديه نخوة تجاه الانسانية..
| |
|
|
|
|
|
|
|
|
|
Re: فش غبينة وبس..!!! (Re: عبد المنعم سليمان)
|
| Quote: ولية اخرت الكلام ده لماااان رجعت |
ابقي (بيلو) يا منعم لو قلتو الكلام ده في السودان...
ونبقي في تضامن واعتصام وضرب بمبان كمان..
وين مجاهد ووين محمد جلال
الحال يا منعم بكل صدق لا يسر والبلد ماشة سمبلة ولا تستطيع ان تحدد هل فيها حكومة
ولا ما فيها وتحولت القصة الي اقطاعات وكل زول فارز عيشتو وكومو وماسك شطر قطاع عام وبرضع
من طرف
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
باشمهندس كيفنك
وكيف لقيت الاهل
تعرف يا كيكي خلال سفرتي لوفاة الوالدة رحمها الله
وفي مطار الدوحة ذهبت للباب المخصص للركاب المتجهون للخرطوم
وجدت البوابة كلها اجانب (صينبون على الخصوص)
بعد ما اتوهطة في الطيارة شكيت وسألت المضيفة
اذا كانت الطائرة متجهة للخرطوم
فأجابتني بنعم
زاد الحزن عندي مرات ومرات
البلد ملئ بالخيرات ولكن قلة هي التي تنعم بها
حقيقي وطن له الله
| |
|
|
|
|
|
|
|
|
|
Re: فش غبينة وبس..!!! (Re: طارق جبريل)
|
مرحب دكتور طارق وسلام..
وفعلا له الله هذا الوطن لقد ترك لعيشة السوق والمجازفات والمعاناة والقراية ام دق..
وفعلا يا طارق نفس الاحساس ونحن علي الطائرة القطرية من الدوحة الي الخرطوم
شكيت بان الطائرة ماشة (بيونغ يانغ) ولا اي حتة في الصين من طرف...
ووجابت ليها بنغال وهنود
والمبكي ان العطالة متكلين في فرندات السوق العربي بالاطنان
وزول بيقول ليهم احم ولا دستور مافي..
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
رد علينا كيكي متسائلآ :
Quote: سنصلح حال المدينة ولكن يا عمي متي سيصلح حال ذلك الوطن الذي تاكل وسكنه البوم الناعق
تحت الدقون الصدئة(لقد صدئت الدقون يا ابي ساندرا)... |
ماقلنا ليك ياكيكي
حانصلح حال المدينة
بعد مانفش الغبينة
أي
أن يندلع الغضب الثوري
وننجز الإنتفاضة المحمية
أو التغيير عبر صناديق الإنتخابات
لو كانت إنتخابات نزيهة
لكن هل يتوقع أحد أن تكون الإنتخابات نزيهة والبلد في قبضة الأوباش
الذين يجيدون التزوير وتزييف إرادة وأصوات الملايين
وناس الحركة نايمين على عسل الإنفصال
ونافضين اياديهم من السودان الحالي
| |
|
|
|
|
|
|
|
|
|
Re: فش غبينة وبس..!!! (Re: أبو ساندرا)
|
Quote: لكن هل يتوقع أحد أن تكون الإنتخابات نزيهة والبلد في قبضة الأوباش
الذين يجيدون التزوير وتزييف إرادة وأصوات الملايين
وناس الحركة نايمين على عسل الإنفصال
ونافضين اياديهم من السودان الحالي |
الحركة الشعبية ترنحت يا ابي ساندرا واصبحت نادرا ما تغرد في سرب الغلابة والمهمشين
فسلطة المزيفيين في الموتمر الوطني ماهرة في الالتفاف والمناورة والخداع وتطفيش الكورة..
وايضا يذهب اللوم لك القوي السياسية الاخري فالامر عميق ومحزن يا بركات..
ويحتاج الي عمل شاق وجدية عالية وهمة وحسم
فالتخريب طال كل الاشياء حتي الوجدان السوداني لم يسلم..
يجب علي كل المومنين بالديمقراطية التماسك وتجاوز الصراعات الانية والنظرة الضيقة
فالوطن يحتاج الي انقاذ من اثار الانقاذ الانقاذ وسكتها الوعرة..
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
حمد الله ع السلامه ياهندسه وكيف الاهل والخاله والاخوات؟
مرور ومؤازرة وفش عبينتك والكلام ده ماجديد وليس نتاج يوم بل هو حصاد 18عاما والناس المرقت وخلت البلد دى مرقت غصبا عنها ياكيكى وحالتك انت فقط زرت الخرطوم وبعض مناطق الجزيرة فكيف يكون الحال لو توغلت غربا ؟ وشفت المجلد .. نعم المجلد التى تعوم فى بركة من البترول ولازال سكانها يستعملون(المصارج) من جمع (مصرجه) للاضاءه ويشترون برميل المياه باكثر من 10 الف جنيه ياكيكى؟؟؟
اما اذا تكلمت عن الصحه والتعليم انسى تماما؟
لا طرق
لا ماء
لا صحه
لا تعليم
الله يكون فى عون البلد؟
| |
|
|
|
|
|
|
|
|
|
Re: فش غبينة وبس..!!! (Re: ضحيه ابراهيم)
|
مرحب ابو احمد وسلام..
وما شفت المجلد يا ضحية ولكن حدثوني عن كل الاشياء والحركات بتاعة الحرامية الهوانات
ومحاولتهم سرقة بابورات الكهرباء وترحيلها الي الخرطوم تاركين (دينقا) تنام علي سرير الظلام والعطش..والالمي يا ضحية خلاص خنق القنطور والجبهية ديل مسخوها مساخة شديدة وفاتو الحد
فعشان كده بعد الا نفرز منهم بالسراويل..
| |
|
|
|
|
|
|
|
|
|
Re: فش غبينة وبس..!!! (Re: أبو ساندرا)
|
فش الغبينة حدها متين..
كل واحد يمشي ويجي يفش ليناغبينتو هنا..
المشكلة ما في البلد الماشة سمبلة..
المشكلة في العشم الكان على الدخلاء الجدد من كل الاحزاب في إصلاح ماأفسدته الدقون الصدئة..
كان يمكن أن يثبت الجرم على الحرامي لأنه معروف..
أن تشتت الدم بين القبائل..
والحديث عن الأحزاب..
ينظرون بعين ويرضعون من شطر هذا الميت بعين أخرى..
من يحكم من..
من يحاسب من..
حقيقى وطن له الله..
| |
|
|
|
|
|
|
|
|
|
Re: فش غبينة وبس..!!! (Re: hatim)
|
Quote: فش الغبينة حدها متين..
كل واحد يمشي ويجي يفش ليناغبينتو هنا.. |
حاتم سلام
واظنك تتفق معاي باني من حقي تماما ان افش غبينتي اينما اريد وكيفما اريد ولا شنو؟؟؟
المسئولية التامة والكاملة هي مسئولية الذين اتو عام 89 باسم انقاذ الوطن فوصل الي ما وصل اليه..
الاحزاب اتفق معاك ايضا بانها لها دور اساسي فهي جهات طلعت باسم المواطن وتريد النضال والتغيير باسمه ولكن الامر يجب ان يكون (غير) الان فالمتضرر الحقيقي وصاحب الوجعة الذي هو المواطن يجب
ان يقول رايه في هولا العبنجية الذين امتلت كروشهم بامواله وحقوقه..ولكن كيف هذا هوالسوال؟؟
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
Quote: يجب علي كل المومنين بالديمقراطية التماسك وتجاوز الصراعات الانية والنظرة الضيقة
فالوطن يحتاج الي انقاذ من اثار الانقاذ الانقاذ وسكتها الوعرة.. |
بالضبط
محتاجين لتحالف واسع وعريض وعميق
يحقق نصر لايمكن تزويره
نصر ساحق ماحق بما لاتفلح معه أي محاولة للتزوير
| |
|
|
|
|
|
|
|
|
|
Re: فش غبينة وبس..!!! (Re: أبو ساندرا)
|
Quote: بالضبط
محتاجين لتحالف واسع وعريض وعميق
يحقق نصر لايمكن تزويره
نصر ساحق ماحق بما لاتفلح معه أي محاولة للتزوير |
دي السكة يا ابوساندرا
ودايرة همة عالية والناس تدوس علي اشيائها الذاتية من اجل وطن
وظاهريا الناس ديل هيلمانة وقوي واعلام وامن واقتصاد
ولكن عندما يتكاتف الجميع فان اقتلاعهم سهل ويجب ان يكون محمي بانجازات تذهب مباشرة للمواطن
الذي فقد البوصلة واصبح لا يومن بالميري والمصيبة المسمية الحكومة لانها تخلت عنه
وتركته (ياكل ناره) وعينو طالعة فيجب ان يتم استعاد الثقة فيما يسمي بالدولة التي مسحت بها
الانقاذ الوطة واذلت الشعب
| |
|
|
|
|
|
|
|
|
|
Re: فش غبينة وبس..!!! (Re: khaleel)
|
Quote: كيكي
ياخوي ازيك كيف بنات التقانة والاحفاد ومامون حميدة
وانشاء الله اتخارجت من ناس الضرائب
ياخوي جائي بي البوست بتاع سياسة
وعامل لينا فيها مانديلا |
اووووه خليل
ياخ لا مانديلا ولا حسن عطرونة
القصة وما فيها يا خليل بصراحة البلد فوانسها البوقن ماتن
والناس حيلها اتهد من سلطة الدقن التحت الكاب دي ناس صحبك الحلزوني
الذي مات مرتين علي طريق عطبرة...
...
انت يا صحبي خليك مع راجل المراة ومرة الراجل القالوا (حلوة حلاة برضو)
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
Quote: وما شفت المجلد يا ضحية ولكن حدثوني عن كل الاشياء والحركات بتاعة الحرامية الهوانات
ومحاولتهم سرقة بابورات الكهرباء وترحيلها الي الخرطوم تاركين (دينقا) تنام علي سرير الظلام والعطش..والالمي يا ضحية خلاص خنق القنطور والجبهية ديل مسخوها مساخة شديدة وفاتو الحد
فعشان كده بعد الا نفرز منهم بالسراويل.. |
الجميل كيكى نحنا بعد ده والله لا بنفرز جبهجى ولا انقاذى نحنا بعد ده بنشيل نصيبنبا من خيراتنا برانا ولا يعقل ان تكون البير فى المجلد والمصب فى الجيلى ..اولادنا مالاقين وظائف ومنطقتنا ما مستفيده من خدمات البترول؟؟؟؟؟؟؟؟؟؟؟؟ الى متى الظلم؟؟؟؟؟؟؟؟؟؟؟؟
| |
|
|
|
|
|
|
|
|
|
Re: فش غبينة وبس..!!! (Re: ضحيه ابراهيم)
|
Quote: ووجابت ليها بنغال وهنود
والمبكي ان العطالة متكلين في فرندات
السوق العربي بالاطنان
|
ياكيكى البنغال بقوا يوزعوا العشا
فى المناسبات !!!!!!!!!!!!!!!!!!
| |
|
|
|
|
|
|
|
|
|
Re: فش غبينة وبس..!!! (Re: عامر تيتاوى)
|
Quote: ياكيكى البنغال بقوا يوزعوا العشا
فى المناسبات !!!!!!!!!!!!!!!!!! |
الفردة تيتا
صاحبك كيكي اكان اقول الكلام دها في الخرتوم ( والله اجلد كان جاء الدوحة تاني)
بس الكيبورد نضالو لذيذ
كع يا كيكي وين الناس ديل
| |
|
|
|
|
|
|
|
|
|
Re: فش غبينة وبس..!!! (Re: عامر تيتاوى)
|
Quote: ياكيكى البنغال بقوا يوزعوا العشا
فى المناسبات !!!!!!!!!!!!!!!!!! |
والله شوف عيني يا تيتاوي
يدوك صحن العشا ومعاهو (هزرة راس كمان)
ياحليل ناس فتاح الجك انت
عارف الله يستر علي (سواقة )لرقشات من البنغال ديل
| |
|
|
|
|
|
|
|
|
|
Re: فش غبينة وبس..!!! (Re: ضحيه ابراهيم)
|
| Quote: الجميل كيكى نحنا بعد ده والله لا بنفرز جبهجى ولا انقاذى نحنا بعد ده بنشيل نصيبنبا من خيراتنا برانا ولا يعقل ان تكون البير فى المجلد والمصب فى الجيلى ..اولادنا مالاقين وظائف ومنطقتنا ما مستفيده من خدمات البترول؟؟؟؟؟؟؟؟؟؟؟؟ الى متى الظلم؟؟؟؟؟؟؟؟؟؟؟؟ |
مرحب يا ضحية...
لالا يا ضحية
كده يادوب مشينا للناس ديل في مويتهم
خلي البئر يكون في المجلد والمصب في الجيلي او في عطبرة..
لكن اد المجلد حقها وانبي فيها بوستة ومستشفي وشارع زلط وووصل ماسورة لكل بيت
وكهرباء...
ووفر عيادات بيطرية لاهلنا الرحل ودكاترة واجزخانة ونمي الوعي وابني مدارس
بدل ما القروش ياكلوها امهانين كروش..
فالبترول يا صحبي مفروض يكون حق تنمية السودان ده كلو لكن بعدل وشفافية وصدق
بدل ياكلو الحرامية ديل
| |
|
|
|
|
|
|
|
|
|
Re: فش غبينة وبس..!!! (Re: khaleel)
|
لوووووووووووووووووول ياكرومة
Quote: يدوك صحن العشا ومعاهو (هزرة راس كمان)
ياحليل ناس فتاح الجك انت
عارف الله يستر علي (سواقة )لرقشات من البنغال ديل |
الله يستر مع هزة الراس تكون الركشة مشت الخور
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
كرمة
طبعا انا مشيت اربعة يوم ولم افهم حاجة
هل ما زال نهر النيل يجري
هل تمت اصلاح شارع الموت
هل هناك سكن واعاشة لطلاب الجامعات
كيف ناس سوفييت وتمباك
وكيف اهلي مدني واتحاد مدني
وكيف العجين والطحين والقوات الهجين
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
Quote: وينم ياكيكى
فتاح االكج مالاقاك |
لاقاني يا عامر
ولاقيت عبدو طرمبة وعباس كلتش وحسن عطرونة
وقالوا لي زمان كنا نصحي نكابس الزرق
وحسي بقينا نصحي نكابس البنغال في الرزق..!!!
لقيتهم
مدبرسين وامورهم جايطة
وسفتهم متر ونص وبفكروا يشتتوا ليبيا ولا اي حتة من طرف كده
المهم يتخارجوا من الجمرة الخبيثة وموبتيل ديل
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
Quote: كرمة
طبعا انا مشيت اربعة يوم ولم افهم حاجة
هل ما زال نهر النيل يجري
هل تمت اصلاح شارع الموت
هل هناك سكن واعاشة لطلاب الجامعات
كيف ناس سوفييت وتمباك
وكيف اهلي مدني واتحاد مدني
وكيف العجين والطحين والقوات |
| Quote: هل ما زال نهر النيل يجري |
يجري يا خليل ويجري دوما من النيل الحياة
وولكن الشاهد انه ايضا اصبح يساهم في فضح هولا الناس اصحاب الدقون واللحي الضلالية فيضاناه
الذي يفضح عجزهم وضيق افقهم وعدم تمكنهم من اصلاح شوون البلا والعباد...
| Quote: هل تمت اصلاح شارع الموت |
كبو فيه اسفلت علي الطاير كده...ولحدي ما تصل مدي تدفع 4 الف رسوم طريق
وسادته هم موظفي شركة كده اسمها الهدف لامة كلب جزارة ..ويتعاملون مع الجميع بصلف وناس
المرور مقصاتهم جاهزة وكبع الجيوب مدور علي ضفتيه ولسع عرضه لايتجاوز الاربع امتار الا 20 سم
| Quote: هل هناك سكن واعاشة لطلاب الجامعات |
مافي سكن واعاشة ولكن تتذكر مامون حميدة بتاع السكن والاعاشة الصرفت لينا (تيكت ) داك
عندو جامعة بدفعوا ليها دولارت زي المطر والقصة واره معاهو للاخر..
وجامعات ذااتو لو صبرت شوية ممكن اقول ليك مافييييييي..
| Quote: كيف ناس سوفييت وتمباك |
الحكومة باعت المشروع ورحل سوفيت واخريين الي اطراف الكرتون في الحاج يوسف
وهو يبيع الموية (برد) في السوق العربي وتخصص في الزوغانات من الكشة...
وتمباك تدنت نفسه مرة اخري واصبح يتسول الاخريين حتي يجد له كاسا من العرقي ليلا..
| Quote: وكيف اهلي مدني واتحاد مدني |
الاهلي والاتحاد هم الاهلي والاتحاد مهما جار الزمن
ولكن في حضور جمال الوالي وصلاح ادريس الحديث عن الكورة بقي كلام كبارات وكنجيلات وكروش كبيرة..
| Quote: وكيف العجين والطحين والقوات |
دي يا خلي تجي نضرب سوي للزول العامل فيها ماسك البلد
الاسمو الحركي (عمر حليفة) او بالادق (عمر حليفة طلاق)
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
عبدالكريم حمدلله علي السلامه
تعرف كل ما الواحد يلاقي لي زوول جاي من السودان
يشفق اكثر ؟؟ الحاصل شنو
الجماعه ديل البنج فكه ولا شنو؟؟؟
كيكي انت البتروول ده يا كافي البلاء ودراج المحن
قروشو بتمشي وين؟؟
والجماعه الحراميه ديل حيشبعوا متيــن؟
دي قصه غريبه
والله يستر
| |
|
|
|
|
|
|
|
|
|
Re: فش غبينة وبس..!!! (Re: عبدالعظيم عثمان)
|
والله يا عبدالعظيم الحاصل شنو ذااتو انا ماعارف
والغريبة مافي زول ذااتو عارف الحاصل عشان ينورك.
لكن الشاهد ان المال كثيررررر ولكن عند ناس حبة كده دقونهم اصبحت وردية اللون
وباقي الناس مكابسين الرزق وهجير التعب والعيون مزقللة
وشندوش الطعمية اصبح في السوق العربي لا يجلس طويلا في بترينة المطاعم
البترول اذكر واثناء وجودي هنا قد تم زرزرة وزيره الشهير ببابور جاز
وطلع من القصة زي الشعرة من العجين وقال انا يا ناس ما اكلت القروش لكن ما بوريكم هي مشت وين.؟
..المهم يا عظيم الحال لابسر عدو ولا صديق والامر جلل والذات السودانية تاكلت من جووووووووه
والهم كمد الغلابة
| |
|
|
|
|
|
|
|
|
|
Re: فش غبينة وبس..!!! (Re: غباشي)
|
| Quote: (البلد كلها بقت مساحين و للا شنو؟ |
)
مرحب يا غباشي ومنور والله
والبلد مش بقت مساحين وبس
دي يا صحبي بقت كلها (جنزرجية)
عشان كده انا ذاتي احتمال ارجع فموت الجنزرجية عرس
| |
|
|
|
|
|
|
|
|
|
Re: فش غبينة وبس..!!! (Re: Ishraga Mustafa)
|
| Quote: ارجو ان تكون بلغت محبتى لآل كمبو الرى هم الوحيدين البفشوا الغبائن وما اكثرها.... |
الف تحية ومودة يا اشراقة
وحضرنا الي الدوحة وجدنا صدي مروركم بها الذى عبق طرقاتها بعبق الناس
المليئة بدعاش المحنة ومحبة الوطن والصدق النبيل....
وزرت اهل الكمبو لابلغهم سلامكم العالي ولكن عذرا ان قلت بانني لم اجد
سوي اطلال القطاطي وصدي ايامهم المدهشة
فالسلطان الغاشم يتمدد دوما في كل اشياء الفقراء ويرسل اجراس بومه الذي يعجبه الخراب
لكي يبيعها الي اهل المال الجشعين...
وكل التحية يا اشراقة ونتمني ان تكون الوالدة بالف خير
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
الغبينة تغذيها شواهد ومظاهر
فلنقل بائنة وظاهرة ظهور الشمس لكل عابر سبيل وزائر ولو لفترة قصيرة ولا يختلف معك الجميع
في سلبيتها وخطورتها ..ولكن اين هو الحل في ظل حكومة وسلطة كانها هجوم برشلونة الجديد
تجيد المرواغة الالتفاف واللف والدوران..
1-سياسية
سطوة التنظيم الاخطبوطي المسمي بالموتمر الوطني ومزج امكانيات الدولة مع امكانيات الحزب وطمبجة
القصة لدرجة لا تدري معها اين الدولة واين الحزب واصبح الحزب والدولة يرتدون (سروال واحد)
لا يستطيع اجعص فريز فرز هذا الامر الابن كلب..
2- دارفور ..ذلك الاقليم الخرافي الطيب اهله اصبحت الحكومة تمارس لعبة (الضالة) وهي لعبة شعبية
حبها اهل درافور وكردفان..فتمارس الانقاذ الرقص علي غابة من اجسا الجوعي والمشردين وتلاعب الحركات
الشطرنج وتعطي مناوي ليسكت قصرا منيفا علي شارع البلدية يحرسه حرس اكثر ما يميزهم عن الاخريين
هي تسريحة (بوب مارلي)...والبشير يتلاعب بوطن كامل ويربط مستقبله بقرار من قرارات قانون الاحوال الشخصية(لسان حال الجميع هناك)..ياخي ما تطلق ياخيي هو انت شاورتنا لمن عرست وداد ولا احنا دافعين ليك مهر..!!!
رئيس غريب وعجيب
ونعود حبة حبة الي سيرة (ابو غبينة)
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
| Quote: بلد هو(اكبر ام فكو في العالم) |
سلام على البلد الطلقيته ..
التي يحصبها الأطفال - قانتين - بالأماني ( طمعا و عشم ) ..
فتحصبهم بالحرابة و الدم و النوايا العواطل ..
سلام يا البلد الفرعون العاري ..
و حاكمنا قرقوش .
سلام للبلد الطيش من ورا و قدّام ..
سلام لغبينتنا فيها و عليها ..
و علينا السلام .
سلام يا زول يا صاحب ..
عايد للساقية ..
يا عايد مكسور الخاطر .
( فاسقني يا غلام صباح مساء ) .
كاسك يا وطن .
| |
|
|
|
|
|
|
|
|
|
Re: فش غبينة وبس..!!! (Re: Emad Abdulla)
|
Quote: سلام يا زول يا صاحب ..
عايد للساقية ..
يا عايد مكسور الخاطر |
مرحب يا عمدة يا صاحبي
مرحب وانت خير من يلتقط الاشارة ورنينها..
عائد فعلا يا عمدة مكسور الخاطر ومتخم بسيرة الوجيعة وصدي الجرح الذي انفتق
عائد يا عمدة واصدقائنا واهلنا وابناء جلدتنا
يحدثونك عن همومهم بقلب ملي بالجرح وعيون تنظر الي مستقبل بلا طعم ودون رائحة
الا رائحة شواء الوطن تحت زيف واحتيال البوت الانقاذي النتن....
عائد يا عماد والغلابة في اطراف المدن تكاد تسمع اصوات بطونهم الفارغة
مثل اصوات القعونج الشهيرة في بركة هي السودان قبع علي سلطته قوما هم الشر والنهم
والشبق اللامحدود تجاه تجاه المال وازلال الشعب....
عائد يا عمدة وفي داخلي فجيعة وطن بحثت عن تفاصيله في داخلي فلم اجد
الا النيل وبعض الجبال التي لا يهزها سلطان جائر ..
ولك ودي يا صديقي الجميل..
| |
|
|
|
|
|
|
|
|
|
Re: فش غبينة وبس..!!! (Re: Tragie Mustafa)
|
Quote: عبد الكريم كيفك؟؟ ومشتاقين.
بركه الطلعت سالم بروحك
لكن الوطن فعلا انتهوا منه الجماعه.
سالنا منك وما رديت علينا؟؟؟ |
مرحب يا تراجي وشكرا علي السوال وعفوا ان تاخر ردي لظروف خارجة عن ارداتي..
وطلعت فعلا سليم عضم ولحم ولكن الروح لازالت مششتة وقاعدة مع اهلنا الذين اعيتهم الحيلة
في حضرة هولا العفاريت التي لاترحم لا تترك رحمة الله تنزل
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
الاستاذ عبد الكريم
تحياتى
والصحافه الاسيره والشعب المقتول والمعارضه المشتراه والاعتراضيون المنافقون
هذا باختصار حال السودان والبقيه التى حاولت ان تجد لها موطىء قدم مالت اما يسارا او يمينا حسب مقتضى المقابل اى كان نوعه وهؤلاء مثالا لهم الفكر الجمهورى والذى يعتبر فكرا سودانيا بحتا لم يلتصق بانظمة خارجيه اخرى رغما عن الافكار المسودنه منذ عهود النضال السابقه وهذا الفكر استقطب عبر اكثر الانطمه العسكريه فسادا عندما كان هؤلاء العسكر يرتمون فى احضان الاسلاميين بقيادة زعيمهم الروحى المنبوذ (الترابى) اى انهم استقطبوا يمينا وسبحان الله عراب هذا الفكر اغتيل على يدى عراب الاسلاميين والذى وضع العسكر فى جيبه وهكذا دوما تفشل اتفاقات السلم السودانيه لان العسكر يخوضونها بسياسه الحرب خدعه ولم يتعلموا سلاسة السياسيه بالرغم من ارتيادهم القصر كثيرا وتلحفهم بعباءات عرابى السياسيه الذين يقودون اللعبه من خلف الكواليس وحتى عندما تغلب الجيش على اخر ديمقراطيه بمذكرته الشهيره والتى كان من خلفها ما هو بين قوسين بعد ان افشل اتفاق الميرغنى قرتق للسلام بعد زيارته لصهره ليلة التصويت على الاتفاق فى البرلمان اتى واسقطه من وراء الستار الذى حاولوا ان يطبفوه فى مشروعهم الحضارى الفاشل فحولوا البلد لمستوقع للايدز. حتى حين انتفخ عليه تلاميذه استطاع ببراعته وحنكته فى اسقاط الانطمه وادارة اللعبه جيدا من وراء الجدران ولد لهم سرطانا دائما من تلاميذه المتسلقين (العدل والمساواه) وحتى حينما حاول (الصادق المهدى) ان يعود الى سطوعه عبرهم اشار لهم بابعاده وسبق له ان تحدى النظام بفض هذه الوجوه الاعتراضيه المستحدثه ولكن مقابل شروط قاسيه وضعها لهم تحت الترابيزه الا انهم ركبوا رؤسهم حين علموا انهم لن يستطيعوا خداع الشيخ الما كر مرتين بعد ان سدد له احب تلامذته الى ظهره طعنة القدر التى لم يكن يتوقعها وهى تهدم له حلم الزعامه الروحيه للاسلاميين فى العالم متيمنا بشيخهم (البنا).
اما التنظيمات الاخرى كالناصريين والبعثيين ايناء الاشتراكيه الشرعيين فى المنطقه فهؤلاء تمت اذابتهم فى ماعون الشيوعيين الكبير المنهارو الذى تحول الى(عدلانيون ووراقيون وخلافه من التعصب السياسى الاعمى والولاء للاشخاص اكثر من التنظيمات.
ولنا عوده..........................
| |
|
|
|
|
|
|
|
|
|
Re: فش غبينة وبس..!!! (Re: عبد الغفار عبد الله المهدى)
|
وبعد هذه التحولات اتضح ان السياسه عندنا مثل السوق تماما لاتخضع لاى منطق مما جعلها بهذه الصوره تنقل عدواها للانشطة الاخرى سواء كانت اقتصاديه او اجتماعيه.
قد يظن البعض ان هذا الكلام فيه نوع من المبالغه لكن لنتطرق لتلك الشرائح بالترتيب.
الطائفيه:ـ
هى مصطلح يشمل الاتحاديون والامه قبل ان ينقسموا الى عدة تيارات بدا من الاشقاء سابقا مرورا بالخلاف الشهير بين الامام الحالى للطائفيه المهديه وعمه الامام الراحل. بمعنى ان هذين التنظمين الكبيريين تواجدا على اساس دينى قبل ان يكون وطنى لهذا تجد ان مشاكل السودان الحقيقيه منها والمفتعله بنيت على جزء كبير من هذا الخطا فتوزع الحزبان بين الشرق والغرب وتقاسما الوسط النيل الابيض للامه والازرق للاتحادى. بعدها استطاع الحزبان جذب عدد كبير من المثقفين والمتعلمين بشتى المغريات سواء كانت تتمثل فى مناصب او امتيازات اخرى كاستقلال التجار وتحيديهم ومن ثم كسب قواعدهم من العاملين (اقطاع) وحتى فى حالة تواجد العسكر فى السلطه يبقى هذان الاسمان هما محور اى اتفاق الا ان تم تهميشهما مؤخرا فى نيفاشا بعد ان استطاعت هذه الحكومة بتشتيتهم بالمغريات نفس السلاح الذى استخدموه من قبل.لذلك دوةما تجدهم هم الكسبانيين بدعوى ثورات اسلافهم وتحرير البلاد حتى انهم غطوا على الفئات الاخرى التى شاركتهم هذا النضال.
ثم ناتى للحركات الاخرى والتى نشا معظمها من هذين التنظميين الكبريين الا انهم للاسف لم يكن لهم يوما طموح فى ادارة البلاد بالطرق الديمقراطيه والتى يتباكون عليها كلما تتفلت الامور من ايديهم وعندما تواتيهم الفرصه يتفرغون لنشر غسيلهم ويتناسون الشعارات التى كانوا ينادون من اجلها حتى انهم اصبحوا كمعلميهم فى القفز على السلطه عبر مظلة العسكريين المخترقه. ودوما ما تنتهى بهم الامور الى الهجره والتنقل من تنظيم الى اخر وهذا ناتج عن عدم معرفتهم بماهية الولاء.
مما يعنى ان كل التنظيمات السياسيه السودانيه حتى المعارضه منها لايهمها الوطن او الشعب بقدر ما تهمها السلطة والدليل على ذلك استعانتهم بالعسكر لهدم الديمقراطيات التى ينادون بها دوما.
ونواصل.................
| |
|
|
|
|
|
|
|
|
|
Re: فش غبينة وبس..!!! (Re: عبد الغفار عبد الله المهدى)
|
مرحب الاخ عبدالغفار
ونشكر مرورك وحديثك
وانا يا غفار اومن تماما بالاوليات وتحديد اهداف المعارك
فالهم الكبير الان هي تلكم السلطة السيئة الصيت ذات الاداء الكارثي والبشاعة التي لاتوصف
فهي من يجب ان ترحل وتذهب الي الجحيم حتي يتعافي الوطن..
اما كل القوي المومنة بالخيار الديمقراطي فالجميع مطالب بتوسيع دائرة التحالف والالتفاف حول قضايا الجماهير الاساسية وانقاذه دون الالتفاف الي اشياء ذاتية ومرارة لا تسمن ويجب علي الجميع التعامل مع هذا الامر بكل جدية ومسئولية عالية
ودمت
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
Quote: يا كيكي
أولاً حمداً لله على السلامة ،، ثانياً خوفتنا وربيت فينا البعبع ،، أنا ماشي يوم 20/7 يعني من كلام دا الواحد ما يمشي ولا شنو؟؟؟ |
مرحب ابو شيبة والف تحية
وامشي يا شيبة ومافي عوجة بس (دير بالك) علي قولة اهلنا القطريين
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
هل اتيتنا من سبا بنبا (عجيب)
لدى لك من (دنا) اعجب العجاب
ابقى بارز...........
لا حل الا فى ما قلت وما قلت لايكتب ولا يسر بة الا للخاصة جدا جدا
نعال ساحكية لك للمرة الاخيرة..........
حمد للة على السلامة بعد شريتنا انا وكمال فى المطار
| |
|
|
|
|
|
|
|
|
|
Re: فش غبينة وبس..!!! (Re: عمر سعد)
|
مرحب عمر سعد
ومرحب بالجالية كلها وشنو اخباركم واخبار كل الربع...
ضربت ليك عشان اوريك بتغيير المواعيد لكن برضو طقعت لي (اها اسوي ليك شنو) يا عمر يا سعد
جيت يوم اربعة..
بالله ادينا وفي اقرب فرصة الاخبار والشمارات ..
وانا سمعت انو دينق شداها معاكم قرض وطلعنا بتاعين سجم ورماد..
تحية وسلام يا ود سعد
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
بسم الله الرحمن الرحيم ، اللهم سكنهم مساكنهم ، امس فى نفس لحظة وصول طائراتكم كنت مع منعم فى الخط ، علمت منه انكم فى الطريق ، كنا مرتاحين ، بس احلى حاجة ناس الجاليه جونا فى دخان من دونك، المهم مش انت ، الاسرة ان شاء الله تمام . يا اخى الحكومة التى تتحدث عنها الان مثل الجالية بتاعتكم (لحم راس) الان حكومة مشكلة من عدة اجناس لو حكومة ذى زمان ما كانو خلوك رجعت بعد عكك الكنت بتسوى فيه هنا فى الدوحة . تمشى ما تقول مع السلامة وترجع زى الحرا... اها يا مسعيدجاك بلاء
| |
|
|
|
|
|
|
|
|
|
Re: فش غبينة وبس..!!! (Re: هجو الأقرع)
|
| Quote: اخى الحكومة التى تتحدث عنها الان مثل الجالية بتاعتكم (لحم راس) الان حكومة مشكلة من عدة اجناس لو حكومة ذى زمان ما كانو خلوك رجعت بعد عكك الكنت بتسوى فيه هنا فى الدوحة . تمشى ما تقول مع السلامة وترجع زى الحرا... اها يا مسعيدجاك بلاء |
سلام يا هجو وكيف الحال
وياهجو القصة ليس لحم راس كما تقول انت يا زول...
ورحلة التردي وقطار الهاوية بداء منذ 89 يوم مجي ناسكم اصحاب الدقون الوردية فالامر متراكم
والقد قديم يا هجو...
نعم ياهجو كل الاحزاب والجهات التي ركبت معكم القطار هي ايضا ملامة ومسوولة امام الله والشعب
فما يجري يا هجو في البلد من تخريب وفساد ام لا يمكن السكوت عليه .....
صحي النوم يا هجو واعدل يا رجل...
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
اولا لم ياتينى تلفون ثانى....
تانيا الاخبار تخلع دايرة جلسة طويلة بكرة فى زيارتنا لى الخور بحكى ليك ما تنسى تجى
بدرى...الغداء هناك....اما دينق قاعد فى امريكا ضارب الجو السمح والمناخ الديمقراطى
وزى ما قلت ليهو لا عارف البنا ولا عارف البناول الطوب..لكن اخوك ما قصر
انا ود امدرمان ...ود الموردة ما بغلبنى الرد.........حمد للة على السلامة
انت عارف لحم الراس دة لو ما لقى هيكل يستند عليهو ما ببقى لحم راس؟
اغدا القاك .........
| |
|
|
|
|
|
|
|
|
|
Re: فش غبينة وبس..!!! (Re: عمر سعد)
|
يا كيكي
سلام والله ديل ما عندهم ريحة الدم
إنت علي الاقل عايش خارج السودان
رأيك شنو في البشاهدوا الحال ده كل يوم ربنا معاهم
ودابكدوك
| |
|
|
|
|
|
|
|
|
|
Re: فش غبينة وبس..!!! (Re: عمر سعد)
|
مرحب بعمر سعد
وكويس المشيتوا (قم) وهي دخان في غيابي
وشايف الظلامي هجو الاقرع ما قصر معاكم رغم ظلاميته وتشجيعه لاصحاب الدقون الوردية
المهم انا لازلت في بيات (كيوتيلي) وهاتفي به مشكلة واتمني لكم زيارة ناجحة للخور..
وحقوا تسوقوا معاكم هجو ده بلملم ليكم ظلامييين الخور
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
Quote: يا كيكي
سلام والله ديل ما عندهم ريحة الدم
إنت علي الاقل عايش خارج السودان
رأيك شنو في البشاهدوا الحال ده كل يوم ربنا معاهم
ودابكدوك |
مرحب يا نادر
ووييييينك يازول ياخي؟؟؟
وفعلا يا ابوكدوك الناس الجوه ليهم الله وعيشة السوق
يومي مقابليين خلق (كضابة) ودمها عجيب وغريب وشغالين منشار لفح وتماسيح من نوع
عجيب خلاص لا بشبع ولا بقول ما داير..
وربنا ينقذ البلدمن الانقاذ التي طلعت زيت وميتين الناس
| |
|
|
|
|
|
|
|
|
|
Re: فش غبينة وبس..!!! (Re: Nader Abu Kadouk)
|
سلام يا كدوك
ومشتاقين فعلا والسنين راحت وعدت وراحت كم سنة زي ما قال ابو الزيود
وكدي استهدي بالله وادينا طلة علي الطائر كده في قطر نشوف خلقتك دي ساكت ويرجع
الزمن الجميل وحتلاقي كل الجامعة متحاومة بجاي في شوارع الدوحة
من قانون لحدي اداب مرورا بناس اقتصاد الحلويين وناس صحبك خليل المجرم
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
| Quote: جبايات علي قارعة الطريق السريع.. |
الحبيب كيكي
حمدلله على السلامة
الجبايات دي عام 1215 ادت إلى قيام ثورة عارمة أحتلت على اثرها مدينة لندن وفرض على الملك جون ان يبدي تنازلات قاسية من سلطانه وهيبته.الحكومة الحالية في السودان توسعت في الجبايات حتى ان المفكر الصادق المهدي صك لها وصف " الحكومة الناهبة", فماذا تتوقع من حكومة بهذه الصفة؟,حكومة لا تقرأ التاريخ , وإن قرأته فهي مثل قوم صالح لا تنتصح ولا تحب الناصحون.
كثير معزتي وصادق مودتي
| |
|
|
|
|
|
|
|
|
|
Re: فش غبينة وبس..!!! (Re: sudania2000)
|
Quote: sudania2000
r u in gahanm
welcome home
try to call ya gabar
keki |
هلا و سلام بسودانية 2000
وشنو يازولة تلفونك في السودان ما بتسقبل مكالمات محلية ولاشنو
المهم البت بتاعة موبتيل طوالي بتقول لي هذه الدكتورة ما فيشة
وما فاضية ليكم...
السودان لا يمكن ان يكون جهنم في كل الاحوال ومهما تفنن وتجنن الاوباش
كوهات الامل والفرح والناس الرائعة لازالت متواجدة ويتفرجون بكل برود علي
دافوري الانقاذ وقطارهم المكعكع..
| |
|
|
|
|
|
|
|
|
|
Re: فش غبينة وبس..!!! (Re: الفاتح ميرغني)
|
مرحب اخي الفاتح وكل التحيات
وفعلا صدق السيد الصادق فهي الحكومة الناهبة
واضيف برضو هي الحكومة الراقصة علي حقل من الجثث والاشلاء
وتخييل الواحد كل ما يلاقي ليهو (كشك) بتاع جباية او سلخ انقاذي طوالي بتذكر
سيرة تاريخ العثمانين وكلام التاريخ والسلطان الذي فرض ضرائب واتاوات باهظة...
الناس ديل يا الفاتح نسوا التاريخ
والجغرافيا وكل الماضي فهمهم هو المال والجاه ومص دم الغلابة
حكومة يا كافي البلا اخير منها انثي الانوفليس
| |
|
|
|
|
|
|
|
|
|
Re: فش غبينة وبس..!!! (Re: الشفيع عوض شوشتا)
|
[]
مرحب يصديقي الراقي الاصيل شوشتا والف سلام وتحية
وعودة مرة اخري اليكم يا الشفيع
والوطن يفقد باسم الاله بعض ابناءه
وباسم التمكين وسطوة الدقن ينزف
وباسم الجهاد مات وغادر الكثيرين الحياة
والان جاء دورة المغادرة وتراكم الجثث باسم التنمية
تنمية تعصف وتقتل وتدمر...
وكجبار صار وصمة عار كبري في جبين الوطن وفضح عن تخبط وزيف وام فكوية الدولة
التي فشلت في تقديم نموذج لتنمية تساعد الانسان ليحيا لا ان يموت..
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
عبدالكريم (الله يفش غبينتك) وينك ياراجل ؟ ياخى سيدناموسى عليه السلام
قابل ربو فى اربعين يوم انت تجى من السودان عايزنا نقابلك بعد اربعه
شهور . مع انو انا وعمرسعد كنا منتظرنك فى المطار يوم الثلاثاء ....
وتلفونك مقفول حتى الان . الف حمدالله على السلامه. وبعدين فشنا احنا اول
لانوغبينتك دى 18 سنه ماأتفشت عايزه تفشها الليله . تحياتى وفى انتظار
مكالمه منك انشاء الله من تلفون البقاله...
| |
|
|
|
|
|
|
|
|
|
Re: فش غبينة وبس..!!! (Re: kamal ali)
|
كمال علي؟؟
انت عارف يا كمال لو ما الصورة كنت بكون محتار 40 سنة
يازول انا ما سافرت وخليتك (كمال سالم) اجي القاك بقيت كمال علي!!!
اولا مرحب بيك في الاسفير
وثانيا فعلا التلفون حصلت فيهو بلاوي يا كمال قضت علي الاخضر واليابس
والشريحة راحت في غضب الله...
باذن الله ح اضرب ليك في المكتب بكرة عشان اسلم روحي للجهات المختصة
واواصل معاكم
معليش علي تغيير مواعيد السفر وضربت لعمر سعد عشان اكلمو لكن طقع لي
شو فيني اسوي
تحياتي لعادل علي او عادل سالم سابقا
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
وهاهي سماء السودان الان انهمرت وارسلت مطرا كما المطر في كميات ومناسيب لم تشهدها البلد قريبا
200 مم وفما فوق.. في مدن الوسط السوداني وبعض المدن والفيافي في غرب وشرق السودان
ربك
كوستي
سنار وحوافها
الابيض
كسلا
والكثير من بقاع البلد..فهذا امر السماء والمناخ وتغييراته فلاغبار
ولكن قمة الغبينة والاسي ان تغرق مدن وضياع سودانية لعجز في تجهيزات البنية التحتية
من مجاري وتخبط في التخطيط والعشوائية التي لا تجد من هو يراعيها في ظل تفرغ السادة اولياء الامر
الذين اتوا ذات ليل دامس وهم يكذبون بانهم اتوا بامر الاله وانقاذ العباد من الظلم والجور والفساد والفسق...
الانقاذ ومنذ مجيئها الاول كان جل خطابها الاستعراضي يذهب الي الاستقطاب العدواني ونشر الة الحرب
والجهاد وارسال الملاييين للملف الامني وتاميين انفسهم دون النظر الي قضايا البلد الاساسية التي
تجعلهم يستغيثون من اول (نقطة مطرة) ويضعون المبررات في السماء بانها هي من ارسل اليهم هذه البلوة
وهذه المحنة...ونعود
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
وهاهي سماء السودان الان انهمرت وارسلت مطرا كما المطر في كميات ومناسيب لم تشهدها البلد قريبا
200 مم وفما فوق.. في مدن الوسط السوداني وبعض المدن والفيافي في غرب وشرق السودان
ربك
كوستي
سنار وحوافها
الابيض
كسلا
والكثير من بقاع البلد..فهذا امر السماء والمناخ وتغييراته فلاغبار
ولكن قمة الغبينة والاسي ان تغرق مدن وضياع سودانية لعجز في تجهيزات البنية التحتية
من مجاري وتخبط في التخطيط والعشوائية التي لا تجد من هو يراعيها في ظل تفرغ السادة اولياء الامر
الذين اتوا ذات ليل دامس وهم يكذبون بانهم اتوا بامر الاله وانقاذ العباد من الظلم والجور والفساد والفسق...
الانقاذ ومنذ مجيئها الاول كان جل خطابها الاستعراضي يذهب الي الاستقطاب العدواني ونشر الة الحرب
والجهاد وارسال الملاييين للملف الامني وتاميين انفسهم دون النظر الي قضايا البلد الاساسية التي
تجعلهم يستغيثون من اول (نقطة مطرة) ويضعون المبررات في السماء بانها هي من ارسل اليهم هذه البلوة
وهذه المحنة...ونعود
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
كيكى سلامات
Quote: شكيت بان الطائرة ماشة (بيونغ يانغ) ولا اي حتة في الصين من طرف...
ووجابت ليها بنغال وهنود
والمبكي ان العطالة متكلين في فرندات السوق العربي بالاطنان
|
لما تقول كلام زى دة يكون مافى اى فرق بينك وبين الخليجيون فى كرههم للاجانب وهم فى
اشد الحوجة لوجودهم بسبب انعدام الخبرات فى كثير من التخصصات وبعدين يامثقفين الصين
كانت موجودة فى السودان قبل البترول ومنجزاتهم اقترنت باسمها الصداقة كقاعة الصداقة
ومصنع الصداقة للغزل والنسيج الذى اصبح الان كالتكل بفضل ادارة مواطنيك الذين كما قلت
لايجيدون سوى التسكع فى فرندات السوق العربى وتوسير العناقريب
وبعدين يااخى الانقاذ دى جات من وين يعنى جات واقعة من السماء ولا هى طلعت من وسط هذا
الشعب واقتفت اثار من سبقوهم واحسب لى من مايو حسب مابنتذكر مرورا بالديمقراطية وتهافت
قيادات الحكومة على التعويضات والمذايدات السياسية والمناصب للمقربين والموالين يعنى
سيناريو الانقاذ ليس هى من ابتدعه ولكن جاء بصورة افظع اولا بسبب التمكين وثانيا بسبب
استقطابهم للنفوس الدنيئة التى كان يعول عليها الشارع
اول مره ياكيكى اقرا ليك كلام بدون ماتدخل فيه (موغل) و(الدهشة) خليتهم وراك فى السودان
ولا شنو؟
| |
|
|
|
|
|
|
|
|
|
Re: فش غبينة وبس..!!! (Re: احمد التجانى احمد)
|
هلا احمد التجاني..
ولو سمحت انا اسمي الاستاذ كيكي وده بالنسبة ليك انت بس
اولا يا احمد تجاني لاغضاضة ان تاتي عمالة من الصين او اليابان او جزر القمر ذاااتو
ولكن قبل حضور هؤلا العمالة الذين تحسبهم انت ويشاع الينا بانهم مهرة..
ماهو دور الحكومة في تاهيل واستقطاب وتدريب الذين اتفقنا انا وانت بانهم (يجلسون في الفرندات
ويتعاطون التمباك) الناس دي يا احمد تجاني ما قاعدة لانها داير القعاد..قاعدة لانو مافي ليها شغل
ولا طريقة ولا دبارة..
وبعدين مين القال ليك كل الناس الجاية من الصين والبنغال والهند عمال مهرة...وانت زول قاعد في الخليج واكيد بتكون عارف درجة المهارة قدر شنو....
يا احمد تجاني دي مسئولية السلطة والدولة ان توفر للناس العمل ما دام في مشاريع للدرجة البجيوليها
ناس بره ولا شنو يا وريف ؟؟؟؟
ثانيا
اتفق معاك بان الانقاذ نبت تراكمي ودولة بداخلها الكثير من الاشياء المورثة في عقلية ادارة الدولة السودانية منذ الاستقلال ولكن كل ذلك لا يعفيها ويجعلها حمل وديع غير جدير بالنقد او دعوتها الي المغادرة فهي سلطة شئنا او ابينا وهي من تدير الامور الان في السودان..
اذن يا احمد تجاني تعال ننقد الدولة السودانية وكل نماذجها منذ الاستقلال لحدي عمر البشير
ستجد ان ما حاك في السودان من خراب وقتل وبشاعة وتمزيق اخذت الانقاذ اعلي الدرجات واكثرها
فهي من فاقمت حرب الجنوب ومات الالاف
دارفور وازمتها التي اتت بكل العالم للسودان
التمزق في النسيج السوداني
الشرق وازماته
يا احمد تجاني الانقاذ سلطة لا وجود لمزعة لحم في وجهها الكالح حتي نبتسم لها او نغازلها
كحكومة حلييونة...
..
موغل ودهشة ..خلاص انا فارقتهم فراق الطريفي (لجملوا) خلاص
القصة بعد ده دايرة لغة بابعاد موغلة في الضرب الاسفيري لسلطة الانقاذ ذات النمط المدهش
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
Quote: ولكن قبل حضور هؤلا العمالة الذين تحسبهم انت ويشاع الينا بانهم مهرة..
ماهو دور الحكومة في تاهيل واستقطاب وتدريب الذين اتفقنا انا وانت بانهم (يجلسون في الفرندات
ويتعاطون التمباك) الناس دي يا احمد تجاني ما قاعدة لانها داير القعاد..قاعدة لانو مافي ليها شغل
ولا طريقة ولا دبارة..
|
كيف مافى شغل؟؟؟
مايشركوا للسمك الكيلو حقه وصل اربعين الف
ولا يضربوا طوب ولا الطين زاتو بقى مافى
| |
|
|
|
|
|
|
|
|
|
Re: فش غبينة وبس..!!! (Re: احمد التجانى احمد)
|
Quote: كيف مافى شغل؟؟؟
مايشركوا للسمك الكيلو حقه وصل اربعين الف
ولا يضربوا طوب ولا الطين زاتو بقى مافى |
احمد
سمك شنو يا احمد تجاني ياخي هو البلد فيها (صارقيل) ذااتو...
يعني كلامك الناس تمشي تشرك للسمك وتدق طوب والطيارات تشيل وتجيب العمالة الاجنبية
شو هاي الحكي يا باشمهندس..
احمد تجاني بالجد انا ما ضد فكرة العمالة الاجنبية لكن
يا احمد الاكل لو ما كفا اهل البيت ما بدوا للصينين ..
يفترض في اتفاقيات البترول البتعقد دي يكون في بند بتاع تدريب عمالة محلية
وتتفتتح معاهد تدريب في مناطق انتاج البترول وتعال تاني شوف ليك زول قاعد في برندات السوق العربي
وبسف تمباك.
| |
|
|
|
|
|
|
|
|
|
Re: فش غبينة وبس..!!! (Re: عامر تيتاوى)
|
دي ما بتخلي يا تيتاوي
بس يسفوا هناك في هجليج وعداريل..
...
انت عارف الصينين ذااتهم بقوا يكابسوهم في التمباك
ونسوني عن واحد صيني سموه الناس تفتيحة
(تخيل بصقع وبشرب مرايس وبتاع كلو)
| |
|
|
|
|
|
|
|
|
|
Re: فش غبينة وبس..!!! (Re: عبدالكريم الامين احمد)
|
يابشمهنس
نحنا في كندا هنا عندنا نص السنة الشجر ام فكو.. ( مغطي بالجليد وعديم الاوراق )
ونصها الثاني (ربيع وصيف ) النسوان ام فكو..
اسه قلت لي السودان اصبح
| Quote: في بلد هو(اكبر ام فكو في العالم) |
الله اكبر .. الله اكبر
هي لله..هي لله
بقتنا نمرة واحد ام فكو في العالم اخيرا تسيدنا العالم في الام فكويه
| |
|
|
|
|
|
|
|
|
|
Re: فش غبينة وبس..!!! (Re: Mekki M Alhassan)
|
| Quote: بقتنا نمرة واحد ام فكو في العالم اخيرا تسيدنا العالم في الام فكويه |
فعلا يامكي
ودي فلاحتهم وفصاحتهم(وفي سبيل الله قمنا)
ووامريكا وروسيا قد دنا عذابها وعلي ان لاقيتها ضرابها
واخر النهاية النتجية اكبر ام فكو في العالم
| |
|
|
|
|
|
|
| |
عبدالكريم الامين احمد
أيمن الطيب
Faisal Al Zubeir
بدر الدين الأمير
أبو ساندرا
محمد على طه الملك
عبد المنعم سليمان
عامر تيتاوى
طارق جبريل
ضحيه ابراهيم
hatim
khaleel
عبدالعظيم عثمان
غباشي
Ishraga Mustafa
Emad Abdulla
Tragie Mustafa
عبدالرحمن عبدالله أبوشيبة
عمر سعد
هجو الأقرع
Nader Abu Kadouk
الفاتح ميرغني
عاصم ابوبكر حامد
kamal ali
احمد التجانى احمد
Mekki M Alhassan
فيس بوك
تويتر
انستقرام
يوتيوب
بنتيريست